極尚大喜屋 (銅鑼灣廣場一期)

营业中

休息中

三個鐘抵食放題啊🤪- 午市放題 （一至四）$188呢個放題真心幾抵食 嘢食選擇都幾多 有刺身 壽司 卷物 手卷 軍艦 一品料理 炸物 天婦羅 燒物 串燒 同 煮物刺身質素唔錯 三文魚幾厚切同肥美 甜蝦都幾鮮甜 啲料都幾新鮮 壽司都幾好食 雖然就細個左啲 但係細啲就可以食多幾款 軟殼蟹同炸蝦卷都ok 熟食方面 串燒雞軟骨幾正 好有咬口 一口牛都幾重黑椒味 炸物必食脆炸貓山王 榴連餡熱辣辣 一咬就滲哂出黎 出面仲有薯枱麥樂雞嘅炸物攞 都幾香脆 飲品選擇都幾多 啤酒汽水茶涼茶咩都有 呢個價黎講食三個鐘 真係好抵Overall推介指數：4/5位置坐卡位都舒服 嘢食上嘅速度都快 佢用手機落單 仲方便你check佢啲嘢食上左未 如果唔洗番工我一定會係到坐足三個鐘食食食！

疫情關係好耐冇夜晚出街食飯, 心血來潮想去食放題就去左極尚大喜屋啦~而家唔再需要寫紙仔, 用mobile app就可以落單可以睇到點左咩, 又冇咁易出錯都幾好我地叫左好多刺身, sushi同炸物值得一讚係佢既刺身夠凍, 食材質地唔會出晒水變得淋身炸物都夠熱同脆口, 合格亦都叫左串燒同熟食熱食試下比較推介係牛舌同炸蠔牛舌口質唔錯, 炸蠔既粉漿唔會炸得好厚都幾好食, 有encore到既, haha最後每人可以有1杯free既雪糕有HaagenDazs同Movenpick揀除左自助點既食物, 出面仲有任拎既咖喱角呀, 春卷呀, 湯, 野飲(支裝/罐裝/連梅酒清酒都有)大約每人$260左右(包加一), 性價比算差唔多啦~~

大喜屋已經食左好幾年，近來再帶屋企人嚟食午市放題，發現上菜速度很慢，至少等半小時才有食物到，刺身上到嚟發現已溶雪出左灘水，嚇到唔敢食，職員經過又視而不見，叫左好耐先有人嚟。另外漏單問題嚴重，每一次叫食物至有一至兩種食物冇到，要再叫又再叫，更神奇的是原本沒有叫的食物就送左上嚟，食到令人哭笑不得。或者可能受疫情影響，食物質素比以前差，熱食送上嚟都凍凍地。近期都應該唔考慮再幫襯，等一排觀望一下再決定會唔會再幫襯。

同舊同事相約Gathering，一search放題，超多⋯求其揀左呢間比較就腳，比較好食既有三文魚刺身，赤蝦壽司，都算新鮮，焗廣島蠔都唔錯熱辣辣有蠔味唔細隻，其他就放題質素啦，唔好expect太多雖然有漏單但都體諒waiter太忙

these days I always hang around the CWB area and thus will keep on exploring nice places around there.Today I was at Daikiya at around 5pm, I normally like to eat earlier not because of the cheaper offer but I just like to have less crowd during that period.The restaurant’s location and atmosphere are nice, food and service were good, price was cheap, what else more you can expect for an all you can eat & drink meal including beer & sake for HKD200 !Sometimes I do feel pity for the restaurant ow

直入主題，份量少，啲魚片薄得離譜。味道不過不失，但係選擇都唔係咁豐富。第一次落單，就點左羊架，滿懷期待咁諗住試一試。點知食咗幾輪都未上，以為佢要即時烤咁就唯有俾啲耐心啦，點知原來唔追就唔上......一定要搵長毛經理，然後報檯號來追。壽司同啲平野就上得最快。手機QR cord落單都唔跟單，有時忙得滯，漏左野未上好正常，我都會理解。但慢到要搵經理追單，點食得開心啊？而且收野阿嬸態度十分臭串，搵佢追單仲要俾面色我睇，最尾收野仲要漏汁整污糟我條褲，做嘢咁急係咪等着執笠啊？平心而論，羊架同奶油蝦味道係唔錯嘅。但係服務太差，成間野不如二期果兩間日式放題，以為貴少少會好啲，點知真係中伏啊。睇到我呢條文千萬唔好去呢間，冇下次。

📍#極尚大喜屋📍Deluxe Daikiya Japanese Restaurant .🇭🇰香港銅鑼灣軒尼斯道489號銅鑼灣廣場一期9樓🇭🇰9/F, Causeway Bay Plaza 1, 489 Hannessy Road, Causeway Bay.🌐銅鑼灣 🌐尖沙咀.#MFJ銅鑼灣 #MFJ日本菜 #MFJ_CausewayBay #MFJ_JapaneseFood .人均消費: HKD244.味道: 👅👅👅賣相: 👀👀👀價格: 💰💰💰💰環境: 🌹🌹🌹服務: 👨🏻👨🏻性價比: ⭐️⭐️⭐️回頭率: 🔆.突然好想食放題🤩 因疫情關係，啲放題平咗咁多嘅😱晚市成人HKD258，小童HKD148，加一另計地方大，坐得舒服飲品選擇多，啤酒清酒就都有.⭐️刺身類:都有十幾款揀，大部分都試咗，好新鮮唔錯！🔴松葉蟹腳: 蟹臉好鮮好甜，比想像中好味，但要自己剪🟠三文魚: 厚切大件🟡油甘魚: 油香重，比得上外面單點🟢劍魚腩: 肉質軟稔，可惜脂肪較少🔵北海道帶子: 甜，不算超爽，可以接受，係細隻咗少少🟣赤貝: 十分爽脆！⚫️蠑螺: 普通，無味⚪️甜蝦: 甜蝦好甜，大小剛好🟤虎蝦: 虎蝦口感相對差一點.🆗壽司&

間唔中會去食日式放題，仔女鐘意。之前多數去尖沙咀果間，今次試吓銅鑼灣廣場一期呢間。時段是昨天下午5:30至0730。呢間有自助區，有沙律，春卷，薯條，燉湯，生果，飲品等。點餐前食少少野，都幾唔錯。有幾樣做得好好。刺身切得算厚身，冇雪味，口感很好。壽司大細適中，飯不凍少少暖，很好。天婦羅乾身唔油，鷄鍋居然有少少魚翅。今餐都好滿意。

八點鐘入座都不算太滿 但位子仍然要堆埋一個area坐 不可以坐開少少 有少少不太滿意 當時依然係兩人限聚令 不明白為何不能夠安排好少少位子 明明吉既位子有很多 另外員工人手不足 職員相隔一段時間先黎收碟 每次等到好多吉碟先一次過成行收 枱就得咁細碟就有好多食物質素都不錯刺身都好新鮮蟹膏生蝦同黑松露帶子 很不錯焗蠔有待改進

貼錢買難受系我地一行三人，完結時間係9點45分真係45分，分別出現三次叫交檯，但職員見我地計緊數，計完都走，仲邊行過我地隔離邊講還檯啦，心諗咩事，難道剛放寛4人，多野做到發晒脾氣，但定必無下次。。。今時今日服務態度係好難營運下去

1點半後入座半價定食。電腦出單時間13:35分，2點送到主菜。 同事個滑蛋豬扒飯，有湯浸住，隻水煮蛋在豬扒下壓住。豬扒炸粉厚過塊豬扒，因為湯浸到發脹。同事挑走炸粉食。雖然切開了，但仍難咬，因為件死體好實，好硬。我自己個燒汁牛肉，咬了1口便放棄：咸死人！2個飯都只比"生米骨"好少少，好似食沙石咁。絕對不是日本米。全程最安全好味，只有中華沙律❨海藻❩&螺頭。同1集團，但係銅鑼灣廣場2期，真係好好多。我唔係好明，只知絕不再上9樓呢間

唔開心嘅時候會好想食好多野。第一次食放題優惠時段，5點半至7點半時段$200咋，今次發現多左啲新野。自取區見到大大碟海鮮，有蝦、蜆、青口，當中蝦最好鮮美，亦最快拎晒冇fill。冇味既蜆最麻麻剩最多，青口最靚既好快拎晒，唔靚既留低。另外，仲食左未食過既雞軟骨餃子、章魚燒，冇唔熟或唔熱既問題，仲幾好味添。最後仲叫左奶油蝦黎試，大大隻，好好味！咖哩、香料、蛋黃既香味好邪惡，一定要食多啲！今次刺身黎得好快，最早到，可惜差左。甜蝦、三文魚、油甘魚同帶子全部都再度縮水同降質，唔太滿意，蟹還可以。鰻魚冇之前咁多汁，仲多骨左。牛舌既話，自助區仲好食過串燒。鍋類必叫肥牛同蜆。雞軟骨都照舊好食，薯條仲多左。有清酒飲。海膽ok

咁啱要搵地方慶祝生日，又好耐無食過放題啦，就揀左好耐無去嘅極尚大喜屋啦。我地預先打電話book左17:30－20:15呢個時段，有2個鐘9個字時間可以食，而無揀到食2個鐘嘅時段，因為咁就可以慢慢咁食就唔洗咁趕啦。因為都好多人book位，去到要係門口排隊等一陣，等員工探熱先再安排帶位啦～記得對上一次食嘅時候仲係要畫紙仔揀野食（好似都成年前🤭），而家餐廳已經改用左電子嘅形式去落單lu，會係入座嘅時候比個QR Code我地，scan 左就可以好方便咁落單，又可以清楚知道自己點左咩野食，仲環保左添除左可以選擇落單之外，外面仲有個自助區，有......🧃🍺飲品～ 好大個雪櫃，有酒精嘅亦都有無酒精嘅，仲有凍有熱添，自己鍾意飲咩就拎咩🦐冷盤～ 唔算好多選擇，有蝦，青口， 蜆，但食落唔算新鮮🥗沙律～ 同平時自助餐嘅沙律差不多🍉🍌水果～ 種類都唔少嘅🍰🍮 甜品～ 有蛋糕，豆腐花...但味道就一般🧁🍦雪糕雪條～ 有兩款，一種係任食係個櫃自己攞另一隻係每人只可以有一杯而佢係需要入紙嘅，今次嘅季節限定係🍈行完一個圈就開始食啦首先就緊係刺身啦！選擇種類算多，例如油甘魚，希靈魚，帶子......，而質素就可接受，

以為有極尚個字，會比大喜屋更好，差過預期。一開始點魚生，食左大半個鐘都冇黎，跟住就話漏單，要重頭再叫過，感覺唔知每落幾多次就漏一次咁，都有其他抬係咁。魚生非常一般，冇特別，冇貴魚生或壽司。燒羊架唔好食、燒蠔，粒蠔極細、天婦羅唔正宗；串燒種類少，其他食物款式都少，冇蒸蛋，冇燒魚頭，冇多春魚；貴少少既食物通常都較易漏單，如牛肉鍋、炸貓生王。出面D甜品唔好食。要讚的是飲品多，酒任飲，同埋有靚雪糕......

第一次來，但選擇好多，好正，好耐無食放題，食物質數超掂，一定會再幫襯。刺身好新鮮，三文魚好肥美，生蝦好甜，各種魚類也新鮮，好好味，正。好多食物都做得出色，天婦羅🍤好味，粉漿好薄吾厚，手卷壽司也出色，飲品多選擇，生果也新鮮，今餐好滿意😁