梨滿園韓國料理 (已結業)

同朋友行完街搵地方食晚飯，上網見到呢間評價唔錯咪上去試下囉，我地無叫烤肉，而係order咗晚餐餐單上既幾個餸, 每個餸都係$100以內，唔算貴，但留意返唔係每個餸都跟白飯，叫之前要問清楚！Anyway, 最好食係個泡菜餅(必點), 燜牛肉其實都唔錯, 石頭鍋飯都夠大碗但就比較普通。但服務態度好差, 啲服務員唔理人, 之後有個著西裝既女人serve 我地, 但全程黑面又唔係好應人, 就算應態度都唔好。另外，當晚我地叫左燜牛肉，係有跟飯既。之後再外賣一份燜牛肉（外賣+$2），但原來外賣係唔跟白飯，要既話要加錢！咁點解唔係俾錢時同我地講呢？總之食到成肚氣，就算味道ok, 都唔會再去。