榮式燒雞扒

营业中

休息中

榮氏燒雞扒的盛名早在同事間廣傳，一直都期待著親身嘗試，可惜早前來到時碰上它裝修而未能一嚐它的風味。今天午飯，抱著搏一搏它已經裝修完畢的心態，前來朝聖，非常喜見它已重投服務。裝修番新以後變得新潮，名字也改為榮式燒雞扒。午飯排隊等候入座人數眾多，就用這段時間研究一下餐牌，差不多輪到我們入座時，店員讓我先點了餐，後安排入座，而加快上餐速度。在同事介紹下，我點了招牌：榮式燒雞扒配撈丁（$46)。嚐一口，立刻喜歡上了。雞扒外皮煎的香脆，雞肉極其滑嫩，滿滿雞香味；薑蔥油配料豐富了雞扒味道，也讓原本普通的公仔麵麵底增添了獨有風味特色！香脆的雞扒，獨特的配料，這裡絕對給予了我充足理由再次光顧！

兩年前係度食過一次LUNCH，感覺唔錯，雞扒層皮煎到好香好脆但灣仔一到LUNCH時間四圍都係人，所以已經少左出去食飯機原巧合下發現原來榮式有下午茶套餐，而且價錢合宜，一於收左工去試下啦去到果陣，店內無其他食客，我居然包場本身想食個檬粉，但職員話無哂，所以叫左個 榮式雞扒拉麵榮式雞扒拉麵 ($40) 包飲品LUNCH雞扒有兩塊既，不過而家係下午餐所以得一塊味道仍舊好食 雞皮煎得香脆 仲有淡淡既黑椒味 肉嫩又唔腥個拉麵有啲椰菜絲、甘筍絲、翠肉瓜片，令個餐即刻健康左另外，個麵加左D泰式香葉提味，令個湯無咁寡，唔錯對我黎講，呢度既午餐都算大份，成日都食唔哂；反而下午餐就岩岩好，唔會造成浪費坐左半個鐘左右，食店都已經坐左一半客，見到佢地幾乎個個都係叫雞扒飯!!啊!! 白飯淋上豉油汁、旁邊仲有兩塊金黃色既雞扒、蔥花灑面  完美配搭

裝修完後第一次再幫襯，有新餐牌，什麼全新超包套餐，改到d名怪怪，我對車無認識，將d下午茶餐名改成，turbo輕盈運動版, GTR型格V10超級版, TT RS品味開蓬版, 完全同個包無關！order咗GTR型格V10超級版下午茶餐，眼前一亮，真係好重料！個包有招牌雞扒，芝士，煙肉，蛋，蕃茄，生菜！仲有即炸薯條！我估可能新鮮薯仔切出來炸，好食過麥記好多倍！再望一望價錢，送凍飲只是36蚊！！灣仔區來說，完全係誠意之作！物超所值！

每日lunch time繁忙時間，灣仔蘭杜街成條街都大把人排隊吃飯，但最多人排隊一定非榮式燒雞扒莫屬。一直不知道點解這麼多人排隊，原來雞扒即叫即燒，怪不知得這麼多人不介意在門口大排長龍。最好笑的是餐牌上「雞同鴨講飯」以及「雞藕天成飯」，雞固名思義榮式燒雞扒，至於鴨就是鴨胸，藕就是蓮藕餅。 熱騰騰的榮式燒雞扒多汁脆口，需要耐心等候都覺得十分值得的。榮式燒雞扒，既非黑椒，又非照燒，既然由榮哥發明，索性取名榮式。最後扒上榮哥秘製的肉汁醬油，榮式燒雞扒帶點甜味，令人一試難忘。

榮式雞扒，顧名思義梗係過嚟食雞扒啦。雖然又有茄子、又魚柳又其他小食，但係令佢成為我同男友常去既飯堂就係因為雞扒做得好！雞排滑嫩入味，配搭薑蔥送飯一流除咗配飯，仲可以配公仔撈麵或者配包都得，一樣主打菜式幻化不同配搭！出面太多餐廳有幾十樣菜，但冇一樣做得出色。其實做食肆好簡單，只要你有一味招牌菜做好，定位清晰，老遠既客都會因為你既獨門配方走過來一試，或成為粉絲。同時，客人亦都唔使為咗係向幾十頁嘅菜單諗食咩而頭痛。

今次約咗兩個朋友行山,由灣仔行到去香港仔,行完山之後大家都有啲肚餓想食啲嘢,但又未去到夜晚嘅晚膳時間, 所以我哋就選擇咗去食下午茶, 其中一個朋友就係佐敦食過呢一間榮式燒雞扒,朋友就話呢間嘢好好食, 見到佢個下午茶餐牌好似好正好抵食,之後我哋一行三人就決定入去試下啦!餐廳內籠餐廳環境還算闊落,坐得都幾舒服下.下午茶餐牌佢哋依度嘅下午茶餐牌十分之簡潔容易明白, 主要有由兩個部分組成, 第一個部分呢就係先揀下午茶嘅食材, 然後第二部分就係揀配啲咩麵或者粉. 喺第一部分分別有:榮式雞扒,豬扒,豬頸肉,蓮藕餅,鹽酥雞扒可供選擇,而第二部分就有:米粉,撈檬或湯檬,湯丁或撈丁,拉麵,稻庭烏冬可以揀, 下午茶餐仲有包埋餐飲.鹽酥雞扒配拉麵今次我就揀咗鹽酥雞扒配拉麵,鹽酥雞扒食得出係即炸嘅, 雞扒好香脆而裏面嘅肉亦都好香滑,佢嘅配菜係用咗椰菜絲,紅蘿蔔絲同埋紅椰菜絲, 而佢個拉麵坦白講有少少失望因,為我睇完個餐牌佢用(拉麵)形容,所以我係expect手拉拉麵,例如上海粗麵嗰一類嘅拉麵, 而我食到嘅拉麵就好似用乾嘅陽春麵條或者乾嘅掛麵條烚出嚟嘅麵, 但口感還ok, 佢個麵係配咗椰菜,蔥粒同埋幾片嘅翠玉瓜

話說好多年前喺銅鑼灣分店食過榮式雞扒，但已忘記什麼味道了... 今日路過又見肚仔餓，幫襯下先點咗兩個餐，我揀熱朱古力，男友揀咗佢至愛--胡椒豬肚湯我偷飲咗幾啖，比我想像中好飲，因為佢唔會太辣太重胡椒，我覺得味道啱啱好榮式雞扒炒蛋飯咁長既雞扒真係好少見，講真味道普普通通，反而炒蛋有驚喜，炒得好滑到我食既雙拼雞扒-榮式雞扒拼鹽酥雞扒榮式雞扒唔駛講，鹽酥炸雞食唔出鹽酥味，新鮮炸，夠熱辣辣就算好啦！有菜伴碟去油膩沖熱朱古力既奶好滑，好飲*上年紀既叔叔侍應有禮貌，已經好難得

放左工之後今晚同左舊同事去左灣仔蘭杜街間榮式燒雞扒飯食晚飯。晚市無咁多人。。。午時費事等位。。。我就叫左個雞藕天成，即係蓮藕餅再加塊1塊燒雞扒。個名改得幾特別!再加杯野飲半價就可以了。飲左杯咸檸7。燒雞扒唔算大塊，但係燒到幾香口外脆內軟。肉質幾香滑。個蓮藕餅都幾香口。。有2塊。配菜都幾惹味。個飯都夠食。食完感覺都夠飽肚店員態度就麻麻地。。唔算好好。食完就好快收左隻碟好似想迫你走咁感覺。餐廳環境尚算ok。

榮式燒雞扒，顧名思義主打燒雞扒，是香港本地有名氣的小型連鎖食肆，港九新界共有6間店。灣仔分店就在公司附近。下午二時後來，人不多，吃得比較自在。午饍時間來，絶對是有身型限制的。中等身材的客人絕對要和後面的客人來一趟親密的背對背接觸，所以胖一點真的會坐不下。這位店員叔叔殷勤有禮。同事說這裏的蓮藕餅也很有名氣。榮式雞扒飯雞扒的皮甘香酥脆，肉質柔軟和保留着豐富的肉汁。平平無奇的飯加上的葱油、菜甫和千年滷水汁拌飯，香味四溢，雖然有一點油膩，但是確實回味無窮。麻辣手撕雞雞肉不滑，麻辣不夠香，整個菜亦不夠爽脆，配上芽菜把已經很淡的麻辣味沖得更淡。食品質素不俗，唯坐得不太舒適，只適合快閃Lunch。

雞排一直都不是我的喜好。在灣仔打滾了十多年，經過榮式好多次，都沒衝勁出試。現在榮式那麼出名，每次門外人龍一大堆，想試試也就更難。今天心血來潮，天氣只有十一度，星期五，十二時前來到，終於不用等有位。點了雞排藕餅飯。看過很多食評，這飯也放在最頂當眼處，應該沒錯是推介菜式。說說什麼是品牌。榮式=雞排，已經是品牌了。那麼我們第一次食榮式，我真的不知道代表了什麼。味道？沒特別，略有少少黑椒粒。煮法？如果是烤，又沒看味，油淋淋似是落油炸，但又不香不脆。其餘肉質鮮味也只是十分普通。說真，不明白有何吸引之處。最後談談很多食評題及的環境。店內委實是很窄。其中安排最差是座在牆邊位的食客。每次任何客人要拿筷子，砂糖或餐牌，手一定伸到別人的飯上，於是「唔好意思」之聲此起彼落。他們為何不考慮把餐具砂糖在上餐時才供應呢？另外由於空間太窄出入一定要人讓座。於是又多了一重「唔好意思」、「excuse me」。要接受這麼大的委曲與犧牲，食品必定超級有水準才可以。唔好意思，好難有下次。

榮式雞扒午餐真係唔平，一般來講以這樣的餐廳格局沒有人會願意付＄70或以上去食一頓急趕的午餐，但係他雞扒的質素真的無與倫比。我尤其喜歡他的雞扒拼鰻魚飯，雞扒及鰻魚燒後仍然充滿水份，濕潤有彈性，不似別的餐廳又乾又硬，而他的雞扒味道亦醃得適中，雞皮亦煎過硬脆有口感，一流。一般人來到都會配一般的飲料，但我即管試試他的餐湯，因為侍應跟我說竟然是罕有的胡椒豬肚湯。如相片所見胡椒豬肚湯用了十足，真的可媲美中餐廳收費昂貴的版本。建議你們下次去都問問他們的餐湯是什麼這個值得一喝。

中環返工返左年幾，雖然中環都好多野食，但有時食到悶悶地，會搭叮叮落灣仔，加上灣仔係平啲🤓到目前為止食左兩次，第一次食榮式雞扒胡麻撈烏冬，覺得真係唔錯，塊雞扒真係有烹調過，有咬口，烏冬撈埋啲胡麻汁，好開胃。48蚊，有杯野飲，食物都叫可以引起你食慾，係中西區嚟講，性價比係唔錯嘅👍🏻中環區，50蚊，好多選擇都🙄。對窮J小弟嚟講，50蚊唔係少，所以都希望有返少少水準，係會令人期待嘅。既然果次咁正，當然會encore啦。今次就揀左雞扒芝士撈丁。今次就麻麻啦😳最衰唔記得影相啦，其實佢個樣都唔差。不過啲芝士唔多，好乾，味道好淡，根本撈唔曬成個丁，搞到overall好唔得，乾憎憎，完全食唔落🙄。雖然價錢唔貴，但第二次嘅質素真係要大大提升，如果唔係都好難納入飯堂系列。

向來不愛吃快餐，更討厭這種小型連鎖快餐店。店小人多，空間被用到最盡，吃頓飯要和周圍的人碰撞摩擦觸碰不知道多少次，更不要說對你呼呼喝喝的侍應大叔，端著餐碟，手也沒有長眼鏡的阿姐。所以，正常情況下我是絕對不會走進這種餐廳的。當然，也有鬼遮眼的時候。比如今天。兩點到店，不用排隊，被安排在了走廊位。當然少不了被端盤子的工人撞啦，和旁邊的人產生手臂之間的親密接觸啦之類的事情。然後我點了這個：這玩意叫佳偶天成。內容物：一塊鹹死你不償命的雞扒。兩塊炸好放軟了，吃不到藕味的藕餅。一坨沒什麼味道的蔥油。一攤齁死你的榨菜。再拍一勺陳年老米飯配鹵水汁？介紹完畢。還有胃口嗎？反正我是沒有了。一個飯配餐飲48，當然是相當便宜的。我也不會追求48的價錢能吃到480的飯。但是起碼讓我吃到正常的食物吧。哎！

張相可能唔係影得咁好 其實有兩塊大雞扒 雞扒份量仲多過飯！蔥油碎同菜甫加豉油撈飯好食 因為就咁撈飯都好食既關係 到最後無飯'送'雞扒兩塊雞扒好大塊 咬落去唔油 肉嫰 有少少黑椒味 但唔辣絕對可以接受

榮式雞扒故名思義就係食雞扒，呢間野平時如果lunch time係灣仔食要等好耐，但個日適逢週末經過就帶朋友去試啦朋友點左雞扒芝士撈丁，雞扒好食同烤得岩岩好，唔會太硬而且幾入味，可惜芝士上台一陣就乾左而且芝士味一般所以個人覺得有點失色另外點左炸雞扒飯，炸粉落得多左d所以口感差左,但其實overall ok