榮記粉麵

营业中

休息中

榮記粉麵不嬲都頗出名，見好耐冇嚟，就幫襯下啦。我叫左一碗雲吞麵（$34），一個腐乳通菜（$20），一罐可樂（$7）雲吞水凖依舊，皮薄餡靚，豬肉和蝦的份量配搭得宜，蝦的處理不錯，雖然不是新鮮蝦但是依然肉質爽口。雲吞皮也挺不錯，薄而通透亦不厚，水凖之上。埋單超過六十蚊，雖然覺得有點貴，不過真心覺得不錯，雲吞始終是香港地傳統美食！

第一次光顧渣甸街這分店，食得榮記，就要預咗冇服務質素及環境坐位擠迫。 吃的只是榮記勁入味的湯底，雖然偏鹹，但卻是精粹。是次點了豬皮、蘿蔔、米粉。今次勁正，碗粉配菜是通菜，是我最喜歡的。 可惜這裡很出名的豬紅早早賣完了， 今次未有口福。豬皮夠入味彈牙爽口，蘿蔔冇得輪，勁入味夠淋身。不過吃完會很口渴。

加埋汽水都要成40蚊一個車仔麵食食下有隻超巨型曱甴係牆上行過, 嚇到成台人執野走最有趣係班樓面阿姐只係企係到睇住佢走, 而唔係搵野整死佢隔左幾分鐘咪又走左出黎, 嚇到我食左一半走人算食肆眼不見為乾淨, 但竟然俾隻曱甴走出樓面都若無其事幾好味都好, 一定唔會再黎食

說真的，這半年來吃過有十次以上的榮記了。肥膏是粉絲，因為夠味濃！不過位於渣甸街的這間，我們是第二次食。第一次印象好麻麻，今次亦然。第一沒有禮貌好似是茶餐廳及粉麵店的通病，早已見慣不怪。但是，不好的印象還是會留下。墨魚頭，豬大腸及牛肺麵加底肥膏點的，豬大腸好味，但相比起糖街的那間，這間店就差了一皮。墨魚頭及魚肉春卷米我們倆都點了墨魚頭，就知道很好吃。雖然這間的都ok ，是好吃的。但是份量卻比糖街的少，但是價錢卻是一樣的。魚肉春卷很稔，這是我第一次在「榮記」食，但感覺不是太好。太稔了。湯底是跟糖街的那間沒有分別，但是仍是覺得差一點點。如果下次仍有選擇，我想我還是會去糖街的那一間，而不是這間。 

是日獨自晚餐，幫襯榮記車仔麵外賣等左5分鐘！叫左「蘿白牛肚墨魚頭幼麵」（$39）蘿白好腍甜！仲索晒啲湯底腩汁嘅味！牛肚都好乾淨炆得岩岩好！墨魚頭係鎮店之寶，必食好爽好正！呢度每次都會加送幾條菜，今次係通菜呢度幼麵係較軟身果款，比米粉更正滑口啲又吸收到湯底精華係個湯底偏咸，濃味過頭～有埋車仔麵必備辣椒油

呢間這平價之選車仔麵係銅鑼灣開咗好多年，湯底屬於超濃，偏鹹，重口味，不過好啱我口味。我叫左豬紅蘿蔔紫菜雞翼尖油面，蘿蔔超級甜無渣，好好味，雞翼尖好惹味令人食完一隻又一隻，每次要叫一碟先夠食。

估吾到呢個年代, 仲有細個時嘅好味車仔麵質素!!!幾年前, 見朋友叫外賣翼尖, 話好好味所以特別去買⋯ 我就想試下呢間, 想睇下有幾要特別去咁囉... 😂😛結果, 個多月前, 朋友話不如食榮記, 我當然話好啦~食⋯ 我呢個幾月 就黎第三次了... 😂鐘意呢道嘅同事, 率情唔做作, 好有義氣街坊感覺! 爆場極, 都會主動同你落單, 友善的! 👍🏻車仔麵唔油膩, 我竟然會飲個湯!!! 🙀翼尖就叫一碟味濃啲, 跟車仔麵嘅餸因為浸咗湯 無咁滋味~ 😬 通菜, 睇得出 食得出 有心簡過, 無浸壞 up 爛嘅菜, 條條食得~ 食到尾稍咸, 足料麻, 自己响車仔麵湯過過就得啦~ 😆😽

講到銅鑼灣，一定要食榮記粉麵！真係好好味，如果要數最好食車仔麵，榮記一定有份😤渣甸街呢間榮記，有上下兩層，次次經過/入去食麵，都幾乎滿坐嫁😊 牛肚、紅腸、豬頸肉幼麵💰HKD39配料唔算份量好多，但係味道十分好，每樣配料都滲入晒腩汁，牛肚好腍，豬頸肉都幾厚身。個腩汁最不得了！超濃！係成碗麵精髓所在，而且偏甜。不過略為有點油。每碗車仔麵都會有西洋菜。 雞翼尖、豆腐卜、墨魚頭、豬大腸油麵💰HKD45一樣配料都係超入味！墨魚頭好爽口，豬大腸唔會話洗得唔乾淨，而且都幾肥厚。但係對於一個男人黎講，呢個份量就唔係好夠佢食喇sosad 話說我差不多晚上十點去食，已經冇晒牛腩😫之前食過真係好正嫁，夠晒味夠晒腍！😛另外榮記嘅辣椒醬都好香，而且都幾辣，千其唔好貪得意落太多，否則就辣得濟食唔起到喇！女仔黎食份量就夠，但對男仔黎講份量就偏少喇。不過過下口癮唔錯嘅！

去CWB見完個客...求其入左呢間粉面...都幾多人...仲要上一層閣樓食-.-上到黎環境好差...好唔舒服...諗住快食快走算...見佢雞翼尖同墨魚頭有得叫淨送....應該係熱賣掛~HAHA叫左雞翼尖同墨魚頭配油面...冇叫都有幾條通菜食下...都幾好GE...不過個湯唔夠熱...但好重味...同埋唔知點解個湯好多"渣"感覺好怪...墨魚頭幾爽口彈牙... 不過食完個口會好似涼涼地咁...應該係"NA"得好勁雞翼尖煮得好入味...甜甜地..好惹味...仲化哂骨~(最中意食化骨雞翼)個面就唔OK LA...好淋...夾埋個湯令我覺得都幾反胃車仔面黎講...D配料係不錯...但湯同面底都唔得...

今日去左openrice上口碑唔錯既榮記粉麵，聽話有兩家，好似係糖街既果間出名d，但因為渣甸街果間之前見過所以知道係邊，唔洗特登搵就去左果間。唔想諗食咩好，於是叫左招牌雜加油麵，不要辣（39蚊）朋友叫左34蚊既酒菜雲吞麵加河粉。冇幾耐兩碗一齊上黎，我果搵大d，去果碗有d細，有d驚我朋友唔飽。招牌雜有豬皮，牛肚，幾舊蘿蔔，一個牛丸，一個魚蛋，小小菜。我記得之前openrice上睇到仲有豬紅既，但今日冇。蘿蔔好入味，牛丸有彈性，魚蛋都唔錯，牛肚得一兩個，好少，不過好腍。豬皮麻麻，有d腥味，少少失望。油麵唔多，腩汁好似冇乜特別，但係整體唔錯，係去銅鑼灣自己一個食飯時既好選擇。

又係收夜咗，在小巴站附近買外賣， 呢間人氣車仔麵出名，之前食過糖街嗰間！今次買外賣，普通麵店格局，裝修平實，門口有個男店員幫我落單收錢！ 然後比個膠籌碼比我等，好快已經包好比我！ 三拼麵（$34）普通發泡膠碗，打開好香腩汁味，雖然味精重但濃香吸引！我揀咗雞翼尖豬腸粗麵，粗麵比較粉，索晒湯汁好味，雞翼尖鹵得入味，雞翼尖肥美大隻，雞骨嘅肉嫩滑，豬腸肥美，腸衣彈牙，中央好多油脂，麵內仲有好多青通菜，爽口又索湯，辣椒油好香好辣！增加香味！男店員粗豪爽快，雖然略貴，快快手又一餐！

I didn't know there were two branches of Wing Kee so I only went to this one.This time I had beef tendons, cuttlefish head and pig's blood with flat rice noodles.The broth had a strong beef taste but the pig's blood, cuttlefish head and beef tendon were too salty.

朋友住香港區有平靚正介紹我去試雞翼尖好出名果然雞皮冇炆到爛晒但又夠入味好香鹵水味,墨魚丸就食普普通通唔夠彈牙比較多粉,魷魚鬚咁大條都超林正一啖即斷仲有鮮味做得好豬紅夠滑又冇腥味鹵得入味又唔會爛晒,牛腩就硬小小可能太瘦關係好彩切到細細舊方便咬但炆到香料夠晒味不過有小小痂牙,春卷比較南記簿身雖然吸左湯底會好味但偏林同冇咬口唔彈牙又冇魚味似食緊齋腐皮卷米粉好硬似用熱水浸完臨上枱整熱冇煮返透身所以唔好食,油麵太林冇左彈牙感覺好彩新鮮冇油益味,唔食牛記得叫走腩汁不過員工通常都會問一 問,相反食牛嘅一定要加腩汁好濃好香牛味一睇個湯咁深色就知好野啦,豆漿都濃豆味有小小杰杰地好味,價錢平又抵食

榮記車仔面成日聽, 今次終於第1次去食喇。3點零鍾去到, 所以隊都吾洗排呀今次叫左兩個河粉, 其一係面筋蘿蔔河, 佢有西洋菜, 實在太好味, 加分不小~面筋反而冇想像中吸咁多汁, 所以吾太夠味。第二個係牛腩東菇河, 其實想食烏東的, 但佢MENU係冇的,HAHA東菇炮製得好好呀, 入曬味呢~

榮記係一家老字號喇，成日人都好多，店裡邊唔係好大，不過人就好多，所以成日都要同人拼台，不過都几快，十零分鐘就OK。我係同D朋友一齊來嘅，人多唔使同人拼台喇，車仔麵係一定要嘅喇，可以選擇二拼，三拼，四拼，四拼先44蚊，都仲算可以，牛筋牛肉好犀利，煲得軟綿綿的，有韌性但係一D都不會咬唔爛，又入味，正吖！蘿蔔仲勁，清甜可口入口即化，剩低最後一塊果陣真係唔捨得食啊，豬紅有滑又嫩，都好唔錯。當然，最犀利嘅就是湯底喇，湯味非常濃郁，非常香，但係又一D都唔係鹽嘅鹹味，鹹味是啱啱好的。但係湯又真係好有味。果種感覺真係無法形容，有機會一定要去試下先知！