樂天大喜屋 (已結業)

今日朋友聚會 約起旺角唔洗諗 旺角放題最出名一於食放題啦🎊🎊今次選擇「樂天大喜屋」🍽一聽大喜屋就知係質素既保證👍🏻就算係平日 都超full 好多人😱第一件事 必定係點刺身刺身選擇勁多 款式多到令人花多眼亂 👍🏻必點三文魚 三文魚肥美 新鮮👍🏻帶子 十分鮮甜👍🏻赤貝 爽甜除左刺身 壽司亦都唔好錯過熱食方面呢 種類好多 唔食魚生既朋友 都唔需要擔心無選擇☺️必點之一「沖繩黑糖牛仔肉」牛肉超淋 嫩口 加埋黑糖 好夾👍🏻串燒 炸物 應該真係即叫即整 上枱時熱辣辣 保持到溫度熱辣辣 香噴噴 忍唔住叫多幾轉雞軟骨真係好正 好野味😋甜品亦都唔可以漏 唔可以放過🍧🍨🍰🎂甜品細細件 可以試多幾款👍🏻雖然係放題 但餐廳都設有自助餐區 有部份熱食 水果 雪條 雪糕俾大家揀都仲有好多熱食可以自己夾🍴飲品係自助形式 除左罐裝可樂 汽水 綠茶之外仲可以自己斟清酒 梅酒🍶

   旺角地點好方便, 有很多商場可以逛街, 很多餐廳選擇。 這晚去旺角食放題, 任飲任食兩小時 $258 另收加一, 午餐只吃了一點東西來迎戰這晚放題。   先到外面自助區看看, 有沙律及前菜, 冰凍大蝦, 青口, 甜品, 生果, 雪條, 飲品, 清酒, 雪糕機, 熟食也有很多選擇。   首輪剌身很快送到, 一大盤賣相相當吸引, 很愛吃蝦, 點了大量甜蝦及赤蝦, 隻隻新鮮, 很爽甜, 三文魚甘香。   清酒任飲, 不用另外加錢。   罐裝枝裝飲品櫃有很多選擇。   壽司類: 壽司飯團不會太多飯, 可以試多款, 點了牛油果軟殼蟹卷, DOUBLE芝士鰻魚卷, 蒲燒鰻魚, 海鹽燒左口魚邊, 拖羅魚生塔, 鵝肝件帶子, 黑松露赤, 還有推介海膽手卷, 海膽入口即溶。   特色料理: 吉品鮑汁燴花膠盛宴, 充滿骨膠原 。   燒物: 西京燒海黃花, 原條燒魚乾, 咸咸香香的。   串燒:  點了鹽燒雞軟骨, 爽脆的, 鹽燒海蝦, 很大隻但不會燒到很乾, 牛油翠玉瓜, 爽口, 燒溫室甜菠蘿, 很醒胃。    炸物: 芝麻雞翼, 新鮮熱辣, 烤得很香脆, 紫心香芋丸, 似糯米滋質感。   沖繩黑

今日又去旺角嗰間食飯題，非常之肚餓啊我係唔識生嘅刺身嘅咁所以就知我喺度食壽司同埋一啲嘅小食最鍾意呢度呢都係佢嘅壽司，牛油果軟殻蟹卷同埋芝士鰻魚飯呢就係整得好食，仲有佢嘅鰻魚壽司，大家都知道鰻魚壽司好鬼貴但係呢度呢都可以食到任食嘅而且啖啖肉嘅鰻魚壽司絕對好似其他放題咁樣好薄好細究咁Hea！壽司黎講係我食過放題之中最好食嘅🤓另外要介紹嘅就係佢嘅壽喜燒，佢既湯非常之清甜啊，而且對比其他放題最好嘅地方就係佢入邊就會有一隻生蛋。大家都知道搞左蛋，湯會更加甜更加好味呀非常之欣賞依度係咁細心。另外仲有我好鍾意食嘅燒帆立貝壽司!呢度嘅帆立貝壽司清甜，同埋配上調味同香草燒完係非常之好食。特別既係依度有酒飲！任飲唔嬲，誠意十足，小食方面有港式同日式小食，仲有中湯，加上熟蝦，覺得老闆真係好好，捨得比客人食。甜品有蘋果批同埋Häagen-Dazs雪糕，蘋果批我就覺得一般啦可能擺得比較來所以就林左。但係Häagen-Dazs雪糕真係非常之好食呀，大家都知道一般都要20幾蚊，咁我覺得呢度都真係相當抵食嘅，而且仲可以食到最鍾意食嘅cookie n cream添！價錢合理適中，係會再食既放題！

放題好處就是一次過可以食盡各式美食, 第一次去這間樂天大喜屋食放題, 位於旺角創興廣場二樓住層, 經電梯一上就到, 差不多6點到達, 收費為 $258連加一, 兩小時任飲任食。 原來這餐廳是大喜屋飲食集團, 之前去過大喜屋, 感覺相當良好, 相信這間餐廳質素也有保證。12張落單紙, 眼花亂撩。首先點了一盤剌身, 最愛各式各樣刺身配上華麗擺盤, 今人食指大動,三文魚厚身甜美, 入口充滿魚油脂, 甜蝦& 極大赤蝦清甜爽口, 大愛!自助區裡有很多選擇, 包括沙律前菜吧, 冰凍海鮮, 甜品櫃, 飲品機, 雪糕機, 還有熟食供應, 如章魚小丸子, 炸薯角, 黃金饅頭, 藥膳雞腳, 魚蛋, 雞翼等等。清酒入口香醇, 配日本菜, 一流。罐裝枝裝飲品櫃相當壯觀, 任君選擇。海膽手卷, 細細卷的, 海膽非常之鮮甜, 入口即溶; 壽司件件都不錯, 海鹽燒左口魚邊, 蒲燒鰻魚, 牛油果軟殼蟹卷,DOUBLE芝士鰻魚卷, 拖羅魚生塔, 鵝肝件帶子, 黑松露赤蝦。吉品鮑汁燴花膠盛宴, 養顏滋補。西京燒海黃花, 第一次試, 咸咸的燒魚乾。串燒, 鹽燒海蝦, 大大隻蝦, 燒得剛好。炸物, 芝麻雞翼, 外脆多汁, 很

晚餐放題，廢話少講，直接點評😂餐牌大推壽司！！冬陰公湯冬陰公湯嘅香味雖然唔太夠，但係辣味十足，而且海鮮好鮮味，又足料，適合鍾意食海鮮嘅人叫嚟食台灣一口腸食落幾似係台灣食到嘅味道，而且佢用嘅肉偏瘦，冇乜油幾啱怕肥嘅人章魚燒章魚燒個皮太厚，雖然入面有章魚肉，但係唔太香，唔太值得食春卷春卷係我覺得幾好食嘅小食，佢唔只炸得香，入面多數係素菜，比較健康，但係又不失佢應該要有嘅香味，唔點醬都好好食蔥花蛋壽司呢個壽司幾特別，係第一次食到蔥加蛋呢個配搭。隻蛋幾香，有蛋味得嚟又甜甜地，而且蔥加蛋係出奇地夾，幾好食，值得一試香蒜牛壽司雖然啲牛有啲生，不過牛不嬲都係半生熟先好食，所以怕生嘅話就唔好叫啦。但係佢食落口係冇血腥味，d飯都唔見到有血水，處理得非常之好。食落口係張濃嘅牛味，非常之好，值得一讚沖繩黑糖燒一口牛淨係睇過菜式名係有d新奇，但係佢其實係非常之好食架。個醬甜得嚟唔會蓋過牛嘅鮮味。正！炭燒雞翼雞翼燒得非常之脆，而且充滿咗”葉料” 嘅香味。唯一美中不足係有啲乾，不過都算整得唔錯芝士蟹棒黃金燒呢個壽司喺其他壽司鋪頭食唔到，佢嘅沙律醬加埋芝士味道非常之夾，再加埋蟹棒嘅鮮味，一個字正燕窩蜜桃千島大蝦卷個

今日帶阿媽過嚟食吓放題，佢話好耐冇食過！因為冇定位同職員嘅關係五點幾就過嚟排隊，等食六點這轉，早半個鐘你已經有10多人喺度等緊！現在日式放題餐廳真係勁！不過當然最緊要都係啲嘢食新鮮先做得好！兩個人坐四人卡位，坐得好舒服！他們地方都10分大坐滿晒人一上到去第一眼就見到我最愛嘅清酒，自助形式，都係任飲，我梗係即時去嘆番幾次啦！味道都可以容易入口坐低左之後阿媽就急不及待叫刺身食，大約有10款海鮮刺身選擇，數量份量都足夠，阿媽就勁讚他們的帶子夠大隻，赤蝦一啖一大隻，滿足口感，當然最重要都係真係夠新鮮追加這一碟三文魚刺身都係厚切，一啲都唔馬虎㗎！叫了兩隻明太子雞翼，熱辣辣的，燒得皮脆肉嫩！除咗刺身我發現他們的燒烤都不錯，燒得剛剛好！特別是這個雞軟骨，好味！燒魚，大約手掌咁大條，分量剛剛好，香甜脆口！最後就梗係食壽司啦！壽司可能要即時炮製的原因會來遲一點點，不過咁樣先證明夠新鮮！元貝蟹子壽司，芥辣八爪魚，都係我嘅至愛！最後一讚嘅就係海膽手卷！一口裝，食完簡直想再食！另外今日甜品有特別口味櫻花口味，估唔到有得食！這裏的放題性價比高，而且唔貴，食物新鮮之餘最重要係唔馬虎，而且服務質素都好好！

諗住去食日本放題，第一時間就諗起大喜屋集團。因為好多位置選擇而且有信心保證！今日就嚟到旺角創興廣場食放題！朋友六點鐘就過嚟等位，準時嚟到就剛剛好可以入席！一上到去見到左右兩邊有唔同嘅食物區，一邊就係飲品，超過10多款飲品汽水啤酒選擇，總有一款你鍾意。另一邊就係自助前菜小食甜品區，也有很多選擇！坐埋位，有兩本簿俾你自選食物，大部份食物都屬於日式美食，有小部份西式同埋中式選擇！不過我都係鍾意你食日式放題多啲第一件事梗係立即選擇刺身啦！有成12款刺身，點數量都來足，也非常新鮮！特別係劍魚腩同埋極大赤蝦，夠大件夠口感！特別要介紹嘅就係呢個鮑魚汁花膠，個名都知道矜貴啦！花膠掛上鮮甜美味的鮑魚汁，好正！海膽手卷，初頭都有猶豫食唔食好，因為驚太大舊食飽晒，來到原來是迷你版！這個設計剛剛好，而且海膽新鮮配一啖飯，可以滿足晒壽司卷物其實都有唔少選擇㗎！食材新鮮！除此之外仲有燒物同炸物選擇，特別推介嘅係牛舌，厚度適中，熟到剛剛好！他們天婦羅蝦，隻蝦也很大隻，炸出來粉好薄，非常鮮甜食放題真係要揀他們集團，他們人多食材流轉快夠新鮮！價錢也很公道抵食

無野比得上一大班友坐埋一齊食野傾計更好大家想食乜就點乜，氣氛的確幾唔錯放題一直都係我同大班人gathering首選依晚三人約左吃飯聚舊吹水，順道再幫 L小姐慶祝刺身幾新鮮，三文魚腩、油金魚都唔錯壽司都有不錯的表現，尤其是花之戀，非常大件肉厚不失鮮味，依個我覺得係必點的項目！熟食點左燒牛同靖魚牛鎖汁之餘仲咬落不癡牙配汁帶微酸,開胃靖魚大件十分有誠意外脆內軟 YUMMY!這次點左三款雪糕球，有比利時朱古力，雲尼拿和焦糖最好吃的係比利時朱古力，朱古力味好濃

期待已久嘅日本放題終於食到啦！約埋朋友仔預先book咗位就去食日本放題晚餐。放題可以令你任食魚生，壽司，炸蠔，羊扒...嘢飲同埋甜品都係任食任飲！絕對適合肚餓㗎你去嘗試！

我個人對放題真係情有獨鍾，這間樂天大喜屋日式放題已經係第二次幫襯，我就喜歡佢 選擇多多!除咗有靚刺身，串燒，熱食，甜品及靚雪糕 飲品......仲包括有啤酒，清酒仲有時令水果， 真係唔使傷腦筋，總有一款啱胃口...刺身，保持水準，我最喜歡嘅長腳蟹及特大 刺身牡丹蝦，格外鮮甜肥美，食完再encore!海蝦天婦羅，南瓜天婦羅，甜紫薯天婦羅都係我嘅至愛，炸得香脆，食材不算太乾，保持水份及食材原味!海膽手捲仔，細細件，好開胃。海膽顏色鮮豔，份量十足，味道鮮甜，一口一件!仲有人蔘韓國雞湯，十分鮮甜，人參味甘香 滲透整個湯底!香草燒羊鞍，五成熟，仲見到肉質裏面嫩紅 嘅肉色，入口果然柔軟，一啲都沒有騷味!燒牛舌很爽口，唔算韌，肉味豐富!燒菠蘿，酸酸甜甜，幫助消化，又可以再encore一轉!呢間樂天大喜屋日式放題，真係食極都唔厭 因為每次來食嘅種類都會略有不同，勝在放題唔使諗，同朋友一齊飲下酒，食下自己喜歡嘅選擇，一樂也!

今日收工約咗朋友喺旺角，準備去搵嘢食，經過創興廣場，發覺裏面都有很多食店，於是入去逛逛，上了行人電梯一出就發覺 有間 "樂天日式放題" ，第一時間畀佢嘅自助吧吸引了！ 梗係先逛逛睇下種類多唔多，淨係自助吧都已經很吸引！除咗有啤酒、清酒、咖啡、雪糕、雪條、精美甜品、西瓜之外仲有台式一口腸、章魚小丸子急凍海蝦及青口……！呢個自助吧已經十分吸引，於是睇下門口嘅banner，刺身種類多仲有長腳蟹及很多熱食……於是我哋決定要試一試！我哋叫了多款刺身，包括有特大海蝦、小甜蝦、榮螺、帶子、北寄貝、長腳蟹、希靈魚等等……刺身拼盤用冰鎮住，保持新鮮特大海蝦真係很巨型，入口新鮮鮮甜。長腳蟹整件肉可以喺蟹腳位置出嚟，爽口鮮甜，總之刺身絕對有保證，回本首選之物！熱盤方面，中式冬菇燴花膠，好有高級中菜廳嘅格調，花膠湯底味濃，冬菇好厚身，好有咬口，花膠夠曬入味！串燒方面，鹽燒雞翼，好夠水準！燒牛舌肉質紮實，沒有被調味料蓋過牛舌鮮味！ 海鮮炒飯，鋪滿蟹籽，炒飯配料十足，飯粒炒得粒粒均勻！我們飲咗兩轉啤酒及清洒， 再加埋西瓜、哈密瓜，最後食埋佢嘅 movenpick 靚雪糕，滿載而歸！講真這個價錢相對於其他我試過嘅日

忙碌完一個早上又到食午餐嘅時候 肚子已經肚餓到行了行過見到呢個宣傳海報 見到佢嘅食物相同埋款式 已經畀佢吸引住 我要大吃一餐補充體力入到餐廳職員安排咗我坐窗口位置 光猛企理感覺開揚 估唔到食晏時間 都幾旺場喎 有啲仲會一個人自己嚟食添飲品選擇都幾多最緊要夠曬冰凍 抵抗外面炎熱的天氣先嚟刺身 款式多款款都好新鮮 最鍾意甜蝦 蝦頭嘅膏夠甘香 蝦肉鮮甜壽司有驚喜 壽司飯唔會好大舊 一啖一口 而且款式同造型賣上令人食慾大增餐廳日加入咗新元素 有川味嘅小食和泰式小食 例如 尖椒皮蛋 泰式鳳爪 一次過滿足多種願望熟食方面亦都唔錯 一口牛 肉質嫩滑 彈牙有口感豉椒炒蜆 非常濃味又有鑊氣任飲任食包保食到飽最後仲可以食埋雪糕 非常滿足 食飽又要努力做嘢了

好耐冇食放題啦呢間長期都勁多人排隊覇曬成層，之前見d人會行黎行去拎嘢食同嘢飲今次到自己，坐低tick完嘢食就黎拎嘢飲嘢飲超多選擇見到有迷你版解茶好得意！除咗罐裝樽裝，另一邊仲有堆果汁，梅酒，清酒比你自己揕！仲有呢d清酒樽同杯仔，好正我拎咗梅酒飲，順口，不過偏甜溝d綠茶好飲d另外仲有d前菜冷盤可以拎黎食住先我試咗青口同泰式鳳爪青口幾新鮮！鳳爪小辣，偏酸，好開胃先叫咗刺身，壽司，卷物，食咗生嘢先！刺身有長腳蟹！見d肉一疏疏就知正，不過要剝殼有d煩，要花心機先食到好嘢另外甜蝦有普通同大甜蝦揀呢盤係第二次encore, 淨係叫咗大嘅！d蝦肥嘟嘟，賣相討好，味道鮮甜刺身中最好味壽司叫咗燒左口魚邊，魚油出曬黎！勁好味！鰻魚個汁太咸，之後發現鰻魚個汁老是常出現但我覺得太咸搶咗味好似呢個鵝肝帆立貝，本來鵝肝已經濃味，個汁又同佢搶風頭，結果食唔到帆立貝個味之後我撥開d汁，就好食好多！後面個海膽吞拿魚蓉，其實唔係好食到海膽，但吞拿魚蓉好多，好滑，都有魚油香，都唔錯！當然唔會錯過呢個海膽小手卷真係好小！好似軍艦咁海膽ok！放題食到呢個質素算係唔錯！之後就到熟食啦呢個花膠羹，食呢個好似去咗飲咁佢底下仲有娃娃菜

放題黎講依間一直都係我既放題心水，位置靚之餘刺身又新鮮。但經過今晩，我諗依個諗法有d保留。先講環境，放題黎講依間都算迫，位置安排又差。一張八人長枱因空間有限而無得分拆之外，夾硬要坐兩枱食客。寫到好清楚枱號，都令到所叫既食物互相調換，咁安排根本就好有問題，前線員工又欠溝通，兩枱食客又常被誤以為同一枱，混亂！員工態度又惡劣。都明白座位有限，已經分開幾次下單避免太多食品無位置擺放。當刺身黎到，我地已經盡快清空枱面以便擺放，但有侍應等半秒既時間都無，一黎刺身馬上放係枱邊夾硬將它向入推向枱中，推到枱面既汽水一併推倒並令我下身全濕！！但當中既侍應全無歉意，同一侍應仲要唔只一次推倒枱中食物，如果係熱湯情況不堪想像，完全視食客既安危於道外，離譜！食物方面，刺身已經無之前食開既質素，大蝦刺身唔新鮮，肉質又軟又霉，失敗！三文魚又細片又近腩位，好重腥味。炸物又係唔得，黎到唔熱又硬身，番炸再番炸，平時覺得好食既芋頭丸同榴連炸彈都嚴重失色，失敗！甩單甩好多，明明人頭計一人一碗海底椰湯，寫4碗黎得1碗，叫住個侍應又扮？聽唔到走左去。算！自己再落多次，落3碗又係得1碗。唔講唔知乜原來碗湯咁珍貴，限量架？痴線！！今次

見到這放題的食評有Häagen Dazs食，我已經躍躍欲試！ 今日終於有機會了！ 不過去到發現要等店員另外派點雪糕紙、而且每人只能點一份，有點點失落呢。不過除了Häagen Dazs 和Mövenpick是有限制外。這店的自助區還有很多雪條任食，而且都有乳酪雪糕自己唧。 我天生腸胃不是太強壯。現在我食生冷食物前都一定食熱食打個底。我發覺這兒的熱食和蔬菜都好多！而且是好食的！ 先說自助區有灼娃娃菜，食落熱乎乎而不失菜的甜嫩。杞子雪耳湯材料充足，但我覺得佢落得太多冰糖。甜到我忍不住再出去自助區加熱水稀釋。沙律連秋葵都有！ 不過我嫌佢白灼得太淡。可以學枝豆咁灑多兩粒鹽巴就好。這店還有很多熱食！鮑汁燴花膠都有！花膠大片和滑溜。冬菇有濃郁的鮮菇味，倒是我嘗不出鮑汁味。另外又要讚的是雪梨海底椰雞湯。好飲，又夠晒火候，媲美茶樓的中湯。而且嘗不出味精，唯一不足是片海底椰未免太細粒😂。不要誤會，這個真的是日式放題。只是佢嘅中式料理都有好多。我喺有食魚生㗎🤣三文魚刺身都挺大份甜美。係個刺身的魚皮和筋我覺得可以處理好啲。因為距離點單時間都過廿分鐘，所以我以為羊鞍漏單，不過我懶沒追。點知，耐到我連雪糕都清完才