極上帝王水產

营业中

休息中

貨不對版，明明上網睇午餐訂位189，入到去就話300幾仲要加1之後問佢訂個時系189店員話老人優惠，網上無說明，價錢都系當眼位置，有啲似中伏，服務方面黎餐勁慢，明明都五多人，食物種類少，飲品都五多選擇，食一次五會有第二次。

首先服務態度一般，因為食物叫咗好耐都冇到 。，第一張紙order話會好快優先到點知都等咗半個鐘。跟住嗰啲點咗好耐都係得個等字話就話20分鐘有，都唔知等咗幾耐。。仲有點刺生啲數量只嚟得三四成，點多幾轉都係一樣。問職員點解點咁多來咁少，，職員話驚唔新鮮，所以一次都係來四塊左右。我聽到覺得好搞笑唔通廿塊三文魚要食成半個鐘！？食物方面水準一般的確好差。，生蠔臭嘅好彩淨係食咗餸嗰一隻，唔好加任食生蠔唔係就中伏中到最甘喇。，其他熟食的味道又唔好。好似樣樣都有少少怪味咁，總之就好難頂。真係想搵樣食物讚得落口都冇。但最神奇嘅地方係有朱古力奶飲 。呢餐負99分。

伏到爆，我哋入嚟嗰陣時見到我哋對比緊10樓嗰間放題（問過樓上唔收加一），然後同我哋講話有學生優惠係九折，而且佢哋唔收加一，咁見平過上面咪試下呢間。點知埋單嗰陣見到唔對路咪問嗰個人，結果同我哋講話 學生優惠就係唔收加一囉照係$248一個人，嗰下真係無語，唔明點解玩捉字虱唔講清楚。為左拉客真係踩埋上面勁冇品，埋單嗰陣搵人仲推三推四。而且落單，啲刺身唔會有足夠數量，例如嗌咗20件刺身然後得10件，然後一次細舊過一次，千祈唔好中伏

中午去試，樓下寫明178 up但上到來話果個系長者價，正價一位268 加一。咁都算，想食魚生都試下啦。星期四上晝，全場得十位食客左右，本來以為野食會好快來齊，都以為唔會漏單。但得返一開始個盤刺身來夠數，之後又叫咗兩次20片三文魚，但兩次都唔俾我魚食，漏單都無可能漏到唔俾。Fine，叫D 其他野都得，但得返第一次的三個芝士蝦子有到齊，第二次叫10個俾我3個，第三次叫10個先至俾足我，第四次又完全唔俾我。牛舌又系咁，第一次俾足，第二次少俾我，第三次先至俾我足數。二百九十幾一位，漏單漏成咁，魚生又得返一round，全程食唔到幾啖野，真心食到幾激氣。完全無下次，若果有分店都唔會去食。

成日都想搵一間高質素嘅放題去試吓佢，旺角就真係好多選擇，呢日同朋友嚟到呢間極上帝王水產，店員帶我哋入座嘅時候我就留意到位置之間都有間版隔住，相當衛生，同埋店員之後執碟都執得好快食放題第一輪一定係叫刺身，我哋都叫咗好多款唔同嘅刺身，我最鍾意嘅係油甘魚，佢所有嘅刺身都唔腥，每塊都切得幾厚，食落去都過足口癮，但因為佢厚切嘅關係，我都食唔到太多，要留肚食下其他食物等緊刺身嘅時候就見到隔籬枱叫咗啲炸物，賣相都幾吸引，我哋都叫咗啲嚟試吓，佢嘅天婦羅蝦好好食，炸漿唔厚，隻蝦夠晒彈牙，好味！下次要帶屋企人嚟試試佢！

大佬話嘅，假期當然要食得豐富啲🤭想食咩盡情啲就梗係揀放題咁就唔使就住就住叫，想食乜就叫乜，一個價錢包好晒想食嘅嘢🤭估唔到連壽喜燒都有，佢哋嘅壽喜燒係用美國牛，入口啖啖都係油香～ 當然唔少得可以叫埋燒肉啦，豬牛雞配合埋佢哋自家調製醬汁～ 食得放題，梗係一定要叫埋刺身同埋壽司，款式勁多，即叫即晒全部整出嚟都熱辣辣，咁就食到飽一飽咁過一個圓滿嘅假期🤭價錢都唔貴，大概$300以內就食得到～ 見佢哋傳單上邊原來午市仲可以食足六個鐘，下次真係要約埋啲大胃王朋友過嚟試吓

今日我朋友拉咗我上去食放題，內心巳經知道係俾錢買難受，因為呢間野都好出名。但係更難受嘅係不單係野食問題，連員工都有問題。我聽到有個嘅男職員係咁學個客人講野，好大聲咁講「生豪～生豪～個個女仔係到扮可愛！」之後個女同事係咁大聲笑。一次都算，叫咗兩三次，笑咗兩三次。我唔知佢地笑緊嘅客人聽唔聽到，但我聽得好清楚。可能因為我女朋友都有娃娃音所以比較激動，我內心覺得一啲都唔好笑。ps 好彩我無帶女朋友黎食講真佢地個樣都唔細仲做到咁真係... ...唔排除無生意令佢地需要自己揾野做，例如笑人。佢地係公開恥笑他人，好唔尊重，仲要嘈到爆。完全食唔落野，笑人氹女仔笑當然開心，但係被笑嘅人有咩感受。

今晚同女朋友兩個人去食飯，諗住旺中$300幾一位嘅放題應該唔差。入到去發現有時貴都唔一定係好。一開始有個個樣都幾旺角（獨眼）嘅男職員同我地介紹落單詳情，但我懷疑佢口入面有野食，佢講野好唔清楚。再之後上野食啦，炸蝦天婦羅個炸衣係條蝦嘅三倍。火灼壽司係凍嘅唔知放咗幾耐先上枱、軟殼蟹壽司得個一條仔蟹腳。仲要沙律都可以出事，個沙律醬好似開咗水。野食唔好食，心情巳經唔好，仲要聽到個「獨眼」男同事同個女同事係咁笑。係間餐廳行孖咇我覺得賺錢嘅好似仲開心過俾錢嘅😂所以大家入去返工可以，食就你地自己諗啦。

1月2日 星期一 晚上其實野食就正常嘅，食放題都預咗重量不重質，但服務態度有待改善。好早就巳經訂咗位，但係餐廳同事安排我地同另外幾個唔識嘅人位分一張8人大枱，枱中間得一塊板。枱同凳之間嘅距離唔多，好迫肥少少都坐唔落；仲要係同唔識得嘅人分享一張長凳，啲私人物品都唔知點放好。之後我哋主動問餐廳同事可唔可以坐卡位，過咗好耐先至話俾我哋調過去，不過落咗單嘅嘢食全部取消要再落過⋯ ⋯要等完又等無奈嘅係食到完為止間餐廳都冇坐滿過人，依然有三分之一嘅枱係空。咁點解唔一開始就俾人客人坐得舒服啲？再之後食食下野，有個頭髮長長嘅男同事係咁怪叫之後大笑，完全唔知佢做咩。咁打份工想開心都可以嘅，雖然有小小似低智人士控制唔到自己，但佢開心就好了。但係掛住挽唔做野就真係理解唔到，叫咗幾次唔該都無人理，仲要好似小學生咁，兩個女同事向左行個長髮嘅男同事就跟上。幾多歲啊，返工跟住女仔行又唔理客？仲有一個男同事都係出色嘅！佢介紹野食個時個口好似張唔開咁，好自信咁係咁講，但其實冇人聽得明佢講咩。之後我哋有人出聲話聽唔清，但係佢已經掉頭走咗。完全無解。咁其實員工質素如何，都係公司安排問題，我覺得打工嘅人都唔會考慮到公司形象。

其實野食就正常嘅，食放題都預咗重量不重質，但服務態度有待改善。好早就巳經訂咗位，但係餐廳同事安排我地同另外幾個唔識嘅人位分一張8人大枱，枱中間得一塊板。枱同凳之間嘅距離唔多，好迫肥少少都坐唔落；仲要係同唔識得嘅人分享一張長凳，啲私人物品都唔知點放好。之後我哋主動問餐廳同事可唔可以坐卡位，過咗好耐先至話俾我哋調過去，不過落咗單嘅嘢食全部取消要再落過⋯ ⋯無奈嘅係食到完為止間餐廳都冇坐滿過人，依然有三分之一嘅枱係空。咁點解唔一開始就俾人客人坐得舒服啲？再之後食食下野，有個頭髮長長嘅男同事係咁怪叫之後大笑，完全唔知佢做咩。咁打份工想開心都可以嘅，雖然有小小似低智人士控制唔到自己，但佢開心就好了。但係都掛住挽唔做野就真係理解唔到，叫咗幾次唔該都無人理，仲要好似小學生咁，兩個女同事向左行個長髮嘅男同事就跟上。幾多歲啊，返工跟住女仔行又唔理客？仲有一個男同事都係出色嘅！佢介紹野食個時個口好似張唔開咁，好自信咁係咁講，但其實冇人聽得明佢講咩。之後我哋有人出聲話聽唔清，但係佢已經掉頭走咗。完全無解。咁其實員工質素如何，都係公司安排問題，我覺得打工嘅人都唔會考慮到公司形象。介紹唔到一道菜其實都可以拎到錢

有冇預算都好，冇乜事都唔洗黎呢間刺生有雪味，又未解凍叫一轉漏一樣野送既生豪好腥 300蚊價錢大可搵其他，唔洗揀呢間唯一可以讚下既 可能係佢地既服務，還算okay..

放假同男朋經過旺角兆萬，見到呢間放題好吸引就上左去食。帶子好厚而且十分鮮甜肥美。三文魚釋放出甘香油脂卻不膩口。我就最鍾意雪場松葉蟹火鍋，蟹肉十分鮮甜， 湯底又夠清甜， 差唔多飲曬啲湯。另外， 炸牛奶我覺得係必食。咬落去熱辣辣完，牛奶擠曬出嚟， 又甜又滑。男朋友就鍾意磯燒松葉蟹蓋，將松葉蟹蟹膏、蟹肉、蟹籽係蟹蓋內一邊攪一邊燒。唔需要加調味料已經好鮮味，蟹味濃郁，咀嚼時亦食到蟹籽既口感。我哋都食到好飽好滿足。

旺角有好多唔同嘅放題可以選擇，今次我就嚟到呢一間喺兆萬嘅極上帝王水產試一試佢，佢嘅座位都幾闊落，我哋就被安排坐咗係卡位，位與位之間都有間板，店員都做足消毒，感覺都幾衛生～一坐低，我哋就忍唔住叫咗第一輪既刺身，佢嘅上菜速度都超級快，我哋落咗單唔使10分鐘，就已經有刺身上枱，刺身都幾厚，每塊都油脂分布均勻，平時放題食北寄貝都唔係好出色特別，但呢一間嘅北寄貝味道非常之鮮甜，令到我都幾驚喜～廚師發板嘅壽司都好出色，我最鍾意係極上帝王花之戀，因為本身我都好鍾意食三文魚，佢嘅花之戀醬撈埋三文魚一齊就真係非常之好食！佢嘅爐端燒物都好好食，燒得啱啱好唔會太乾，亦都唔需要等好耐，我哋都叫咗好多份海蝦同埋鰻魚食！

呢日嚟到喺旺角呢一間嘅上帝王水產，一入到嚟都覺得地方幾大幾光猛好舒服，位與位之間都有間板，感覺都幾乾淨衛生～我哋係食午市放題，可以食足六個鐘，但其實食到兩三個鐘，我都已經好飽哈哈，不過就可以坐耐啲同朋友傾耐啲！呢度就係填紙仔落單，有好多唔同嘅嘢食，壽司刺身卷物炸物鍋物等等，刺身夠晒肥美，每啖食落去，都覺得好有油香！食完一塊接一塊 ，我最鍾意係三文魚！估佢唔到，仲有咁多泰式食物，蝦餅炸到勁脆，夠晒香口！佢嘅其他炸物都做得好出色，如果同唔食刺身嘅老人家嚟都有好多唔同嘅選擇！

見廣告講話提早BOOK可以有95折咪試下， 結果折完都一個人要＄280蚊。 一入到去就見伏， 啲位又窄， 食食下張枱有蟲係度爬。見間鋪寫話可以一次落多啲唔同款既野食，因為需要時間煮。但我地連頭盤魚生都比人漏單。 叫野食就係咁比少左數量，但冇叫到既炸物就照比我地。 而佢送既海鮮鍋要等左成大半個鐘先有。 而食物質素真係好一盤， 全部都有雪藏味，唔新鮮。 啲炸物皮又厚又全部都係油。而啲甜品係布丁咁，食左個紫薯味，但就係又油又水味，真係一試難忘。咁既價錢質素去食返爭鮮都開心過呢間。係度奉勸各位好好睇下食評先要睇食呢間，千奇唔好比一開頭啲好評呃左！！！