榮記粉麵

营业中

休息中

屹立於銅鑼灣多年, 這間車仔麵屬於重口味型的, 超濃的牛腩汁, 令到所有的食物非常入味, 每次到這裡必定點豬紅, (不是經常有的), 滑滑的, 而且新鮮,  , 推介首選, 另外墨魚頭亦不錯, 爽口彈牙, 雞翼尖亦非吃不可, 夠味夠滑.... , 喜愛重口味的必愛!!

 舊榮記差不多每次經過都會忍不住光顧，實在太喜歡店方的特濃牛腩汁西洋菜，跟太太拍拖時，在後巷店不知吃過多少次了。今次經過渣甸坊，竟然有間同名店，收費及性質都一樣，也好，看看水準如何。午飯早段時間，已經要開埋閣樓，但空調不足，不少人食到一半已汗流浹背。今次點了豬紅、墨魚頭、牛腩及豬腸配米粉多汁，但要$45碗，絕不便宜。呷一口湯，沒糖街店那麼濃稠，但都是相似的。豬腸炆得夠腍，墨魚頭連鬚都只的三片，份量也太少了吧? 不過咬落幾爽口。牛腩炆得夠腍，感覺上似乎糖街店會更香濃。不到十五分鐘食完，老實講，個肚依舊感到空空如也，近半百還未飽，想起以往十圓八塊一大碗，說是窮人恩物的東西，已經變得面目全非了。

中午前在銅鑼灣出現,看到遠處的咖啡弄樓下沒有人龍,馬上加快腳步前往,希望在心情平和之時再來嚐真其水果茶的美味,可惜看不到人龍只是假象,樓梯間還是有客人正在等候,只是人數未達街外而已!轉個彎的渣甸街食肆林立,另覓開飯地點絕不是問題,那一刻突然想起一碗車仔麵,不用多想就是榮記! 平時經過榮記總是座無虛設,今天時間尚早還有大量吉位,看來上天也安排我今天的午餐是榮記車仔麵了。人氣店的阿姐不會主動招呼客人,總之盡力叫停任何一位阿姐,將自己想吃的全說出就當完成點菜程序;桌上幾個杯子並不是用來飲水,而是分別插著同桌各不認識的客人帳單。榮記的車仔麵最多只點四款餸,四餸車仔麵取價$45,實際比得上某些茶記的飯餐價錢,車仔麵價格已遠離平民小吃很遠了。可能自小接觸的車仔麵也是深色湯底的,看到清澈湯底時總覺得不是味兒,像榮記的黑漆漆湯底,未吃已覺得是這是我想要的車仔麵味道了! 馳名腩汁湯底不但顏色夠深,味道也真的夠濃也偏甜,明知裡面加有師傅也不禁多飲幾口,相信讓湯底味道更特別的是所加的微鹹炸菜粒。腦海想著油麵可是衝口而出點的米粉幼身爽口,份量也可以讓女生吃飽,配以還未是時令仍算爽脆的西洋菜,多點纖維也讓顏色多

榮記已經好久了，有三十年，以前在後巷，每次都吃同樣的食品，好專一豬紅蔔白油麵蔔白好清甜，無根和煮得夠諗，好入味豬紅無異味，好juicy入口即溶，同牛腩汁好夾油麵是我至愛，爽口軟硬適中，加入腩汁相當野味，加入自家制辣椒油更加好味，小小已經夠，不用放太多(還有是這店的飲品相當平，其他是好貴，值得给笑臉）

有朋友介紹呢間既車仔麵好正，特別係豬紅。但最衰我去到既時候已經豬紅已經賣哂!咁我就叫左呢度都好出名既墨魚頭同牛肚油麵。我好鍾意佢既墨魚嘴，超級新鮮，又爽又甜。牛肚都唔錯，最正係個湯，超多腩汁，好香濃。

自己本身好中意食車仔麵, 所以都食到變專家咁濟。一聽到呢間野好出名, 就令到我好期待!!一望個餐牌, 咁貴既, 不過算啦, 好食既話都值既。聽朋友講, 呢到既豬最出名, 於是叫左豬紅, 豬腸, 豬頸肉, 配油麵, 再加一支可樂。豬紅的確同出面好唔同!! 有驚喜! 中意食豬紅既唔可以錯過! 因為呢到既豬紅好滑! 滑到好像豆腐咁! 但可惜, 無咩豬血味。覺得似食緊豆腐多啲。豬腸佢比得勁少, 而且!! 一半都唔係豬大腸黎既!! 係好薄果隻直腸定小腸(我唔識分), 但叫得豬腸, 緊係食厚厚既大腸果隻口感同味道, 呢隻薄腸完全無大腸果隻臭臭地但又幾香豬味, 吸引你去食既味道, 連口感都好差, 好NUM又薄, 又食唔出豬味。豬頸肉, 一般, 肉質較實, 又無燒過, 所以無酥脆既感覺, 一樣, 無咩豬味。唔明點解出面點整都好食既野, 呢到會整得咁差。以豬出名既車仔麵食唔出豬味, 其中好大原因係因為個湯底, 食過好多間車仔麵, 無論無牌小販定小店, 都無呢間咁差, 因為呢間個湯真係濃到你咩味都食唔出! 但唔重牛腩味, 一味得個咸字。可能因為我地成十點先去, 所以啲湯咁濃, 但真係感覺好差。唔通唔識沖淡

foodki家住銅鑼灣,以前放學已經成日食榮記,以前貪佢又平又好食,但而家既榮記真係貴左好多好多榮記粉麵@銅鑼灣豬頸肉牛腩油麵(6.5/10)($32)榮記最特別就係個湯底,可以話係佢地既殺手鐧。腩汁湯底好濃郁好惹味,牛香好濃。油麵彈牙好味,每啖麵都沾上濃郁既腩汁湯,真係好正。牛腩炆到超稔,超入味,牛味比牛腩汁更濃郁,超正,foodki認為牛腩係必叫架。豬頸肉韌韌地,加上牛腩汁就更加好味。

車仔麵是香港人共同的一個回憶，既有特色又富有香港人精神。雖然配料平價，但經用心的烹調，變成出色的美味。正正反影了當年的拼博香港人。在物資短缺的年代，把緊有的食材配上創意，組合出一個又一個的年代名物！呀肥最近都喜歡吃車仔麵。一來方便，二來平價。正好當晚經過，聞到香味就決定了在「榮記」解決。八時半左右，在門外等了大約10分鐘。店內座位是有點擠，但仍是有鬆動的空間。一坐下，店員姐姐就要你立即落單，相當有效率！在沒有細想下，當然要了牛腩蘿白。怎料已經沒有牛腩了，只好另揀牛筋。麵上桌時，已見到那濃濃褐色湯底，「各式粉麵或淨送均配有腩汁，如顧客不要腩汁，敬請早揚聲。」是牆上的餐牌寫著的。像我這種濃味怪，當然不會走腩汁啦。牛筋蘿白米粉 $31湯底幾乎整碗都是腩汁，味濃略油。牛筋好腍好軟，有咬口又好膠質！而且入味，相當不錯！而蘿白也很入味，完全無渣，蘿白必食！米粉量不多不少，正常。招牌雜（大）$42我對招牌雜的評價就一般。一來，因為沒有豬紅，另外有一肉丸芫莤味甚重。但其實算是抵食，可試均很多送。雞翼尖最好味，因為鹵得很入味，脂肪皮已經完入不油膩而且入口「梅一梅」即化。在銅鑼灣這地段，算是抵食了。罐裝可

出親黎cwb, 肚餓一定會諗起榮記先5,6年前第一次食, 覺得好好味, 面底煮得剛剛好, 少少彈牙, 湯底好濃腩汁味, 好香, 想連個湯都飲埋佢.今次叫左個墨魚頭, 魚肉春卷 油面朋友果個係墨魚頭 牛肺 河粉再加碟 雞翼尖但今次有d失望首先, 油面今次煮得over左, 個面太林, 我食到一半已經冇哂心機食d面次次黎都嗌墨魚頭, 因為墨魚鬚口感好特別, 勁中意食, 點知今次成碗都冇一條而我最期待ge雞翼尖, 份量亦好似一次比一次少, 好彩個味道keep到但要一讚ge係雞翼尖個瑞士汁真係起出面點搵都食唔到...甜甜地, d雞翼尖又好入味車仔面個湯底都keep到一直都咁香濃

好像很久沒有寫，不知感覺是否還在星期日，來到銅鑼灣區，本來想去咖啡弄熱鬧一下，誰知怎麼去到人不多但要等七十多個號，於是筆者就站著等，慢慢等，等了差不多一小時還是原風不動，最後還是投降去吃別的餐廳，其實附件的筆者都經已大部份吃過，想找一點新意，去了吃粉麵。在這裡找到一間銅鑼灣頗有名氣的粉麵用膳，它就是榮記粉麵，原來這個品牌在銅鑼灣這又小又貴的地方竟然有兩間，真的不簡單，而且評語都是不俗的，所以看到渣甸街有一間便馬上進去了。這裹地方並不算大，是典型香港粉麵店，但尚算井井有條，單看餐牌非常簡單，算是非常舒服，而且沒有半點緊迫的感覺。雖說這裹是粉麵區，但跟其他粉麵不一樣，這裡是主打車仔麵的，食材包括牛筋牛腩等，還有一些款式叫作細雜麵等，其實選擇都很多，價錢方法比尖沙咀區更便宜，一個四款食材的車仔麵只是四十餘元，算是非常大眾化。筆者點了四款材料的車仔麵，牛筋、牛腩、牛肺及豬大腸，麵選了油麵。其實在香港吃車仔麵的次數並不多，是因為吃車仔麵的地方愈來愈少，也因為租金的關係，有時候筆者會想為什麼西餐並沒有如車仔麵般可以自選食材的食店，所以車仔麵可以說是香港的獨特飲食文化之一。這裡每碗車仔麵湯底都用上了

今日行街行開銅鑼灣果邊突然間想食牛什面果D 所以就周圍搵下最後行行下就搵到呢間當然我地就二話不說咁入左去了我地兩個人就叫左一個類似雜錦面同一個牛雜河呢個雜錦面好足料 有墨丸 豬皮 豬紅 牛丸等等個湯亦都好夠味呢個如果有機會就一定要再試到呢個牛什面全部都燜到好足 一D都唔韌 牛腩汁湯底好味下次去CWB 食面都會黎呢間

My buddies and I had such a huge lunch that we couldn't think of what to eat for dinner, then one sugguested Wing Kee.Environment & Hygiene:Nothing much is needed to be said. It was your typical noodles place in HK in terms of environment and hygiene. Service:Interesting. My friend had bought something and was showing us, and the nosey staff came over to have a loook and asked us what it was. Ha!Taste & Value:Lots of the items were sold out, but since it was like 2130, it was to be expected.  I

友人放工後，一齊去左shopping，然而，無功而回。時間不早，再加上明早又要上班，故決定食碗粉麵就各自回家。在渣甸街逛了片刻，就去了榮記粉麵開餐。單拼或雙拼索價$31碗，與太安樓的林記相比，真的貴了點吧﹗當然，這是旺區租金昂貴的代價了，誰叫小妹此刻身在尺土寸金的銅鑼灣呢﹗我們要了兩碗三餸麵，並要了一罐玉泉忌廉$7 share。友人的墨魚頭魚腐柴菜米麵$36只有四件入口爽彈富嚼勁的墨魚頭，兩件吸盡湯汁入味非常的軟腍魚腐，碗底的柴菜，以及少量送贈的通菜。小妹的墨魚丸魚皮餃通菜米線$36只有兩粒足料爽彈的墨魚丸、三粒稍嫌皮較厚的魚皮餃，以及一大束鮮嫩通菜。米線也稍稍淥得偏軟腍了少許，嚼勁稍遜。牛腩汁更可說是全碗碗的精華，味道濃香而豐富，質感較坊間為濃稠，絕非死鹹的，而是較為豐富多變的。

平時去都應該要等位嫁,好彩今日都唔洗等太耐,撞正岩岩有人走,所以就有位LU。我鍾意依到D野夠濃口味,因為佢個湯真係依到既重點,顏色睇落好深,睇就知佢係好濃味,絕對岩我心水,但咁濃咪一定好重味精,但佢又唔係,因為佢個腩汁真係咁既色,真係好正,今日就叫左幾樣餸有牛肺牛筋既面,平日係出面好少食牛肺,因為出面個D唔夠味,不過依個冇得頂，軟身又唔會無哂咬口,最緊要係佢好厚身又大塊，D汁入去非常好食！！牛筋就好好食既,夠哂林呀,膠質勁重,不過平時唔係成日,因為佢太稠,依到既都係一樣,不過好在夠滑,唔係我就真係唔鍾意，另外再叫左個羅白同豬紅,佢依個羅白真係超哂班,就哂唔係依季,佢都整得好甜,豬紅又夠滑,真係一流。仲要樣樣都好足料,唔會話好少,份量十足,如果諗唔到依咩不妨試下雜面,咩野都有,都幾正嫁。

如果以車仔麵既角度,我既首選係新記,那個辛辣既醬汁真係十分惹味,放落湯和小食度都可以由地獄上番天堂.今日朋友話想食牛腩麵,我腦海有呢間榮記,好似有好出名既腩汁,亦算係車仔麵,所謂簡左呢間同佢食.反正我朋友唔食辣.去新記簡直哂料其實我之前食過2次,有樣野我真係覺得好有問題,真係呢度既服務幾差,又係那種唔休做既店.基本上我係最憎既,但係決定左黎食就自殘多次咁啦.而呢度既MENU亦都有樣野好限制係最多4個餸我呢個係牛肺羅白米$30,牛肺十分入味,充滿其腩汁既味道,甜甜地咁.係我食過最好既牛肺之一.羅白亦係甜無渣.米粉是帶軟身索哂汁.其實都算係一個很高水準既車仔麵.而且有菜係底,比較健康一點.依度既辣椒油極辛辣,食客小心一點別扮型下太多.不過味精不少,而且服務態度實在不太好,所以都係無下次了