極尚大喜屋 (銅鑼灣廣場一期)

营业中

休息中

今晚和老公還有兩老來銅鑼灣一帶閑逛，預約了優惠時段的極尚，我媽子一向至愛日式放題，極尚系列基本每年我們都會幫襯幾次，今次第一次來到銅鑼灣店，剛好網上可以訂位，就來試試看。估計我們太熟悉極尚的食物種類，好像沒有以往的新鮮感，而且食物的質素也沒有最初的好，可能是我們變嘴刁了？！這裏上菜的速度算快，雖然有漏單情況，員工也會幫忙跟進，我有補回食物。　總括：偶然試吓無妨，不過可以考慮其他日式居酒屋，因為食力太弱，似乎我哋步入貴精不貴多嘅階段了　　　　

Food is nice, worth money. Services is nice, food delivery is fast.various drinks are available, even alcohol there are lots of options.the AC is way to cold. I guess this is how they letting their guess leave, bring jackets when you are thinking to have your meal here.

極尚大喜屋日本料理係我既放題「首選」.....價錢抵(唔超過每位$300)之餘, 而且食物質素非常好....雖然有留單情況, 但留單情況尚可接受, 都明白多張柯打總會有遺留。坐位非常寛敝舒適, 環焙境乾淨但廁所就好似無人清潔......

我們一行三人5：30分入座，我們一坐下即刻叫食物，但食物落單後超過35分鐘先到！！上菜非常慢，食物又凍，全程等多過食，到8點時啲食物先不停送到嚟，唔會再幫親！！

生魚片蠻新鮮牛肉鍋同蟹粥都唔錯不過熟食都差咗少少啲嘢偏甜...出面好多熟食，水果，甜品任你揀竟然仲有煲湯，都ok嘅鹹咗少少囉加一之後$220覺得幾抵食不過要係1730-1930之間食先得

噚(9-5-2020 Sat)日同老公拜完媽媽後,去呢間食肆會合男友人JT夫婦食放題,佢哋12點嚟到,我哋就12:40pm到,因為可以食到3點,所以冇所謂啦.刺身類:甜蝦好鮮甜味美.味道:5分蠑螺,北寄貝,赤貝,帶子,北海道長腳蟹腳正常爽口,不過唔知係咪太凍,好似冇乜鮮味.希靈魚,三文魚,油甘魚都正常冇問題.虎蝦比起甜蝦.我會鍾意甜蝦多啲.好似係黑椒一口牛呢個我覺得普通咗.燒比目魚魚肉好滑,正.味道:5分鹽燒海蝦正常冇問題.唔記得咩雞湯味道都算濃,OK嘅.章魚燒口感正常.墨魚仔好彩唔係辣,ok.蒜味雲耳,酸甜蘿蔔Ok唔錯嘅.味道: 4分薯格,春卷同咖哩角普普通通,冇乜特別.炒珊瑚蚌唔過火,口感亦啱啱好.燒牛舌約有5毫米厚,適中嘅,味道亦不過不失.燒菠蘿正常冇問題.焗廣島蠔好味,原來係千島醬加蟹籽同有啲洋蔥,酸酸甜甜咁,又幾好食.味道: 4分黃金雞軟骨佢哋伴有薯條,顏色幾靚,口感亦正常.味道: 4分而我老公食咗條薯條後,話原來有鹹蛋黃,好邪惡呀!我同MY食吓,真係幾好食喎.味道:5分炸貓山王榴槤外脆,內裡嘅貓山王榴槤變成流心,味道又甜,真係好好味,我哋都encore 咗.:味道:5分海膽

提早食母親節餐飯，三個人連加一都喺八百幾蚊，算喺唔錯，甜品及雪糕都好食。但補充嘢就好慢，由其喺食個熱蟹粥，到枱上時，我地想要隻三碗，個個服務生快行快過就算，冇講及冇諗住幫我地攞碗，有個男服務生仲叫我地叫個第二個攞啦，今時今日嘅服務態度好差，最終由個女部長攞比我地。

想食日式放題，緊係大喜屋啦～咁多間分店，都係銅鑼灣最好！呢度轉左手機落單，都仲會有少少漏單情況。必食Movenpick有雲呢拿籽！海膽手卷勁快就嚟咗，完全地反應唔新鮮。賣相都睇到係擺咗好耐，痴笠笠、出晒水，軟林林，就嚟溶，一啲都唔飽滿。食落去好彩冇腥味。刺身方面，除咗蟹同帶子同蝦都細細塊，其他都滿意。鰻魚唔係一串串，但係質素都還可以，夠熱夠肥美。香煎比目魚，配埋沙律醬都幾推介～牛脷有少少鹹，壽司就有少少淡😂雞軟骨都有配薯條。炸功唔錯，夠金黃香脆～ 蜆煲雖然淡，但有肉食。份量就少得滯，一人至少要食一煲。呢度嘅烏雞湯雖然都係比較鹹，但我都幾鍾意～咁多款甜品入面，馬卡龍係冠軍，亞軍係大福，其他都唔好味～

近幾個月已經變成左呢間放題既常客, 平均一星期都食一次。抵食! 係銅鑼灣地段$2百幾蚊真係好抵! 而且由前菜, 熱食, 刺身, 熟食, 甜品, 飲品同酒類既選擇都好多, 緊有野岩食, 而且大部份野食都好好味。野飲方面, 大大個雪櫃 (而且refill得好密)任揀, 仲有冷熱清酒, 梅酒等等任添, 超級抵呀真係! 員工友善, 唔會黑面, 而且送餐同收碟都好快手而且好有禮貌。由Reception到餐廳入面既侍應都好好! 有一次打電話訂座訂9pm, 聽電話既員工仲好好咁提我地不如訂9:15pm, 因為優惠時段會平少少。👍👍👍👍👍

好食，快靚正👍👍😋😋😋食物水準一如以往，次次食都keep到個質素選擇又多🍨🍦🥧🍰🍣🥝🍅🥑🥦🥬🌶🌶🥕放題我只食呢間👍👍👍，銅鑼灣分店又坐得舒服又食得放心選擇又多又乾淨又衛生，非常喜歡呢間放題，任何一樣野都好好食，希望佢可以keep住有客人，一定要做落去，💪💪💪💪唔想有小一間咁美味嘅放題🙏🙏🙏🙏🙏加油💪💪💪💪💪💪💪💪💪💪💪

一大班舊同事聚舊，好耐無食過銅鑼灣的日式放題，有人提議這間，不錯的選擇。首先，這裡有我最喜歡的🍶清酒和梅酒，清酒🍶有冷和熱兩款，梅酒就只有冷的，都是自助形式，很方便👍🏻😋另外，刺身款式也不少，有我最喜歡的帶子刺身和赤貝刺身，也有鱆紅魚和油甘魚，甜蝦也是大大隻的，這幾款味道不錯。壽司🍣也有幾款值得吃，象拔蚌壽司，炙燒左口魚壽司（入口即溶），蟹膏赤蝦壽司😋😋其他壽司還沒試到，太多選擇了...熱食方面，送酒小食推介，燒魚乾，應該是雞泡魚魚乾，雖然沒寫是什麼魚，但非常香，蛋黃醬雞軟骨也是很惹味😋其他熟食，鹽燒雞翼，鰻魚，天婦羅蝦炸榴蓮丸，紫芋頭丸，炸鮮奶也不錯👍🏻還有，海膽手卷是超迷你的，不會吃太飽，可以一試！

同朋友9:00係銅鑼灣食日式放題，呢間嘢食超級多選擇😍，亦唔會漏單。刺身好新鮮👍🏻👍🏻壽司唔會好大件，唔會幾件食飽你，花之戀用三文魚腩包嘅❤️❤️。牛舌加檸檬真係好正😭😭😭羊架都係😭😭❤️❤️❤️天婦羅都好好食，唔會話個皮好厚。炸物方面，芝麻雞翼，榴槤波波，全部都好正😭😭😭❤️❤️❤️日式放題你講呢間食物質素真係唔錯。飲品選擇都有好多，仲有Häagen-Dazs雪糕！員工服務都好好，好有禮貌！

妹妺的女兒今日生日我請佢哋 食放題 大家都覺得 唔錯好好食……銅鑼灣一期樓上 9樓 地方真係好好 好大 啲嘢食都好好食 燒 鰻魚又抵又好味、 我最鍾意飲嘅梅子 每次來到去飲兩支 今日妹妹都叫咗好多炸野:串串 佢話好好味呀 呢一餐總之大家好滿意

極上大喜屋基本上係放題界既名牌。原本book左8:00 ， 7:45去到等左一陣就有得食喇。想講依家真係好先進好環保吾洗再用幾張紙去落單。用手機app 就可以隨時隨地落單保証吾會漏單每次食親放題我飲野真係無執輸，佢最正係有熱飲吾再好似以前咁得D凍冰冰既可樂汽水飲完都飽。依家有茶，咖啡，奶茶，熱朱古力，熱紙包飲品。仲有菊花茶，五花茶，熱飲非常多元化好大進步。刺身新鮮，三文魚厚切另外，叫左個花膠湯真係女生保品，花膠大件湯吾係味精。壽司細細件食多件試多幾款都得。今晚不停recall 係辣酒煮花螺同埋黑松露劍魚壽司。真係好高質素好有水準。劍雨新鮮配上黑松露真係一絕。我自己都好鍾意食黑松露黑松露配海鮮真係無敵。另外燒菠蘿都好好味，強烈推介記住要趁佢燒到熱辣辣送上黎嘅時候一啖咬落去。總括然而極尚大喜屋真係好多選擇，食物新鮮，好適合一大班人聚會。相信不久嘅將來我會再去。

過嚟灣仔這邊開會，有同事帶我去吃午餐 ，就在銅鑼灣廣場樓上， 很方便。原本對放題餐廳沒帶期望 不過一看餐單很像很抵吃，58元起加一。唔知夠唔夠飽呢？先走一轉自取區環境，有甜品、生果、前菜、湯、飲品，仲有清酒添😵 好興奮，冇諗過有咁多野可以攞黎飲同食。 壽司盛配牛肉烏冬定食壽司有好多件，份量好足夠，味道也夠好味。牛肉烏冬湯底唔會太甜，雖然唔算好大碗，不過加埋壽司已經好飽。甜品有雪糕，甜點等，首推朱古力大福，做到流心效果。生果我推介龍眼，意想不到的甜。總的來說，幾十元一個吃到飽半自助餐，性比好高，非常推薦。不過平日中午先有，唔知幾時先再有機會食了😭