樂天大喜屋 (已結業)

今晚OT到8點幾，放工就join朋友去大喜屋食宵夜放題，一坐低已經非常肚餓，立刻喪填點餐紙！先點刺身！蝦刺身鮮甜得過份，所以encore點了半盤！再配以熱sake，一級棒！之後點了蟹膏手卷，小小的手卷放上大大啖蟹膏同蟹肉，勁足料，要連食兩個先夠滿足！點少得我最愛嘅鹽燒串燒系列！No.1最愛一定是鹽燒雞翼，燒得乾身得嚟又夠脆，加上少少咸嘅鹽味，我勁食咗6串！之後推介嘅有雞軟骨，味道可以媲美居酒屋串燒！至於牛舌同秋葵亦非常出色！當然仲有我最喜愛嘅美顔花膠至於甜品，明知有雪糕雪條食，都仲貪得意叫咗個cream brulee，初初班朋友笑我浪費quota，但當佢一上枱，大家試咗一啖，都嗌好味！而且唔會好甜，正！由於係宵夜時段，到10點，侍應已提示要叫雪糕，揀咗Haagen Dazs去作放題嘅終結。又再次脹住個肚咁離開，大滿足！

聽人讚左大喜屋既放題好耐，今次即黎試下！一坐低即刻有本成吋厚嘅點菜紙等緊你，即刻狂風掃落葉式點菜！ 一黎叫咗盤刺身先，甜蝦同大赤蝦係強烈推薦要食，鮮甜爽口，食落充滿鮮味，回本！海膽手卷都係必食，師傅落海膽好大方，每件手卷都有滿滿既海膽，鮮甜到不得了，而且細細件可以試多幾樣！燒物都好正！牛舌，雞翼，鰻魚都燒得好好，皮脆得黎仲keep到有汁，好好！ 估唔到有花膠食，而且有酒樓水準，難得！甜品有Movenpick同Haggen Daz揀，好完美！絕對推介呢間高質放題！

呢間放題都食過好幾次…食物質數都keep得唔錯呢日同朋友行完街有D肚仔餓咁就同朋友們商量 上去大喜屋食返餐因為係平日關係 我地都好快可以入座坐低第一件事緊係寫野食先啦發覺轉左新餐牌 又可以試下新野個自助區既食物都添加得好快，飲品櫃隔邊亦都好好多款選擇，上菜d速度都還可以，雖然有少少漏單情況追左一次都好快送返D食物到整體來講都食得好愉快！不過埋單前派左雪糕紙同意見咔…由於時間關係我地未寫意見咔就遞左出去但係係我地走出門口既時候居然發覺有個女侍應拎住幾張意見咔係到填寫認真嚇一跳

今日經過創興廣場搵食，見呢度個放題好似好多嘢食咁，就俾呢個咁豐富嘅餐牌吸引咗入去。魚子醬拖羅甜蝦波子壽司，波子壽司賣相可愛，圓形一粒粒好似粒波子咁，甜蝦選料新鮮，配合魚子醬嘅味道作出適當嘅提鮮，非常好味。脆炸貓山王，貓山王嘅榴槤味果然零舍唔同，炸得脆身得嚟又唔會話太油，出色。鹽燒牛舌，牛舌厚切更顯口感，牛味比起其他餐廳嘅更加高上一個層次。沖繩黑糖牛仔肉，呢一樣作為樂天大喜屋嘅精選食物實在最合適不過，牛仔肉本身已經相當juicy，可能落咗沖繩黑糖嘅關係，味道份外細緻。焗孜然黃糖雞翼，孜然嘅味道同雞翼呢個配搭，正宗得有點像食緊重慶燒。吉品鮑汁燴花膠盛宴，盛宴裏面堅秋有大大嚿嘅花膠，花膠炆得好林，索盡吉品鮑汁嘅味道，正啊。泰式燻蹄，燻蹄個厚度大約係平時燒臘檔嗰啲燻蹄嘅四倍，更見口感，點一點個泰式醬汁，更有風味。朱古力布朗尼，呢度嘅甜品都相當有質素，其中我最鍾意嘅係呢個朱古力布朗尼，朱古力味夠濃之餘口感又夠鬆，唔會話太硬，我前前後後食咗成四五舊。侍應姐姐喺百忙之中都會同我哋傾下計，問下我哋對食物質素嘅意見，值得一讚。

同事介紹喺旺角創興廣場有一間放題唔洗三百蚊就已經有清酒任飲，為咗佢個清酒就上嚟試吓。餐廳環境寬敞，有別於一般放題沙甸魚一般嘅環境。京葱拖羅蓉魚生手捲，手捲細細粒容易食，一啖一個，京蔥同拖羅永遠都係最佳嘅配搭，記得嚟到襯啲紫菜仲脆即刻食喎，放耐咗啲紫菜就無咁脆架喇。刺身併盤，刺身拼盤選擇眾多，我哋揀咗松葉蟹腳，三文魚，希靈魚，極大赤蝦，油甘魚，劍魚腩，北海道鮮帶子，赤貝同埋蠑螺，全部刺身都相當新鮮，尤其赤貝極度鮮甜爽脆，必點。鹽燒雞翼，廚師細心將雞翼開邊鹽燒，食嘅時候非常方便，唯一嘅功夫就係喺支簽到拆隻雞翼出嚟，雞翼燒到個外皮脆卜卜，只係用少少海鹽調味經已相當好食。西京燒海黃花，通常放題食燒魚都係食鯖魚，呢間樂天大喜屋竟然有得食燒海黃花，我哋梗係唔會錯過啦，海王花嘅魚肉特別滑溜，用西京燒咁滑溜嘅魚又係另一番風味。燒香草羊鞍，羊鞍表面佈滿香草，廚師將表面燒得好香，羊味比起坊間一般嘅更加濃厚。炸吉列蠔，炸蠔嘅炸漿好薄身，一啖咬落去食到好香濃嘅蠔味，蠔身並無炸得過熟，依然保持著水潤juicy。蒜片牛柳粒，蒜頭切成薄薄地一片片再炸到脆身，同滿滿嘅牛味非常之夾。沖繩黑糖牛仔肉，牛仔肉嘅中間仲係好p

第二次來到樂天大喜屋食放題，上一次一班人來到，都好開心，食物質素高，上菜又快，野食又多選擇，所以今次再來。刺身必食，澎湃的魚生，排得靚靚，令人心花怒放。朋友喜歡食蝦，刺身食蝦，冷盤都要食蝦。蝦肉彈牙，配茄汁是不錯的。前菜我們還有到前台那邊取中華沙律、酸辣鳳爪，雖然不算貴價食物，但夠開胃。鹽燒雞翼，燒牛舌，呢兩樣燒物之中最正，香脆肉嫩。是次我們再主攻手卷，手卷細細舊，蟹膏我覺得一般，唔夠香，但海膽就正正子，鮮甜出眾。encore 再encore。主食燒牛肉炒蜆可以一試。甜品有我們最愛的榴槤，炸榴槤波波同榴槤糯米池，韓國蜜瓜雪條好搶手，仲有焗麵包布丁有著出面酒店的水準。總結：樂天大喜屋放題餐廳中屬高上水平，下次會再來。

以前起MK讀書，今日一早約左班舊同學起MK打波，打完當然要食個飯吹吓水啦，成班大食恐龍，最簡單就哽係食放題啦，MK地鐵站附近最近的可說呢間放題，而且朋友之前食遇話幾好食！一行6人上到去，因冇book枱要等一陣，好彩餐廳都好大好多枱，等了大約15分鐘就有枱了，打完波勁口渴，立即去取嘢飲先，啤酒、梅酒都有，但都係飲茶同汽水解渴D，順手取埋D餐前小食，泰式鳳爪，螺肉之類返去食住先，返到枱睇吓點食物的紙，都幾多野食喎，正準備點時，朋友說她已用手機落左單了，真快手！食物又出得好快喎。D刺身好新鮮，好鮮甜，特別喜歡帶子、甜蝦和三文魚，而炙燒牛肉壽司亦好好食，油香！肉味十足！海膽和鵝肝手卷都好肥美甘香，朋友飲酒，炸雞軟骨和天富羅香硊非常，送酒最好，牛肉壽喜燒煱，味道正宗又甜又香，西京燒比目魚和鹽燒牛舌火喉都控制得好好，表面脆脆，內裡仲有肉汁，美味！焗大蝦個汁好好味，蝦肉鮮甜又彈牙！足足食足2個小時，今次非常盡興，每人又飲又食都是$220位，呢度絕對可以encore ~!

平時見到呢間放題有好多人排隊,以為味道很好,於是約咗個朋友去試下,我地為咗少人D,於是訂咗17:30去試吃!原本滿懷希望,點知結果令人失望,刺身完全唔掂,唔新鮮!食物味道又偏淡(有D完全冇味)真系冇下次

拼盤， 賣相吸引，份量十足，鮑片，鮮嫩彈牙; 珍寶帶子，清甜細嫩; 挪威三文魚，厚切肥美; 有頭甜蝦，粉嫩鮮甜; 玉子，香甜味美。款款保持高水準，鮮味滿瀉，每次光顧也必點!羊架燒得啱啱好，羊肉肉質鮮嫩🥰只有小許羊的膻味，不會太重🤤喜歡吃羊肉嘅應該會中意，燒牛舌同沙爹串都做得不錯飲品除左汽水之外、比較多茶飲嘅選擇仲有韓式飲品同啤酒整體黎講雖然稱唔上系非常高質嘅，但如果系旺角諗唔到食乜都可以一戰因為價錢相對上平小小而且上菜速度很快雖然有小小漏單，都系接受範圍內嘅，勝在服務態度都不錯，加返不少分數嫁🤓

食當然先點最回本的啦！首先來一盆，有挪威三文魚、珍寶帶子、鮑片，都好新鮮，帶子大大粒爽口鮮甜，三文魚肥美。雖然無我最愛的呑拿魚，但都有不少的選擇。當中我鍾意有頭甜蝦(比想像中大隻)、日本角螺(爽口彈牙)及泰式生蝦好耐無食羊，所以叫左一塊鐵板燒紐西蘭羊架。好多店整的羊架都好乾身，但呢到燒得香口之餘，仲要厚身又Juicy！味道唔會太羶，值得一試。方面選擇方面，黑松露系列嘅幾岀色，個人中意黑松露帆立貝帆立貝鮮味加上黑松露的獨特味道配搭得不錯熟食方面選擇都足夠嘅唔算多但應有嘅都有鐵板燒爐端燒有驚喜

最近好耐無去放題，見有朋友介紹依間餐廳，話質素幾好。咁岩朋友又想食放題，所以今日特登約左一齊黎依間放題食，一黎到見到入面都幾旺場，同埋好開楊，開放式既設計令客人可以好自在咁拎野。雖然咁多人，但我地食上半場，所以唔洗等好耐就比我地入去。坐低後即刻睇下佢有咩食，發覺依間餐廳都幾多選擇，基本上放題有既野佢都有得食。同埋依間放題佢有好多魚生供應，手卷同壽司既種類真係好多。熟食既野都係好多選擇。我地首先叫左呢個牛油栗米，黎到望落唔算好特別，但一食就覺得D栗米好爽口，同埋牛油味好重，不過又唔油，所以我地叫左兩轉。跟住我地叫左刺身，有好多唔同既種類。雖然每人比左二百幾黎食放題，但不得不提依碟刺身絕對值依個價錢，如果其他同級既放題餐聽肯定食唔到咁既質素，特別係帶子，食落好鮮甜爽口。蝦又係值得一試，師傅手工刀工都好好，蝦既內臟全部都清得好好，令客人食得好放心。鹽燒雞翼，我地叫得唔多，但好值得一試，依個雞翼一D都唔油，又好香口，職員一送到黎已經陣陣香味傳到我度。壽司又係好有心機，手工好靚，一見到已經想食，特別係玉子壽司甜度岩岩好，食落又唔會太軟。雞軟骨，又係必食推介，依樣野雖然好多日本放題餐題都有，不過佢

🔎旺角彌敦道593－601號創興廣場2樓*「抵食高質的日本放題」- 樂天大喜屋.晚市放題($238)今晚來到旺角創興的樂天大喜屋食晚市放題, 呢間經過好多次, 次次都排晒隊, 今天終於黎親身體驗下, 環境尚算舒適, 放題食物選擇十分多, 而且值得一讚是壽司好多都是波子壽司, 細細件, 可以試多幾款。各款刺身一黎當然是刺身先, 非常新鮮, 三文魚塊塊分明, 仲有長腳蟹, 大大隻活海蝦, 不止是甜蝦阿, 真是交足功課, 不過大喜屋集團食物高質唔慳皮就眾所周知。波子壽司波子壽司款款都好正, 其中黑松露吞拿魚上面果一點黑松露更加是畫龍點晴, 非常夾。各款熱食我地仲叫左個花膠, 炒蜆, 羊架, 焗扇貝, 炸物等等, 熱食種類多又高質。最令我覺得滿意的是, 飲品有真清酒, 一大枝清酒, 用機器直接倒出來, 是熱的!! 平時其他日式放題的清酒都是凍的, 可能因為我未飲過熱酒, 熱清酒飲落去感覺非常舒服, 朋友說日本清酒應該是熱的, 令我愛上了清酒這飲品。自助吧他們還有一個自助吧, 有各種冷盤, 甜品, 熱食都有, 飲品亦有好多選擇, 菊花蜜十分不錯。自助吧的另一邊, 是一個大凍飲櫃, 好多飲品任君選

今日和朋友慶祝生日，生日飯莫過於日式放題，所以就選了我最喜愛的放題樂天大喜屋，預早一天致電預約，幸好還有位。我們約了9點，店內都已經很多人，還有幾檯是有洋人，證明大喜屋集團的名氣相當大，餐廳各個侍應都忙著接單，但效率非常高。我們先點刺身，刺身類的種類很多，個人比較喜歡甜蝦和帶子，甜蝦沒有黑頭，帶子鮮甜美味。壽司方面池魚王和原條穴子是片必點的，池魚王新鮮，口感一流，原條穴子份量足。接著下來就點了數款熟食-一口牛肉、牛油粟米、燒牛舌、豉汁炒蜆、燒羊架、燒大蝦、鰻魚、連葡撻都有，極力推介鰻魚和一口牛，都是試等貨。外面還有很多自助自取熟食，太多種類，這是我喜歡樂天大喜屋的原因，每一次來到都會更新餐牌，每一次都有驚喜，而且從來都不會悶。總評：放題皇者

生日晚飯第三擊👊🏼每隔一段時間都會黎樂天大喜屋幫襯，點解?!因為呢度係我食過咁多間放題中性價比最高的，沒有之一。適逢生日，朋友請食飯，我又點會錯過呢個大好機會呢😌雖然係閒日夜晚差不多九點，但呢度依然坐無虛席就可想而知有多吸引❗️頭盤當然係刺身盛，劍魚腩、赤貝，象拔蚌、帶子...毫無半點雪藏味，當中最出眾一定係極大赤蝦，勁爽甜，超近鮮👍🏼呢度另一吸引之處就係十分多飲品選擇，足足有六個雪櫃，餐廳都好貼心地提供其他熱飲，羅漢果茶、菊花茶...而最令我滿意的就是清酒任飲🤘🏼熟食方面更係多元化，炸物、串燒、一品料理、燒物...五花八門，當中個人最喜歡的是燒香草羊鞍，還有牛油粟米😆最後每人敬送一杯Haggen Dazs 雪糕🍦

這裡的放題常常都好多人來，今次我地早點過來等了一陣就可以入去開餐，出面有凍盤青口，幾大隻又鮮甜，最後都吃了不少，而出面仲有不同飲品除了罐裝和自家飲品(仲有幾款吾同味選擇)，驚喜飲落吾太甜又多味，食完出面熱食和凍盤先再點餐紙，即時叫返個蟹子軍艦，蟹子勁多，紫菜又夠脆，手卷細細件岩晒我地可以叫多幾款。燒物的雞翼串夠熱皮又脆，燒秋葵吾會好乾身幾香身，雞肉串啖啖肉，每次必食的刺身:三文魚，甜蝦，帶子，象拔蚌，幾款都夠新鮮，沒有雪味，放得又好靚當然即時打咭啦。朋友話這裡有吉品鮑汁燴花膠就叫了一個來吃，花膠口感都吾錯喎，而且汁好夠鮮甜，最後再叫多咗二個來吃。