樂天大喜屋 (已結業)

第二次來到樂天大喜屋食放題，上一次一班人來到，都好開心，食物質素高，上菜又快，野食又多選擇，所以今次再來。刺身必食，澎湃的魚生，排得靚靚，令人心花怒放。朋友喜歡食蝦，刺身食蝦，冷盤都要食蝦。蝦肉彈牙，配茄汁是不錯的。前菜我們還有到前台那邊取中華沙律、酸辣鳳爪，雖然不算貴價食物，但夠開胃。鹽燒雞翼，燒牛舌，呢兩樣燒物之中最正，香脆肉嫩。是次我們再主攻手卷，手卷細細舊，蟹膏我覺得一般，唔夠香，但海膽就正正子，鮮甜出眾。encore 再encore。主食燒牛肉炒蜆可以一試。甜品有我們最愛的榴槤，炸榴槤波波同榴槤糯米池，韓國蜜瓜雪條好搶手，仲有焗麵包布丁有著出面酒店的水準。總結：樂天大喜屋放題餐廳中屬高上水平，下次會再來。