榮式燒雞扒

营业中

休息中

由於在附近上班的關係，都有不少機會食榮式。食榮式就要有心理準備：多人、超迫、搭檯、食得急等等，但不得不讚，佢的雞扒係好食的……所以今晚就再去食吓坐低便心想食一些不同的，加上不太想吃飯，所以點了雞扒撈丁一上桌，買相可算吸引，鋪在麵上的有一大塊煎香，有點焦的雞扒和其他配菜，如椰菜，蔥蓉等，一貫榮式風格，正，雞扒依然美味香口，但美中不足的是今次煎得不夠薄。但撈丁略為遜色，未乾哂水，加上個麵中間有點硬，但麵外面又太軟，可能是落麵時水太熱，烹煮時沒有發散麵餅所致，有點失望。所以當一間店名氣太高時，有時真的要想辦法保持所有食品的質素，否則可能回到起點會更好……

去睇Musical 之前食個快晚餐!榮式雞扒 - 大大塊 (HK$ 42)烏冬 - 比一般粉麵好味呀！ (HK$ 42)雞扒大大塊，雖然不算厚身。愛雞皮的會喜歡。烏冬有驚喜，比一般茶餐廳粉麵好味呀！加了涼拌木耳絲及凍檸茶涼拌木耳絲 - 酸酸爽口，好大份！ (HK$ 24)伴碟芽菜清淡些，也有很多。灣仔區$70晚餐，算合理! 

N年前去過有朋友帶我去過銅鑼灣分店，已覺得榮式燒雞扒好好味。剛過去星期日下午在灣仔附近有聚會，聚會前當然要食喲嘢，OpenRice search 下，見到原來蘭杜街j都有榮式燒雞扒，就約朋友再試一試。感覺跟以前一樣，好美味。燒雞扒有鮮味肉汁，加上餐廳的秘製調味，帶出美味的雞扒 正是1點左右的午餐時間。我們5位而我是最早到的一個，服務員很好的給我留座位而不給其他客人，又很有心機的給我們解釋價錢及選擇飲品，十分細心呢！

星期六中午，諗住去PP睇戲前嚟食個lunch，點知星期六lunch time 同平日lunch 一樣咁多人，真係利害！其實我次次都想試下其他新產品，但次次我都係唔捨得唔叫佢個＂雞藕天成"，因為實在太好食，佢燒到外皮脆而肉嫩嘅雞扒，同埋天下無敵嘅炸藕餅！佢充滿濃郁嘅蓮藕味再加上肥瘦適中的豬肉，咬落啖啖肉，真係百吃不厭！我成日諗如果響屋企可以煮到依個餸，我肯定食十個八個都可以！

平時都係CD-ROM, 但今次真係要特登開個account寫評讚讚！幫襯過兩三次，仍然保持水準，雞扒肉質嫩滑，油份適中，唔會肥淋淋，份量足夠，飯質夠軟熟，最鐘意佢嘅菜脯酸菜，餸飯一流開胃，另外想讚下跟埋嘅凍OT,唔洗加錢，但絕對唔hea, 48蚊（雞藕天成飯），計質量，絕對唔算貴。

榮式有雞扒, 豬扒, 豬頸肉, 豬軟骨etc…. 但我個人最喜愛既都係榮式雞扒.榮式雞扒($42)雞肉嫩滑, 雞扒烤得個皮好脆, 雖然係比較油淋淋, 但正是食雞皮既精髓所在 !配烏冬十分之in un (彈牙)，個湯係出前一丁味，加左少量辣汁～配飯,會有薑蒽,好惹味,送飯一流晚上6點後無左個餐，所以唔包野飲。

前幾日在金鐘做完Gym，超肚餓，就即刻去做附近的榮式燒雞扒食lunch! 雖然十二點鬆di,好在一個人所以立即被安排了在同另外五個大漢搭檯。。。＝.="很快就拿定主意點了雞排烏冬同凍檸茶。下單不久，對面的三個大漢就去了埋單，侍應哥哥有禮貌的問我可唔可以調去另一張檯，咁可以空四個位被等侯的人。我當然無問題，呢啲都係將心比心，大家有禮貌互相協調一下。等佐一陣，一位無著制服的小姐走過來很粗魯的說“你坐後一個位呀。” 基於她完全沒禮貌，我就講“已經調佐一次啦喔！” 神奇的事就發生了。。。她說 “坐後啦，唔好阻住曬！” 跟住就收曬我的食具去第二張檯！！！  我唔知呢位係收銀定係太子女，呢啲咁ge態度完全唔要得！！！ 講翻野食，烏冬煮得不錯，爽口滑嫩。雞排煎得剛剛好，皮脆肉嫩，不過比較油！ 雖然食物質素唔錯，但係應該唔會再堂食！！！

今日到灣仔工作，例問地頭蟲同事有甚麼推介。結果投票決定試試這間區內薄有名氣既榮式雞扒， yohoo!😆兩點過後食，為的不是下午茶，但求可以有位坐！最後㨂了雞扒豬頸肉飯配粉葛湯。無諗過套餐配的不是「例水」而是老火靚湯！有湯渣架！噢！賣飛佛！😘😘😘個榮式雞扒同豬頸肉亦非常出色！雞皮煎得香脆，雞扒亦鮮嫩多汁。豬頸肉也好食得「喧賓奪主」，香辣惹味既汁醮上爽口脆嫩既豬頸肉，😋😋😋 ！ 飯拌有特製醬油及辣菜甫！正！埋單價錢只是$46（包冷熱飲或老火湯），區來說相當不錯！下次再黎試其他野先！😘

同朋友食呢間，係朋友介紹既竟然有房坐，即時大大加分，因為不用擔心手袋安全問題已經很好朋友們要跑馬拉松，所以個個叫曬多飯嘩，一來到，好開心，真係好多飯，但重點是，我們都把它食曬呢個叫雞藕天成，46蚊藕是蓮藕，即藕餅，好味BOR，再食埋塊排，不錯汁是豉油汁，甜甜地，肚餓時真係要去返呢間，因為食得開心時仲要夠飽

今日蘿拔仔第二日係金鐘番新工同同事去左榮式雞扒,十二點半去到門口已經排滿人等位, 我地坐落都只好快快食快快走, 無謂阻住人地翻枱丫嘛~時隔多年, 重臨舊地, 榮式燒雞扒食物種類已經變得更加多元化(雖然都仲係雞扒乜乜乜XD) 不過, 面底飯底既選擇就多左. 廢話唔多講, 今日蘿拔仔食既就係雞扒稻庭烏冬~稻庭烏冬口感滑溜爽口, 入口一吞直落喉嚨, 無論打邊爐定係放湯自已煮都係一絕 呢度當然唔係用老翻貨仔, 口感當然滑溜溜, 湯底加左辣椒油, 不過就唔洗太過期望有啲咩辣味喇, 因為真係吊下味, 上下色架咋雞扒保持一貫水準, 肉質鮮甜, 外層的蜜糖完全被雞肉吸收, 表皮有燒烤架的坑坟而且略硬帶焦, 可惜的是蘿拔仔那一塊有點烤得太焦, 吃起來有點燶燶的. 但味道依然一樣好!不過份量實在太少喇, 對男仔黎講真係唔多夠飽呀!

臨離開香港之前，忍唔住再來到這裏吃雞扒懷緬一番，一碟飯有兩大塊燒雞扒，配上大量蔥花及榨菜。我喜歡它其中一個原因是新鮮熱辣，雞扒用黑胡椒掩過，蓋上了少許蜜糖味道，我覺得可以將它納入為香港的名物呢！

間鋪頭係巷仔入面，係地鐵站行過去15分鐘左右。一行人黎到食晚餐，入面滿座，要係外面等，好熱但等左10分鐘左右就入得去唔算等太耐。叫左招牌既雞扒飯同埋雞扒烏冬，加10多蚊可以升級做套餐，包一份小食同飲品。小食我地就揀左茄子同豆腐，所有野質量都唔錯！ 雞扒煎得金黃色，好入味，少少甜味偏咸，送白飯好好入口，而且鷄排比較瘦，唔會有太多脂肪覺得油膩。烏冬配鷄排可以系另一選擇，呢個配搭就較爲濃味，但一樣好食。飯既份量夠大，埋單一個人約60蚊。

美味的燒雞跟友人討論了很久也不知道有什麼好吃又便宜的，有友人推薦這間燒雞店，因為便宜，味道也不錯，全日價錢也是一樣，所以不會晚上的時候特別貴。來到的時候已經滿座，不會很快便有位置了。一行6人，我點了這種非常有名的燒雞配蓮藕餅，因為本人對蓮藕餅不感太大的興趣，不會見是招牌菜，所以不得不試。這個飯晚餐時段也只是$42，真的很便宜，還可以自己任加蔥，我加了很多用來送飯，香口到不得了，蓮藕餅出奇的好味，因為它是加了粉漿去煎，非常好味，沒有後悔試這個。雞扒也做得非常出色，煎得很香，皮的脂肪也不是太多，所以吃時沒有太多油膩感，不過最好吃的還是蓮藕餅，本身也不是太愛吃，但他加了肉碎，薯粒，變得很好吃。

焼雞扒飯平時都唔會想食肉，但有時都心思思想食呢間燒雞扒。d雞扒煎得很香，外皮脆口，高溫之下鎖住內裡肉汁，使得肉質仍然嫩滑可口，外脆內軟。雞肉醃製得剛好，鹹度適中，肉質也很滑，食唔出冰鮮雞的雪味。側邊配上了榨菜，薑蔥，十分送飯，上面淋上豉油，食到停唔到口。所以唔敢多來。

之前睇雜誌介紹睇過你到，話依到老闆係會研究獨有既汁燒雞扒,之後朋友又咁岩叫我黎依到食,睇黎都真係比依個做出左名堂。個日黎食都算多人嫁,希望好食喇,軙到當然要食依個汁燒雞扒,佢都真係燒得唔錯,岩岩好,又真係十分香口喎，佢依到既秘方燒汁非常之惹味，有少少中式既味道,又少少日式既感覺,應該係兩樣野合埋黎做。雞肉既質感真係非常好,唔似普通冰鮮個種平價貨， 配飯既仲有依個蔥油同乍菜粒，加埋雞扒送飯真係好好好吃。不過真係唔可以食太多,雞皮真係令人有罪惡感,朋友叫左依個燒豬扒埋蓮藕餅,佢個豬扒比起雞扒就無咁滑及同埋無咁惹味,幾鍾意佢醃得幾有住家FEEL,有豬肉味之外仲好夠肉汁,而且無咩鬆肉粉既味道.個炸蓮藕餅就正係幾正,兩大塊好厚,不過真係好好味。