榕基滷水專門店 1992

营业中

休息中

90後開的滷水鵝專門店，叫左個二人餐$198有例牌滷水鵝一碟，小食兩款，飯或麵兩款，前菜一款，油菜一碟滷水鵝好入味，最正係個鵝腸，洗得乾淨而且入味，爽口，仲可以一両咁叫，一個人嚟食都冇問題

浪費人時間最先想簡簡單單買外賣返屋企食，餐廳話鵝同鴨都暫停外賣希望留貨比堂食。唔緊要我理解，搵地方泊底架車再返來等堂食。攞飛等位到座低落單前都無通知比食客知乜野餐無曬，快手寫好食咩餐廳話呢個餐無，OK我改，改完然後再話嗰個餐都無，此時此刻後我兩三張枱入來既人又咁啱係餐廳叫我改野既時候落好曬單。最後你再話你最招牌既鵝同鴨餐全部餐都無。先唔講路程遠近，咁樣安排絕對係浪費左特登來試你餐廳野食既人既時間，真心覺得完全係被玩既感覺。發覺之前同樣有人寫過餐廳既安排同管理好唔妥善，原來I’m not alone

之前冇意中睇到youtube短片介紹呢間餐廳，話有對情侶開滷水舖，仲要擺盤擺得好精緻，睇到有D興趣~所以就揀左今日來了😂去到舖頭大概六點半左右，係對面馬路已經見到舖頭門口好多人，心諗：乜事啊，係咪真係咁好食啊😨之後行到埋去攞飛，發現要等十幾張枱，已經覺得有D痴線😐但山長水遠入到來，冇理由走架，所以照等🤦‍♀️等位期間，見有staff寫住冇斬料🦆鵝鴨，後尾又寫堂食有可能冇鵝，搞到我個心離一離😢等左大概45分鐘左右就有位，當時仲掛著一隻半鵝，好彩😂本身想叫埋夜市拼盤同滷豆腐，但staff話豆腐沽清，今日冇做炸野🤦‍♀️所以最後只叫左兩個餐😢等左陣，兩個套餐都上枱了🎉🦆招牌滷水獅頭鵝套餐 ($63)🦆鵝片、🦆鵝脾都賣晒，唯有叫獅頭鵝🤷‍♀️🦆獅頭鵝冇乜骨，唔係頭頭尾尾，好多肉😍滷水汁又唔會好鹹，幾好👍🥬甜酸菜好好食，送白粥一流😋飯麵部份，其實除左白粥，仲有🍚飯、🍜湯麵同🍝鵝油撈麵~不過感覺上滷水要配白粥，所以就揀左白粥了😂白粥幾大碗，不過米水分明，略嫌煲得唔夠綿，有少少失分😢🐮綜合牛肉套餐 ($65)🐮綜合牛肉係包含牛𦟌、牛肚、牛根，份量幾多~D野唔會炆得太淋，仲有D咬口😋味道上同鵝差唔多，唔會太

喺香港好難喺一般食店食到獅頭鵝.獅頭鵝一般都是大隻.經常在潮州滷水店會遇見.獅頭鵝銷售價會比較昂貴及重量計算.平民食多是滷水鴨居多.鵝肉比鴨肉厚身厚肉.鴨肉比較薄身.當然鵝肉好食過鴨肉.最近聽聞大埔開咗間滷水鵝專門店.味道都唔錯.今日決定由遠方到來一試.為咗被開午市人潮.立意在下午二時前才到達.在門外排隊時.見有好多人外賣取走.喺櫥窗睇到掛喺度同方間啲獅頭鵝比較細隻.在門口等咗10分鐘左右便可入座.入座用劃餐牌點餐.劃上選餐主食.再選擇手工雞湯麵或鵝油撈麵.最後選擇小食.小食有醃青瓜/醃蘿蔔/家鄉甜酸菜/魚仔花生任選一項。點餐如下：1. 招牌滷水獅頭鵝.鮮鵝油撈麵.魚仔花生.X1 $63元2. 滷水豬手.手工雞湯麵.家鄉甜酸菜. X1 $49元總食評有👍👍👍👍👍今次食評有👍👍👍👍👍再值得加許小小插曲.話說有個大著肚子孕婦.在門外面等候排隊.店員能夠讓其跳籌入座及安排適當位置就坐！❤️❤️❤️.

周日晚，到本餐廳堂食。搬鋪後，店鋪裝潢改善，但餐廳管理極為失敗！由到達門店，等候須45分鐘！過程中，有餐廳內客人離去，唯店員未能安排入座。樓面職員只是顧著外賣收拾，及容許外賣插單。店鋪只有1資歷深經理安排。入座後，須另再等15分鐘才有食物。先後1小時等候！不能接受！大感失望！對比以往小店鋪時的效率（10分鐘），現店鋪團隊能力根本未能妥善管理業務拓展。對食客欠尊重。街坊生意不是這樣的。可以不可再！！

真心好普通喎啲嘢食諗住支持下小店但都係中伏真係非常普通唔會想再食第二次囉碗有頭髮！係好大條啦仲要撈埋落啲飯入邊嘅飲品就好甜囉又細杯啦網上真係誇大左佢哋嘅好滷水店買嗰啲好味好多

之前都有食過，今次搬左去廣福道嘅大舖，當然要去幫襯下黃店☺️入到去座位舒適，都係繼續走木系風。食物方面有好多選擇，先揀主食，包括有鵝、鴨、雞、牛、滷肉，之後再選粥粉麵，最後仲有個小食。全日套餐+$8配冷熱飲品1️⃣ 鵝片拼豆腐 $73鵝片一塊塊肥瘦均勻，肉質嫩滑，豆腐滷得好入味😋一啲都唔乾身，滷水汁仲好香，配咗鵝油撈麵少辣，份量都唔少，食落帶麻唔太辣，非常惹味，小食要左個爽脆醃蘿蔔，小小一碟，好開胃又清新。2️⃣ 綜合牛肉🐂(牛𦟌、牛筋、牛肚) $65牛𦟌切得薄薄的，咬落都好軟腍，牛筋好Q彈，滿滿骨膠原，牛肚滷得好入味，配返個潮州白粥，加埋個甜酸菜，非常match🤤#foodie_couple_hk_sm816

發覺而家周圍都有開滷水店，外賣居多，間中都有買啲返屋企加料招牌寫住1992，計起上嚟，開咗30年之前是外賣店，後來轉咗有堂食，一直冇試。後來喺網上見到唔少好評，諗住試吓，去到關門大吉？ 原來搬咗去大街，門面又大又靚好多，一於試下。滷水店真的很多人買外賣，堂食去到要排隊，不設攞飛。木系裝修，每一份用木盤放著，餐具精緻，一啲都唔會話老土陳舊，餐廳員工都很年輕 。餐廳大概可坐三十人，還有幾張吧枱。自己攞住張膠牌劃單，分三部份，第一部份主食，第二部份飯粥麵，第三部份小食，加錢另配飲品，應該有熱茶免費供應。招牌滷水鴨 $52啖啖肉，滷水汁唔會話過鹹配鮮鵝油撈麵，幾香口，唔油膩，麵質煙韌，唔錯。甜酸菜，開胃小食慢煮滷牛筋拼慢煮滷牛肚 $58牛筋同牛肚都煮得好淋，牛筋索曬啲鹵水味，好。配手工雞湯麵，麵質一樣煙韌。川椒蓮藕丁，未試過蓮藕當小食，幾好。鵝片拼豆腐 $73滷水豆腐好味的 滷水好似一定要配搭鵝片，但我哋鍾情鹵水鴨多啲。 小食配咗花生鹹魚仔，鹹鹹香香，好。睇返餐牌有一項秘製川麻辣，應該免費供應，睇漏咗添，下次要試試。

榕基滷水本身開係新舖轉彎位 係凹入去既細舖位黎 舊舖如果唔留心係會錯過左 而且店內座位都坐得比較迫 所以店主先決定搬去新店等大家可以坐得舒服啲新店多左玻璃窗掛滿滷水招牌滷水獅頭鵝(例牌) $80做滷水既鵝有好幾款 但潮州人最鐘意用獅頭鵝, 因為獅頭鵝肉質細嫩 鮮美同埋營養豐富. 另外有分例牌 上庄同下庄(一樣價錢$140)依樣都係好少滷水舖可以做至同價 因為下庄係有髀所以一般會比上庄貴啲. 果然係滷得好得好入味 鵝肉亦好嫩滑滷水墨魚 $19/ 1両 但1両大概得3-4片 但今次得2個人食就唔買咁多 所以買2両 雖然唔係話好大片但都算厚身而且有8-9片 食落都好爽口 另外坊間有不少滷味店會將滷水以人工食用色素染成橙色試圖令賣相更吸引, 但貴店就無染色加工. 💛我今次係外賣 所以店員會提唔好成盒加熱會唔好食 只係加熱滷水汁再倒落去就可以啦