樂天大喜屋 (已結業)

由入座至離場，入左幾次單，都嚟唔到芝麻雞翼、榴槤炸彈等等食物。追過職員，也是沒有到。直至last order, 再向職員追單，才有食物到。與以前相比，退步了很多。本人不會再光顧

尋晚相約幾個朋友一齊去食樂天大喜屋，已經有個fd醒目訂左六點鐘，點知我地早廿幾分鐘到已經見到長長人龍，照咁睇就知食物質素有保證啦😌好啦 首先我地必叫就緊係刺身啦大大隻刺身船 帶子厚肉鮮甜三文魚係厚切 冇筋架 正👍🏻大堆頭壽司 炙燒三文魚壽司 燒得啱啱好 唔會太熟同冇燶味呢杯柑桔冰飲品 略嫌唔夠甜 對我黎講太淡味 最好落多d糖漿俾我😂呢隻雞翼 新鮮炸 熱辣辣 外皮又有芝麻香 咬落好鬆脆 我地食完再叫 真係必食推介😎蟹粥都夠哂綿 食肉多得濟 要食清淡d😝創意壽司 夠特別 唔係度度食到 不過對我黎講太細舊 唔夠喉 最好整大舊d🤣最後當然要食甜品啦 有哈根大師😍 重係我最鐘意的士多啤梨味🎉呢餐大家都食得好飽 大滿足 個個都捧住個肚走😂

提前訂台都係要同啲無訂台人士一起排隊，請問咁點解要提前訂台？入到去我地四個大人一個小童一個BB佢俾張四人台我地，請問小童係咪唔收錢㗎？食物質素唔洗有咩期待⋯講真一分錢 一分貨⋯服務態度真係⋯不得了！限時放題，漏單咁嚴重，漏到我都冇意思去催單，同一時段入黎隔離左右魚生拼盤都食緊第二轉，我地終於第四次催單成功，黎咗一兜拼盤，但是我點嘅帶子，馬刀貝，赤貝刺身全部都消失咗囉⋯有個侍應三十幾四十歲新移民女性（講嘢唔係咁正），當我第六次問：小姐其實你幾時先會記得幫我攞wasabi 呢？佢都好直接咁答復我：冇wasabi！！！日式放題無wasabi⋯👍👍👍奉勸各位谷友人，如果十分肚餓都係揀茶記啦！快靚正！唯一值得安慰係有一個自助區，可以自己攞d嘢食，唔驚餓死

今日去玩左成日，同班朋友講去呢度試下，我仲大大聲講食左好多次都好味嘅！今日去到， 8:40落單叫左一盤刺身&熟食...好啦、好快刺身黎到，食下講下都差唔多過左40分鐘、突然唸起點解熟食完全無送黎？咪追問下...個侍應問我叫左乜？我咪大概答左....過左15分鐘、都係無人拎野黎、再問另一位侍應、佢話幫我check , 之後番黎同我講；話啲單唔見晒，要再落過（仲要係極度無禮貌!!!!!!!!!!!!!!) 總共我等了一小時!!!!!我班朋友都已經著著地...但我算！再落.....遞野食黎嘅侍應好似當你乞丐咁掟啲野上台、食物款色又少左勁多！手卷又要出去排隊拎....最尷尬係同班朋友開初講點好食.....最後...呢間我幫襯左咁耐，今次之後永遠無下次

大喜屋一系列既放題選擇一向唔差，樂天、極尚、殿依啲都試過曬。味道環境同服務當然首選係殿啦但朋友鐘情樂天，貪佢平得嚟又係正旺角，方便一大班人依家越嚟越多放題+爐端燒/打邊爐依啲，好少淨係做放題一樣，今晚就再嚟樂天食啦book左枱，嚟到唔使等就可以入去~當然先嚟一盤刺身熟食、頭盤都有唔少選擇壽司細細舊，唔會話太多飯，食多件幾就飽🤤嗌第二輪刺身，無話第二輪就偷工減料一樣比咁多同擺盤都唔會馬虎228一位，正常放題既質素，中規中矩，唔會中伏，但都唔好咁大期望當然要再食放題既話，都係會選擇殿

我同我BB今日去咗食放題！難得有一齊放假，梗係要食好啲啦！好掛住三文魚嘅美味，同壽司😂😂😂最後我BB選擇左食樂天大喜屋，因為話佢未試過喎，我哋梗係有book到位啦，因為呢間野都幾full架!一去到個BB就畫佢最喜愛嘅壽司，芥末八爪魚一定走唔甩啦，份量都正常，味道都唔錯！鵝肝牛肉卷同蜜糖芥茉脆蝦卷都幾特別！跟住佢仲出咗自在區度拎左去最喜愛食嘅酸辣鳳爪，整得幾入味，無骨又大隻我哋就試咗個鰻魚玉子燒，味道都唔錯架，我都係第一次係放題都食玉子燒，仲要有幾種口味選擇之後仲叫左燒牛舌同燒雞脾菇，味道唔錯，好香又入味之後我地仲出左去排隊拎軟殼蟹手卷，份量都幾多，軟殼蟹又脆又爽口，識食手卷一定要食軟殼蟹芝麻雞翼同榴槤炸彈係我bb嘅最愛，好濃烈嘅榴槤味呀！炸得又脆又入味，認真不錯海底椰雪梨燉雞湯，又足料又清甜，有時飲下湯都唔錯架，可以潤下肺近排暑假佢哋仲出咗個甜品盛，仲有幾款嘅雪糕甜品選擇添，我哋就試咗個「樂」，份量十足，呢杯野就咁出去食都要幾廿蚊啦，真係好抵除咗呢個甜品盛都仲有好多甜品飲品選擇，款式種類多，搞到我有選擇困難症添總括而言，餐廳食物質素高，選擇多，仲要有咁多甜品選擇，都幾抵食！

今日同我阿姨去慶祝生日食生日飯，佢最後揀咗話想食放題，我同佢最後決定去旺角度食，因為夠方便，最後選擇左食樂天大喜屋啦！一入到餐廳，員工都好有禮貌咁歡迎我地，仲要我地叫咁多嘢食都冇溜單，值得一讚！野食都幾多選擇，仲要有埋自助區，自助區入邊都有好多熟食，有我最愛嘅沙律吧，沙律菜都幾新鮮架，配料又多！熟食有我最喜愛食嘅冬菇西蘭花，都炆得幾入味，仲有我最愛嘅京都骨， 酸酸甜甜味道都唔錯！我哋仲叫咗一大盤刺身tim，甜蝦又新鮮又爽口，三文魚超級厚，仲要好肥出曬油，北寄貝都幾鮮甜架！估唔到仲有我平時係泰國最鍾意食嘅生蝦刺身，正和風汁炒牛柳粒都好正架，牛柳粒細細粒易入口，肉質都幾軟熟，味道都唔錯我阿姨叫咗一個海皇花膠炒飯😂好少放題會見到有炒飯食，味道確實唔錯，幾足料甜品仲要有軟雪糕任食，配料任加！仲要雪條同雪糕都係任拎嘅！連甜品都有添啊！多到真係好難選擇😂😂😂食唔得曬總括嚟講，間放題選擇種類多，服務質素高，都係一間幾唔錯嘅選擇！

今日又到我哋放假嘅日子啦，真係好難先可以夾到一日放假，所以我哋要出街大吃一番，最後我同我男朋友決定book樂天大喜屋，聽說好評如潮！餐廳環境都唔錯，座位都幾舒服，餐廳環境都幾大幾多位置，但係好快就坐到好滿人，好彩有book到位姐！我同我男朋友一坐低就即刻畫嘢食，畫完我地就出自助區到睇吓有咩嘢食拎啦！估唔到自助區有咁多嘢食、飲品、甜品拎！又有熟食又有沙律等等，我拎咗吉列蠔，炸得有脆又大隻，好濃烈嘅蠔味！估唔到仲有越南嘅紙米卷，仲要有種配料選擇，都幾好味，味道都唔錯我男朋友瘋狂地叫火焰壽司，差唔多隻隻都是試食晒，要推介大家食滋味黃金燒蟹棒，蟹棒好大條又好味，仲有蒲燒鰻魚壽司，鰻魚燒得好香好入味，估唔到火焰壽司都有咁多選擇仲叫左我最中意嘅炸芝士年糕，啲芝士一咬落口不停溶化，真係好正，仲帶少少甜味燒菠蘿最正，又甜又大件，我同我男朋友不停地encore!大阪燒大腸都整得唔錯，好少放題會見到有燒大腸食，款式特別又好味，確實係勝人一籌食咗咁多野，梗係要食返啲生果中和一下啦，呢間放題都有幾款生果選擇：哈密瓜、西瓜同橙！又甜又爽口，唔錯！放題選擇好多，食物質素高，我下次都會再嚟食過！

今日同個朋友去食樂天大喜屋，佢恨左好耐，因為佢話從來都未食過大喜屋，好想快啲試吓，咁我地就book咗旺角創興嗰間到食放題啦一去到勁多人排隊，好彩有book到位，我諗walkin都無得食，雖然係平日，但係都勁多人，所以大家一定要book位先好去食一去到就梗係拎晒啲紙出嚟畫嘢食啦首先食一個刺身拼盤先，刺身新鮮又肥美，三文魚好厚切，仲要有腩位添油甘魚又真係幾新鮮喎，出晒油好正，北海道帶子都好鮮甜創作壽司都唔錯架，我地叫左花之戀同龍蝦沙律拖羅塔，花之戀係我個朋友嘅最愛三文魚同蟹籽都好新鮮好好味，拖羅塔都幾特別，都幾有創意，配搭唔錯仲有我哋最愛嘅芝麻雞翼炸得好脆又入味，仲好大隻添，我哋不停地叫黎食黃金燒海虎蝦，面頭有好多芝士，芝士溶化晒落隻蝦到隻蝦非常入味，仲要又大隻又爽口推介樂天蠔仔餅我第一次喺放題到見到有蠔餅食，估唔到味道唔錯，啲蠔都幾新鮮，份量又多仲有我哋最喜愛食嘅Haagen-Dazs雪糕仲要係任食嘅添有咖啡同朱古力兩種選擇，應該日日都唔同下次我都要帶埋我屋企人一齊嚟食先得！

星期日同朋友去食呢間，聽聞好多人排隊同好多時full booking ,今次一早去book 位，佢地係安排客人入座前排隊，有條理。職員效率好快，能有效地把食物送上每位客人。入到去都有好多選擇，刺身好新鮮，鮮甜,賣相都吸引，飲品方面有好多野飲，分別綠茶，清酒，梅酒都有……令我最滿意是海膽手卷，真係鮮甜，而 且仲有好多海膽，芝麻雞都好好食，就連甜品都好食，真係值得有下次，食完一定會返轉頭再食咁既水準，價錢合理刺身好新鮮，好甜。冷盤自己出去拎，都ok多種類壽司size 唔大，可以多食幾舊，而且唔會咁浪費。炸物好食左邊花膠一般，右邊蝦肉太痴蝦殼，有點唔方便食。有清酒，梅酒拎，梅酒甜甜地，容易入口。海膽手卷一定要食好鮮甜得士多啤利同咖啡味，有朱古力就更好燕窩蛋白好食有驚喜，裡而有士多啤利雪糕

壽司既款式真係好多，而且每一件壽司都好新鮮。薄荷明太子壽司令人好難忘，一入口除左有魚生既肥美既油脂外，仲有好fresh 既薄荷味。芥末蜜糖脆蝦卷好好食，有少少刺激既芥未味，幾分的蜜糖甜味，再加上脆爆既吉列炸蝦，好正。鰻魚玉子燒係流心嫁，入面有鰻魚、粟米同半溶芝士。正奇怪點解冇手卷時，原來手卷係要排隊等，師傅即叫即包，海膽份量夠多，非常鮮甜，軟殻蟹超級脆身，味道濃郁，有蟹膏。大板燒豆腐好正，好似食緊章魚丸咁，炸到外層稍硬，咬落好脆，入面既豆腐好滑，再加埋d日式醬汁，真係令人一試難忘。甜品係依間放題既賣點之一，一見到個甜品既賣相已經覺得好開心，好似個火焰雪山咁。外層既綿花糖狀既雪山好滑，入面係士多啤梨雪糕同朱古力布朗尼，好好食！仲有Haagen-Dazs無限拎！

好耐冇约朋友去食晚餐啦！所以就约埋一齊食餐好先，常常經過樂天大喜屋都見到好多人食同埋有位同事又介绍話好味、好多野食都幾抵!所以不如就试食一下啦！點知我班朋友，個個都話D野好新鮮，好靚。下次可以再食嚟一次食過！今次晚餐我哋食得好飽好滿足

今日又食放題啦。坐低梗係即刻黎個刺身拼盤啦。好靚既刺身。味道鮮甜，唔會軟淋淋。刺身厚切，任食食到好滿足。刺身鮮甜。鮑魚片質感彈牙，好好味的刺身。叫左壽司黎食。蟹柳壽司搭配得好，飯糰份量唔多，可以食好多塊壽司。牛肉鵝肝壽司真係冇得輸，鵝肝算大塊，鵝肝味道融入牛肉，高質。鰻魚壽司都好好食，壽司係我食過既放題入邊最高質。自助區仲有好多野食。竟然有我最愛既豬手。豬手口感爽，調味得好，食左好多隻，呢間野真係好多野都好食。鹽燒雞翼燒得皮勁脆，雞肉滑，燒得好好食，皮乾爽，加埋有水份既雞肉，鹹鹹地，真係日本鹽燒雞既味道。食左勁多，當然要叫我最鍾意既牛舌。口感彈牙，加埋檸檬汁，已經令我即刻encore 5串。好好味，新鮮唔會醒味！正。食到好滿足，好難係旺角搵到間咁好食既放題。抵呀！

呢個集團嘅放題真係好出色，不過旺角呢間就一次都未去過，當然要集郵式去埋佢啦！食放題第一味都係刺身，試咗就大約估到啲熟食有無料到！而今次都無令人失望，啲三文魚好厚好鮮紅，入口直接有爽滑感覺，正！而蝦都好好味，不過我個人越大越懶，唔想處理啲甜蝦蝦頭，所以最喜歡都係天使蝦，唔駛煩一啖一隻！而呢到嘅左口魚同其他分店一樣，好好味！佢係必食壽司之一，入口即化又甜美，最後我同老婆都叫多咗2份嚟食！而有一舊薄荷葉吞拿魚壽司呢，同行友人話要連葉食，食完之後好似刷完牙咁，睇下你接唔接受到喇！不過啲魚真係好新鮮，刺身壽司都有水準！熟食呢到就有啲新鮮款，好似有個糯米雞棒棒真係第一次見，見佢紅紅哋色好似日式味道，不過咬落就似中式糯米雞咁，都幾好玩！而「樂天熊仔餅」….唔係，係蠔仔餅先啱！熱辣辣啱哂女仔！而我就推薦和牛煲，甜豉油先係日式火窩王道！甜品方面可能我唔想幫襯牌子嘢啦，都係自己去雪糕機裝，加啲朱古力粒粒條，好味！

日本菜一向是我的至愛，今日星期日就決定放縱下自己食日式放題，上網睇食評發覺呢間樂天大喜屋好評不少，決定一試！刺身有驚喜，除左款式選擇不少外，質素亦係我食咁多放題中算是最高的，食物非常新鮮，亦有鮮甜味，正encore 左幾次的左口魚壽司，入口即溶，非常肥美炒雜菜亦一點都不失望燒牛舌用左薄切，好爽口，唔會咬唔開，黑椒味亦非常入味！芝麻燒雞翼勁好食！外皮好香脆，入面好juicy! 紫薯年糕亦都好好食，好甜，我食左5粒最鍾意食蕃薯既我見到一口蕃薯又係狂食天婦蘿南瓜都不遜色啊！呢一餐高質放題簡直為我的happy sunday畫上完美句號，下次一定會再來！