梨滿園韓國料理 (已結業)

今日朋友帶咗我去一間佢成日食嘅韓國菜，因為佢話呢間野經濟實惠，的確Menu嘅價錢都唔太貴，韓國菜黎講算係平易近人～前菜款式比平時食開既多，有南瓜同埋豆角等，都係第一次見。今晚試左燒肉，店員就話可以將嗰塊肉放喺一整塊生菜上面，再加已調味既生菜碎同醬汁一齊食。今日試左幾款肉，最好食就係個雞肉，調味好入味之餘，個醬汁本身都幾惹味，小小辣。燒完既雞肉好嫩滑，可以叫返碗白飯黎一齊食同埋份量好大碟，三四個人share再叫多幾款野食就Perfect！朋友今次飲咗個韓國嘅提子汁，佢話甜咗啲；我就照舊飲我鍾意嘅可樂～確實係幾抵食嘅一間餐廳，想平平哋食韓燒嘅都可以一試

今次同朋友約食飯簡左一間位於旺角既韓式餐廳係門口望到menu好似幾抵食咁就入左去了我地簡左呢個精選晚餐（二人套餐）$238就有得燒肉仲包咁多野 都幾抵食👍🏻叫完冇幾耐店員已經好快手咁準備好前菜 有效率😚食韓國野其中一樣好處就係可以食住前菜等 岩晒我呢啲好為食既人🤣店員仲好熱情咁話咁我地聽一陣食燒肉點樣包先最好味 服務不錯！主角燒肉到！燒肉拼盤有五花肉，雞肉同牛肉😍五花肉唔會太肥 牛肉醃得入味 雞肉夠滑👍🏻可惜我食得太開心冇影到相😂除左燒肉之外 套餐仲有湯同飯湯都夠晒足料 入面有唔少蔬菜☺️仲可以簡跟粉絲定年糕我地就簡左炒炒絲 送到上黎我地嚇左一跳 因為真係勁大碟😂入面除左粉絲之外 仲有椰菜大蔥同埋五花肉添🥳炒得好香口 送飯一流🥳 我地仲叫左韓國啤酒 邊飲邊傾 係一次性價比幾高既一餐😍

梨滿園係威達商業大廈, 原來分左2個入口一個係威達商業大廈, 一個就叫威達商業大廈Deli 2我起初都去錯, 但見到前面都有人同我一樣去錯..個保安就叫佢繼續向前行會見到Deli 2個牌係果個入口度入去到大概6點幾左右, 好彩唔使等位門口已經有套餐餐牌, 但套餐既食物唔太岩我地食所以最後我地係餐牌散叫除左套餐仲有特價既晚餐, 另外仲有一個大MENUMENU相另外UPLOAD左店員好nice地介紹佢地呢度有咩食, 都會提醒我地有d食物既份量太多2個人食會食唔哂, 唔會為左做生意而專登唔講你知入到去比呢2幅畫吸引左, 真係幾靚呢度既裝修都唔錯叫左野食之後, 店員就上左6個前菜比我地當中包括左1) 大豆芽2) 醃蘿蔔3) 薯仔絲4) 南瓜5) 泡菜6) 西蘭花所有既前菜都好好味, 不過唔知有冇得re-fill首先黎既就係醬油蝦, 一放低已經心心眼d蝦大大隻, 仲要有羔既!!值得一讚既係餐廳已經預先起左蝦腸殼已經剪開左2邊, 搣既時候都好方便個醬油唔會太咸, 個蝦會配埋紫菜, 送飯食真係好好味店員見到我地食到成隻碟都係骨或者殼都好主動幫我地換碟另外就左個紅燜牛肋骨(細), 一放低已經聞到好香份

天氣有少少涼，夜晚都吾知食咩好，行到攰，見到有一棟大廈全棟都係食市，重好多人排隊上去，原來好多人都係去食韓國野😀我都跟隊上去睇下先，等左幾分鍾，剛好有位坐入坐。😊 店內環境舒適，坐位之間非常寬躺，坐得好舒服，而且吾會有太大燒肉油煙味。坐底一陣服務員就送上前牌，好多選擇好多野都好好食，最後終於選了幾種，紅燒燘牛肋骨，韓式大醬湯，醬油蝦。落左單一陣，服務員馬上送上前菜，而前菜係用6個小碟裝住，好精緻🥰佢個酸蘿白好好味，而女朋友話個咸薯仔好好味👍🏻👍🏻我地重叫埋提子汁同桃汁，因為價錢算合理。食完啲前菜，主菜就岩岩好送上黎，佢第一味上既係醬油蝦，服務員好細心咁介紹食法，重跟埋白飯，由紹我地將醬汁同紫菜加入白飯食😊真係好鮮味第二道上既菜係紅紋牛肋骨同埋韓式大醬湯。個牛肋骨好香，一夾起佢，香氣四溢，咬落去，啲牛肉好淋，好入味，十分滿分，我會比10.5分。牛肋骨下一面重有紅蘿蔔及白蘿蔔，兩種蘿蔔都吸收左牛肉嘅鮮味，用嚟送飯一流。個大醬湯都好好味，我即刻叫多碗白飯用黎整湯飯，湯入面啲豬肉同豆腐啲味都好夾，口感一流👍🏻👍🏻強烈推介要加落白飯到變湯飯😂食飽飽後，飲左幾杯茶，同女朋友傾下計先離開，今晚又食左

我個同事話呢間韓國嘢幾好食就帶咗女朋友黎。店員俾咗張梳化卡位俾我哋兩個人，所以坐得好闊落。抽風系統都做得唔錯，唔會成間舖頭煙霧瀰漫。我哋要咗個二人精選套餐。有六小碟前菜:泡菜，豆角，南瓜 ，薯仔絲，酸蘿蔔絲同芽菜。有三款肉:牛肉，雞肉，豬肉。其實佢附送嘅豉油都無用過，因為啲肉已經醃得好夠味。牛肉有牛香，唔會有筋，雞肉嫩滑，五花腩香口。如果鍾意濃味仲有一碟麵豉醬可以同啲肉一齊食。仲有盤大大塊生菜可以夾住啲肉嚟食，女朋友唔會話我係食肉獸喇。個餐可以揀韓式炒粉絲或者炒年糕。炒粉絲有啲蔥，有啲菜同豬肉絲。我自己加咗少少泡菜連埋一齊食就更好食喇。最後搞到跟餐個白飯都食唔曬，滿滿足足咁走~

今日約了朋友晚餐， 他們喜好韓式的食物， 於是選擇了這一間位於旺角的韓式食店。由旺角地鐵站出發， 步行大約十分鐘便會走到這間餐廳的位置。 餐廳位於一樓，電梯可直達。店內環境寬敞， 裝修很有韓式味道。菜單除了散叫的韓式小菜外， 還有不同形式的套餐， 價格都算合理。這次點了個三人套餐，套餐包括韓式炆牛肉， 韓式炒年糕， 還有韓式炸雞。韓式炆牛肉很入味，但是 肥肉分佈比較多。韓式炒年糕炒得粒粒分明， 加上經典韓式辣醬很惹味。韓式炸雞非常優質， 雞炸得脆， 雞肉撕開來還有肉汁， 而且醃料很入味， 這味菜叫人吃得停不了。

好耐無同老公食過韓燒，叫老公上網搵，佢搵到呢一間。我哋好早七點去到無咩人，點知食下食下坐滿曬，呢間餐廳都好受歡迎。店員好好笑容介紹俾我哋，可以食熟食有得，食韓燒又得。我呢啲懶得諗緊係一個套餐$238咩都有就最好啦～呢個套餐有牛肉，雞肉同埋五花腩。牛肉同雞肉已經醃好咗，味道剛剛好。五花腩就層次分明，加少少泡菜同麵豉醬再用生菜包住真係無得頂。跟餐仲有碟生菜，麵豉醬，仲有酸酸辣辣生菜絲，同埋前菜六小碟 。最鍾意係個南瓜，夠香甜，而芽菜有好香麻油味。跟埋個湯清清地，有啲紅蘿蔔，洋蔥，白蘿蔔喺入面可以減低韓燒嘅油膩感。仲跟埋個飯同韓式炒粉絲，飽到捧住個肚走。總結係，旺角咁就腳，呢個價錢食到咁多嘢真係超抵。

真係一個難忘嘅情人節晚餐，先唔講食物質素，因為較早前係網上訂左2人座，所以一去到可以入座，但係佢竟然要我地去同其他人搭檯，見到呢一下真係呆左，之後叫左15分鐘終於換張雙人檯俾我地。之後我地叫完野食啦，發現呢間餐廳上唔齊野就一定架啦，叫左個醬油蟹來左，點知個飯等到我地食完其他野先到。仲有，唔CHECK下真係唔知佢上漏D咩，最後望下個餐排先知餐湯冇上，問完先知賣晒，仲要冇人同我地講。再到人手問題，10張檯得一個waiter，舉左好耐手都冇人理我地，人手少到可憐。最後啦，食物質素方面，個石鍋飯真係好難食，本人平日係大學CANTEEN食開頹飯，對食物要求不算高，可是這餐廳的石鍋飯真令我刷新下限，一年一度嘅情人節就咁毀左一半，唉。。。

話說原本諗住上去食香x18⋯⋯點知原來執咗！變咗呢間韓國野，橫掂上到嚟即管試下，餐牌有套餐同晚餐，試叫咗個泡菜炒五花腩同豬肉炒粉絲，一路食都正常，點知食到最後我女友用奇怪嘅目光望住我，跟著又望下碟粉絲，用筷子翻開條菜之後，我就見到小強伏屍碟底！頂😡⋯⋯我跟著叫個疑似負責人過嚟睇睇，佢即刻用鬼影變幻手收走碟野，然後話呢碟除消張單,跟著走開🏃🏻‍♀️🏃🏻‍♀️我即時飽哂，埋單走人！下次咪攪我🤬🤬

去旺角行完女人街想食韓國嘢，即時諗起一間抵食又經典嘅 梨滿園。裝修走懷舊風，最緊要就係價錢實惠，同埋我好鍾意食佢嘅醬油蟹。一坐低二話不說已經有幾碟傳統特色前菜，我最喜歡都係泡菜，味道香辣清甜。一坐低阿姐俾個特價晚餐嘅牌我哋，咁我又見到 韓色炸雞幾抵食，一於嚟過炸雞燒酒，一邊食炸雞一邊飲燒酒更加暢快。炸雞皮脆肉嫩又多汁，而且新鮮熱辣辣，越食就越想食，好味到呢！另一個菜式我係為佢而來的，韓式生醃醬油蟹，一隻分量已經好大隻。解凍時間剛剛好，識落仍然有冰涼感覺，味道鮮甜，蟹肉質地入口 creamy 。蟹膏仲可以配合紫菜同埋熱辣辣嘅白飯撈埋一齊食，滋味無窮！

行街想搵個地方座下，當然就腳要緊，但價錢同味道都要衡量，就係咁比我想起這裡，因同事曾提過這裡嘅紅燒燜牛肋骨超級好味，凍凍地食啲暖胃嘅食物個人都開心啲！望望餐牌，有可以自己點嘅燒肉選擇，但今晚發原還有特價晚餐，反正都係想食佢嘅紅燜牛肋骨$78，而且係定食有飯跟，咁抵食，就係月尾首選啦！但見到個韓式生醃醬油蟹$158，認唔住加埋，先上個醬油蟹，啲醬油完全將隻蟹浸住，而個蟹蓋內嘅蟹膏真係十分之多，同時間個紅燜牛肋骨上埋跟個飯，先將熱盪盪嘅飯放了少量在個蟹蓋上同埋啲醬油同蟹膏攪勻，啖飯入口大感超滿足，食得乾乾淨淨，而蟹腳嘅肉質亦十分軟滑充滿味道，真係必食推介，咁個牛肋骨啲肉同骨真係一夾就已經自動分開了，入口軟熟味道香濃，加埋個汁，真係多加個白飯都可以！今晚十分滿足！還有餐前嘅韓式小吃亦十分好味！

呢排韓國風吹得幾勁，女友勁鍾意睇韓國音樂比賽，佢又突然食韓國嘢，睇OpenRice見到呢間都多好評，同佢嚟呢度食試下呢度有韓燒、韓國料理仲可以部隊鍋然後火鍋三樣選擇 ，真係想食咩都得韓國料理方面梗係唔少得生醃醬油蟹同埋辣汁炒五花腩肉，醬油蟹價錢都合理韓國料理前菜係必備嘅醬油蟹個餐包一碗飯同紫菜，蟹都算大隻，我女朋友之前去過韓國所以佢教我點食以前覺得醬油蟹會好腥，不過今次食完全改變左對佢嘅感覺，完全冇腥之餘仲好香甜女朋友話將飯同紫菜撈埋，跟住放落個蟹蓋上邊撈勻佢食，味道一流辣汁炒五花腩肉， 女友話要包生菜、沙律、蒜片加埋泡菜食咁先至正成個餐包埋麵醬、生菜同埋沙律將佢哋撈埋一齊包菜食惹味得來唔肥膩真係冇介紹錯，而且呢度可以韓燒，部隊鍋又得，下次再嚟試吓韓燒先

兩個人去梨滿園韓國料理食韓國燒烤，星期日六點多，剛剛開晚場，所以仲有好多位。我們叫左二人套餐$238加碟牛舌$88。好多韓式伴菜放到成枱都係菜二人套餐包括烤肉什錦拼盤(牛、豬、雞)，有生菜籃配麵豉醬，仲有碟韓式炒粉絲，跟飯及例湯。個烤爐幾好，唔會很容易會濃，燒左咁耐，個侍應都只係需要換左一次。烤肉都算不錯，烤完仲食到少少鮮嫰感，用生菜包住D烤肉黎食，可以減輕油膩感。咁多種烤肉中，重點推介牛舌，幾爽滑，真係夠晒yummy~~不過碟韓式炒粉絲有點偏油膩，所以我地剩下了三分一。

相約好久不見的朋友晚膳，我們來到梨滿園韓國料理。餐廳寬敞舒適，裝修很有韓國特色，和朋友都坐得很舒服。各式各樣的前菜，每款都各有特色，有甜酸辣味等不同的味道，絕對是開胃之選。高麗人蔘雞湯每一啖湯都有人蔘和雞的精華，火喉十足，滋寶必備。雞肉仍然很嫩滑，人蔘很入味。海鮮煎香葱餅有葱香兼有海鮮味，魷魚鮮甜爽滑。紅燜牛肋骨肉質鬆化，非常入味。峰蜜生薑茶薑味突出而且甜度適中，朋友很滿意。峰蜜紅棗茶同樣地有紅棗的甜味，加上峰蜜的味道，完美無瑕。

朋友生日想要吃韓國菜，在網上看到這家評價不錯，不過可能不會再來了。食物:3/5味道不正宗，可能為了迎合香港口味。「配菜」共5款，包括泡菜（太大塊，不算辣）、青豆角（有蒜蓉）、南瓜（有蒜蓉）、芽菜（正常）及蘿蔔絲，比較可惜是沒有麻油波菜。以上全部可以免費仼添（如果店員願意理會你......）。韓燒方面，爐面是銀色、較薄的那款，與其他店常用的黑色厚鐵板不同。這款爐面一遇到醬汁很容易黏上成黑色醬漬，而肉亦較難燒到有焦脆口感。「豚肉拼盤」有3款肉，豬頸肉（無調味）、五花腩（無調味）及醃豬肉片（偏甜）。全部正常，不過不失。「牛肉拼盤」忘了拍照，有3款肉，牛肋骨、牛肋骨肉及牛肉片，全部都醃過，比較甜，就像在漢和放題吃到的味道。我覺得品質好的肉，是不應醃製，因為會搶過肉原來的鮮味，只需配簡單的調味料，如鹽及豆瓣醬等。以上只配上一籃「生菜」，份量只有十片左右，吃完要加20元才有一籃。「海鮮豆腐湯」忘了拍照，味道雖然還可以，但完全沒辣味，與正宗韓國味道有很大岀入。內裡只有2隻蜆。「海鮮煎蔥餅」外面香脆，內裡口感煙韌，海鮮及蔥份量不多。服務：1/5客人不多，店員有點愛理不理或忘東忘西。叫侍應已非常困難叫添