極尚大喜屋 (銅鑼灣廣場一期)

营业中

休息中

暑假前就衝刺食一餐 ✨極尚大喜屋✨▶️自助區好多選擇，沙律、海鮮、日式炸物、時令生果、冷暖飲品、含酒精飲品仲有凍熱清酒及梅酒飲，林林種種選擇，花多眼亂甜品、雪糕一樣有得揀，食飽飽再食埋甜品就可以滿足哂!🌈刺身有三文魚、北海道帶子、油甘魚、極品大赤蝦、榮螺片，赤貝款款刺身新鮮肥美，個人大愛赤蝦同赤貝，赤貝鮮甜爽脆，赤蝦大大隻夠哂爽口彈牙，ENCORE完一次又一次🌈極尚花膠盛宴真係必點，花膠大大塊，炆到好軟腍，配埋醬汁味道岩岩好，唔怕膩，可以肆無忌彈補充骨膠原🌈蒜蓉粉絲蒸扇貝扇目大大粒夠好鮮味，配埋炸蒜同粉絲就無敵🌈牛肉烏冬多番一兩塊牛肉就好好多🌈燒雞翼就略嫌太乾🌈炸蝦天婦羅炸到熱辣辣好香脆🌈泰式黃咖喱軟殼蟹黃咖喱香而不辣，配軟殼蟹好惹味🌈衝左一輪，食件燒菠蘿解膩就岩哂，酸酸甜甜一解油膩感可以再繼續食🌈滋補花膠燉鮮奶同樣係必點，食完皮膚滑溜溜🌈沖繩海鹽雪糕🍦味道清新。🌈椰子味🥥雪條椰子味勁重。