極上帝王水產

营业中

休息中

話說在香港吃了那麼多家食店一路都冇想要寫評論的感覺 自從去了這家店不得不寫一番評論首先在樓下的招牌寫著178左右➕1 去到時候買單被告知要504 (二人) 還是平日的午時時段 這個價錢真是寧願去食其他放題都不會來這裡家其次裡面的環境昏暗狭窄真是坐的好辛苦如果食客的體型稍為胖一些的話 進到去店員告知要我們下單儘量下多一些因為即叫即整所以會等很久 結果叫多來少真不知道講這句話的意義在哪裡食物品質方面真是爭鮮都好食過佢 那個所謂的火鍋讓我們加豉油做湯底 我一度懷疑我是來食飯還是來洗腎？最後在點單方面我們入座的時候已經是三點半左右結果沒幾分鐘被告知廚房師傅要食飯 叫我們快點下 我們才剛坐下來沒多久就要經歷Last order的情況 ？？？ 另外會有邊間店會所有師傅都去食飯？？ 本人都做過餐飲業所以都知道就算食飯都會輪流食確保有人頂住檔 15.45說last order 要到16.10才可以重新下單 結果到了16.15分再下單時候仍舊無人處理最後等到接近16.40分左右才有所謂的師傅陸續處理Order那段時間他們是在浪費我們的時間！on nine坐在那裡等🫠最後總結如果閣下想體驗所吃的食物是否有

是咁的，我同朋友仔第一次去極上帝王水產，聽嗰名覺得幾吸引。但到最後發現，呢個價錢，刺身唔太新鮮，環境比較擠迫，都算係咁。最頂唔順是走單問題極嚴重，除咗頭盤正正常常之餘，後面order嘅食物最耐要等半個鐘後先上（在等待二十五分鐘後，實在忍唔住同經理和店員反映，而男經理態度毫不在乎，表示自己忙緊，要幫其他客人order先，唔得閒處理。我心諗: 我哋唔係顧客？然而，都係要等多十零分鐘先上咗小部分）。走單率可以理解為，每order五份，會上兩份。其實店內d靚仔靚妹嘅態度都唔錯，一路都忙緊。但是經理對走單問題的處理，實在令我們冇心情再食，每人花費大概270蚊，除咗頭盤正常外，後面上單速度平均廿零分鐘，就咁坐咗，最後真係唔知大家食咗d咩！總結留返你哋，我同朋友發誓唔會再去呢間幫襯。p.s.後面先知兆萬中心原來有勇者塔的美稱，咁呢間一定係一哥啦！

6小時放題已經食過好多次,時間長,吹水但食物水準下跌,入單數量與送餐數量差距甚多,漏單亦嚴重,食物水準變差,刺身不新鮮,爐端燒也煮得不好,只是炸物保持水準,飲品數量也減少,是次經驗甚為失望

黎到放題集中地兆萬中心搵食，朋友話要比次機會位於九樓的「極上帝王水產」，因為以前網上不多正面評論，今次抱住試一試心態，貪佢價錢抵，可以大快朵頤。放題為主，主打日本刺身、壽司🍣、泰國菜 、串燒、天婦羅和小炒同火鍋飲品甜品🍮多達二百款美食，款式選擇多，訂座免費加埋燒肉。訂座即送磯燒/火鍋/燒肉，十分抵食。三款選一款，我簡左日本壽喜燒，採用美國牛肉烤熟，配合帝王水產專用的調味組合先享用肉味香濃美國牛肉，肉質嫩滑順口，不用煮得過熟，保持鎖緊肉汁。再用其烤肉的牛肉油脂加入新鮮蔬菜組合，配合壽喜燒專用的高湯醬油，湯汁鹹鹹甜甜，味道濃厚，整體湯底濃郁香甜，享用正宗的日本壽喜燒體驗。總結：款式多 價錢相宜轉左廚房 食物質素好左 抵食！

第一次食放題食到懷疑人生🥵唔會再去上菜超級慢仲要漏單。熟食話係即點即做，要20mins，好，我等啦，點知上到黎天婦羅🍤係番炸，南瓜香芋丸係未炸熟，仲有D生粉，鹽燒海蝦叫左20串上黎得3串。打邊爐配菜係生，我地一入座就落單，過左1個半鐘D肥牛活蝦生菜金針菇都未上，中間催左幾次單都話ok，個湯底都煲到見底，好嬲🤬再催啦，過左2mins終於上黎啦，見到D蝦係熟的，我就問個職員點解係熟嘅，佢口窒窒話唔知⋯重點係間鋪都未滿座，D運作就已經咁過分，到了爆座咪唔洗食😤

夜晚入嚟個陣都見到坐滿曬人，收銀姐姐同我地講大概都要等15分鐘左右但係未到十分鐘就即刻有得入喇！！一坐低就寫刺身同火鍋嘅紙仔見人人都食壽喜燒 我又試下個壽喜燒真係濕水棉花咁 冇得彈！！加埋個燒肉汁真係好正 食完都有少少飽飽地嘅感覺店員哥哥姐姐都好有禮貌 時不時就行嚟問你野食齊唔齊野飲款式都好多 真係要企係度諗一諗飲咩啤酒又包埋 正到喊 如果清酒梅酒都包埋就好啦！！之後我同個店員哥哥講笑話想食巨大化花之戀點知佢真係叫師傅整左俾我成個手掌咁大 睇到我同啲朋友呆左可一可再！！下次再嚟食過

好少寫食評，一係好好食，一係好難食，除非好無聊，但我自己本人又唔係得閒到乜都寫一餐，我都算係一個好鍾意食日式放題嘅人，呢間點解會想寫？同點解會去試？就係因為OpenRice彈出嚟有個所謂優惠咁就撳咗入去購買三位，冇睇到細節原來晚市星期五六日仲要再加$79一位，加完之後，😅同我平時食開嘅冇乜分別，但質量就相差非常非常非常遠了。首先，主菜一定係刺身，刺身好唔新鮮，天婦羅，啲粉勁厚，牛柳粒好鹹，坐低之後有一個小鍋，我們揀了松葉蟹海鮮鍋，以為點都會有隻蟹見到，點知蟹腳嘅蟹毛都冇條，我都懶得問佢隻蟹響邊，同行朋友話都無謂問了，仲晒伏。成晚嘅嘢只有兩樣嘢入得口，左口魚裙邊壽司，火鍋嗰個所謂肥牛，勉強仲有埋尾嗰條雪條，完！

本來諗住星期六多啲時間去食餐好嘅，行過旺角被樓下嘅哥哥張傳單吸引咗！上到嚟環境差，地方窄，座位真係肥啲都坐唔落🙁食物方面，選擇少，質素低，除咗可以話可以填飽個肚之外，真心難食！炸蝦🍤啲粉整到成保炸熱狗咁厚！啲軟殻蟹炸完仲硬過塑膠！最後服務方面，啲服務員真係俾咗好大嘅自由度你，因為你唔嗌佢佢真係唔會理你，到你食完想買單嘅時候先至行埋嚟問你仲有冇嘢叫咗好耐都冇嚟，走之前就真係跟到足😏

我訂台7:15pm 已打電話問可否早10分鐘入 聽電話講果個無問題 點知上到去都係要等 其他爆緊場未有 咪講未有囉 唔需要話有台之類 上到去帶位果個同我登記左 等到搭半都未入得 嬲嬲地都係唔食

比起貴價放題，呢間算中規中矩，上次同朋友去個時唔太多人，服務態度唔錯，上菜清枱都算快，亦冇話有漏單既情況，睇見上網食評好壞參半，所以個人意見都淨係可以只供參考。食物方面選擇真係各式各樣，放題有既，它都樣樣有，即叫即整，撇除比較高質小小嘅放題，個人覺得呢一間同平時食大眾放題嘅味道差唔多，勝在款式夠多，食用時段長。

兩老同d朋友去食，返嚟嘅feedback 係👇🏻又窄又無人招呼，訂左枱又扮人地未走，由房轉廳坐，總之未食，巳經唔開心。其實老人家都係想食好嘢同開心，有呢種對待大家真係諗諗佢🙂

見某個Youtube channel 介紹 兆萬中心是勇者塔，好奇試下，原來真係難食的。食中午，入去坐位很空，無乜人食，整間鋪是好污糟，地下有食物殘渣，立痴痴，裝飾裝修殘舊，好似沒打理過一樣，包括桌上的豉油樽，骨桶等等係燈光反射下都係好污糟門口姐姐帶了我倆坐一張對座，然後我話一邊凳上有一堆煙灰，姐姐竟然不為所動沒有清潔，推返埋張凳就算，what?刺身來到，賣相很一般，同影片好大差距，最好食算係三文魚，蝦螺和其他魚類鮮味欠奉，難食。天婦羅類正常炸物吃不出是新鮮炸，唔知點解係淋既，年糕，紫芋丸，炸牛奶，總知就難食。爐端燒係唔熱既，暖的，牛脷，雞串，燒鯖魚，總知就難食。唯獨雞髀菇雖然係暖，但好食。壽司類是爭鮮外賣鋪質素，可以不試，沒驚喜。佢地仲有鍋類，炒意粉，無試不評論。最後佢每枱送甲羅燒or 燒A5和牛粒，我們叫和牛，係兩人只可叫一碟仔，難食到嚇死你，先說和牛完全沒有解凍（幾粒冰咁），再者食落沒味，咬不爛，唔知係咩肉黎，咬咗幾啖吐咗出黎。總結埋單大約$260一個，其實唔平架，咁既價我不如食其他出名既放題。

星期六突然想食放題，見樓下派傳單就試下啦一入到去環境都唔多好，位置逼都算，張枱油笠笠店員一開波派咗張紙，話會優先幫我起一盤刺身，點知等成個鐘都未有！！但係中途叫嘅壽司或其他熟食又好快到喎？飲品選擇又無茶，全部都係有汽甜味嘅嘢，想唔飽都難刺身明明我有寫到有頭嘅大蝦，淨係比啲迷你甜蝦仔我！到我追問佢佢話已經無哂！係咪好過分？一開波比張刺身紙明明有帶子，但到用手機落單，佢無得揀帶子！到我問佢竟然話冇晒！我地入嚟食嘢嗰陣話自己有超過二百幾種食物，根本就無！可能計埋飲品？😂 正常你去食自助餐，如果有部份食材短缺應該係入座之前同顧客講明，因為我可以選擇仲繼唔繼續去幫襯總之就係差差差，明明寫2百幾上到嚟先話紅日收費$309加一，佢話紅日收貴啲，但係轉個頭又話因為今日紅日，所以準備唔到食材引致咁多缺貨，咁樣係咪唔應該收貴啲呢？落五六次單先會上食物一次！炸物我叫1佢又識比2㗎喎？真係貼錢買難受！食到好嬲好嬲好嬲！三百幾蚊咁嘅質素真係唔可能做回頭客！

本來抱住希望嚟食，可能睇過之前啲食評，不過真係好失望，中晒（蕉）!熱食唔熱，炸物啲粉冇西過好多粒粒，燒蝦暖嘅，蟹味味噌湯=普通味噌湯，粟米仲衰過麥記，和牛粒，刺身好多都冇炸雞軟骨同燒青魚都好硬，只係硬唔過我條命，全場最好多境然係件雪糕，好好好失望，仲諗住仔仔生日同佢食下放題，早知去酒樓食龍蝦啦！不過服務態度就非常之好，一大安慰，我諗唔會有下次，拜拜!

👉🏽一入門口就見到塊勁氣派嘅招牌👉🏽仲有多到令人睇到眼都花埋嘅雪糕雪條🍧👉🏽門口個姐姐好有禮貌👍🏼👍🏼 簡單詢問過後就安排入座😍👉🏽運氣極好嘅我哋被人安排去坐靠窗卡位🫤不過雖然話係窗邊卡位 但都只係睇到少少風景😹美中不足囉🫤🫤👉🏽坐低冇幾耐 就有個店員哥哥過嚟同我哋講解點樣落單📲📲👉🏽首先佢就叫我哋落咗呢兩張首輪單先📲🥘嚟到真係要試吓佢哋個壽喜燒🥘🔥食完個壽喜燒先醒起未影相🫤🫤🍣🦪刺身紙都係 啱啱落完單冇幾耐 就已經執好送左過嚟😍😍個速度真係冇得彈🍣完美詮釋咩叫 快🍣靚🍣正🍣👉🏽熟食方面 一開始坐低店員就已經同你做好👉🏿心理建設👈🏿同我講全部都係即叫即整 時間會耐少少 建議我落多啲👅 本身都以為講笑 點知啲野食上到枱全部都仲岀緊煙🍽 呢點值得嘉許👍🏼野食多到一次根本試唔曬 🥹🥹下次帶埋啲friend嚟再食過👍🏼👍🏼