榕基滷水專門店 1992

营业中

休息中

一直都有留意佢嘅社交平台，今日終於有機會去試啦！😋環境簡約乾淨，地方唔算太大，去到嘅時候見到有幾個人喺度等外賣，我哋等咗5分鐘就入得去。三個女仔安排咗卡位，坐得幾舒服。一坐低姐姐就主動問我哋係咪第一次嚟，仲即時話轉頭同我哋介紹返，都好殷勤親切🫶🏻點餐其實好簡單，主食+飯粥麵+小碟+飲品各選一，姐姐推介我哋食鵝油撈麵（仲話係唔會肥&對皮膚好嘅油嚟嘅），而其他主食都好吸引，選擇困難症又發作！我好鍾意食醃蘿蔔，佢嘅醃蘿蔔酸度甜度剛剛好，滷味都做得好入味又淋，朋友一陣間就食晒，平時食得最慢嘅變咗最快，食完摸摸個肚話好好味😂😂😂今次我試咗牛𦟌，下次再試吓其他先～～

睇到好多youtuber 介紹呢間食店， 都想試下佢， 講下食前既感覺，見到佢好乾淨企班，座位闊落， 有台式小店既感覺，都幾吸引到人注目，但我理性咁諗，乜滷水要食到咁咩？但的確係有人係到排緊隊。叫左兩個set，試左佢個滷水鵝手拼鵝油撈麵$65，滷金錢牛展拼豆腐$56。擺盤係好精緻，個鵝好乾，好實，比到既位無乜肉，同埋較咸。牛展比較好，幾入味。就咁覺得個滷水好普通，無乜香味。 個麵係陽春白麵咁，，食唔出加左鵝油，麵身又無味，用粵式蛋粗麵會唔會好d呢？，食完，，果刻諗起平時屋企斬料加餸既喜悅，大大啖肉， 大大份，頓時有種空虛感。 娃娃菜$20。蛋$6。

🔎榕基滷水專門店 1992 (大埔)💛買料加餸 今次人多可以嗌滷水鵝啦😙🔹滷水鵝半隻 $280 上庄起鵝片店員都有提醒滷水鵝返到去唔好翻熱 食之前整熱個汁淋落去就得架啦～不過當然即刻食好食好多啦鵝片啖啖肉 肉質仲好嫩 唔會好油膩 唔點白醋已經好香滷水味 點埋就多種層次 再咬多幾啖啲鵝味就出哂嚟 除咗鵝片其他位置都唔錯 雖然無啖啖肉 但仲更加香聽講啲麵都好食 而且擺盤仲好日系 有機會嘅話試吓堂食滷水麵先📍大埔廣福道97-99號地舖🍴搵返相關地區👉🏻 #90sfoodieshare_大埔#食在大埔

今日大埔一日遊，我哋第一樣諗到嚟食嘅就係榕基滷味，我叫咗鵝片拼豆腐，跟鵝油伴麵。一上碟，侍應就會提醒你，趁熱要快啲攪拌個面。呢個鵝油拌麵真係好香，但又唔會太油膩，唔知係咪個冷氣太凍，定係佢滷水汁更加濃，我食到一半就覺得佢個鵝香減弱咗好多。另外有跟拌麵來嘅湯都好清甜，唔會覺得重味精。主角鵝片拼豆腐，佢個鵝片肥瘦分明，都幾鬆軟，沾滿滷水汁，非常惹味，而且食得出有啲藥材味。下面三片豆腐係硬身嘅豆腐，吸收埋啲滷水汁同鵝油嘅精華，好啱送飯。另外仲有個小菜我揀咗蓮藕粒，佢個味其實同佢喺紅磡嘅榕基口水雞一樣，有花椒油，少少辣幾突出。

見過不少foodie 介紹，今晚去大埔食晚飯，就由火車站行過去睇吓要等幾耐時間。平日晚上7:30 左右，見出面門口等位，都係等3 張枱，所以等。天氣熱都仲係，門口是正正廣福道，店舖可能怕客人等位時熱，有放了一樽水及紙杯，我估客人/ 附近街坊可自行飲用。15 分鐘後，有位，我們二人，原先侍應安排最尾比較窄單卡位坐，另外一位店員見我們（因為拎住兩大袋物品，轉了一張四人卡位給我們。食物點了招牌 滷水鵝併豆腐麵，配菜可選，配了酸蘿蔔。點形容，豆腐、配菜、麵都okay, 至少滷水鵝，係食完一件，唔會想再夾來食嘅感覺（唔同係其他坊間打冷店，個種味道, 我覺得問題係個滷水汁度，唔能夠令到鵝片惹味！另外一份是沙薑雞配飯，呢個可能不是熱門點食，更加一般，雞唔係太滑。😐此店，雖然食物一般，但店員是好有禮貌的，始終年青一輩，好有拍力，見切滷水檔都係一些大些年紀師傅，希望食物可以改進。

今次終於的起心肝去排隊試下呢間大埔名店💛值得支持既良心小店🥰（10分為滿分：🌕）味道：🌕🌕🌕🌕🌕🌕🌕🌗🌑🌑招牌滷水獅頭鵝配鮮鵝油撈麵($63)見到招牌呢個字即刻叫左先😎獅頭鵝啖啖都係肉，同埋份量都好多舊，好鵝之人岩曬🥰食食下見到隔離叫鵝髀好似仲正咁，下次再去食要試下先😂😂不過對於女仔黎講加埋鵝油撈麵就有少少漏左啲🙈食湯麵/粥會清淡啲同埋撈麵記得要趁熱撈好呀唔係會變左一舊舊🤫綜合牛肉配手工雞湯麵($65)通常見到呢啲綜合拼盤都會忍唔住叫，上枱都無失望，牛𦟌牛筋同牛肚都超級入味，不過食到後面覺得有少少鹹，個人覺得湯麵好過撈麵，男小編叫左加底，個份量多到差啲食唔曬😂夠曬足料🫡海蜇($45)有冇人答到點解海蜇咁貴既😂呢碟係男小編醉愛堅持要叫，非常爽口又入味，所以基本上都食唔停口😎不過佢都幾大碟如果有得揀細碟啲但平啲咁叫會可以有多啲位置試其他小菜🤫🤫滷水大腸2兩($20)呢個係女小編鍾意食既野黎😂男小編本身極力唔比叫🫠上到枱份量都幾多，味道夠曬入味，大腸都清理得乾淨，係肥美既感覺，不過一個人真係食唔曬，唔建議一個人叫黎食😂😂愛玉冬瓜茶(+$12)呢個叫既時候係想食愛玉，不過飲落愛玉份量比想像少，

呢間鋪想試左好耐，事緣係有一位我追開嘅IG FOOD BLOGGER食完之後大推大埔呢間小店，所以我一直將佢放係我大埔美食榜入面呢日去開大埔整啲野，兩點零入去食個晏晝先，裡面客人唔多，我叫左個午餐（？）定下午茶餐（？）有一碟滷水金錢牛𦟌拼滷水豆腐，配鮮鵝油撈麵（滷水汁），盛惠50蚊，面罐可樂加8蚊，落完單無耐我怕個餐太細所以追加左個小食，19蚊有二兩豬大腸講講個餐先，有跟有碗湯，無乜味嘅。同埋有一細碟醃蘿蔔，爽脆酸度適中全餐最驚喜係個麵，加左鵝油撈，特別香口

等了20分鐘就可以入內了，內裏裝修不錯。鵝片軟滑，配上鵝油撈麵。令到整體上非常美味。比一般滷水店有新鮮感。而且鵝皮的脂肪不算太多，令到再次幫親的意欲增加。滷水獅頭鵝，滷得入味肉質鮮嫩，份量足。但始終鵝的脂肪比較多，如果減肥的小姐們就要自己去皮和脂肪了。

.📍榕基滷水專門店1992評分：8/10🔹作為半個大埔街坊 呢間舖頭我已經幫襯過好幾次睇住佢由細鋪搬到大鋪 就知道佢咩料喇🔸是日8號風球 決定叫外賣返屋企食🔹招牌鵝肉滷得入味 但小小韌 可接受 🔸醉雞嫩滑 酒味齒頰留香🔹我好鍾意佢啲前菜：酸菜/酸蘿蔔/辣蓮藕 全部開胃菜 令人食慾大振🔸主食可以揀撈麵/湯麵等堂食可以揀撈麵 外賣就唔建議 返到屋企個麵底痴埋一舊🫠🔹希望老闆可以改善下麵底外賣個缺點🥹🥹其實撈麵真係好味 但係之前試過外賣就中伏 好可惜🥲

由金鐘入大埔並不遙遠，但這間店炮製潮州的滷水味道來講，還是漫漫的長路。永遠不要相信媒體的報道太多，年青對滷水的味道其實就是年青。在周圍的潮州滷水店非常多，但經過一些媒體報道講到不能不試，抱着戰戰兢兢的心情。不用排隊就能坐進去，那裏有很多兼職，但非常不熟練，無論對食物的查詢及端菜，手震震湯汁都倒瀉了。套餐其實整體來講不算便宜，鵝肉我覺得是冰鮮的，肉汁不用再講，肉質更是似烚熟的瘦肉，醉雞完全不醉不起來，豬手又欠了一點手工，鵝油麵如果同阿澤的麵比較，完敗。其他豆腐，小品都不入味，似乎這對小老闆還沒有得到什麼真傳。進食的位置很狹窄，大埔的人情味小店不能放進去，因為與客人完全沒有連接。沒有值得講的地方，因為其實就是一間普通的小店。

擺盤 presentation 係有點心思，但套餐飲品格格不入，質素完全和茶記差不多！白飯居然有邊凍有邊熱，連電飯煲鍋底的飯皮居然也給我們吃，茶餐廳的白飯居然會比他更好！口水雞並沒有那麼出色，只有辣味，雞肉相對算滑。鹵水鵝也十分普通，鹵水鵝有點兒乾身，鵝的香味也不十分突出，附近有好多鹵水鵝鋪頭都比它好吃。鵝腸及魷魚每份十九元，份量有點少只有兩兩，不要太吝嗇吧！價錢算對得住客人，當然其他鹵水鵝鋪頭沒有堂食不能作為比較！ 但應該只有一次，下次除非冇選擇，否則應該不會再來，因為以這個價錢在大埔也有很多餐廳比他平及出色！

呢間滷水餐廳係行比較新派嘅路線😊，店舖環境食物嘅擺盤都比傳統餐廳精緻，做咗全日嘅套餐款式都非常之多元化，大致分為鵝，豬，雞。滷鵝腸🦆 （$19/兩）（圖為2兩）平時唔食內臟嘅我都接受到☺️，非常之夠味，又唔會太多肥膏，夠爽脆墨魚🦑 （$19/兩）（圖為2兩）夠晒新鮮，有彈性，仲要厚切，好有咬口同質感👍🏻 套餐有主食+澱粉類+小菜，任你配搭鵝片拼豆腐🦆 （$73）鵝片食落啖啖肉，超級方便，而且滷得好入味，豆腐係厚切，充滿豆香👍🏻招牌滷水獅頭鵝🦆 （$63）強烈推薦👍🏻，呢款滷得得更加入味，鵝嘅肉質更加柔嫩😊，份量都頗多鮮鵝油撈麵 🍜 出面比較少有呢一個撈麵，梗係要試吓，充滿鵝油嘅香味，係比較邪惡，面質有彈性👍🏻凍檸茶🍋 （+$8）拍得住茶餐廳嘅水準😊📍 榕基滷水專門店 1992 (大埔)大埔廣福道97-99號地舖

搬咗舖後首次幫襯，真的失望極。新店環境衛生有待改善：首先安排入座吧枱，發覺已經鋪晒灰塵；位與位真係好迫，一心諗住快食快閃就無乜所謂。套餐如常點選牛展豆腐配白飯，鹵水汁比較偏淡，沒有以前既香味；牛展比較乾，完全無浸透鹵水汁既香味，白烚似的；豆腐一樣淡而無味；最差係碗白飯，不單止唔熱，而且米飯質素好差；唯一保持水準係魚仔花生，同樣香脆，口感不錯。

誰有想過一個老派傳統菜式和新興簡約風可以畫上關連? 一間由年輕人主理的滷水店，雖然裝修新淨簡約，食物味道絕不簡單。店家主打滷水獅頭鵝，獅頭鵝油香十足，但不會過分油膩。與傳統滷水店舖一樣，店家有另附白醋予獅頭鵝作調味，由於滷水香味已滲入鵝中，不用加配白醋亦可。全日套餐附有清湯，飯/麵，小吃及飲品。於上菜時立刻拌均鮮鵝油撈麵，將鵝油滲入每條麵條之中，配上少許辣油，滋味不容易在別的店找到。小吃味道不錯，推介川椒蓮藕丁，蓮藕爽脆麻香十足。值得一提的是，雖然店面不大，人手十分充足，顧客們需要店員幫忙時亦能迅速處理。

經MM-Mill Milk介紹後，專程到大埔榕基滷水專門店1992幫襯買外買回家一家人食，買左滷水鵝上庄起鵝片、爽脆滷鵝腸、滷豬耳同滷豆腐。店舖師父滷水鵝起片很細心同擺設得好整齊。這個自制滷水拼盤味道很好，滷水豆腐軟滑同有陣陣滷水香味，滷水適中又不會搶豆腐嘅味道。滷水豬耳爽滑兼且不嚡，亦有滷水的香味。滷水鵝腸真是爽脆滑兼且散發滷水嘅香味。滷水鵝非常之好味，鵝肉軟滑，味道清香，滷水不嗆喉但有滷水嘅濃香，師父刀功細膩，鵝片係適當嘅厚道，所以鵝片口感不錯。店門這Logo好特別，令人很容易想起這滷水店。外買袋與店門前嘅Logo一樣。所以話，年青人真是創意無限。