榕記火焰雞煲私房菜 (已搬遷) 新店位置

今日天氣涼咗好多，啱晒食雞煲打邊爐😋😋齊人就叫店員上菜，除左雞煲之外，重叫左鮮牛肉、肥牛、豬肉、墨魚滑、蝦、蟹同埋菜，呢d嘢食一早就喺book位嗰陣就落咗單雞煲除咗雞之外，重有蟲草花、木耳、沙白、馬蹄、蔗同蝦，蟹係另外加嘅，枱面重放咗一枝九江雙蒸。店員好有心，上咗雞煲之後會過嚟幫手整d嘢食，開咗火之後煮一陣，就將成枝九江雙蒸倒晒入去再點火。嗰雞煲一路煮d火就一路燒，d香味不停咁傳出嚟店員會提醒我哋邊d食得邊d未食得，因為有海鮮又有馬蹄同蔗，食落去好甜好正。因為驚d雞嗰熟，所以煮多一陣擺到最後先食，最後食嗰陣因為煮左好耐，d雞吸晒d酒同甜味，入晒味😋😋😋店員會經常留意我哋個雞煲夠唔夠水，唔夠就會幫我哋加水，但佢哋並唔係加普通嘅人，佢哋會加馬蹄紅蘿白水，加完之後令到個湯更濃味😋😋鮮牛肉同肥牛好濃牛味好新鮮，其他火鍋配料都好出色，不過唔記得影低😅😅同平時食嘅重慶雞煲好唔同，食完都唔會成身雞煲味，值得一食再食P.S.店員都好nice,間唔中就會行過嚟同我哋吹水

今晚約左班舊同事聚舊，本身已經有朋友介紹過呢間野好好味，所以今之聚會選左呢間榕記。由於本人係渣車過去，事前打左去問有冇位泊車。店員好有耐心咁講解點入嚟及泊車情況(咪錶/代客泊車)。店的位置係南邊圍，元朗西鐵站B出口落樓梯行2分鐘就到。我就由粉嶺入元朗大約25分鐘車程到南邊圍。我選擇左代客泊車($30)。友人一星期前訂台，預訂左鮑魚及花甲等海鮮。一嚟到打開個鍋平平無奇，店員一開火，成支米酒倒落個鍋連同🐔及海鮮一齊煮。煮左10多分鐘，佢又行過來將我鍋野點火。火焰雞鍋就係咁出面係我地眾人面前。到過5分鐘店員一打開蓋，我除左用"正"呢個字去形容，其他野唔識講。原來佢的湯底係用 竹蔗茅根造的。唔怪得隻雞又由酒味又有竹蔗甜味啦！食到尾升，友人向我地推介中式 risotto。開頭都唔知佢講咩😅，原來係用我地食淨嘅湯底加飯煮個滋味精華飯俾我地食。十分可惜的是……我掛住食……冇影相😂😂6個人食 1200埋單😋😋👍👍👍👍

每逢大時大節,有野要慶祝,我都一定會黎榕記食佢個火焰雞煲有食過既人都知道,佢只接有訂台既客人,因為D雞係每日係街市新鮮買番黎想食記得要提早最少一星期留位,而食飯當日佢會再打黎同你CONFIRM BOOKING, 如果想加料,就要係呢個時候同佢講啦我每次都會加蟹同鮑魚,因為佢會令D汁更甜,煮完之後用黎炒飯真係一流D雞因為係每日新鮮買番黎,所以肉質非常嫩滑,加埋D酒吊一吊味簡直係無敵另外值得一提既係D系竹蔗,索左D汁之後再加埋本身冒甜味,真係非常好味~

看了某雜誌的報導後, 趁著元朗郊遊日, 決定book這圍村雞煲一試。一定要預先訂位, order定食咩, 因為所有材料都按order訂, walk in想添食海鮮都無。位於元朗西鐵站附近, 圍村黎講算好方便。我地叫左雞煲加左隻蟹, 材料放好在鑊原鑊送上, 倒入雙蒸酒, 店員話轉頭來點火, 但轉頭來時應該過了時間, 點不著了, 無得欣賞火焰雞煲。過了一會, 待酒精揮發後, 著我們可先吃某些快熟的食物, 但由於整鍋是由生煮到熟, 包括雞, 我們覺得煮耐一點較放心。雞是新鮮雞, 肉嫩滑, 但稍鹹, 個人覺得新鮮雞調味可輕手點。其他錯料也不錯, 但份量不太多, 四人分享不太夠, 追加的菜在餘下的汁料煮過後特別好吃, 最後放入白飯索光汁來吃, 好鮮味。這晚生意太旺, 店員十分忙, 好多甩漏情況, 不過態度都好好, 可體諒, 總括都值得一試。

經過朋友介紹，聽聞有一間私房菜有一種好特別嘅火鍋，可以睇到藍色嘅火焰，所以決心過嚟一事。定位唔算太難只要提早一日就可以，到當日會有人打電話嚟確定人數，而且會問你除咗最基本嘅雞煲，仲會唔會有其他海鮮需要加。話明係私房菜，所以地方都比較特別，但唔算難搵，位於元朗西鐵站附近。鋪頭位置比較少，所以我哋今日嚟到都只可以坐露天地方。因為我哋有四個人所以我點左大煲，入面嘅材料都好豐富，有一隻新鮮雞，有鮮牛肉有一啲蝦，有木耳，豬肝，仲有啲蟲草花點綴。之後待應會將一支白酒全部到晒落個煲，之後先擒蓋最重要嘅環節黎啦有火焰啦，咁樣係會將啲酒精揮發，之後會令到啲湯好好飲好甜美。食得啦我第一時間飲咗個湯先，好鮮味啊而且仲好補身。材料雖然好多，但係好似食極都唔夠，下次睇來都要叫夠兩個煲

新年前梗係要一家人食團年飯，朋友介紹去元朗食火焰雞，時間分6點同8點兩個時段，早段已滿但又唔想太夜，唯有延遲一星期開餐開餐當日下晝老闆會再打嚟問有冇食過，未食過就會介紹下，個煲有蝦、鮮牛肉、豬潤、新鮮雞連內臟，仲有甘蔗、紅棗、雲耳同蟲草花，如果想加料就要當日下晝落單，唔清楚價錢可以開聲問九個人叫咗兩大鍋，每鍋夠4-5人食，朋友提議要加蟹會鮮味啲，但有一半人都病咗，唔想改期先頂硬上，只係叫咗兩隻蟹、兩磅肥牛、皇帝菜、油炸鬼六點前已準時到達，坐戶外打邊爐都幾有風味，食完又唔會成身打邊爐味！未人齊伙計會問幾時到，因開鑊都要過20分鐘先食得，每一鍋倒一支孖蒸再點火，煮既時候真係會有火焰包住，未開蓋已經聞到好香老闆話係食新鮮材料，果然冇呃人，每一樣都食到本身既鮮味，食既時候唔好加咁多水，雞肉海鮮慢慢迫出湯汁，蔗都食埋，最後加個白飯吸收精華，叫埋汽水啤酒埋單每人260有找，真係絕對超值

上個禮拜，我哋頭痛緊一家人去邊度做節好， 這間容記是朋友推介的，門外有入咪錶車位， 室外仲可以帶埋小狗一齊去！於是我地一行七人加一小狗就去試試。呢間容記大部分枱都在室外，旁邊見到一棵大大棵嘅老榕樹， 好有鄉村風味！未到七點，己經坐滿所有枱，所以識食梗係要 booking 啦！我們點了一個雞煲加上新鮮蟹，海蝦及肥牛……煱上仲放了大量蟲草花及雲耳，全部用上新鲜配料，伙記們會很细心地替食客按時打開煱，因不同的食材，煮嘅時間都會有唔同，這樣才會食到火喉好的味道！

呢間嘢位置都幾方便，元朗站B出口樓梯落到地面嘅後面就係，佢係用屋企煮餸用嗰啲鐵鑊，唔係用瓦㷛，有大有細，我哋要左一個大嘅，裡頭有已經放好左嘅一隻新鮮鷄同埋內臟丶六隻蝦丶少量牛肉丶松草花加埋雲耳，仲有切好左嘅竹庶，我地訂抬時要求加埋蟹，侍應倒左一枝孖精落去之後㩒蓋，大概十分鐘左右就喺鑊邊用火機點火，酒精燒晒之後開蓋，一邊煮一邊食，好香，酒香中夾雜著甘庶甜香，因為新鮮鷄，肉夠滑，蝦亦鮮甜，亮點係𥚃面嘅甘庶，吸收左成個鑊啲味道，又甜香又多汁。

第一次 第一次食火焰雞煲, 第一次中午食雞煲，一直都覺得而家 D 叉燒, 係勾住來燒, 甚少係叉住來燒的,所以雞煲, 唔係用"煲"煮出來的問題都不大, 對於食客而言,味道會重要過"名堂"吧！ 至於火車仲係唔用係用"火"來運作,  汽車仲有幾多係靠蒸"汽"來行, I Know the Iron 啦 !! 首先會安排先食左新鮮雞, 花甲, 蝦, 牛肉等等極鮮味的食材, 食材新鮮贏足全程, 只要足夠新鮮度，就什麼都好吃！食完雞煲，會再打邊爐, 採用靚貨牛丸魚旦響鈴等等.......再配埋西邊圍村出品"狠辣"辣油, 食得好爽, 辣得也很爽，總之就夠晒豪情。完事再加入一個靚仔(靚仔係白飯, 唔係講我), 收汁煮好,就成為一碗港版 Risotto.......有過之, 而無不及, 飽到上心口嘩, 絕對係"下次食唔返點算呀" ? 之作 !! 一定有下次同朋友聚會, 談天說地, 天南地北, 唔覺唔覺一陣就三四個鐘...良朋共聚理應如此, 傾乜咁好傾 ? Who cares ? 聚會再加上食好西，成件事現搭得天衣無縫！

天氣寒冷，最好就係打邊爐，最近聽朋友講有一個私房菜好特別食雞煲，所以即刻一家大細去試下。呢度既位置吾容易搵，但勝在喺元朗西鐵站附近，都算方便。而且為咗確保食材新鮮，需要book位。鋪裹面只可以坐4-5枱人，其他既都要坐出面，但別有一番風味。我地叫左一個大煲，有一隻新鮮雞，有新鮮蝦，蟲草花，豬潤，牛肉等。侍應會喺你面前倒一枝酒落去。之後仲會點火，變成明符其實既火焰雞煲食材好新鮮，係用新鮮雞，放左花甲，鮮蝦，牛肉等配料，而且啲酒揮發左，令到個湯好清甜，飲完之後成個人暖曬。

我從來都冇寫過食評。但昨晚食完榕記，真係好想推介俾其他鐘意食好西嘅朋友仔榕記用料新鮮唔洗講，你睇其他食家寫嘅食評都知老板下午會打俾你問你食咩，落哂單後，佢就去買材料。唔新鮮嘅，榕記唔會賣俾你。我地昨晚就係，落單要腐竹，但去到伙記話我地知買番黎嘅唔靚，幫我地轉做響鈴。呢啲有良心嘅食肆真係值得讚。雞煲用原隻走地雞，多肉，肉質嫩滑，好入味，一個字正同埋你係榕記食到嘅係人情味同貼心服務。伙記會主動睇下你地食成點，點樣先會保持雞煲最好嘅味道。我要食雞煲，我只會去榕記！

同朋友走去南生圍影相呃like ，唔爭再去埋南邊圍食好嘢， 無啦啦未上菜隔離枱-喺度唱生日歌…… 終於個雞煲嚟咗 ，未開蓋嘅時候嗰邊已經有啲藍色嗰火焰， 開蓋時要小心蒸氣提提你， 而且唔好著長袖衫 ，味道同出面嘅雞煲差唔多， 都係有啲牛肉甘蔗紅棗雲耳 等等

要預先book枱，之後當日中午就會有人問你當晚想食咩，order定，不過個老闆都好好既，問得好詳細，有建議你食咩，所以當晚去到都無睇過餐牌，不過味道唔講得上好好食，主係個火焰令到成件事特別咗，一個大雞煲五百幾蚊確實係有啲較貴，大雞煲係有一隻新雞加埋啲花甲，幾隻蝦，有啲虫草花，馬蹄....，不過5個人食係唔夠食，加咗個肥牛二百幾，另加4碗白飯，5枝飲品，埋單$910，我覺得唔太值，就當試過一次就算。

朋友山長水遠入來元朗搵我食飯，緊係搵間特別d餐廳同佢食啦，但問好多元朗友，都係答：中日韓美的餐廳，後來自己上openrice無意中找到呢間雞窩，我見用鑊加火焰邊爐又在圍村，綽頭賣點可以交功課啦！未食雞窩期望不大，點知昨晚食完，真係元朗中的驚喜，首先環境一流及乾淨，服務招呼細心兼親民，主角雞窩讚嘆，最底層有花甲，之後新鮮原隻雞，竹庶馬蹄，牛肉，大蝦，木耳，紅棗，蟲草花，最得不少得孖精，冬天進補超正，湯底鮮甜，最後連湯都飲晒不口也不乾，應無加味噌，我地重叫左牛九，響聆，魚蛋，出前一丁，2支藍妹，1支汽水，4個人食，合共：788埋單，物超所值，朋友亦讚不絕口，但必需一提，老闆當日會re-cfm booking,訂左位記得唔好放接機，因老闆會cfm booking後，當日4:00左右去買新鮮食材，老闆對食材新鮮為宗旨，此外老闆話街市可買到都可以order, 新鮮海鮮是時令價，可以叫他到街市後回報當日海鮮的價錢，你才決定買唔買，元朗我由細住到大，但昨晚才知有間隱世圍村特別菜式，真是一大驚喜，必會再次幫襯

是日晚上老公又外出晚餐，昕昕跟奶奶食晚餐，剩下我呆在家中做家務又懶煮食，點知小學同學群組突然有人提議去食雞煲，我就好爽快咁應承，幫昕昕洗完白白才行過去，因為呢間店由我屋企行去只係大約10分鐘的路程(^_^;)由於我的兩位同學已經有點餓，所以佢地未等我就煮個雞煲食～～～原來食雞煲係要預先book枱，因為材料即日買和清，原來有人book咗枱放飛機，老闆call了我那位經常光顧的同學來幫襯，避免浪費材料～～～呢個雞煲有花膠、蝦等材料，雖然d雞會煮到有dd燶，但隻雞食落好滑，花膠又軟熟，咁好食的雞煲真係少見，怪不得我班小學同學久不久要開團來食⊙_⊙如果唔夠食仲好似打邊爐咁加野食，感覺幾好，原來我同學更為該店首次order要食雞煲配油炸鬼，真係估佢地唔到(￣▽￣)ノ店內有不少飲品，有時更有村民乘機幫襯買野飲，始終呢個位附近冇乜便利店，老闆咁樣做真係方便d街坊，最重要係價錢平過便利店＼(^o^)／原來平時中午有午餐供應，價錢都相宜，不過要提醒大家呢間小店星期一休息，要食雞煲一定要打電話book，唔好放飛機呀！