極尚大喜屋 (銅鑼灣廣場一期)

营业中

休息中

食過好多次，因為屋企人鍾意食放題。極尚大喜屋呢間比以前整得好食左！自助區多左好多飲品，推薦：冷泡白桃烏龍，asahi 啤酒任飲！生果雪糕甜品冷盤小菜，仲有大蜆青口同鮮蝦❤️唔食刺身，叫左一大堆火炙壽司，質素都ok推介係小菜類蒜蓉粉絲蒸扇貝！炸蒜頭配埋粉絲好食！估唔到仲有龍躉花膠同蝦球食！仲有蟹粥都好入味，有驚喜！薯仔牛肉粒/牛舌/芝士焗蠔/串燒鰻魚都係叫足幾碟，野食都上得好快，計食物質素，2百幾蚊一人係抵食

今日黎銅鑼灣嘅極尚大喜屋食午市放題，坐位好寬敞，坐得好舒服。依家有qr code 落單好方便。野飲有得揀一般汽水，無糖系列都有架，亦有自家冷泡茶可以飲，我就揀咗白桃烏龍茶，清淡解渴唔會太濃，亦好細心有熱飲櫃。上菜速度幾快，手機落完十分鐘內都有，熟食夠熱辣辣。佢啲灸燒壽司好好食，尤其是左口魚壽司，唔會太肥膩，又有甘香，幾推薦。三文魚刺身比較厚切，食落有口感，油脂唔算好肥，一啲魚腥味都冇。希靈魚刺身就好有鮮甜味，忍唔住嗌多客食！燒物方面我覺得燒菠蘿唔錯，本身夠甜亦好多汁，中和番其他大味嘅菜式。燒羊架算tender，冇乜膻味，配上簡單嘅黑椒粒已經好開胃。牛肉壽喜鍋湯底香濃，醬油湯香甜，牛肉片同娃娃菜好入味，熱辣辣嘅湯加上生雞蛋撈埋一流！甜品方面有啲少見嘅韓國牌子雪條雪糕，其中有朱固力堅果脆皮雪糕，同埋珍珠奶茶雪條。咬落真係有粒粒珍珠，配上濃厚黑糖味，十分之滿足啊！下次一班人聚會都會選擇黎呢度食多次，環境同上餐速度都令我想回頭。

今朝好早起身，忙咗成朝，中午去同朋友食餐好嘅慰勞自己。於是我哋去左食放題。我覺得以放題黎講，呢間都算高質，各種各樣嘅食物都有，包括壽司、刺身、炸物、熟食、甜品等等。啲刺身食落都幾新鮮幾厚肉，食落唔腥，帶子幾鮮甜。壽司嘅種類好多，亦都唔係得啲最普通嘅款式，有好多唔同款式，例如蒜香青蔥燒牛肉壽司、蟹油蒜帆立貝壽司、椒鹽炙燒比目魚、醬燒紐西蘭青口等等。我最鍾意就係食啲燒過嘅壽司，因為燒嘅過程將油分逼左出黎之後就會食落特別香。幾款卷物我都好鍾意食，包括鰻魚忌廉芝士卷、香芒吉列蝦卷同埋牛油果軟殼蟹卷。同埋呢到嘅熟食款式好多，唔只得日式，連中式嘅熟食都有，仲要整得幾好食，例如有極尚花膠盛宴、極品麻辣牛魔王、古法蒸海龍躉壬，仲有泰式咖哩軟殼蟹。仲有啲熟食係可以自己出去夾嘅，竟然有幾好食嘅酸菜魚，煮得好入味，魚肉又幾嫩滑。有好多甜品，不過仲有得點滋補花膠燉鮮奶，燉鮮奶嘅奶味濃郁，食落口感幼滑，我覺得好好食，於是食左兩個，食完呢個都唔洗再食其他甜品，都已經好滿足。

呢排天氣好熱，又唔想食熱野，放題係唔錯嘅選擇，有刺身又多款式，正😆依家係用QR code 點餐，真係方便又環保♻️點完餐之後出去睇吓有咩食😆見到有夾糖😳仲有酸菜魚、豬手等，好吸引‼️酸菜魚🈶️驚喜，幾好味又夠酸，仲有少少辣🌶刺身我地叫咗三文魚、北海道帶子、油甘魚、極品大赤蝦、鮑片，每款刺身都好肥美，尤其係赤蝦，又大隻又爽口😋壽司就叫咗黑松露油甘魚，三文魚腩、三文魚、花之戀、香蔥拖羅魚生薈、深海池魚王、海膽手卷、三文魚親子手卷，全部一口size ，唔會食到飽曬而食唔到其他野👍🏻另外，我地叫咗天婦羅蝦、雪花牛肉鍋。天婦羅蝦好香脆，又唔好厚皮👍🏻而雪花牛肉鍋嘅湯甜甜地，d菜吸收晒啲湯，所以好好味，而豆腐好嫩滑，牛肉亦幾嫩😋😋食飽之後緊係要食甜品做結尾啦😆見到有幾款雪條，最後揀咗藍色嘅沖繩海鹽味雪糕，帶少少鹹，真係唔錯😋不過唔記得咗影相🙈

好耐冇食放題啦，所以約咗朋友仔放工去食位於銅鑼灣嘅放題😋我地點完食物之後出去拎野飲，見到出面有好多小食拎：涼拌豬脷、章魚小丸子等刺身：三文魚、北海道帶子、油甘魚、極品大赤蝦、鮑片，刺身比得好大方，好厚切！😆😆整體都好新鮮肥美👍🏻壽司：見到壽司好多款，樣樣都想食😂我哋叫咗椒鹽炙燒比目魚、蒜香青蔥燒牛肉壽司、黑松露鮮帶子、黑松露油甘魚、蟹膏玻璃蝦、花之戀、鰻魚忌廉芝士卷、黑松露赤魚、海膽手卷、松葉蟹膏手卷。壽司都好好食，尤其係椒鹽炙燒比目魚，入口即溶😍而佢哋d飯唔會好大舊，所以唔會飽哂而食唔到其他野👍🏻我哋叫咗d燒物：燒香草羊鞍好香孜然味同羊味👍🏻而鹽燒牛舌好爽口！黃金焗蠔mix咗沙律醬好香好好味、金蒜蓉粉絲精扇貝好香蒜味而粉絲吸晒啲味，正呀😋牛油煮鮮大蜆好香芫荽味，食落口好香牛油味😋😋而牛肉湯烏冬嘅湯底係味增，牛肉好嫩👍🏻而食咗刺身之後，飲啖湯真係好暖胃😌

今日happy friday 同同事食個好正嘅放題午餐嚟到 銅鑼灣嘅呢間極上大喜屋午市放題可以任食三個鐘真係慢慢嘆都唔過份呀 餐廳地方好大 重點係卡位夠闊落同埋冷氣夠坐得超舒服 有唔少嘅前菜同炸物都係自取 飲品都係任飲 竟然仲有清酒同啤酒添食日式放題點少得刺身呀巨型珍寶甜蝦 三文魚同帶子 全部都夠曬鮮甜 好新鮮呀燒羊架比 目魚西京燒 全部都即叫即燒夠曬熱辣辣 羊架一啲都唔騷 比目魚醬汁甜甜地魚肉夠曬嫩滑飲飽食醉之後仲有甜品可以任食 最正就係花膠鮮奶燉蛋白超滑漏

已經好耐冇食日式放題，今日天氣好炎熱，是吃刺身的最佳時候。這間日式放題，一年多前來過吃午餐，想不到今晚晚市都人山人海。坐低第一時間用QR code手機落單，非常方便，先來一定係點刺身，幾分鐘之後侍應就將刺身送上。刺身點咗：油甘魚刺身、鯛魚、北海道帶子、赤貝、甜蝦、極品大赤蝦，刺身解凍的時間剛剛好，沒有過軟過硬，口感非常豐富，只需點些豉油Wasabi，已經好好味。其中以極品大隻蝦最為鮮甜爽口。食刺身又點會缺少日本清酒，這裏的清酒本來又熱又凍，可惜今晚熱的清酒已經沒有了，不過凍的清酒都非常配合這個天氣。如果唔喜歡日本清酒，日本梅酒都係任飲。再食多一轉刺身，便點了一些壽司，其中以花之戀的味道最為美味。燒物點了小菠蘿和燒鱔，菠蘿味道鮮甜，燒鱔的質素很好，拍得住居酒屋。一邊食美食，一邊飲清酒，好快就完成兩個鐘啦，炎熱天氣，日式放題是最佳選擇。

很久很久沒有吃大喜屋放題了, 終於約齊三五知己一齊拼吃。每次去到大喜屋, 最開心就是見到飲品自助吧, 種類實在多不勝數, 啤酒/ 汽水 / 清酒 / 花荼還有很多不同的飲品都是其他放題沒有的, 值得一讚。飲品雪柜旁邊就是凍海鮮吧和熟食, 凍蜆和凍蝦充足, 因為流量大所以補貨都好快。自助沙律都有多款材料和醬汁選擇。吃過少量前菜後, 就正式進入主菜MODE。京汁燒魚, 雖然不是銀鱈魚, 但魚塊都一樣肥美肉塊一梳梳, 而且京汁燒味道調較得好好, 甜而不稠, 好味到都不記得番點了多少次。蒜蓉粉絲蒸扇貝, 粉絲吸收了蒜汁非常惹味, 前前後後都點了3次。蜜汁黑椒牛粒, 牛粒腍而不柴, 又番點了3次。咖喱炸軟殼蟹, 咖喱香而不辣, 配上酥炸軟殼蟹一流。花膠質地軟熟，醬汁不太焦杰撻撻汁煮大蝦球, 不只大隻而且有2隻, 一點都不馬虎。芝麻雞翼, 炸漿薄而不油膩。最後點了蟹棒壽司, 帶子壽司, 炙燒牛壽司, 蟹膏蟹肉手卷，食完幾件壽司後, 已經飽到一個點…..最後還是以雪糕甜品作為今餐的句號。

我今日放假我老公去銅鑼灣睇戲，睇戲之前填飽個肚，就揀食放題，選擇種類又多，啱晒咩都想食嘅我哋，又唔係好貴一於先黎個刺身，油甘魚，帶子，甜蝦鮮甜美味，北寄貝，赤貝爽口，仲有十大隻牡丹蝦，食完一輪又再encore食完刺身，又點少得壽司，脆卜卜卜的紫菜包著吞拿魚腩飯，加點豉油芥辣，非常好味，大蝦壽司爽口彈牙飲品有好多選擇，不過最吸引我嘅係尼個紅棗龍眼雪耳糖水，滋潤美味甜度適中，飲完感覺皮膚都滑左熟食都有好多款式，日式牛肉煱，充滿濃郁好味的牛肉，集採吸入甜甜的湯底，中和了牛肉的濃味麻辣牛肉鍋也很出色，麻香牛肉嫩滑仲有大豆芽薦底，非常惹味今次唔食雪糕雪條，一於食下童年回憶嘅糖果最後食埋個外脆內軟的炸紫薯

糧尾想食好少少又唔想咁貴，日式放題都係一個好選擇，近年開左好多間日式放題店，都唔及呢間人氣爆燈既極尚大喜屋，大喜屋集團開左好多分店，有大喜屋、極尚大喜屋同殿大喜屋，今日放工約埋同事去左銅鑼灣廣場食極尚大喜屋既晚市放題晚市放題 ($268/位)自助區都幾大，有飲品櫃、放雪條既冰櫃，放生果同甜品既雪櫃、前菜及沙律、熟食及小食，連橙汁同咖啡機都有，仲有清酒同梅酒區，真係應有盡有，目不暇給，凍海鮮有凍蝦、青口同蜆，全部都係任飲任食，超抵飲品櫃飲品櫃都有勁多選擇，酒精類飲品有啤酒、梅酒同清酒，非酒精類就有汽水、茶、果汁，連自家製冷泡茶都有，岩哂我呢個水怪啦，仲有個暖櫃放住啲暖笠笠既維他奶，天氣咁熱食放題梗係要飲汽水啦，消暑一流刺身日式放題刺身都有好多款選擇，幾乎每款都揀左兩三件試下，三文魚好肥美，油甘魚魚油甘香，貝類刺身就有赤貝、象拔蚌、榮螺等等，全部都好新鮮，佢地連甜蝦都有兩種: 普通甜蝦同極品大赤蝦，非常鮮甜熟食熟食方面除左有自助區既酸菜魚同花生豬手之外，仲有串燒同燒物，最推介以下幾款熟食:比目魚西京燒呢個比目魚煮得好好食，魚肉嫩得，調味恰到好處，證明食材有夠新鮮，配埋西京燒甜甜地既醬汁，更

7月特別多朋友生日，星期五同屋企人食完自助餐，今晚約左另一個七月壽星去食日式放題，揀左呢間位於銅鑼灣廣場既極尚大喜屋，一早已經預訂左位，六點幾去到都幾多人食緊，七點幾直頭坐滿哂人，放題係半自助形式，除左可以用手機scan QR code落單之外，餐廳設有自助區，可以任拎飲品、生果、甜品、凍海鮮等等晚市成人放題 ($268/位)自助區入到門口已經見到四個大雪櫃，雪左大量酒精同非酒精飲品，有罐裝啤酒、樽裝茶、啜啜果汁、汽水，連自家製既冷泡茶都有，我就拎左枝白桃烏龍冷泡茶，天氣咁熱飲枝冷泡茶解暑一流，仲有沙律吧同日式前菜任拎，有我最愛既味付螺肉，自助區都設有熟食，估唔到連酸菜魚都有，仲有糖果天地可以夾糖，大人細路都岩呀刺身拎完飲品返埋位就開始叫野食啦，由冷盤食起，揀左好多款刺身，三文魚、油甘魚、鯛魚、北海道帶子、北寄貝、赤貝等等，三文魚同油甘魚厚切夠新鮮，北海道帶子好鮮甜，極品大赤蝦好大隻，新鮮爽口彈牙，貝類都好新鮮唔會腥一品料理熟食方面都有好多選擇，推介大家試下佢地既極尚花膠盛宴，花膠好厚肉又大塊，補充骨膠原就最好不過啦~香草牛油煮鮮大蜆都好吸引，一鍋牛油煮蜆，肉質鮮甜，泰式咖喱軟殼蟹即叫

香港日式放題餐廳真係遍佈港九新界，但以我食過咁多間日式放題既經驗，呢間位於銅鑼灣既「極尚大喜屋」絕對係我首選！高質食材，餐廳環境衞生，食物種類繁多，上菜速度快，每方面都攞足5粒星！餐廳設有熟食區、凍食區、甜品區、凍飲區，甚至酒類飲品區，全部任飲任食！即食炸物就有小丸子，炸餃子～ 仲有一盤盤熱辣辣嘅熟食，白汁津白、酸菜魚等，仲有足料椰汁雞湯！凍飲區就放滿晒不同凍飲任君選擇！最意外既係清酒、梅酒、燒酒任飲！正！食材好新鮮，刺身鮮甜，種類多，份量足料！三文魚、甜蝦、帶子刺身、吞拿魚都好鮮甜！塊塊都厚切！仲有壽司款式多，你睇下啲火灸壽司，舊舊都好大件 同好好食！鰻魚卷真係好好食，仲有迷你海膽手卷！鰻魚控既我，首推鰻魚芝士玉子燒！特濃芝士超好味！仲有一件件燒汁鰻魚片！好少放題餐廳會有西京燒！入口即溶既西京燒，估唔到日式放題都食到，肉質好軟，燒得好香口！推介大家一定要試下呢間銅鑼灣高質日式放題 - 極尚大喜屋既晚市食放題～ 包你食到停唔到口！

今晚，去完Times Square打卡，轉個彎就去銅鑼灣廣場嘆放題！「極尚大喜屋」位處銅鑼灣廣場一期9樓，升降機前大大個招牌，好易搵！大喜屋環境非常寬敞，除了QR Code點餐，亦可以自行去自助餐區揀食物。區內有林林種種美食，例如海鮮、炸物、水果、甜品等；由於我全日未食嘢太肚餓，所以先行去醫肚！水果和甜品當前菜，真係史無前例第一次，哈哈！來到大喜屋，點可以少得魚生！大大碟鮮味魚生和鮮蝦，厚切得來又爽口，正！壽司方面，我和朋友各自點些再share，當中最鍾意芒果軟殼蟹壽司，又甜又脆，非常juicy！芝麻雞翼很香脆，但最驚喜的是大大塊花膠，似係新款式，我更吃了三碗補充骨膠原！最後，拎了罐茶消消滯，又頂住個肚食飽飽又一餐！

以前覺得放題多數係量多質素參差，但唔知係咪競爭大左，極尚大喜屋呢間比以前整得好食左好多！首先環境乾淨淨理，自助區好多特別飲品，首推冷泡白桃烏龍，好香桃味又有茶香，仲有asahi 啤酒任飲！正雪糕甜品冷盤小菜都有，大蜆青口同鮮蝦，有食酒店自助餐感覺，仲有軟糖夾❤️手機落單，叫左一大堆火炙壽司，質素都唔錯，但最驚喜同好食推介係熱食。蒜蓉粉絲蒸扇貝必食，好似我一個人食左8隻，大粒鮮味好食，炸蒜頭配埋粉絲無得輸！仲有薯仔牛肉粒/牛舌/芝士焗蠔/串燒鰻魚都係不斷engore 系列！整體質素高，野食又上得夠快，人均二百幾係抵食！

食放題最方便同埋唔使諗食咩🤣呢度環境舒服夜晚食都好抵㗎刺身選擇多，又方便落單🙈真係上得好快，刺身最正係三文魚北海道帶子同大頭甜蝦都任食的！仲有海膽手卷同埋唔同嘅選擇新出咗好多唔同嘅料理，粉絲扇貝夠入味自助區有前菜，同埋飲品自己取雪糕🍦雖然有榴槤味道夠晒特別燒菠蘿酸甜可口，仲有唔同款式大量食物嘅選擇，過嚟都唔知食咩好中式同埋日式都有，仲有花膠西蘭花炒鰻魚任食❤️同埋天婦羅都有甜品🍮可以自取，有最愛的糖水