極尚大喜屋 (銅鑼灣廣場一期)

营业中

休息中

平時返工咁辛苦係時候要獎勵下自己 搵班同事放咗工之後食餐返好嘅先其實之前都嚟過幾次 從來冇一次令我失望 去到依然十分之多人 好彩預先有book位食物方面選擇都不少 食放題當然不會放過這裏的刺身～油甘魚厚切夠新鮮 希靈魚味濃 魚仔卜卜脆 嘅口感好得意架！帶子 有頭甜蝦 亦都冇雪味 ～炸物就叫咗天婦羅 整體嚟講 炸得夠熱又唔油 味道剛剛好 非常推薦南瓜天婦羅 夠曬甜 夠曬香榴槤波波一定要食 流心效果 非常邪惡， 榴槤控必定喜歡， 另外香芋波波及 芝士年糕 同樣各有特色 口感煙煙靭靭 餡料又豐富超喜歡這裏的羊架 肉厚多汁 香草味濃 有少少騷味 不喜歡吃羊的應該也能接受這裏還有我非常喜歡的海膽手捲 海膽分量算多 紫菜夠脆 細細嚿一啖一口 唔怕食完食唔落其他嘢壽司款式多樣化 賣相及造型相當精緻 壽司飯醋味香 上面嘅配料夠新鮮飲品區有各式汽水，啤酒，茶等等！ 甜品方面有餐廳自家製的甜點 亦有不同種類嘅雪糕雪條提供選擇自助區五臟俱全 有各式各樣嘅前菜小食 讓人有啲 花多眼亂 樣樣都好想食最後當然係食到捧住個肚走人 值得稱讚嘅一點係 呢度食物水準有番咁上下 唔係hea整出嚟交貨就算👍

又係等到宵夜時間，9點15分先去食😂因為當日係公眾假期，所以宵夜時間食就冇$200咁平，原價晚市有$258/238，但係而家宵夜時段食都只係$220，多人食都平好多了！⚠️以前食個陣落單都係用手寫的，而家電子化，用wechat掃一掃落單，就咁用相機係用唔到咖，所以事先可以down 定 wechat 刺身新鮮、花膠必食，我一人都食左3碗，又唔飽肚環境方面好大，同其他放題一樣都係有雪櫃比你自己拎嘢飲，仲有其他嘅熱食，例如咖喱魚蛋、薯格、餃子，仲有兩個甜品櫃款式都叫多，價錢合理👍🏻唯一唔好就係某幾個職員態度唔好同因為食宵夜時段所以佢哋會趕你走

今日突然朋友約食飯，但大家都冇意見食乜最後我就提出不如食日式放題一入到去餐廳好快店員就安排左我哋坐底店舖嘅裝修非常舒服而且卡位非常寬敞一張卡位坐六個人依然覺得好鬆動睇一睇佢個餐牌基本上你係所有日式壽司店能夠食到嘅嘢佢都有刺身壽司炸物軍艦每樣都有好多款式而且有好多熟食可以俾你選擇可以照顧埋你唔食生野嘅朋友上菜速度非常迅速而且服務員態度友善飲品方面有10幾種可以俾你選擇而且亦都設有酒精類飲品甜品方面亦有雪糕芝士蛋糕乳酪和果子俾你選擇款式十分充裕價錢亦都相當合理有時間真係可以約三五知己上嚟聚一聚

今日係媽媽生日，所以我已經事先book定位，請佢食返餐好嘅，知佢最鍾意食日本野，放題係不二之選選擇這間主要是原因是食物選擇比較多，放題來講食物質素可以話係高質的刺身推介珍寶蝦，大得誇張，肉質好鮮甜，刺身種類繁多，吞拿魚，三文魚，帶子，都是必點的，喜歡食刺身嘅朋友仔唔好錯過另外要上呢度係用QR code網上落單好方便，慳返好多紙張好環保，職員都好細心好主動行過黎問我地識唔識落單，需唔需要幫手壽司，一品料理，炸物全部都應有盡有，不得不提的是清酒煮蜆，蜆肉全部都大大粒，新鮮肥美最緊要是沒有沙總括這裏價錢合理，種類又夠多，好似食自助餐一樣，當然價錢梗係冇食自助餐咁貴啦飲品都有幾多選擇，鍾意飲酒嘅朋友仔仲可以揀啤酒，清酒，梅酒竟然全部都係任飲的呢度仲有任食多款雪糕雪條提供選擇，好開心又發掘左一間抵食又高質嘅放題

餐廳位於銅鑼灣黃金地段 距離地鐵站只有兩三分鐘路程 非常方便就腳即使平日餐廳都非常旺場 好彩是先已經book咗位 今日試完呢度嘅放題之後 終於明白點解呢度會咁爆 咁多人 因為呢度嘅食物質素有番咁上下而家落單都好先進 用手機落單圖文並茂 唔使浪費紙張 我是非常贊成的刺身方面份量足 冇雪味又鮮甜 魚生仲要係厚切㖭 甜蝦是我最推介的 鮮甜無比天婦羅脆漿夠薄夠脆 仲夠曬熱添 全部都係即叫即炸 最欣賞嘅就係唔會食到成口油雖然食放題減壽司食好似冇咁抵 但係真係要試下呢度嘅壽司 飯唔會好大嚿 選擇配搭又多 值得一試燒物食材正，新鮮即叫即燒， 特別推介 牛舌，雞翼！ 燒得一啲都唔乾 相當有驚喜出面嘅自助區 亦都有唔少前菜，雪糕，飲品選擇供客人自己選擇 仲有啤酒 梅酒提供 不妨可以約三五知己 邊食邊飲 確實係一個唔錯嘅選擇整體上菜速度快沒有留單情況出現 食物比起好多放題嚟講 已經非常高質素

上星期和朋友去了位於尖沙咀的極尚大喜屋。這裡有甜品區和飲品區。刺身：刺身類種類好多，當中還有我很愛吃的長腳蟹。長腳蟹的味道偏咸，但蟹肉也很鮮味。刺身類方面，個人特別喜歡三文魚，因三文魚厚度足夠，食落帶有魚油味。另外，赤蝦和甜蝦兩者鮮甜。其他刺身亦同樣地新鮮。串燒：特別喜歡食雞軟骨、海蝦串燒，兩者同樣燒得剛好，雞軟骨香口又有咬口，不算是太硬。海蝦肉質實肉，帶有點點鮮味。燒鰻魚：一整大舊鰻魚上枱，燒汁滿滿在鰻魚上令味道吾會覺得好乾身。鰻魚口感林林地，燒得剛好，沒有燒焦的味道，值得介紹。黃金海蝦：個人很喜歡食用，海蝦肉質也是實肉，可知不是死蝦的。用炸的方式來煮，令味道更惹味。天婦羅：天婦羅較喜歡食的是海蝦、日本蕃薯、蟹棒。三者炸的粉不會很厚，而且咬落脆卜卜！海蝦爽口，日本蕃薯甜甜的，蟹棒外脆內軟。火灸芝士蟹棒壽司：也是個人愛吃，芝士味很濃厚，蟹棒棒鮮甜，以火炙方式來做很香口。海膽手卷：比較令我有點失望是因為當日我食的海膽較為腥。最後每人送上一杯貴價雪糕！

中學時代已經成日食大喜屋出左社會做野咁耐最鐘意嘅放題都依然係大喜屋銅鑼灣哩間極尙係大喜屋ge premium version雖然話premium, 但價錢依然親民thts why 我係佢ge 忠實fans大部份都係卡位式設計坐得好舒服放題店通常d 位都擺到密質質，呢到真係坐得舒服好多Order 模式已經唔再係以前咁剔紙仔用電話scan 下個QR code 就得仲有得睇邊d 係hot item 好一排冇泥ge 我覺得好先進😂既環保又可以減少漏單機會值得一題係，坐隔離枱ge 師奶們唔識用電子落單店員都好識做咁即刻攞番嗰本剔剔紙出泥飲品一如既往咁多，連Sake 都有！我同朋友都唔鐘意浪費食物，逐少逐少咁Order刺身好新鮮好肥美三文魚係真。厚切赤貝好爽脆，諗番起都想再食多d 右邊係創作壽司我喺出面食放題真係唔敢叫壽司一舊飯質飽你但哩到d 壽司係料多過飯同埋d combination 好正蒜片炒帶子極香口惹味配埋啤酒一流放題除左刺身外羊架、焗蠔都係必定battle items哩到ge 羊架香之餘唔會過咸啖啖肉而且夠Juicy 我encore 左好多件⚠️焗蠔雖然係用錫紙兜而唔係蠔殻但蠔體佔左兜嘅

我和弟弟去完崇光百貨買野，行過銅鑼灣廣場一期，見到有多人在排隊，記起是極尚大喜屋的客人等候入座，弟弟說都好想食放題，立即登記加入排隊等候。位於廣場九樓，食物分自助和掃描QR Code 落單，甚環保！冷熱飲品和食品多不勝數。刺身是食放題首選，食材新鮮，松葉蟹腳、極大赤蝦、赤貝、三文魚、北海道帶子，鮮味爽口，食多兩轉已回本了！豉椒汁炒花甲，花甲鮮嫩冇沙，豉椒汁濃郁惹味。焗廣島蠔，廣島蠔鮮美冇腥味，加上沙律醬焗，酸酸甜甜的，味道濃郁惹味。鹽燒鯖花魚，外皮燒至微焦脆口，肉質有油脂不乾柴。芝麻雞翼：醃過的雞翼沾上芝麻，炸至金黃色，外脆肉嫩，夠曬香口。天婦羅蝦香脆爽口，鹽燒海蝦有燒烤香味。每位客人可以選擇一款高質雪糕，提一提，眾多甜品中，有一款葡撻，味道不錯，不要錯過喔！

有同事生日，我們訂了銅鑼灣極尚大喜屋日本料理，食放題替她慶生。大家都喜歡極尚大喜屋的食物款式多又好味，地方又夠大，一大班人聚餐最合適，而且位於銅鑼灣區，就算傾夜d，同事們搭車回家都好方便！用手機下載程式落單，方便又環保！冷熱飲品，任君選擇。自助區分別設有熟食、沙律、冷盤、甜品區，清潔衞生，添加食物亦好快。刺身新鮮，用冰底墊住上枱，保持冷凍，三文魚、油甘魚厚切肥美，北海道帶子、赤貝鮮美爽口，極大赤蝦已去除蝦頭蝦殼，乾淨衞生。還有貴價松葉蟹腳，鮮味十足！吉品鮑汁燴花膠盛宴：同事們最愛這個，好少放題有得食，花膠林滑，掛上吉品鮑汁甚惹味，骨膠原豐富，養顏之寶！姬松茸海星燉烏雞湯：又是一款放題少有的補身燉雞湯，真的好足料，湯夠濃又鮮甜。燒香草羊鞍：香草味濃，肉質鮮嫩入味。火炙壽司：醬燒芝士皇帝蟹棒壽司、醬燒三文魚腩壽司、蒲燒鰻魚壽司，我最愛經過火炙的壽司，特別香濃美味。鹽燒雞翼：皮香口，肉質比較乾一些，加了少許鹽巴調味。天婦羅蝦、一口甜番薯仔天婦羅，即叫即炸，上枱還是熱騰騰，粉漿不太厚，外層酥脆，蝦肉彈牙，番薯仔味道甜美。牛油炒帆立貝、炒黃金蝦。小炒也做得不錯，夠香味，特別喜歡黃金蝦，鹹旦黃香濃

剛剛去完日本旅行，返到黎都掛住日本既刺身，所以就黎呢間極尚大喜屋試下，3個鐘任食當然要早到，12點鐘已經有5成人入座。第一樣食左刺身先🤤見到咁新鮮既刺身，梗係食左先講！油甘魚好鮮味，我encore左好多round, 各種螺貝都好爽甜，大赤蝦甜蝦食得返日本既感覺，極尚絕非浪得虛名。睇下d海膽多到呢！飯唔多之下，我叫左5次手卷，食左成板海膽都有呀🤭😂鰻魚出面買少少都幾十蚊，而呢度夠厚身又好味，估唔到放題都咁闊綽😱炸物係另一樣必試既，我最怕炸物好厚，但呢度咬落去好鬆身，脆卜卜，入面隻蝦唔老，高汁😍😍😍😍日本南瓜極甜，亦係必試。炸全翼咬開勁多肉汁，唔怕熱氣既話可以食多幾隻。呢度仲有熟食同清酒既選擇，但小妹真係冇本事再食落去，唯有下次再黎極尚拼過！3個鐘食到兩三round真心好抵🤩🤩🤩下次一定要再黎過呢間

好耐冇食放題啦~今日放工收晏少少, 同老婆去開銅鑼灣, 肚餓既情況最岩食個放題唔洗收最貴既價錢仲可以滿足放題慾望太耐冇食, 原來依家連放題都開始轉電子menu同落單, 終於唔洗拎住本黃頁咁厚既字係度揭揭揭既方便又環保呢~落單快手左食野都食多d第一次落完冇cap圖, 補番張加完單既清晰易追唔洗估估下自己有冇落呢樣果樣, 同埋呢間食落都唔覺會點漏單, 體驗良好係點既野食未黎之前, 當然要出去遊個圈睇下有咩熟食有咩飲品啦~放題去到依家已經基本上可以叫係「刺身壽司自助餐」, 姐係同自助餐唯一分別係d刺身壽司唔洗排隊拎, 其它食品都好似好齊咁由魚蛋, 葡撻, 章魚燒等小食去到中式蒸魚, 炒菜都有, 選擇非常多但胃量有限~仲有梅酒同清酒任飲~自己拎清酒壺同杯不求人, 幾新奇其它任飲飲品有4個大雪櫃咁多, 港日韓汽水同道地茶都有, 當然唔少得有啤酒仲有三款可以揀行完拎左少少出面既熟食, 自己落單既燒物已經開始到左, 非常快手~出面既熟食味道唔差, 想食章魚燒都要等佢refill番先, 非常搶手燒雞翼香脆惹味, good呢個牛油蒜蓉炒帆立貝簡直係小食既必點, 炒得唔會太油份量合適 兩個人好快就清左一碟

一向都好支持大喜屋放題，不過一直都未食過極上大喜屋，今次遲咗收工，終於有機會去食到黑夜時段，平少少都好呀嘛！😂環境真係好大，好似仲大過平時酒店食buffet既場，用wechat落單，少人既話都幾方便， 不過好處係漏單嘅情況好少。👍🏿食物嘅選擇好豐富，坐低梗係叫咗盤刺身先，我最鍾意就係食帶子，三文魚同埋甜蝦，全部都好鮮甜同埋新鮮。食完就出去睇下有乜嘢熟食，原來仲有片皮鴨仲有燉湯等等。放題其他嘢食都好好食，壽司都有好多唔同款式，仲有炸物都唔油膩又好脆口，極邪惡尤其係榴槤炸彈！

最近又放題癮起, 剛出左bonus正好一家人食餐好, 自銅鑼灣極尚剛開業食過一次, 印象唔錯, 於是book檯今晚一家人去食餐好!今晚食第二段時間 20:45, 前半小時, 樓下已經排住長長人龍拎籌等待安排入座。還好今晚提早15mins便安排左入座可能係平日晚, 相比開業時人流冇之前咁多, 而且落order都轉用左手機apps落單, 係apps度仲見到每款食物存貨量, 清晰又環保, 最緊要係全晚所落既order都冇漏單!!呢間極尚大喜屋仲設有自助吧檯供應熟食、冷盤、甜品、各類飲品等....飲品放滿整個雪櫃, 更有沙冰、熱飲、清酒, 款式多多...自助區仲有分段限時供應燒味, 要左件燒鴨試試, 皮脆肉嫩, 肉汁豐富放題我最著重當然係刺身, 刺身款式多, 而且夠新鮮, 冇腥味~三文魚口感爽而帶魚香; 長腳蟹鮮甜, 不過每隻腳都切得一小份, 要努力折多幾隻食 壽司、卷物 細細件, 食多幾件都唔會咁快飽, 而且創作壽司既配搭其他餐廳比較少有手卷都是超迷你, 一啖一個都冇問題, 可惜海膽似乎唔多新鮮, 有腥臭味, 但見隔離食客不停狂掃海膽手卷, 食到津津有味, 似乎食海膽都要靠運氣炸物 做得唔錯

之前已經試過其他嘅大喜屋分店，今次特別試吓銅鑼灣一間，一早5:20已經要喺樓下建行旁邊排隊等，原來都幾多人係特價時段食，呢度有好多熱嘅食物係自取嘅，個烏雞燉湯唔錯、片皮鴨要排隊拿但係味道普通，葡撻都係唔建議攞啦，其他食物（牛脷、咖喱魚蛋、蒸魚等）唔係好吸引及放鬆嘅架比較高，矮小嘅人嘅人呢都幾難拿到；呢度全部用手機落單，唔使再寫紙仔；魚生及壽司等同其他分店水平差唔多，我最欣賞劍魚腩同油甘魚；一品料理炸物煮物等都保持到水準，我最鍾意食炸榴槤；清酒都ok,梅酒就淡啲啦；炸魚干第一轉炸得太老，之後兩轉都可以；吉品花膠湯，都算可以接受；因為特價時段只係食兩個鐘，時間啱啱好。

朋友想食日式放題，今次選了去銅鑼灣分店，比起同樣昰極尚大喜屋的加連威老道分店，這裏覺環境較開揚舒服同好坐。客人只要透過WeChat掃瞄檯面一張附有QR code 打印單，便可通過極尚大喜屋戶口直接落單，確認order 後久，食物便陸陸續續送到。在等待食物送上其間，當然要去一去自助區探索下有咩好野食。食物除一貫熱、冷盤，沙津外，居然仲有即切片皮鴨、乳豬和燒雞 ，里D我已經冇咩興趣食，所以我只係帶左一盅燉湯返位。飲品方面：清酒、梅酒、啤酒、罐裝汽水.......任拿任飲  。