榮記粉麵

营业中

休息中

餐廳吾大，所以都要等位，但約10分鍾就有位。唔知點解唔開樓上！我叫左牛腩，墨魚頭同牛肺，墨魚頭好爽。朋友叫左豬頸肉同墨魚頭，佢都俾左個 very good!之後加多個例牌西洋菜同雞翼尖，啲菜好大碗，又新鮮，加上秘制腩汁，試過一定會愛上！不過雞翼尖就差咗！

跟好友去上 towngas 的烹飪班，時間趕忙，決定吃個車仔麵。「榮記」算是頗聞名，看見客人絡繹不絕，還要在門外等侯入座。服務一般，店員竭盡所能去搭檯，讓客人坐得不太舒服。我選了牛肺、牛根兩款，配粗麵。喝第一口湯，已經覺得怕怕 完全是腩汁湯，極濃的味精，真令人受不了。牛雜都給湯浸稔，毫不爽口，牛根削得很薄。附上少量西洋菜，可算是味精湯裡的清泉吧。渣甸街上有太多其他選擇，$27 也可以吃到更好的。

榮記真係好好食......最愛食佢o既豬紅，真係好好食嫁!!!!!滑嘟嘟，超好食。出面食唔到嫁!!!!!!!重有蘿蔔，又係超正。炆得好淋，又好甜!!!!!!!另外，重有一樣餸係好好食，就係墨魚頭。又係好爽，好好食最鍾意食佢d鬚，同埋d個頭o既軟骨位，真係好好食......至於麵底就通常食米粉，因為最索味......另外，食過油麵同幼麵都好好食!!!!!!!

之前聽過有人講話榮記車仔麵真係好好食，結果去左渣甸街果間試試真功夫，門口大大個招牌，一定唔會miss的叫咗一過腩汁牛腩魚片米，一心試試個腩汁係唔係真係甘堅！好唔好坐果d唔講喇，因為大家都應該沒有什麼expectation，是吧？腕米來了，賣相不錯。魚片整整齊齊的放在碗米粉的上方，加上青菜兩條墊底，牛腩就放下方，不錯！呢料喇！翻下碗底睇睇先！大鑊 首先發覺牛腩真的好細粒，得3-4粒。嘩！通脹都唔係咁離譜啊！細都係要食㗎啦，唔好complain甘多喇，酒店餐廳d嘢都係咁細粒㗎啦，又咪好好食 － 正面d去面對啦，香港人！食喇，いただきます！一放進口，覺得個汁好濃，但亦有一種甜味，大鑊！味精，好重嘅味精！個汁濃重特顯左個味精湯。魚片淋淋咁，一d都唔彈牙。牛腩肉身沒有什麼特別。米粉都係一般貨色，周街都穩到。食碗米粉都唔好食，應該沒有下次了！

特登去榮記食lunch!成班人叫大雜麵, 真係好好味!湯底好濃, 蘿蔔又入哂味!只可惜成間鋪頭既侍應都好無禮貌....問佢大雜麵入面有D咩就好唔滿意咁答,點知碗麵黎左貨不對辦再問佢就話記錯!落單果陣改少少野都比佢串番...再咁落去D野食整得幾好味都無用....

突然有一條車仔麵癮，去左好耐無食過既榮記車仔麵，入到去，昔日既裝修依舊係茶餐廳風情，係張張圓檯，可搭檯點左牛肚同麵根車仔麵原本想中途轉料，但佢話入左單,冇得轉添... 同既筷子係大排檔式, 一堆放係檯面哥隻,唔可以祈望會係好乾淨既...一黎到就最搶眼既係好深啡色既湯,係腩汁湯黎既,飲落都幾濃味麵根口感係OK既,但有種油"益"味....唔係咁吸引牛肚都幾好,有咬口, 量亦幾多唔鐘意啲麵好"淋",食唔晒添

很久沒有去榮記了，今天經過見沒有人排隊，便買了個淨豬紅，牛肺，粉腸外賣，盛惠三十。回家打開一看，除了豬紅多啲外，牛肺五件，粉腸只有三件。味道偏甜，下次還是去南記，好味兼底食。

同女友在 Sogo shopping 完有點餓，順便去榮記食車仔麵招呼: 基本上沒有可言，個個伙記黑口黑面。有個大嬏更加粗口全場滿天飛食物方面越來越唔掂，無味、縮水顧客注意: 最低消費每位25元埋單一共$98個大洋，兩碗麵、一個淨豬紅及一罐可樂Ｄ"送" 越來越少而味道越來越差記得上次是禽流感來光顧，沒有豬紅賣。唔通豬紅係雞紅很久沒有來榮記，各得一次比一沒退步。但價錢一路一路進步

呢間野我食左幾年架喇，個湯底真係冇得彈呀！不過暑假果陣食，單雙併都仲係$22之嘛！而家已經加到$24好彩水準都係一樣咁好，叫左牛筋同墨魚頭，正呀！朋友就叫左牛肚，墨魚頭，仲有另外兩樣不過我唔記得左佢成日強調牛肚好好食，可惜我冇興趣

車仔麵來說, 湯底特濃又正的非榮記莫屬, 這邊分店還沒開的時候, 糖街那邊都不知每天有多少人要排隊才可以一嘗它. 幸好現在有分店, 基本上這邊都不用等位, 但都近乎爆場的了, 今晚下層已經滿座, 那只好多走幾步往樓上雅座...二人行點了兩碗三併$29/ 碗, 我倆較喜歡這裡的河粉, 晶瑩通透又滑身. 餸方面每人點不同款, 那就可以交換來吃, 除了蘿蔔, 因為蘿蔔各自都要將它私有化 湯底依舊是超香濃! 牛筋燘得勁腍, 蘿蔔依然是夠腍又甜! 湯底同上! 墨魚頭彈牙, 豬紅很有彈性, 挾起不會散, 蘿蔔同上!在銅鑼灣來說, 約$30 吃一餐也算是相宜了. 所以每經過銅鑼灣又想不到吃什麼好的時候, 就會過來吃呢, 每次都很滿足捧著肚子走.

明明約了今日一起去書展，我和另一位朋友卻在前一晚食完清湯腩之後先去了一趟 ...... 不過書展一次走不完，何況大家都約定了，不能亂放鴿子。如果要票選香港最具特色食物，我會毫不猶疑把車仔麵放在前三位。今餐去了糖街的「榮記」，原來是間名店，玻璃上貼了謝安琪、吳家樂、陳奕迅同老闆仔仔的合照。其實只要食材新鮮(至起碼也不要是放了很久的存貨)，腩汁或咖哩汁夠濃，麵質正常，車仔麵都好難唔好食。我車仔麵通常會點以下食材其中幾樣：豬紅、豬皮、牛筋、牛肺、白蘿蔔、魷魚、生菜。而麵我是一定會點粗麵的，如果沒有粗麵則會點河粉。幼麵一般是不予考慮，因為總感覺幼麵只能配雲吞當雲吞麵，另外更科學的原因是直幼麵不太吸汁(彎曲的幼麵如公仔麵才會)。榮記的湯底和腩汁非常濃，很夠味，而且帶我愛的辣味。但口味較淡的可能會感到有點咸。魷魚彈牙、蘿蔔和通菜吸汁、牛筋有嚼勁、豬紅爽口。出色的醬汁和湯底配著我至愛的配料食，簡直是天堂般的享受。服務和環境我倒覺得沒網友們說得不堪，基本的一句多謝還是有的。

坐左係收銀隔離, 出餸位, 比較峽窄.睇左食評, 叫左牛筋, 魚腐, 蘿蔔, 米等左十分鐘左右, 有得食 ~ 一黎試下個湯, 唔覺有平時食開既腩汁味, 但都幾好味.每碗都有少少通菜, 非常好~ 蘿蔔好甜, 牛筋入味之餘又淋, 魚腐就普通啦 ~雖然我無叫野飲, 但食完都唔口渴.

本人經常幫曾榮記，第一佢夠平，第二用料正，湯底好濃，同埋每碗炒麵都有菜係我LUNCH TIME必選!!我每個款式都食過，極LIKE豬頸肉、雞翼尖、豬紅、牛筋仲有辣椒油!!!最緊要係即叫即做，所以等5-8分鐘都值得^^

After trying noodles in soup, I opted for noodles in sauce (Loa mian) this time.Their sauce is basically the same soup for in the soup noodles, but only half the amount in the bowl.Then there is an option of curry sauce or spicy sauce to go on top.For drinks, I had a lemon coke, it was actually lemon flavoured coke by the Cola company, not a glass of coke with a piece of lemon.There were two sauces to choose from, spicy chilli and curry sauce.On the table, there are quite a few plastic cups, the

1月26日, 車仔麵癮又起喇, 銅鑼灣以至全港最美味車仔麵首推榮記~ 餸料可能會冇乜特別, 但係佢地嘅腩汁湯底必定係我地心目中首選~ 佢地越做越大係有原因嘅~::: 牛腩豬頸肉魚皮餃牛肺米 ::: $31一個4 餸米都係$31, 真係好滿足! 湯底依舊濃香, 令到每樣餸都索晒汁, 非常好味~ 最鍾意食嘅牛肺怕會唔新鮮淋pat pat, 好彩佢呢度內臟野夠新鮮又入味, 牛肺彈牙有牛味, 不過份量就少咗d~ 豬頸肉好彈牙, 少少肥好香口惹味~ 魚皮餃同牛腩都係普普通通, 不過有湯底襯托已加咗唔少分~::: 淨菜 ::: $12都係第一次喺榮記食凈菜~ 估唔到都幾大兜! 菜類少得幾乎無得揀, 多數都係得西洋菜. 出奇地d西洋菜一d都唔老, 仲煮得夠淋, 一咬即斷! 味道精粹絕對係個腩汁湯底!! 腩汁中再混集少少牛腩肉碎, 又香又濃, 用嚟送菜食真係一流~::: 忌廉 ::: $6樽裝汽水配車仔麵, 就如漢堡包配汽水, 同樣係絕配! $6一枝雖然貴咗少少, 不過好能夠為車仔麵畫龍點精!只能再說一句: 我地會再番嚟架!