梨滿園韓國料理 (已結業)

係香港食韓國菜便會想起辣、燒烤而去到韓國先會諗起 醬油蟹。 今日係旺角通菜街處尋找一下，經過 Deli 2 看見《梨花園韓國料理》，店外看看餐牌，價錢好親民呢 ～ 已是套餐價，連白飯、三碟小食。韓式生醃醬油蟹 HKD 158 送上桌後，職員吩咐待放一會兒才進食。在等候之製先吃 芽菜仔、不少得Kim chi 等。辣度約BB 辣，可接受範圍。 時間到了， 第一口後很新鮮且多肉連醬油一併吃 - 份外好味。 蟹腳殻用小許力便會脫離，很方便整體來說，坐位寬敞。

一班人係旺角想揀間有得坐耐啲嘅餐廳其實也好少選擇，咁啱係大街轉角位就有一間偏僻少少但係性價比唔錯嘅餐廳！正價餐牌就比較貴，所以呢我哋就冇單大嗌，反而呢就跟住嗰個套餐買咗個四人套餐再加多兩個小菜。四人套餐我覺得最好食就係牛舌同埋五花腩啦，真係真材實料，因為呢兩樣呢都冇事先調味，所以你一定要夠新鮮先至好食。鍾意食重口味啲嘅話呢嗰個雞同埋呢個葉牛肉就應該啱你。另外套餐入面覺得都好好食嘅就係泡菜煎餅，同埋個雞鍋，雖然其貌不揚，不過真係好好食架。雞鍋有啲似燉雞，連年糕都非常之入味，另外泡菜煎餅就好香

同朋友係旺角行街，突然想食韓國野，搵到呢間梨滿園，過左晚飯時間唔使排隊，入到去坐低座位都幾舒服韓燒方面有好多選擇，而且價錢合理，但朋友就話唔太想食燒烤，結果我地就叫左d韓式小菜食下前菜有好多款，一食就已經感受到韓國風味，本人尤其鍾意芽菜，正叫左一份韓式炒豬腩肉，另外再加一份麵豉配生菜，辣辣地好惹味，豬腩肉亦唔會太肥，包生菜食唔會覺得油膩韓式豚肉鍋，材料豐富，而且味道唔錯海鮮煎蛋餅，細份都已經好大個，蛋餅煎得啱啱好，脆脆地柚子蜜，唔會太甜

上個禮拜同幾個朋友重聚。其中一個朋友就提議去這間梨滿園韓國料理。最重要的原因是因為它的位置十分方便，處於旺角。我們一行五人點了一個四人套餐和一些小菜。但因為當天我病了，所以我自己單獨點了一個雪濃湯，這雪濃湯看起來感覺挺正宗。很適合病人吃，因為感覺沒有味精，清淡得來熱騰騰的感覺很暖和。然後我還嚐了一些小菜，當中的特級海鮮炒年糕是最為推薦的。那個炒年糕一口咬下去便嚐到濃郁的海鮮味，配合年糕的煙韌口感，果然很好吃。推薦，推薦！大家去到一定要點特級海鮮炒年糕～

收工同同事食飯，想試試韓燒，x華中心啲餐廳已經食過好多次，試試呢間係西洋菜街既韓燒。因為早到，唔使等位，食完見到門口好多人仲等緊🤣有得食set dinner有得燒肉，我地男仔多咁就食燒肉啦，店員好好人咁介紹唔同肉既食法同 配搭，泡菜等小菜同用黎夾肉一齊食既生菜都係食完可以免費再添，經理間中都會過黎問啱唔啱食，好體貼，主動幫你換燒爐叫左幾碟肉，豬牛雞都試試，最好食係豬肉，餣過好多汁，夾埋生菜食一流👍🏻👍🏻👍🏻

一班女人難得放工聚會 當然要食餐好約左係呢間位於戰略中心點-旺角既梨滿園睇裝修見佢無其他韓燒咁有排煙 又7點都唔多客咁 仲以為係伏坐落其實餐廳嘅環境相當唔錯，空間尚算舒適，張枱都夠大放晒所有餸。店員態度都好好，相當有禮貌，上菜速度唔錯，隨傳隨到！首先上嘅配菜已經有驚喜，種類多又好味，泡菜味道幾好，開好胃！熟食方面我哋叫咗鯖魚同年糕，鯖魚好好味好香，年糕就咬落唔會太銀，落嘅汁都幾配搭！又叫咗個海鮮泡菜煎餅！呢個真心好脆好香好好味，高度推薦！薯仔雞煲有粉絲，雞嘅份量亦都足，色香味俱全，都幾飽添！而生牛肉同醬油蟹都有啲驚喜，未至於話好好味，但個感覺幾新鮮！最後韓燒部份，好似五花腩油脂分布相當均勻，燒出嚟勁好味！豬肩肉同牛肉都好香，好有咬口，相當值得一試！令我真心驚喜既係呢度無論前菜 (有6款) 飲料 食物 甚至裝酒既杯都好正宗 飲米酒 同燒酒杯有分開 仲會細心同客人講邊隻用黎飲米酒 邊隻飲燒酒總括而言，一班人一齊嚟食嘅話，呢間韓燒好值得推薦！

約咗2個friends食韓燒，我先到就被安排坐門口附近，方便朋友一入黎就即刻見到我，唔使盲衝衝周圍搵好懶唔想諗，所以揀咗兩個拼盤，分別係係（28）烤肉什錦拼盤（30）精選牛肉拼盤，有齊三種肉類，均勻飲食，兩個合共都係$300Waitress有幫手切開啲肉，食塊啲易入口啲，同埋佢地都有remind我們邊種肉配邊種醬係最好食，我既最愛就係沙茶醬，朋友就中意包生菜食。肉質鮮美，燒一燒就食得，而且油煙唔太，食完都唔會覺得成身太大陣味

食韓燒旺角都好多地方有，不過朋友話呢間食過ok，同埋勝在唔使等太耐，所以就上咗黎Deli 2食門口寫住有二人套餐，不過貌似份量會太多，同埋成本menu好多菜式都好吸引，所以無揀到😂結果都係憑自己喜好去散叫我想食燒肉而朋友想食普通韓式菜，所以我叫咗個精選牛肉拼盤$180，而佢就叫咗個湯，大家share食。大家再各自叫咗碗白飯黎撈肉/撈湯飲，等味蕾中和一下😂牛肉嫩滑同埋夠薄身，放落去燒好快就熟，同埋份量大，超值呀健康既我們仲叫咗柚子茶，凍係大杯過熱，不過為咗子宮好，都係要飲熱😂

今日天氣涼涼地，突然之間好想食人蔘燉雞，放工首先落旺角行咗一轉，然後係OpenRice搵吓旺角邊度有韓國料理，啱啱係女人街附近，所以去左梨滿園打開餐牌，又想食燒肉，又想食醬油蟹，但係主要目的想食人蔘燉雞。最後點左醬油蟹、人蔘燉雞、泡菜煎餅。醬油蟹配上紫菜及白飯，白飯淋上醬汁，惹味。人蔘燉雞，淡淡人蔘味，雞內釀有糯米飯，好味又暖胃泡菜煎餅，微辣，煎得脆脆的，不錯。本來想再點牛肋骨，但太飽了，已約好朋友下次黎試下韓燒

女人街太多美食，所以同呢位朋友通常都係約旺角地鐵站等，然後先諗食乜。在Deli 2食過妹記，所以在同一個商場覓食～6:30去到見到有位唔使等，就衝咗入去😂餐前韓式小食係少不了～呢間有韓燒，但係啱啱天氣轉，好乾燥，為免火上加油，所以我地揀咗其他野食，好彩既係呢度選擇都多呢個係炒鮮菌雜菜，勝在夠清，而且份量大，食完都少少飽然後朋友叫咗個滑辣豆腐海鮮湯，齋飲都幾辣下，比我想像中辣，但拎少少黎加白飯撈黎食，就覺得好惹味，同埋都有金菇，好健康呀侍應仲好好人咁幫手倒咗2碗俾我同朋友，好周到😂入面啲蝦都好鮮甜無最低消費，所以我同朋友食咁少都無俾人藐😂haha

話說今個月頭同屋企人去咗一轉韓國，但適逢嗰邊原來係中秋節，原來好多野都唔開。因為韓國人係好重視中秋，等於我哋重視新年一樣。所以搞到好多地方都去唔到同食唔到。不過要食嘅我哋都點都要搵到泥食嘅。一直都好懷念喺韓國食嘅人蔘雞同埋燒烤。所以一收工就捉咗老公陪我懷念下韓國嘅風味。我哋揀咗呢一間梨滿園。一坐低服務生已經俾咗幾碟小食我地呢度嘅人蔘雞真係滿足到我懷念韓國嘅風味，原隻雞肉質鮮嫩又多肉，有淡淡的人蔘味清甜到不得了。分量有成四五碗咁多。抵吃非常！我哋重點左一個小海鮮拼盤有兩隻大蝦，兩粒大鮮帶子同原隻八爪魚。呢度嘅海鮮都幾新鮮，鮮甜爽口，帶子建議只燒到半熟，否則太熟就un浪費左左食材！最後我地仲有呢個五花腩，聽店員講係由韓國空運過泥架。我一向都麻麻地肥膏，點知一試原來一啲都不似食緊肥膏，係好爽同香口！怕太油可以包上生菜食！整體泥講，係好正，滿足又滿意，服務又好！即刻解我思韓食之苦！

Deli 2呢棟野真係臥虎藏龍，好多好食嘅餐廳，得閒過到黎逐間試下都可以食足一段時間。今次就試下係1樓嘅韓國餐廳梨滿園。呢間餐廳非常闊落，可以坐得舒服。佢係既可以食韓燒，又可以叫普通餸菜，亦有啲套餐可以揀食韓國野最鍾意就係食啲伴菜~呢到嘅伴菜有六款，分別係泡菜、芽菜、南瓜、薯仔絲、蘿蔔絲同青菜。個人覺得泡菜同蘿蔔絲最開胃，蘿蔔絲酸酸甜甜，包落生菜肉包到都好夾！而泡菜就同出面食到普遍嘅有D唔同，白菜切得比較大塊，顏色偏深紅，但唔會太辣（除非你一大舊食落口）。韓式生醃醬油蟹　$158傳統韓式味道！醬油蟹未必人人啱食，但如果鍾意佢嘅鮮味的話就啱了！雖然係生醃，但唔會有一陣腥味，蟹膏夠多，而且肉質都好鮮甜！好多人怕生蟹食左驚肚痛，我自己親身食完就冇任何腸胃不適嘅，證明烹煮過程都非常乾淨！調味亦做得好夾，帶出鮮味之餘唔會太搶，食落亦唔會話太咸，送飯一流之後就係食燒肉嘅時間！我地叫左一碟五花腩同一碟牛，二人份量黎講啱啱好。五花腩配嘅醬汁係柚子盬，而牛就係醬油。呢到即使冇個吸油管，但比起一般韓燒店都係冇咁大油煙，食完都唔會成身bbq 味。而個爐亦熱得剛剛好，稍為開始有燶底就可以叫店員換一換個網。五花

而家香港韓燒開到度度都係,但其實已經愈黎愈偏離左原來果一種韓國既風味,琴日放工心血來潮想食韓燒,但又唔食比兩三舊水去食D倒模式既放題燒肉,聽朋友講旺角有間樓上韓國菜抵食之餘唔洗等位,仲有唔同既肉可以簡,就上左去。睇相已經可以見到,炸醬麵同正宗韓國果種幾乎一樣,D麵唔會太軟身,炸醬味道酸酸甜甜好開胃,而主菜方面叫左個肉拼盤,牛味唔會比調味料遮曬,而且個鐵板唔需要落油,令到個晚餐唔會覺得太肥太油,即使食曬都唔會太有罪惡感

七點幾入坐唔使等位，座位幾舒服，唔似有啲餐廳得張圓櫈。睇咗陣餐牌決定叫個二人餐，有前菜、配菜、雞肉、牛肉、五花腩同炒粉絲，又飯又湯都係二百幾蚊。好快啲前菜已經到，泡菜比平時食到既辣啲，岩晒我口味，送飯一流。之後開始食主角燒肉，牛肉同雞肉本身有調味，好香黑椒味，肉質鮮嫩，我最鍾意係個五花腩，職員話可以幫我地剪開一半，不過大大塊食先有feel。生菜包五花腩再加辣醬同生蒜片，本身塊五花腩有質素，肉同油脂分明，好有咬口，生菜夠爽甜，生蒜片辣辣地，成件事好夾。我地另外叫左個醬油蝦，醬油蟹食得多，蝦都係第一次，原來都幾正，蝦肉夠晒彈牙又大隻，抵食過泰式生蝦好多！跟餐個炒粉絲都唔差，乾身得黎唔會癡埋一舊，佢加左薄片五花腩落去，有肉有菜唔會單調。總括成餐有肉有菜有海鮮，價錢每人二百幾絕對唔貴，坐得又舒服，餐廳抽氣又做得好，食完唔成身油煙味，好岩gathering。

韓式料理一向都係我最喜愛既菜式之一，今晚就去左梨滿園滿足一下食慾。梨滿園方便就腳，位於熱鬧既女人街一橦大廈之內。傳統韓式裝修，配合親切有禮既侍應款待，甚有溫暖舒適既感覺。至於食物方面，叫左一份醬油蝦同精選二人套餐。首先強烈推介既係醬油蝦，醬油蟹就食得多，醬油蝦就真係唔係成日有得食，因為只有開始入秋時先機會享用。新鮮生醃既醬油蝦，蝦肉結實爽口非常有彈性，一脫開個蝦頭之後，蝦膏多到滿瀉，加上少少甜甜地既醬油，真係食到停唔到口！二人套餐配有6款前菜，一份份量十足既集錦拼盤包括五花肉，牛肉同雞，最後仲有一碟韓式炒粉絲。五花肉脂肪同肉比例均衡，肥美得黎嫩口多汁，雞肉同牛肉經醃制後味道十分香甜，加埋生菜豆板醬同鹽一齊食味道更佳。炒粉絲份量夠多，彈牙煙韌，甜甜地好好味。食左咁多野，都係大概$300，真係抵食又好味！