極上帝王水產

营业中

休息中

朋友知我鍾意食日本野，所以話同我去食日式放題，我平時都好少食放題類型既餐廳，因為我真係食好少野🤣佢揀左兆萬入面尼間餐廳，我個人認為尼棟入面幾間鋪都一樣，餐廳格局同食物都差吾多咁🤔一入去就可以order一個火鍋，然後有張刺身紙係話會直接送到，但係我地點完張刺身紙，其他食物到左，刺身都係未到，後面職員問我地有無野漏左未到，我地同佢講岩岩入座個張刺身紙order既刺身未到，佢先整番個盤刺身比我地，不如我都係食好少就飽

食物叫咗45分鐘只了一碟3片刺身！催極都冇用！因為前後左右枱枱都冇食物上！枱之間.完全冇空位。本人95磅高155cm，坐低心口都要貼住枱邊！食物質素極不新鮮，特別是刺身，攞出嚟個時墊住d冰已經溶晒，即係d刺身浸係d水裡面，極不衞生！個經理態度超差，催到第三次仲發脾氣！話「係囉.阻住你哋d「寶貴」（<—加重語氣）時間！」呢間垃圾，免費都不會再去！

有一日同朋友食飯，大家都冇意見，咁經過兆萬中心就搵咗呢一間餐廳上咗去食啦。因為唔係假期，所以搵位都非常方便，上到去就已經有位。食物方便佢嘅種類都算係OK，唔算話太少種類嘅但係都係夠食嘅，刺身方面佢算係普通，唔可以話係好新鮮，其他嘢食，例如炸物等等，廚師係唔會根據你寫嘅份量去俾你，佢係見到你兩個人明明你寫一件佢都會比兩件。我同店員講店員就係咁樣解釋，係友善嘅解釋嚟㗎。所以我只好接受但係就有啲浪費，夜晚返到去食完有少少唔舒服，唔知係因為食得太飽，定還是係因為啲刺身唔係太新鮮。個胃唔舒服左兩日。不過都算係可以嘅放題食店

從未寫過食評，今次真係要寫下，前幾日行旺角，未諗到食咩，經過兆萬中心樓下，有人派傳單,推薦得好落力，仲話可以話佢介紹就有9折，就上去試下啦，惡夢就開始啦！***食物質素差肥牛好劣質，雖然放題唔預會好高質，但相比起其他差唔多價位的放題真係食唔過羅，可惜無影相，你地睇下其他食評的相啦。海蝦無甜味，好似食緊僵屍肉。刺身：凡立貝外表及肉質正常，但無乜味；有頭大蝦算最正常，有蝦味，只係間中有部分係甩頭，唔算新鮮，但叫做食得過既；海螺味道鮮甜，但雪得硬，溶雪溶得唔好；生豪及希靈魚正常。菠蘿食得落，只係味道好淡。軟殼蟹壽司，d軟殼蟹好細，林哂。青豆算是最正常。味噌湯就係味精湯包溝水的味道。雞翼又油又乾，d肉好實。炒牛仔粒食得過，似牛腩質地，有汁。唯一吸引就係有得選每人一個Mövenpick 雪糕，不過質地好林（想溶，又未溶的狀態）。飲品係不知名罐裝/紙包飲品。海鮮火鍋湯底就有青口2隻，雜菜，蟹柳、日式魚蛋、以上描述的海蝦2隻。***抽氣系統差，成場油煙我坐咗一小就走左，真係頂唔順佢既抽氣系統，有得燒嘢食及火鍋，成場好大油煙，位同位之間好迫，好大陣石油氣味，d煙/味攻眼，攻到撐唔開，由入場計半小時後開

我食過咁多次放題都唔會覺得邊間特別難食但呢間真係難食到一個點$303 晚市食唔夠一粒鐘已經有人催我地埋單last order先唔計出菜出得慢 已經食得少d 野食仲要好難食燒菠蘿梅到一個點，咬都咬唔開，兼上面成炸砂糖泰式生蝦同醬汁放埋上刺身盤到擺佢格離果d 刺身全部hi 晒生蝦醬其他野食真係形容唔到有幾難食唯一正常係火炙壽司$303食完覺得好晒錢

第一次食得最差 日式放題， 第一次用手寫落單就出得好快， 第二次要用手機落單， 點知 出得好慢， 落咗單嗰 等極都冇， 冇落單 嗰啲食物就畀我哋， 食物分量方面， 我哋落單刺身同壽司 寫咗 每一樣要 六份， 點知比得三份， 食物質素方面， 啲刺身唔係太新鮮

Limited selection. Extremely slow even with less than 20 customers. Some items were not served until after 1 full hour.Quality of food is acceptable. Dessert is pitiful at best. Overall it's a joke comparing with other all you can eat buffet.

都知道星期五食放題需要等好耐、兩個人去食，門口職員同我哋登記咗之後講要等半個鐘，我哋一直企喺度等，等咗成個鐘，不停放遲過我哋等位嘅人入…然後，職員終於發現我哋等咗好耐，同我哋講下張枱到我哋，點知最後佢決定俾咗下張枱一啲遲我哋半個鐘登記嘅6人枱！因為我哋人少所以點都唔俾張枱我哋？仲要呃人下張枱到我哋！結果因為人哋6人嗰啲投訴就俾佢哋？所以我哋冇投訴嘅就要一直等？咁想問吓我哋登記嚟做咩架？冇食就成肚氣走

網上流傳兆慢食廈係全港劣食之最，打手唱好多，被行家唱衰都多，實情如何？今日就帶著戰戰兢兢一試。吸引光顧原因主要是午市放題時間夠晒長，一班準備登六的休閒人士，趁著閒日無事忙，準時12點入閘，食左3個鐘，再Hea坐吹水多個幾鐘，1630才拖著肚滿腸肥離場。極上帝王和神戶屬同門店，明明是光顧極上，但侍應制服卻大大隻字寫神戶，有點攪笑，早知就吾使將兩間店係Openrice互相比較啦！日式放題店的特色總是座位逼，幸好我們選擇非繁忙時段，五個人坐8人座位，非常鬆動。廁所超細只得一格，乾淨的，但估計晚市旺場，排隊和衞生一定難應付需要。侍應都係後生仔女，可能經訓練教育，周不時貼心地問候有冇漏單，會即時補返，而實際漏單比例很少。閒日光顧有著數，起碼招呼和品質都有保證。食物方面，話明日式放題，當然要評分刺身水準啦！又新鮮喎！網上有負評話刺身係梅嘅？我反對。最靚刺身係有頭赤虾，好大隻好新鮮，朋友臨尾last order 突然點了5隻安歌，有圖為証。其他刺身就正正常常啦！其他驚喜食品包括冰震菠蘿，好甜好正。牛舌厚切都好Juicy吾un，也安歌了幾轉。天婦羅、炸物、雞翼、三文魚骨腩、泰式炒虾等就差少少了，行貨水

第一次食放題要寫食評服務態度好好只係食物真係不敢恭維連菇都好難食壽司啲飯硬到掉落地都唔散蟹粥都唔知點形容好，用蟹柳煲？？青魚咸到好似食鹽咁牛柳粒好似牛腩既口感全程冇一樣野食落去係會覺得唔差係員工既服務態度要讚下，幾有禮貌除此之外冇一可取

《旺角兆萬極上帝王👑水產日式🇯🇵放題》兆萬向來出名多放題餐廳~⭐今次試下極上帝王水產呢間日式放題！！鋪面裝修非常有日系🇯🇵特色，掛滿左日本風小旗仔~🎏一坐低店員已經好熱情咁招呼我地！🥰介紹左近排新推出有壽喜燒牛肉鍋🐂，如果兩個人一齊仲可以揀磯燒🔥和牛粒🥩等升級美食，非常吸引！🤤啲牛肉🍖都係靚牛~油脂豐富，入口即溶，好值得試下！！我地首先食左一輪刺身🍣，刺身款式好多，用一條大船裝住，真係好岩打卡！📷刺身全部都好新鮮，唔會有腥味，帶子尤其鮮甜，我地都不斷encore！🤤🤤跟住仲有熾燒壽司，例如芝士蟹柳同沙律三文魚🍣，都非常有水準，食過返尋味！😋除左壽司同刺身以外，餐廳仲有啲熱食例如拉麵🍜同烏冬，更加有多款燒物🍢任你選擇！其中羊架同烤蠔🦪都好好味！想再熱辣辣啲，可以order火鍋料打邊爐🍲，雖然可供選擇嘅火鍋料唔算太多，但有齊最常見嘅食材，例如肥牛、金菇，配壽喜燒湯都好好味呀！🥢令人驚喜嘅係呢到仲有泰式菜例如生菜包🥬同飛天通菜，雖然餐廳主打日式野，但呢啲菜式都絕不馬虎！飛天通菜味道正宗，非常香口~🤤另外仲有多款炸物，都好推薦大家試下~ 我地食左炸香芋圓🍡、榴蓮炸彈同炸鮮奶🥛，全部都炸得好好，

兆萬放題選擇多，呢間OPENRICE提前BOOK有優惠，價錢吸引每個客人可以選一款高級食物1.磯燒甲羅燒 (要用兩個名額)2. 燒日本A5和牛(要用兩個名額)3. 日本直送生蠔4. 北海道海膽刺身5.星級Dreyers 雪糕6. 日本清酒/梅酒7.鵝肝多士8. 法式馬卞龍磯燒滿滿的蟹膏+蟹子+蟹柳絲+飯 (第一次食，好有驚喜，口感滿滿，放題有呢款真係好少見！ 絕對要試下另外店員介紹餐廳推介新出的壽喜燒/海鮮鍋～ 入座即送，叫左個壽喜燒試試，之後可以再encore d 配料個燒羊架好肥美，味道唔會好酥！鐘意食羊的朋友仔一定要試下！我地食完再食🤣 食肉獸另外叫左啲火灸壽司🍣 款式都好多可以每款叫舊試下😆 舊飯唔會好大舊 唔使擔心會好快食到好飽之後食唔落其他野 全部味道都非常ok已經食到棒住個肚之後發現仲有好多甜品😂 但真心食唔落😵‍💫 下次有機會再試！！

我於16日晚上到店消費，慶祝家中父母生日。7點入坐，坐下即開始點單。一開波不停上炸物務求餵飽你。直到7:35，才上魚生。魚生不新鮮，沒什麼味道可言。壽司每舊飯既口感也不一樣，有D飯粒硬過你條命。火鍋點的肥牛，咬都咬唔爛，呑都呑唔到。全場唯一好食既，就係原裝既雪糕雪條。唯一可以讚既，係員工態度還不錯。整體感受，浪費時間，浪費金錢，浪費胃容量。伏到爆登。

太伏了又貴又唔多野食 咩日子都唔係平日都3百幾 1 個 食千幾蚊酒店自助餐都無咁伏 啲牛肉又勁難食下次無可能會再嚟呢度唔值 連主打既刺身又唔係特別好味 全日最好食既就係叫貨既雪條 大家唔好中伏

買了飲食劵，所以試一下，但地鐵出口指示有問題，所以行了好久才到兆萬中心。普坐下，職員已好禮貌的解釋食法，中午人不多，可以坐到6點，但我2點多已食飽離場。刺身不叫好新鮮但算正常，炸物感覺上應該沒有用高溫油炸，所以是非常吸油，當然其實還有很多雞肋的小問題。飲品是非常多選擇，如果正價200多可以坐6小時的確非常不錯。值得一值的是男侍應真是非常禮貌，多次詢問我們有什麼雖要安排和幫助，有沒有什麼東西沒到等。離開時才發覺沒有食雪條但下次我覺得應該不會再來吧，畢竟從元朗出來。。