樂天大喜屋 (已結業)

同幾個舊同學出來聚聚，決定去食日式放題，食放題我自己都比較喜歡去大喜屋系列，唯獨樂天大喜屋未試過，咁岩同學聚會，順便試試新野一坐低已經有服務員攞餐牌俾我地啦，我地都選擇咗壽司同清酒，呢度環境唔錯，而且食物供應充足，唔使急急腳食完又去攞，壽司都好新鮮啊，呢間樂天大喜質素同其它果几間差唔多，壽司加埋清酒，氣氛真係幾好，同學敘舊首選，食物種類都好多下，環境氣氛都好熱鬧，來緊嘅聖誕節果餐都可以同屋企人再來食翻餐

表弟同表妹今日來揾我，拖咗我來樂天大喜食放題，點知呢間樂天連平日都咁多人喔，好彩表弟有book定檯，如果唔係真係有排等，最驚喜嘅除咗刺身新鮮、大件兼後肉之外，連飲品、雪糕嘅選擇都咁多元化，表妹最愛雪糕，一入到來對眼已經放嗮鐳射光咁濟啦hahaha

聽日冬至，唔得閒陪屋企人食飯，唯有提早做節啦，帶埋屋企人來試日式放題，今日仲特登帶埋婆婆出來一齊食飯，好彩，呢間樂天大喜屋唔係淨係得壽司，仲有燒烤、飯類，婆婆咁大年紀一樣可以食到，而且婆婆仲大讚好好味啊要俾個讚樂天大喜屋，選擇真係好多，照顧到不同年齡嘅食客

公司老細請食冬至飯，個個同事都提議來大喜屋，樂天呢間大喜屋未試過，今日咁岩公司食冬至飯，又有機會試下新嘢，飲品種類多自然唔再講，連甜品同埋我最中意嘅香口炸物都一樣咁多選擇喔，真係好驚喜，最愛嘅當然係炸雞翼啦，好味又唔油，我中意加埋茄汁一齊食，好味到震啊

哇哇哇今日同屋企人提前做冬，拉埋爸媽過來樂天大喜屋食日式放題，雖然係午飯，但選擇都好多啊，身為刺身迷，當然首選係食壽司啦，大喜嘅放題我都試過好多間，樂天呢間我最中意，主要係因為樂天呢間嘅刺身夠大件，新鮮得來又厚肉，最岩我呢滴刺身迷啦，連阿媽都話呢間嘅刺身唔錯哈哈，聖誕果餐再來果先得

公司今日做冬至，來旺角呢間大喜屋食日式放題，好多選擇，刺身好新鮮，唔會腥，而且件件都好厚肉，口感好正，最中意大蝦天婦羅，本身我自己中意食香口嘢，樂天大喜屋嘅炸物真係唔錯，啲同事就中意刺身多滴，因為真係好新鮮！多謝老細帶我地來食咁豐富嘅冬至飯

刺身種類多又新鮮，其他小食都好豐富，味道唔錯，每次放題必點芝麻雞冀，超好味，呢度既鳳爪沙律都幾好，小小辣夠曬惹味，最驚喜係呢度有花膠食，細細塊，但相當入味， 蝦好大隻, 超讚因為蝦太好味, Encore刺身時再點左大量蝦😁牛舌好爽口，蟹粥都幾綿， 壽司都幾好味，芝士焗蝦都幾好味，果然無點錯食物，真係一間出名又保持水準嘅日式放題餐廳， 三文魚，北極貝，甜蝦，帶子很鮮味，其中最愛嘅羊架。仲有避風塘炒蟹，簡直好食到暈！

阿媽生日 book左佢最鍾意食嘅放題。由於一直都未食過樂天大喜屋 加埋之前聽人哋講過呢間好好味 所以趁今次阿媽生日呢個機會就嚟咗啦 加埋我一般食放題特別對個名有大喜屋嘅特別有好感 哈哈七點左右嚟到間鋪已經好爆咁 都好快reception就安排左我哋入座 例牌都係叫左刺身身 呢度啲刺身件件都好大件 睇得出一啲都唔手軟 而最令我開心嘅事佢呢度有鮑片 我係超鍾意食鮑片嘅人所以我就食咗好多 而且鮑片仲要係呢度嘅新產品 所以我覺得我都幾Lucky一嚟食就有 耶我發現樂天真係好豪 呢個吉品鮑汁燴花膠宴真係有成舊花膠的 花膠好好味但我比較鍾意食舊冬菇 因為我覺得舊冬菇吸晒啲汁嘅鮮味好好食 之後同埋仲有個海皇花膠炒飯 面頭佢淋左啲花膠粒冬菇粒 我都好鍾意食呢個炒飯 炒得好香花膠啊 仲要任食唔嬲 睇得出樂天真係好大手筆 一啲都唔手軟 淨係咁呀我已經覺得個價回晒本啦 另外要提嘅一點係食過樂天嘅人都知道佢會有一個自助餐區 佢入邊嘅食物種類都好多同埋食物質素都OK 有前菜 炸物 生果 野飲等 仲有啲海鮮 有蝦啊 我食左好多😂😂同埋必食係個瑞士汁雞亦 好入味 食落幾乎入口即溶 自助餐區我最鐘意就係雞亦啦 鐘意食

昨日同屋企人去旺角行街購物，正好係吃晚飯時候，跟著來到一間樂天大喜屋吃放題。首先點了三文鱼，甜蝦，油甘魚，牡丹蝦刺身。第一感覺係食材好新鮮，尤其三文魚色澤鮮紅，很新鮮,甜蝦入口即溶，油甘魚彈牙，牡丹蝦清甜,由於係任點任吃我哋又叫左第二次,店内的燒羊架也是必吃之物，經醬汁泡制再燒香吃落冇哂蘇味,味道不比在西餐廳吃的差,串燒牛脷香脆, 超好味!象拔蚌好彈牙, 壽司選擇非常多，鵝肝壽司，味道相當不錯, 鵝肝算份量不少，味道香濃，係幾好既體驗!

次次經過都多人，都好好奇係咪真係咁好食？終於有機會試試佢！一坐底即刻叫返個2人份既刺身船，刺身選擇都唔少，而且新鮮無雪味，擺盤又靚，影相一流！我地都叫左個熟身，廢事淨係食生冷野，蟹粥落重本，真係好大隻蟹係入面！而且都好有蟹味，個粥仲煮得好綿，非常高質食完暖野再戰生冷野，估唔到放題都有得食海膽！海膽味道新鮮，唔會有腥味同水汪汪。仲有串燒熟食都好多選擇，岩晒我地兩個人唔知可以食咩，呢到每份細細份可以試多幾樣最後甜品都好高質好少有！一定會再黎食

第一次同朋友來吃，今次當然帶埋我家寶貝仔，他很愛吃，放題一次滿足不同願望。刺身: 新鮮，不論叫多少份量，也放於冰上上枱。正！壽司: 基本款式及自創款式都好味！特別讚海膽！新鲜熱食: 好豐富啊！多款到跟本吃不下甜品: 有自按軟雪糕、人人一杯 Haagen Dazs 還有一直想吃的乳酪味，又好好食！不得不提炸榴槤，估唔到冇hea, 令我想起某酒店的buffet呢！飲品: 又係勁多款！特別估唔到咖啡好味道，加上自按軟雪糕，完美終結！

终於，找到一間不會中伏的日本放題。食物種類以刺身壽司為多，食材算新鲜，略嫌其他熱食欠奉，例如鹽燒鱼頭骨腩、味淋魚乾之類。用餐時間充裕，侍應服務流蝪出餐很快。下次會是回頭之選。

話說星期五老公放工後打算同我二人出去撐檯腳，順便要出旺角買野，我地都好耐有2個人出去食個飯，因為全日我同老公都好忙嘅關係，出到旺角時都仲未諗到食咩好，咁靈機一觸就諗到不如去食放題，因為咩都有。咁老公話見到大喜屋好似好多人講幾好，所以就打個電話去問下仲有冇位，點知話8:45仲有位，咁當然照去啦。訂位時職員都再三提到要早15分鐘左右去，如果唔係當唔到，可想而知係幾咁多人食。我地好聽話咁早左15分鐘去到 ，見到都已經有人排隊中啦，排左15分鐘之後就入去啦，一坐低已經見到點餐紙度真係有好多選擇。我地叫野食之前去拎左飲品先，估唔到有apple ciders,咁梗係拎支黎飲下先啦，比較少係放題見到有呢種酒飲，多數都係啤酒。魚生真係算多款，仲要唔會話切到好薄，亦唔會話一大陣雪味，但放魚生個碗超大，檯又細都冇位放了。壽司品種都好多，個龍蝦膏甜蝦壽司幾好味。拖羅腩好味。但個生牛肉壽司太熟了。佢仲有海膽手捲，細細件唔怕食得太飽食唔落其他野，上面有2片海膽，咁當然明白唔係靚海膽啦。呢度除左日式食物，仲有出面少見嘅中式野，呢個係鮑汁花膠，雖然唔係靚花膠但覺得好抵，我見人人都會叫一份。味道都唔錯架。焗蠔隻蠔細粒

一收工又去放題任食任飲!今晚7點唔算多人，反而8點後就開始多人，好彩一早訂左位，可以坐得舒適，坐定後，就開始填紙仔，點食物。按慣例，先食刺身和壽司必食嘅自選刺生盤，賣相其實唔錯，三文魚同油甘魚厚切，雖然味道新鮮無雪味，但三文魚魚味欠奉；不過油甘魚都新鮮，北海道帶子亦非常鮮甜，甜蝦大大隻，松葉蟹腳肉唔多，鮑魚片味道淡，希靈魚鮮甜爽口黃金燒海虎蝦大隻，肉質好鮮甜彈牙燒牛肉粒嘅肉嫩而且滑大板燒大腸都幾煙煙靭靭，冇油膩焼鯖魚冇腥味煎得香口估唔到有沙灣雞煲，相當驚喜，雞肉唔錯，唔會太硬，秘製醬汁好香好惹味棒棒燒糯米雞卷幾特別，糯米炒過，所以食起來會特別香牛舌牛舌可謂必吃，非常爽彈，有牛味，2串不夠吃！炸物方面芝士年糕好香脆，入面煙韌而且爆芝士，超好吃

旺角都有好多日式放題,知道呢間夜晚就好多好評, 原來下晏lunch 都好抵食, 大滿足的。地方很大, 好多坐位, 坐得舒舒服服。$78 再加一 可以選兩款。先有蒸蛋,麵豉湯,沙律做前菜, 飲品仲可以揀出面雪櫃嘅嘢飲自取一款,多道地支裝茶, 入唔曬攞埋走添。今日試下雪花牛肉鍋 加 鹽燒鯖魚 :呢個雪花肥牛鍋有成五六塊牛肉而且有豆腐,金菇,粉絲,冬菇同埋椰菜O係入面, 非常豐富而且有一隻生雞蛋俾你可以加上去添。 肥牛一D 都唔肥, 大大塊, 當然又唔係話咩靚牛啦但起碼唔會比得肥膏O既牛肉。燒鯖魚 雖然簡單野, 但都感覺到佢好, 燒得均暈又無腥味, 魚肉一D都唔鞋!最後埋單都只係$85 , 有咁多野食, 不二之選呀!