楚撚記大排檔 (日富里百好大廈) (已結業)

楚撚記大排檔西環皇后大道西554-560號日富里地下1號舖男人同女人食野架分別是, 男人唔要求打卡環境靚,食過一次好味, 日後都會經常去, 唔洗煩呀嘛。有些餐廳一星期去一次, 每次食同一樣食物, 姐姐見到我行入舖已會自動幫手落單, 是本人的例牌。大排檔小炒夠鑊氣, 幾個小炒餸加碗白飯靚仔, 已經是心中the best dinner燕麥金沙蝦球片是首本名菜之一, 個蝦好彈牙架，麥皮就可以吸下多餘油。個鹹蛋黃醬帶甜，似流心奶皇陣味。楚撚然原隻脆皮炸豬手,個豬皮脆卜卜, 炸過唔會油膩。豆乳杞子浸時蔬，無油中和返隆重介紹豬油撈飯, 香噴噴豬油及豉油自己落, 極品! 間中回味這豬油撈飯啤一啤食豬手，男人架浪漫

一直只聞其名未見其人終於今日可以黎拜訪喇！🤪🤪牆上有多款家常菜確實花多眼亂我地揀左幾味招牌菜試下手勢菠蘿拔絲咕嚕肉佢個拔絲唔係痴住啲肉係獨立一團放旁邊食落非常甜膩😋😋梅頭肉做成嘅肉粒好軟淋唔會炸到硬晒香爆黑椒牛仔骨煲上枱熱辣辣牛仔骨好入味好淋仲有好多件添七味黃金炸一口金磚豆腐少少辣夠惹味金磚豆腐細細粒好易入口外皮又薄又脆內心非常嫩滑超級好味！(自製五星)豬油撈飯古老食物聽就聽得阿媽講得多試就第一次試用砵上嘅飯保持到溫度撈入豬油男朋友即刻話好香再加入豉油真係唔駛餸都可以清左碗飯👍👍👍上菜速度勁快難得的大合照

今日同朋友去完西環，夜晚想食啲有鑊氣嘅嘢，但係又唔想咁熱，所以就去咗楚撚記。嗰度有冷氣，食完唔會成身汗，而且食物種類款式都好多，款款都好吸引！七味黃金炸一口金磚豆腐 $75我哋一見到餐牌有炸豆腐就即刻叫咗！豆腐炸到金黃色，外脆內軟，表面用咗椒鹽去調味，仲有好多炸蒜，好香口。菠蘿拔絲咕嚕肉（梅頭）$113呢碟菜特別嘅地方係有焦糖脆脆同埋拔絲，焦糖脆脆同埋拔絲都好甜，同菠蘿好夾，酸酸甜甜。而咕嚕肉就用咗梅頭，同平時嘅咕嚕肉比比較長身，而且外皮都係脆脆地，城道菜嘅口感好豐富，亦好開胃。香爆黑椒牛仔骨煲 $113牛仔骨表面充滿醬汁，牛肉本身都好夠牛味。肉質非常軟腍，肉同骨好容易咬到分離。配料有青椒同洋蔥，兩樣都好入味，我哋最後都有食晒。楚撚豬油撈飯 $23@1店員會分開比飯、豬油、豉油、蔥同埋芫荽我哋，所以份量係我哋自己決定。豬油本身好香，令到飯冇咁乾，撈埋豉油蔥同埋芫荽，令飯口感更加豐富，想一啖接一啖食。汽水 $13@1我同朋友分別叫咗忌廉同可樂，兩支汽水都係樽裝，超多氣！！最後仲有糖水送，可以揀番薯糖水或者芋圓綠豆。番薯糖水熱辣辣，薑味重，好暖胃。芋頭綠豆就清清地，芋頭煙靭。

呢間位於西環嘅大牌檔，同隔離嘅火鍋撚係連埋一齊嘅，所以空間十分大，好容易搵位！入面成間餐廳嘅裝修都係用心設計過，每張枱櫈都睇得出唔係求其擺。每張枱都有足夠空間擺嘢食同埋袋，坐得幾舒服丫我地叫咗個啫啫唐生菜煲，滿足咗食菜嘅健康慾望，同時又唔想咁單調。佢落咗幾隻大大隻嘅乾蝦，令成煲嘢嘅味道好香，食菜都可以送倒飯，開心！燕麥金沙蝦球，每雙蝦都大大粒，燕麥令成碟餸食落冇咁油膩，而且多咗啲脆脆嘅口感。作嘅汁仲係甜甜地，配埋燕麥食好得意，我最後都清晒所有嘅燕麥！我哋仲叫咗碟原隻炸豬手，個份量真係好驚人！但佢成碟都熱辣辣脆卜卜，所以好快都清晒成碟豬手，果然係招牌小菜！呢度另一個出名嘅係豬油撈飯，有成大壺豬油同鼓油，任撈唔嬲！好耐冇食過咁香嘅飯粒，每啖都係幸福感覺~最後當然唔少得大牌檔先較常見嘅樽裝汽水，淨係擺起枱面都已經覺得好有feel~

同朋友食飯（特別係男仔）梗係要食大排擋，簡直係男人既浪漫。不過而家天氣咁熱，坐戶外真係會出曬汗，所以最後揀左裝潢充滿大排檔特色既楚撚記🤩七點嘅時候餐廳已經接近滿座，可見其受歡迎程度。- 啫啫唐生菜煲生菜新鮮爽脆，放係熱鍋保持熱辣辣，加左蝦醬令生菜加添獨特鹹香，風味十足。- 豉椒鵝腸我朋友點左豉椒鵝腸，果然係麻甩佬🤣。鵝腸份量幾多，口感煙韌仲好入味，豉椒味非常香濃。- 香爆黑椒牛仔骨煲牛仔骨好大件，肉質鬆軟，熱鍋令牛仔骨散發更濃郁既黑椒香氣，其他配料仲有紅椒、青椒、洋蔥。- 豬油撈飯細細個成日聽老豆話豬油撈飯，今日終於有機會親身嘗試下。餐廳提供豬油、豉油、葱花同芫荽，自己將所有材料撈埋一齊，油脂非常濃郁，令人食慾大增😍最後仲附送番薯糖水。總括而言，裝潢充滿懷舊風，每一道菜都好有鑊氣👍🏻

楚撚記大排檔到底點解咁犀利長期都可以咁多人架呢。無論6點幾到9點幾，都仲係大排長龍。價錢吾貴，但係超有獲氣。可以話， 既有曬大排檔小炒味道，又有超強冷氣同服務。先叫了個啫啫唐生菜煲超香口，上台時佢仲係熱辣辣，未食已經聞到佢既香味。加上蝦米，蒜頭等等。 個香味出曬黎。個個汁好香濃。香煎黑松露手打蓮藕墨魚餅墨魚餅，真係好足料。咬落去 。十分彈牙。黑松露吊起個味，然後啖啖墨魚。也煎得相當甘香。原隻脆皮炸豬手見到每一台都有叫這個炸豬手。就知係必叫。真係好脆好脆。而且好香。雖然係炸，但完全吾覺得油，佢已經起左骨。方便一大班人share黎食。而佢真係好香，難怪會大排出龍豬油撈飯又香又滑。以前酒樓可能仲有得食，而家真係買少見少。所以相當吸引。邪惡 但好好食

呢間大排檔好出名，一直都未有機會食，今日終於嚟到，雖然西環對我來講有少少遠但係都值得。好彩嘅係今日唔太多人排隊。裏面嘅裝修都好靚，仲有Edan人形紙牌，簡直緊貼潮流。《黑松露手打魚餅》$108 呢個係佢哋嘅招牌菜，必點！真係做得好出色，黑松露本身個人已經非常喜歡，而佢哋嘅手打魚餅仲要可以食到粒粒魚肉，好彈好爽，食落去仲要係有汁，好juicy!，煎得好香添！《楚撚記原隻脆皮炸豬手》$159呢個亦都係佢哋另一個招牌菜！豬手份量好多，而且名副其實個皮真係炸到好香脆！唔會又林又韌，豬手肉都係夠林，唔乾身，味道岩岩好，好出色！《七味炸豆腐》$78炸豆腐勁滑，越食越停唔到口，勁香，外皮仲要係脆脆地，推薦！另外我哋總是咗佢嘅招牌豬油撈飯，配料可以自己加，加完豬油之後食飯都食得開胃啲😹味道真係幾唔錯。

一行六人訂左晚上七點（第二輪7:00-8:30）系門口有一條人龍排隊入座。付竹糖水沙冰，夠凍而且好濃好夠味。脆皮炸豬手，個皮有啲硬肉也乾，凍左食更加柴皮。椒鹽鮮鱿，都香口嘅。啫啫芥蘭煲，味道濃而且夠獲氣。薯仔牛柳粒，好惹味但真係份量太少啦。波蘿咕嚕肉，波蘿是罐頭的，而且肉也不太脆口。蓮藕墨魚餅、豆漿付竹浸波菜和豬油撈飯，冇試。食左$877，由落單到離座，不用一小時，整體來說，吾系話好差，但不致於非食不可。

呢間餐廳為食客提供一個舒適嘅用餐環境，嘆住冷氣食盡多款撚手小菜同鑊氣小炒🇭🇰💗香煎黑松露手打蓮藕墨魚餅 ($108)墨魚餅香口Q彈，帶濃郁黑松露香，食得出有粒粒墨魚同爽脆嘅蓮藕粒，口感非常豐富🐙💗楚撚記原隻脆皮炸豬手 ($159)豬手預先去骨切件，非常貼心。豬皮香脆金黃，肉質軟嫩鹹香，筋位爽彈有嚼勁，充滿骨膠原，再蘸上黃芥末或泰式甜辣醬🍖💗啫啫唐生菜煲 ($83)唐生菜翠綠脆嫩，熱鍋上更能保持鑊氣，蝦醬味非常突出，加上有蝦米、蒜頭、辣椒等配料，夠哂鹹香惹味🥬💗楚撚豬油撈飯 ($23)砵仔蒸飯口感較乾爽，飯粒挺身分明。加入豬油、醬油、蔥花同芫荽，香氣更濃，飯粒更有光澤🍚💗藍妹 ($33 /大枝)

聽人介紹依間好食，平時walk in會排哂隊，所以預早左2個星期訂座，同屋企人去試下。菜式以大排擋為主，但碟碟都好大份，而且價錢好平，每樣都係百幾蚊。蠔餅、豬肺湯都係必食！

今晚約男朋友去西環到行街預先就約好咗一定要食呢一間超級出名嘅大排檔❤️裝修真係超級有香港風味🤣搞到我哋食指大動見到朋友推介過呢度有七味黃金炸一口金磚豆腐🤪咬落去熱辣辣嘅感覺出面又炸得好香口❤️我哋要一個沙嗲牛肉金菇粉絲煲❤️呢個佢上菜嘅時候都仲係卜卜卜卜咁滾緊聞到嘅時候已經有陣陣嘅香味而且極度大嘅份量兩個人食真係非常滿足非常送飯🤣❤️對於鍾意食金菇粉絲嘅我真係非常之深刻印象之後要咗個爆漿芝心牛丸雖然呢一個係一個好邪惡嘅餸 😂但係一咬出嚟嗰種爆汁嘅感覺真係好爽快所以食極都唔停連續都食咗幾粒見到叫鑊氣推介自己就叫咗燕麥金沙蝦球😍好多鹹蛋黃包裹住嘅蝦球好正食落去鹹鹹香香咁樣而且燕麥包住令到佢哋嘅layer更加豐富👍另外梗係唔少得佢哋嘅招牌菜楚撚記原隻脆皮炸豬手!!!我覺得佢哋嘅份量大到絕對滿足到三至四個人脆皮嘅份量好足夠食落去脆卜卜而且佢比泰式辣醬真係好夾聽講呢一度嘅豬油撈飯係超級出名嘅所以男朋友都叫咗一個用嚟送飯我哋自己嗌嘅幾個小菜其實真係好好食搞到我哋呢一餐真係飽到行唔郁😂😂但係我哋一定會成日都返嚟食因為呢度嘅嘢真係好有鑊氣😂💋

之前有一日放工跟朋友經過西環石塘咀百好大廈地下這間楚撚記大排檔, 見到餐廳外面很多人在等候, 想必食物質素一定高, 於是便打電話預約了今晚來一試究竟。餐廳裝修得很有懷舊香港的氣息, 一磚一瓦, 牆上的餐牌以至枱櫈也散發著一股懷舊香港情懷。黃金椒鹽粟米首先我們點了一份小食, 這碟黃金椒鹽粟米遠遠已飄來陣陣香氣, 吃落更加是美味萬分, 濃香的鹹蛋黃醬包著香甜清爽的粟米, 外脆內甜, 非常惹味。香煎黑松露手打蓮藕墨魚餅然後便到主菜部分, 眼看有很多人也點了這碟墨魚餅, 於是我們又點來吃吃。墨魚餅賣相吸引, 煎香至吸睛的金黃色, 黑色一點點的黑松露與香滑的墨魚, 味道互相配合, 鮮甜嫩滑, 還有分散的爽脆蓮藕粒, 大大提升了口感。楚撚記原隻脆皮炸豬手豬手份量十足, 我們二人絕對吃不完, 豬手的皮炸得非常香脆可口, 油份揮發了不少, 香氣逼人, 而且還能保持肉質嫩滑, 肉汁豐富, 味道咸香。楚撚豬油撈飯很久沒有在一般的茶餐廳看過豬油撈飯, 所以特地點了一碗來吃, 白飯粒粒分明, 另外上了一小碗香噴噴的豬油及翠綠的香蔥, 份量悉隨尊便, 隨你喜歡, 我們一於少理, 把豬油及香蔥全部混入一起撈, 令

門口喺正一條又黑又暗嘅小巷入面但入到去係完全兩個世界熱鬧非常 名副其實係一個大排檔 如果你嚟呢度係想啤啤佢嘅話強烈推薦原隻脆皮炸豬手($159)即叫即炸 係要等一段時間嘅等時候已經KO一支大啤 啲皮係吹到咯咯聲 超有口感送酒菜仲有燕麥金沙蝦球($113)期望同味道有點出入以為係香口嘢 原來係有啲甜甜地嘅用鹹蛋黃造成 燕麥平衡左油膩感口味係好特別 接唔接受因人而異 豆漿杞子鮮腐竹浸時蔬($86)豆漿味道比較淡 娃娃菜吸唔到豆漿嘅味道豬油撈飯($23)一定要點啦 事關又邪惡又好味嘅嘢唔係度度有豬油和豉油嘅份量自己調配加蔥加芫茜 唔使食餸都可以食成碗飯

好開心終於食到呢間要提早好多訂位先食到嘅良心大排檔! 店內裝修幾特別，帶點懷舊得黎又不失玩味，仲涼住冷氣咁嘆撚手小菜，唔會好似typical大排檔咁食到出晒汗。呢到嘅捧場客真係多到好誇張… 長期都人山人海爆晒場，相信應該係反映餐廳質素之高。唯一一個limitation就係呢到用餐時間得個半鐘，想同成班朋友好盡興咁飲住啤酒慢慢吹水可能就有D難度了☹️ 不過都體諒店家生意難做嘅~➤ 香煎黑松露手打蓮藕墨魚餅 ($108)呢款強化版墨魚餅每日由店家真材實料手打而成😍😍 墨魚餅煎到兩面金黃香脆，咬落食到粒粒墨魚肉，相當彈牙有嚼口，加埋爽脆嘅蓮藕粒，口感非常豐富。味道方面，黑松露味幾濃郁，真係估唔到truffle味同蓮藕墨魚餅係咁夾，味道香口特別😚➤ 楚撚記原隻脆皮炸豬手 ($159)店家已預先將原隻豬手拆骨斬件，食落非常方便。豬手皮炸到非常香脆不油膩，咬落啖啖肉，幾有嚼勁但絕對唔係乾韌口感，點埋芥末醬同食更有風味～➤ 乾煸四季豆 ($75)四季豆幼嫩爽脆，炒得好乾爽，食落完全唔油膩，味道微辣惹味。➤ 楚撚豬油撈飯 ($23)於白飯面加入豉油、豬油、芫荽以及蔥花，撈勻一齊食真係好香!! 米粒油潤，

上次心血來潮想來試吓楚撚記，可惜walk in無位，結果今次早咗兩個星期訂位。晚餐時間分兩輪，分別係6:00 同8:30呢兩個時段。黄金蛋黄炸魚皮好有鹹蛋黃味嘅蛋黃黃金炸魚皮，份量適中，仲有好多鹹蛋黃醬😋😋菠蘿拔絲咕嚕肉（梅 頭）好特別嘅咕嚕肉，賣相好好睇，而且份量亦都好夠。香煎黑松露手打蓮藕墨魚餅墨魚好彈牙，配合埋黑松露同蓮藕，口感好豐富豆漿杞子鮮腐竹浸時蔬清清地嘅一個菜，配豆漿同杞子，可以解油膩糖水買單嘅時候，仲有熱辣辣嘅免費糖水送環境和服務：⭐️⭐️⭐️⭐️味道：😋😋😋😋打卡: 📸📸📸📸📍楚撚記大排檔 (日富里百好大廈) (西環)西環石塘咀皇后大道西554-560號日富里百好大廈地下1號舖