極尚大喜屋 (銅鑼灣廣場一期)

营业中

休息中

意想不到原來大喜屋有這麼划算的午市定食。除了主食外，無需額外加任何費用就能享用放題自助區無限任食。價錢由$58-$88，未計加一服務費，性價比高！各式各樣的飲品放滿了4大個雪櫃！飲品選擇一應俱全，有汽水、啤酒、茶類等飲品。另邊廂亦有沙冰、果汁和熱飲等飲品，應有盡有總能選到合心水的。自助區食物多元，包括小食、炸物、生果、糖水、甜品、雪糕等。壽司盛配牛肉烏冬定食 ($63)6件壽司，質素及味道不錯。牛肉嫩滑，烏冬爽滑煙韌，有咬勁。

今天和家人一齊到這間放題店，食食高質放題。一坐下，我們立即掃掃QR code 之後點餐😍食品種類好多🤤我地第一輪叫左刺身，手卷等等😌特別一提佢地個燉湯好好味同海膽手卷都好高質嫁🥰

今晚同成班同事食放題！係正銅鑼灣站上面，十分方便！地方重非常闊落添！餐前小食有大量食物任君選擇，又有葡撻，糖水等，以自助形式提供。不過葡撻就無蛋香，同澳門果d差很遠。大家都驚有蟲，所以魚生都係少食多滋味！ 叫左少量三文魚、帶子、甜蝦，赤海蝦！三文魚係近腩位，食落新鮮無雪咪，帶子鮮甜爽口，甜蝦等亦剝殼得好。蒲燒鰻魚皮香亦是不錯。串燒鰻魚非常出色，入口肥美可口。我們一行總共叫了約50多件。至於燒物，雞軟骨強勢回歸！唔乾唔硬，非常好食。甜蛋壽司，正常水準，我想講既係舊飯超級細，非常適合放題的時候，可惜無拎起來影相。海膽亦十分鮮甜，雖然無殿大喜屋咁大舊，不過整體上也十分好了！比利時朱古力雪糕, 抹茶雪糕限定每人只可選ㄧ杯, 我揀了最愛嘅朱古力味。各式冷熱飲品, 照顧不同人嘅需要, 非常有誠意！

鋪頭係銅鑼灣廣場一期九樓，要係一樓搭lift上去，由天橋過到二樓要落一層。可能因為差唔多九點，加上我又自己一個人，好快就入到座。幾得意既一樣野就係佢唔似其他放題鋪咁要填好多紙仔去落單，而係有個QR code咁你掃，然後自己用電話落單加單，環保又快捷。款式方面同普通放題鋪差唔多，都係刺身、壽司、炸物、煮物等等。落完單之後出去睇下有咩野食夾，見到有幾多熟食，又有沙律吧、水果吧，仲有得夾糖。淨係飲品都有熱飲凍飲超多款，又有好多雪條雪糕、細細既糕點甜品。食物好快就上枱，水準都唔錯！刺身好新鮮，壽司好mini但入口即融，全部野食份量都係細細份，包你唔會滯，可以試足咁多款。烏冬夠彈牙，湯底有淡淡既海苔味，滿足到我依個烏冬控。值得一讚既係伙記收碟既速度夠快，唔會搞到成枱都係。最後埋單都係二百五左右，但試足咁多野，都算抵。

之前试过大瀛喜，这次试试大喜屋，比大瀛喜贵几十蚊，多了哈根达斯、花胶、炖汤同埋蟹脚～羊排真的好好味，肉又嫩又够骚味，同朋友叫多咗几盘；刺身都算几新鲜，就是蟹脚被同事嫌弃不新鲜～而且切的不是很大块，我上次在大瀛喜那一盘上来简直惊呆了芝士焗生蚝必叫，同事直叫好好味，烤的所以不腻，又不会有蚝的腥味～叫了人参鸡汤，太大锅了，一人一锅根本吃不完，主要是同事说这汤并不是熬出来的，鸡是后来扔进去的，连人参都没熬烂～自助区那的熟食简直没有一样可以吃的所以体验下来，除了多的几款东西，综合性价比，我下次会选择去大瀛喜

父親節快到了, 提早去慶祝, 次次都係去酒樓, 太悶啦, 今次搞搞新意思, 一於去食放題。 選擇了銅鑼灣大喜屋, ㄧ來就我收工, 搭港鐵好快就到, 二來鍾意佢地方闊落, 坐得舒適。先來個餐前小食醒醒胃, 中華沙律, 墨魚咀, 韓式泡菜, 蒜味木耳等, 中日韓ㄧ應俱全, 有辣有唔辣, 各有特色和味道。鹽燒鯖花魚味道鮮美, 蒲燒鰻魚夠肥美多汁, 風味淋燒魚乾, 剛燒起不久, 很香但又不覺得乾硬。 金黃色的芝麻雞翼非常可口, 加上芝麻就更加香。炒黃金蝦, 係用咸蛋黃去炒, 簡直令人垂涎欲滴, 我要 encore~~蒜乾牛油炒帆立貝, 一粒ㄧ粒帆立貝放入口, 爽。脆炸貓山王, 香脆嘅外皮, 𥚃面係榴槤蓉, 嘩, 好正吖。甜品又點可以缺少, 芝士蛋糕, 大福草餅, 雪糕雪條, 雪米糍, 奶凍等, 款式齊備....當然仲有飲品櫃, 熱飲, 青酒梅酒竿等, 任君選擇。

尋晚九點幾十點係openrice訂位，相隔一個鐘咁上下就有人wts黎確認我地個訂位，都幾有效率下。到左今日，我同呀妹兩個人黎到，大喜屋準時十二點開門入客。呢間係用電話apps黎落order，但今日個職員話系統有問題，即時改用order紙落單。一開始都兩個職員係我地果行收order紙同汁野，去到後期就得一個間唔中行過。到左野食方面，質素都可以。我點既刺身份量係真係比足我，我就算點一塊，唔會無左，又唔會多左。到左壽司方面，火灸壽司比想像中好，唔會求其燒一下就搞掂。特別係個牛肉壽司，真係有好多蒜同蔥，至愛~之後，到最最愛既海膽壽司，不過就整得有啲差，紫菜係“淋”晒，難啲咬開佢。到左羊架方面，雖然一黎睇到燒到好黑，一定會好“鞋”，不過咬到落去又比想像中ok。最後又係每人嗌一個雪糕既時間，不過我永遠都係食雲呢拿味。埋單一個人都係二百四都唔洗，個價錢都可以喇~而出面自助拎野食就無影曬，不過都有少少相提供到比大家既。

今日eatmug9 #54好耐冇出post 皆因好耐都冇同朋友gathering一班朋友食乜好？通常唔係火鍋就放題今次就嚟到極尚大喜屋閒日星期一至四都有優惠埋單唔洗$250食日式放題邊少得刺身可惜依一間冇吞拿魚供應so9sad但係劍魚 甜蝦 同帆立貝都夠juicy 可以一試除咗刺身之外都有好多熟食值得一試- 芝士焗蠔- 芝麻雞翼- 天婦羅 - 蒜蓉燒帆立貝步入中年 小弟都食唔到幾round 隨即進入甜品環節款式唔算少牛奶奶凍 蛋撻 雪米糍 cheesecake任君選擇 其實食放題都志在同大班朋友坐下吹下水如果對食有啲要求嘅話 可以選擇殿 大喜屋食物款式多得嚟 質素又高啲

最近為食家極易覺得肚餓同好想食野，一於約朋友去食放題，放縱一下自己。今次選了未去過嘅銅鑼灣極尚大喜屋，一入去睇到有間大房嘅設計，自成一角！好啱一大班人一齊去！坐低之後，當然馬上叫野食！原來係唔洗再用落單紙，用電話就可以直接落單，落完又可以再睇返有無野未叫/叫多左！好方便同埋環保！抵讚！！雖然而家開始少食左刺身，但極尚大喜屋仲有好多唔同種類嘅野食！酸菜魚：夠酸夠辣，好味道！好多魚，大豆芽，酸菜！花膠都好正，一人一份，補充下骨膠原！！燒鰻魚：最鐘意食燒鰻魚，食左好多！肥美香口！燒左口魚裙邊：好味，有油香唔少得為食家最鐘意食嘅燒菠蘿：呢度嘅菠蘿特別香甜！當然要encore!新鮮出爐葡撻仔，好Q～海膽手卷，一次掃買幾個無難度！黃金蝦！好香蛋黃味！呢個出面少有架！記得試！食食下又去到食甜品環節，叫左季節限定嘅哈根大師～仲有多款雪糕雪條任大家食，個玄米茶雪糕都好好味！仲有木瓜雪耳糖水膽蕃薯糖水！我都食左兩碗！榴蓮炸彈波波！流心榴蓮！勁香滑！同朋友暴食完一晚！個個都食到好飽好滿足！！

今日約左幾個舊同事聚舊，同事揀左銅鑼灣極尚大喜屋食放題，貪佢夠方便。餐廳環境舒適，地方濶落。一入門口兩邊擺方著長餐枱，放滿了許多餐前小食同熱葷，任君選擇。除左汽水之外還有清酒、梅酒、啤酒任飲，甚至連羅漢果茶都有。用手機掃一掃QR CODE 就可以落單，既方便又環保，完全沒有漏單，上菜的速度好快，非常抵讚。食放題必點的刺身，有厚切的三文魚、劍魚腩、甜蝦同帶子都好新鮮，要叫幾回先會滿足海膽手卷 即叫即做 海膽好鮮甜 紫菜好脆燒魚干 真係超好味燒雞軟骨 燒得剛剛好，不算太硬，送酒一流燒鰻魚 一啖一口 我最喜愛女士們最愛的花膠 大大件 夠淋忍唔住都食左兩件炸榴連 外脆內軟 散發出濃濃的榴連香味好鬼正燒菠蘿 大大件 非常甜 食到唔停口最後限每人一杯哈根大斯雪糕整體嚟講食物質素高，值得再去

食海帶食到膠條👀搞到個喉嚨都損埋😰個經理嗱嗱聲張碟野攞入廚房👍對唔住都冇句如果唔係老婆生日我叫唔好搞咁多嘢我真係唔會算數啲嘢上菜拖慢😔可能係我食到條膠條所以食乜都無味😭

日式放題係香港其實真係有好多選擇！價錢高中低各有不同！但講到質素同性價比最高既一定係大喜屋集團😍😍！今次就同朋友仔址黎左銅鑼灣呢個極尚大喜屋🤤🤤黎日式放題無理由吾食佢啲刺身既😀😀講番大喜屋啲刺身！真係絕對係放題入面數一數二🎁🎁三文魚夠哂新鮮！仲要勁肥美！甜蝦連埋蝦頭食又點抵擋得到😭😭帶子又夠大粒！我起碼食左三十粒以上！當然吾少得既仲有我最中意食既長腳蟹！我叫左十幾隻！成盤送上黎果陣個畫面幾壯觀😍😍絕對吾會漏單！講下啲小食同熟食先！我最中意佢係有脆薯格！平時係麥當勞食得果丁屎咁少！呢啲全部新鮮炸出黎！我一黎就食左兩碟🎊🎊🎊仲有佢個葡撻都夠哂出色！真係估吾到黎食放題都有葡撻食！真係爽皮👏🏻👏🏻其次我仲叫左個人參雞湯！呢個真係要比大大力既讚好！十分之足料！味道甘香得黎！又帶有一點甜🤤🤤絕對要食！吾可以錯過😏😏牛利！係咁多燒物入面真係最出色！雖然吾係入口即溶！但已經比好多餐廳出色！加埋燒菠蘿就十分之好🙈🙈🙈

又口痕痕！呢排做野做到咁辛苦好想瘋狂豪食一餐黎減下壓！😃😃咁岩係銅鑼灣收工！於是就黎左食大喜屋😍😍其實旺角果間都係食過好多次😆😆佢地啲放題質素真係性價比好高！由於本人太肚餓既關係😂😂於是一黎就oreder左呢度我覺得係最好食既壽司🍣！火灸三文魚😍😍送到既時候壽司都仲係熱辣辣🐽🐽勁香魚油既味道！一食落口仲要係入口即溶！所以一定要瘋狂order🍣🍣👏🏻👏🏻刺身方面！三文魚肥美得黎每一舊都係厚切都不在話下架啦！仲要夠凍夠新鮮😍甜蝦每隻都勁大隻🤤🤤蝦味濃每隻都好新鮮！仲要吾可以miss既帶子！每一粒都勁大粒😆😆我食左成三十粒！小食方面！一定要叫既當然有芝士年糕！試過係好多地方食都係粉多過芝士！勁垃圾！不過係大喜屋食既真係好出色😭😭😍😍😍😍我每次落單都會叫兩舊！搞到成左超多！好肥啊😭😭雪糕仲要係我最喜愛既哈根大師！每人一杯😊😊仲要有好多吾同味道既雪條可以自己去自助吧度拎！

難得可以有番日cheat day!緊係吾可以浪費左自己啲quota架啦！係減肥既節奏下我都係忍吾住揀左食日式放題😍😍咁緊係揀番啲有番咁上下質素既餐廳！大喜屋🦞🦞佢地好似係集團式經營有幾間吾同既分店！今次一於試下銅鑼灣呢間！先講下地點！非常之就腳！係地鐵站b出口行一分就到啦😆😆一入到黎已經見到勁大個汽水櫃啦😱😱入面真係乜都有得飲咁濟😆😆不過而家食親放題都係中意飲茶類既飲品！呢度除左有我最中意既解茶之外！仲有好特別既荔枝烏龍！講真我都係第一次飲🤤味道好特別好香！黎到刺身方面🤤三文魚真係好肥美啊😭😭😍😍一食落口完全係好似著左魔咁！叫我點忍！不過我落單既時候搞錯左！想食有蝦頭既刺身蝦！大家記住要點番甜蝦先係有蝦頭果隻！另外佢既帶子都非常值得一讚！甜到不得之了👏🏾👏🏾我起碼encore左20粒以上！其他小食方面！特別要enocre仲有兩樣真係要大讚！首先文就係佢個芝士年糕！絕對吾係粉多！呢個係多芝士！夠哂煙韌！味道又夠濃郁🤦🏻‍♂🤦🏻‍♂諗起都肚餓！其次要大讚就係呢度獨有既燒鰻魚！真係拍得住日本某大鰻魚飯既餐廳！我食左三大碟😃😃🎉🎉

說話好幾年都無食過日式放題，今晚決定食番次懷念下個味道！上到去見到個甜品區同熱食區好大，甜品有兩個櫃，一個係雪糕雪條，一個係西式甜品，款式都幾多😂雪糕櫃有好多唔同既款式中西式甜品琳琅滿目坐定定就要爭取時間點餐，先發覺原來係用電話落單，就算無apps一樣可以輕鬆點餐，哩個要讚，食得日式放題，打頭陣就梗一定係刺身啦魚類清甜不腥，貝類爽口，食得過癮😂壽司握得好迷你，同出門食開既唔同，其實係好細心既表現，可以同一飯量之下俾人試多幾款，又唔會咁做成浪費👍日式串燒，羊架醃料同羊肉好夾而且無騷味，牛舌爽口多汁而不韌，再加上檸檬汁既清新，可以不停加點！雞翼燒得香口，皮脆肉不柴口！蝦肉新鮮，燒得乾身，可以連殻食！估唔到個燉湯幾好飲，有姬松茸同烏雞，菇味好夠最後時令雪糕係芒果雜莓味，食完正式為兩小時放題畫上句號