榮式燒雞扒

营业中

休息中

在灣仔覓食，朋輩間都有討論過「榮式雞排」，原因是他們口中的「既好味又抵食」。我已經是「三顧餐廳」（第三次拜訪），這一次便帶同舊同事去光顧一下這間雞排專門點。和「豪大大雞排」不同的是，這裡售賣的是「燒雞」，而因爲為了切合不同食客的口味，他們也加了一些名字很別開生面的名字，如「雞同鴨講」。在我還未決定要定那一個餐，早了早到達，朋友還未來到。餐廳的職員跟我說：「我們下午茶的時段快要完結了，難不成你也先為朋友點餐吧。」我恍然發現，：「啊！唔該曬你。」心裡很是感激這般貼心的提醒。

可能我見識少，我成日覺得香港地真係好好食嘅嘢唔多。就算曾經好食過嘅，一係就做起咗忙得濟而保持唔到水準。一係就雖然好味但唔夠多人幫襯而搞到做唔住。兩種都好可惜。我成日想將自己覺得好味但唔夠多人幫襯嘅食店寫好佢，希望有多啲人睇到而去試下；但矛盾嘅係佢做旺咗後食物水準又驚會下降，搞到兩面不是人。但莫論點，好味嘅食肆應該支持嘅方向應該係正確同值得鼓勵嘅事嚟嘅。唔再廢話，跟住要寫嘅呢間其實可以話係傳奇。由於我專一嘅個性，我接近只食過佢一兩款飯餐。但呢一兩款飯餐就支持住呢間店由大排擋（好似）上舖、由上舖成功後開好多分店到而家。其實佢開嘅咁多間分店我大部分都食過，坦白講，分店水準始終冇總店水準咁穩定。又係星期日、又係同女朋友一齊，我決心帶佢嚟呢間總店試下佢招牌飯雞藕天成。雞扒唔係普通煎，因為一件雞扒有薄有厚，比較難煎得勻循，所以佢將雞扒切薄，保持住成塊都一個厚度去煎，可見廚師心思。另外佢嘅藕餅係將蓮藕切粒，混埋鱆魚粒同豬肉攪勻，跟住去炸，第一次食唔慣，之後就覺得係咁食先叫正宗😁。當然主角都介紹晒啦，仲有咩好講？查實係有，而且更可比主角更搶，就係每碟飯就會落經調製過嘅菜葡粒、蔥油、椰菜，將佢哋撈勻配飯

聽同事介紹，呢間燒雞扒係又平又好食，即管去試下啦。等左差不多20分鐘，先有位坐。😥—睇價錢其實都唔係平，50蚊一個飯，料都係比較平既。😮—雞扒滷水豆腐飯不能不說，真係等好耐，等左應該都有10分鐘以上。😣見到碟野，其實真係好似頹飯，咁點解要等咁耐呢.......講返味道，非常普通，冇乜野值得講。雞扒同滷水豆腐既味道就係平時你係出面任何一間餐廳會食到既味道。🙃—呢間野既食物其實冇乜問題，但係綜合黎講，藍妹認為唔值呢個價錢，亦唔值得要等咁耐。☹

榮式雞扒點解會去食：2018-10-16 見好耐冇食,而今日有一支公,咪走去同人迫迫地食飯個懷舊榮式雞排飯囉！食物新鮮程度：⭐⭐⭐️⭐️果塊板燒雞扒大到連兩隻手掌拍埋，都唔夠佢大，鋪喺個飯面真係搶晒Focus，仲有引人垂憐嘅炭燒香味，做咗咁耐都keep到呢個水準，抵我再去間餐廳返啅！食物合適溫度：⭐⭐⭐️⭐️每塊雞扒都係落咗order先走去燒，心急少少都會辣親個咀！食物驚喜程度：⭐保持水準，係常識吧！—————————————————服務員態度：⭐️要挑剔嘅話，一定係呢間餐廳裏面啲侍應，因為個個都好鬼死串，唔驚冇人食呀嘛，食得慢都俾佢吹住要走，仲要食得好鬼迫夾添—————————————————最重要系。。。我會唔會再去？重遊指數：⭐⭐⭐️⭐️

應該有最少3個月無過來食飯，或者係因為都要行10分鐘同埋1個人食都要等位15分鐘左右。不過好嘢始終會多人爭，唔好食拍烏蠅嘅話唔駛等都唔好過去食啦😆我次次去到榮式雞扒只叫兩樣嘢，第1雞藕天成少少飯（雞扒同埋蓮藕餅）我真係超鐘意食蓮藕少少飯當然明知食唔曬真係無謂浪費啦，除了喜歡這兩樣仲鐘意食佢哋嘅配菜炸菜同埋葱油，平時唔多鐘意食葱嘅我都會攞嚟撈飯食飲品方面我又係只叫湯飲，有胡椒豬肚湯，榮式嘅豬肚湯嘅胡椒味真係好出，好好飲而今日飲嘅係菜乾豬骨湯，都好好飲

今晚較夜才上堂，首先當然要醫好自己個肚最重要。剛巧經過榮式燒雞扒，我和同學原來都是很久沒幫襯此店舖，看見有位就立即走入去坐低。同學要鷄扒湯麵和咸檸七，我這個懶人就一於照跟，其實今次係我第一次食湯麵，以往我都是食飯。因為大家都覺得唔係太肚餓又未試過食湯麵，所以一改以往的習慣，勇於嘗試新事物。鷄扒好像比以往較薄，失了口感，麵質比較碎，湯面有點油，將整塊鷄扒放入湯中吃，鷄扒味會俾沖淡，整體味道一般，個人覺得鷄扒配飯較好，可能自己期望過高，結果失望越大了。看見Menu有這張相，覺得這間店主也很風趣。

榮式榮式榮式燒雞扒, 聽個名就好似好巴閉咁.  今次就試一試.6點到餐廳,不用排隊不用等位, 裡面只有一台客, 51蚊雙雞扒,明顯不是平常自己買的那種雞扒,比一般的雞扒長身,應該係日式雞扒來的.而皮薄,但竟然不夠脆口, 肉質鮮而富有彈性.不錯.  淡淡的黑胡椒味,不會搶過雞扒肉味,good用上豉油汁就失色了不小,但加上一7點點香口的SPRING Onion , 好食好食.....51蚊食個茶記,仲要雙扒....抵食

我估要對自己出品非常有信心既人，先敢將舖頭改做"燒雞扒"今日lunch想試新野，就去試下啲雞扒究竟有幾好食，唔好食就拆招牌架啦叫左榮式雞扒飯$54, 價錢係灣仔區黎講算中等啦。打開飯盒真係驚豔左，我知會有兩塊雞扒，但我冇估到會咁大塊，係大到見唔到底下啲飯‼️燒雞扒上面有少少胡椒粒，好入味，外面少少脆，肉質好嫩滑，超級好味伴碟有蔥油同榨菜粒，可以係覺得膩既時候中和一下味道，我個人好鍾意，淨係蔥油同榨菜都可以送到成碗飯啦榮式燒雞扒果然冇令人跌眼鏡呀，招牌仲保得住，非常值得食

喺金鐘做完野，專登走去食「榮式燒雞扒」，雖然地址寫灣仔，但我覺得由金鐘星街出口行去比較近同方便。過左午市時間，去到唔洗排隊，叫左「雞扒親子飯」，大家睇到張相，份量十足，加埋旁邊既配菜，甜豉油伴飯，真係唔覺唔覺就食哂！超飽！重點塊雞扒燒出黎唔會太油，唔多肥膏，而且冇雪藏味，每一口都有黑椒味道，我真係好鐘意食呀，所以已經去過N次。真係食過「番尋味」！想一提既係，服務生超好的，好有禮貌啊！大大碟$51連凍飲，真係值得一試呀！

🐹和鼠友去書展前先填填肚，突然想起平日返工的外賣美食 — 榮式燒雞排當然要帶鼠友一試！平時有麵食麵，沒麵才食飯的🐹，都會食榮式食到一粒米都不剩灣仔店是介乎金鐘跟灣仔之間，遠離主要區域有少許格攝，不過整條巷都有食店s，而且都很吸引的樣子。🐹點了雞藕天成，有招牌雞排又有藕餅，超正的鼠友不想食藕餅就選了雞排雞翼飯。鼠友的雞排雞翼，雞翼應該是滷水雞翼，看起來挺入味，都煮淋了。別看豉油很少的樣子，其實已經很夠，加上蔥油跟咸酸粒，夠撈整個飯了。登登登登～雞藕天成雞排和藕餅都煎很香口雞排還是嫩嫩的，不會煎得過乾藕餅外皮不會很油，可惜還是未夠熱，如果藕餅是熱辣辣上枱會更好更香脆。🐹：第一次來食雞藕天成一定要試！在灣仔銅鑼灣上班的朋友，中午可考慮這家外賣，外賣都保持到堂食的水準。題外話，藕餅來說，暫時食過灣仔星記最正

第一次來試下，首先叫了個鱆魚蓮藕餅飯——就係因為比佢張圖呃左！ 大家可以睇返個餐牌嗰欄，見到係將啲鱆魚魚肉抆晒落件蓮藕到再煎出來。看看呢碟，10個落差！沾了粉再炸出來！攪錯！唔需要講扣分！雞扒親子飯——既係雞扒滑蛋飯，如之前所說，跟普通一個碟頭飯無分別！若以雞扒做招牌的話，我吃不出有何特別，無獨特香味。。五十元來說，就是不值。。地方很迫，坐近門口，已經一路食一路抹汗，食食下仲要讓人出入。。我已經食完，飲緊杯野了，侍應竟然叫我調去另一張枱再飲！等同趕人走無分別囉！

行書展之前，當然要食餐好，補充體力，準備掃貨，想起朋友提過「榮式雞扒」，一於來試試。11:45來到，已經坐滿半間店，店員好好，見我地三位，開頭坐這些六人枱，好快見有人離坐，就幫我地轉四人枱，唔駛搭枱，又無咁迫，真體貼！一場來到，當然要試吓招牌菜：榮式雞扒飯，兩大塊，真係大件夾抵食！旁邊的蔥油伴碟，撈飯好惹味！再來一個雞扒撈麵，一樣很出色，但有點偏鹹。另一個係雞扒湯烏冬，分開上，雞扒就唔會被湯浸到無味，保持榮式雞扒的美味！飯，麵，烏冬，我都有試，個人比較喜歡榮式雞扒飯，叫埋多汁就一流嘞！

當天午飯時間，於"榮式燒雞扒"點了一客鴛鴦雞排飯。鴛鴦雞排飯是一塊燒的及一塊炸的雞排，讓食客能多試一種不同風味的雞排。"榮式"的上菜速度很快，點餐後大約5分鐘便把食物送上。鴛鴦雞扒飯送上的時候，除了有兩塊不同口味的雞排外，更伴有一點椰菜及蔥油。燒雞排肉質嫩滑，醬汁惹味，外皮香脆，配上一點蔥油後，更令雞排的味道突出。至於炸雞扒則是酥炸的，外皮香脆，肉質更保持到跟燒雞排同樣的嫩滑。表現不錯。兩塊雞排的份量都十足，相信女士們如需要一個人完成整個飯，或許會有一點難度。榮式的雞排表現出色，值得再次光顧。

好耐之前食過香港仔分店，今次嚟到灣仔都發現幾多人食價錢都算合理，平均都係$50店員對介咗呢個雞藕天成，係招牌雞扒同藕餅呢度嘅雞扒真係冇得頂，又大塊，皮又煎到咁脆咁香，肉質非常滑嫩，調味簡單，只係有淡淡嘅黑椒味，已經可以餸成碗飯飯淋咗豉油，有蔥油，菜甫同少少蔬菜作伴，唔怕會好dry藕餅食落爽口，有蓮藕粒粒，相對雞扒冇咁出色，但當然唔係唔好食朋友叫咗個雞扒雞翼飯，雞翼係滷水嘅，明顯冇雞扒嘅肉咁出色，唔太入味，肉質亦偏鞋唔特別推介

这家店的鸡扒应该在整个香港都排的上号。这么多年价格没怎么涨过，一直都是五十来块钱满满的一大盘鸡扒饭，吃的时候配上墙上的老相片看着白发苍苍的老厨师，体验香港的历史挺有感觉。鸡扒分量可能因为成本原因没有以前多了，不过还是非常的可口，入味。配上鱼柳吃很不错，鳗鱼饭个人不太喜欢，比较腻。米饭的分量稍微有点少，加上十几二十块配上一些小菜，时蔬之类的还是够吃的。服务态度一般般吧。高峰期的时候坐的有些拥挤，只能作为常餐的选择。