梨滿園韓國料理 (已結業)

沿着女人街的兩旁遊走，食肆確是既多風味亦多;曾在女人街上的這幢大厦裏吃過數次放題，多年沒有再站足，再次來的時候放題店已結業，我們遂選擇別的餐廳……大牌檔免了，似乎吃韓菜做晚餐也不錯！入座後，店員隨即送上餐前六小碟，雖然食物溫度偏凍但味道算是不錯吃的！看店內裝潢是有點似曾相識，很有韓國地道的食肆小店feel~特價晚餐牌裏的 <紅燜牛肋骨$78 跟白飯一碗>，我見grand menu裏都有這項食品出售，是不連白飯的，而且有大與小窩的分別，價格是大窩$158而小窩$98我數過一窩牛肋骨裏有大約七件如圖片般大件的牛肋骨，牛肋肉能輕易地去除骨頭，燜得鬆化而且入味，咀嚼時能吃出牛肋肉與牛筋所散出來的脂香，亦有八角及醬油調味，。窩裏還藏有數件切得大件的紅蘿蔔、白蘿蔔及冬菇，全部同樣是燜煮入味，湯汁也好送飯，有牛香之餘也有蘿蔔的甜，極級好吃！額外點了杯熱薑蜜，$12一杯，味道較淡然~

今日約咗幾個朋友出來旺角食飯, 諗住食韓國料理都唔錯, 所以就揀左呢間又有得食烤肉，又有其他熟食選擇嘅梨滿園。梨滿園都有唔少野可以揀，我哋呢啲有選擇困難症嘅人真係好難揀落手，最後我哋都係決定叫一個六人餐, 入邊已經包左好多樣嘢食。落單之後, 已經有好多小菜送上，例如有南瓜、薯仔絲、蘿蔔絲、豆芽、豆角同泡菜。我最鍾意係個南瓜同泡菜，南瓜甜甜地好好味，泡菜唔會太鹹，酸酸地辣辣地好開胃。首先送上黎嘅係韓式秘制豬手， 佢唔係想像中嗰d好油膩嘅豬手，反而幾清爽，鹹香惹味，食落去非常彈牙同好嫩。食緊豬手嘅時候，個牛肋骨肉同烤肉什錦拼盤都好快送左上黎。拼盤入面有牛舌、牛肉、五花腩同雞肉，三款肉都冇咩雪味，而牛肉同雞肉係已經醃好調味左嘅， 烤完出黎都幾嫰滑，五花肉則十分之香口，用生菜包著再加上蒜片真係好好味！食完烤肉之後送上黎嘅係韓式牛肉八爪魚鍋，入面有好多配料，有牛肉、兩個大大隻嘅八爪魚、年糕、金針菇、瓜、豆腐、粉絲等等，用黎送白飯真係一流食完成個6人套餐之後我地幾個真係好飽， 非常之抵食！！

收工行開旺角，行到攰，搵地方醫肚，就上左去梨滿園試下韓國野，一坐低，環境算唔錯，靚姐姐態度良好，咁就點左一個牛肉石頭鍋飯，2個例湯，燒物就叫左大路野，牛同紅酒五花腩。先講例湯，一啲都唔例牌，清甜下火，正再黎石頭飯，飯焦比例啱啱好，一流最後去到燒烤，牛肉好入味。最後來到重頭戲，紅酒五花腩，呢個真係不得了，配合芝麻醬，生菜，放落口果下啲肉汁再流番出黎，肥膏同肉既比例係3 7比，如果怕肥之人就要考慮下了。

收工約絲打去左MK買完番工衫，就去左朋友介紹嘅燒烤店晚膳，梨滿園。😏😏餐廳裝潢普通，但食物質素幾高，最緊要係幾平😍😍😍😍個爐又靚，唔易燶。😋先上任食嘅六小碟。💗肉類點了嫩滑牛肉和肥美五花腩。💗嫩滑牛肉最好食。💗鮮紅色嘅肉質一睇都知新鮮。食落去，肉質好腍滑，好鮮嫩。就算唔小心燒耐左都仲好滑嫩。五花腩用一塊大生菜，💗再特制幼鹽sauce，入口即溶，油脂甘香散滿滿口。飲品點了韓國品牌的雪梨味汽水和桃子味汽水。咁岩幫我地落單嘅女經理好細心，時常幫各枱加茶，執碟，服務好好😘😘。

班fd一直都好忙，今日終於有機會聚下，我地六個人黎到梨滿園直接叫一個六人套餐，fit哂！佢個六人套餐都幾多野食，剩係燒肉都好多款，雖然一定冇任食咁過忍，但都夠哂飽，而且d肉既質素一定係任食既比唔上！點左餐之後好快就送左前菜上黎，種類都幾多，唔剩只得泡菜咁簡單，d薯仔蘿白都好好食烤肉好快就上左黎，d肉既顏色都幾靚，係等緊個爐熱其間就食住豬手先，原來韓式豬手都係要包菜食，d員工好貼心咁教左我地個豬手點食法，D豬手好嫩，配既醬未見過，唔知咩名，但好好食話咁快個爐都熱，d員工教我地要食五花腩先，五花腩肥瘦一半一半，燒好之後佈滿油光，睇落去勁誘人！佢d肉醃得幾好，咩醬都唔點就咁食已經好好味！加點泡菜用生菜包埋食別有另一番風味！燒哂d肉之後佢就會上個韓式牛肉八爪魚鍋，佢本身個鍋都熟熟地，但要再煮一陣d味先更出，我地都等左段時間，建議下次直接煮出哂味先上煲，不過佢可能預我地邊食邊傾會有排食先咁快上煲八爪魚鍋個底係紅色，同平時食其他韓式鍋差唔多，送飯一流！d八爪魚勁大隻，剪開左之後都仲係好大粒！好正！六人套餐除返開一個人都唔係好貴，抵！

同個舊同事係旺角shopping完，佢話食過一間喺女人街嘅韓國料理唔錯，咁我哋就去咗呢間位于 Deli2 一樓嘅《梨滿園》食晚飯。甫坐低先嚟六款美味前菜食韓國菜當然唔少得燒肉啦。牛肋骨肉 - 牛肋骨肉已預先調好味，調味得宜，牛味濃郁，肉質腍滑中帶少少爽口，新鮮好食。無骨雞脾肉 - 鷄脾肉亦已經預先調好味，雞肉十分厚切，燒完後口感爽滑好食，絕非一般雪藏鷄肉可媲美。餐廳有提供生菜、蒜片、豆瓣醬用嚟配燒肉，食得健康D之餘，味道更豐富。海鮮石頭窩飯 - 有八爪魚、青口、冬菇絲、大豆芽、洋葱、紫菜……等多種材料。加入少許辣醬拌匀後，味道豐富得嚟辣辣地，加上飯底香口脆身嘅飯焦，忍唔住一啖接一啖。真露 ($58) - 甜甜地易入口，配韓燒十分適合。

好耐冇食韓燒，今日同朋友仔嚟到呢間位於旺角通菜街威達商業大廈一樓的《梨滿園韓國料理》食韓燒。餐廳地方寬敞，大量卡位。餐廳裝修別緻，牆上掛滿各種韓式食物擺設和人物的油畫，感覺舒適。餐牌食物種類夠多，任君選擇。一坐低先同朋友仔叫番枝 韓國啤酒，啤啤佢。韓國啤酒 $22啤酒夠曬凍，味道清新，易入口，食韓燒必選。餐廳服務員首先送上前菜 韓式六小碟，味道有酸有辣，相當醒胃。烤牛肋骨肉 $128牛肋骨肉牛味夠濃，肉質幼嫩，醃得相當夠味，大約燒至5~6成熟就食得。烤無骨雞脾肉 $68雞肉肉質新鮮，也是醃得相當夠味，大大碟，份量十足，好抵食。用生菜包住烤肉，再配生菜絲、蒜片、麵豉醬和泡菜一齊食，味道更佳。海鮮石頭鍋飯 $58石頭鍋飯熱辣辣，材料豐富，包括有 波菜、青口、魷魚、東菇、大豆芽菜、紅蘿蔔絲和鮮雞蛋，加入辣醬撈埋一齊嚟食，味道相當唔錯。

同一班朋友來旺角食飯，有朋友提議食韓國菜，於是就上左來呢間梨滿園韓國料理，我地叫左個六人餐。呢度嘅配菜幾多款，而且幾好食，尤其泡菜、蘿蔔同薯仔絲，而且食完仲可以叫佢添比你。韓式秘制豬手整個豬手都切好曬一塊塊，食起來好方便。豬手肥瘦適中，肉都好軟腍，味道有D似滷水味，幾好食。韓燒拼盤拼盤有五花腩、雞、牛肉、牛舌等等。侍應姐姐好細心咁幫我地將D五花腩再剪細塊先擺落去去燒。每件肉都醃得好入味，燒完食起來都好juicy。韓式牛肉八爪魚鍋呢個鍋好大煲，材料好豐富，除左牛肉同八爪魚外，仲有金菇、年糕、豆腐等。八爪魚好彈牙爽口，牛肉都幾好味。一開始試時覺得個湯底無想像中咁辣，後來當個湯滾起嘅時候會濃味左少少，但整體唔算好辣。侍應姐姐主動過來幫我地將d八爪魚剪細。呢個六人餐仲每人包一碗白飯同一罐汽水，整個餐份量都幾夠，食完都好飽肚，而且味道唔錯！

從喜歡吃韓國菜的 foodies 朋友口中得知 , 旺角-通菜街 , 威達商業大廈 Deli2有一間叫 梨滿園韓國料理 , 其食物頗有水準且深受年輕人歡迎 , 當天我和太座就專程而來 , 一嚐究竟 餐廳的環境乾淨企理 , 坐位闊落 ~Menu ~跟一般韓式餐廳一樣都有餐前小菜 , 這店供應六款餐前小菜 , 各款的味道都不錯 ~海帶湯 (跟白飯) : 這個海帶湯的味道清香 , 嚐得出有蒜頭味但不會過於濃烈 , 吃落好有住家 feel, 此湯有大量海帶 , 食材還有金菇、蜆、豬肉 , 不油不膩 , 十分好喝 ~煎泡菜餅 : 煎得十分香口 , 亦不算油膩 , 煎餅嘅厚薄適中 , 吃落去又不會太辣 , yummy ~最後點了一杯 紅棗蜜 以作終結 ~本篇完 ~

有 Friend 生日，佢話想食韓國嘢，但又唔想去食任食韓燒嘅地方，所以揀咗嚟呢間韓國餐廳。價錢都幾平下，但最後都係揀咗食四人套，貪佢唔洗諗。一坐底就有六碟前菜- 薯仔絲- 泡菜- 南瓜- 青豆- 芽菜- 酸蘿蔔生菜麵豉醬烤肉雜錦拼盤有牛舌、牛肉、五花腩肉同雞肉。其中我最鍾意食牛舌，薄得嚟又爽口，其次就係雞肉，外面燒得脆口，但入面仲係好juicy。泡菜煎餅估佢唔到咁大份，泡菜都有唔少。如果加啲海鮮係內面就好了。鹽燒鯖魚等咗好耐先有，但慢功梗係岀細貨。條鯖魚真係燒得好，好嫩滑多汁，加埋啲檸檬汁仲可以帶岀鮮味。韓式薯仔雞鍋有啲似雞煲，但仲有薯仔、粉絲、洋葱同年糕。

同朋友嚟到旺角行街，行完街之後就喺附近搵嘢食，見到呢度樓上有間韓國料理餐廳，見到價錢好吸引，呢個六人套餐都只係$698，每人都係百零蚊就已經可以食飽。而且餐廳座位闊落，應該都食得舒服，裏面都坐滿七成客，睇落都唔錯。待應好快手，我哋一坐低就已經上咗前菜，有成六款，土豆絲、南瓜、芽菜丶蘿蔔、豆角、韓國泡菜。我自己好鍾意韓國泡菜，味道醃得好入味，小辣。仲有酸蘿蔔都好爽脆！烤肉雜錦拼盤 有牛舌、牛肉、五花腩、雞🤤 味道調得好入味，基本上唔使點其他點醬汁！特別係五花腩，油脂均勻，一層肉一層肥膏一層肉又一層肥膏，層次分明。另外，有肉味濃郁，佢嘅調味令我諗起喺韓國食嘅感覺。仲送上生菜，你可以用生菜包住啲肉來食，減少油膩感，味道一流，店員仲會好好幫我地refill 生菜呢！牛肋骨肉 第一次食呢種肉，半肥瘦嘅感覺，加上自家製嘅醬料調味，好味😭💕 韓式秘製豬手 豬手本身已經醃到好入味，好似我哋嘅滷水豬手，在點上旁邊酸辣酸辣嘅醬汁，再包埋生菜菜一齊食，味道唔錯。每人有一碗飯，用泡菜或者係肉送飯，簡直一流。仲包一杯飲品，揀了coke zero🤤 韓式牛肉八爪魚鍋 食完燒肉，店員就上咗呢個鍋，等佢慢慢煮滾，湯味

💁🏻‍♀️梨滿園韓國料理 (旺角)🍽-🇰🇷🇰🇷🇰🇷好耐冇食過韓燒啦，今次同一樣住喺九龍嘅朋友發掘到呢間平靚正韓國料理店，食到好滿足啊😇😇😇😇 .二人套餐（$238 ）👭呢個套餐，堅係高CP值，每個人圍埋百幾蚊 ，但係分量就超多食到超飽🤤🤤🤤值得一提嘅係前菜可以任添，而且包埋飯同埋湯、超級抵燒肉雜錦拼盤（牛，豬，雞）🐮🐷🐔肉質睇得出係好新鮮嘅，而且份量都幾多，兩個人燒絕對係夠晒數，個人最鍾意就係五花肉，油脂分布均勻，燒到燶燶地，再包生菜食真係一流！🐥🐥而且餐廳嘅姐姐亦都好貼心咁樣向我哋介紹，🐵話如果加埋醃芽菜一齊食，會正宗啲，又真係幾好味啵。韓式炒粉絲原本以為跟餐嘅炒粉絲會好細碟，點知一上菜嗰陣時我同朋友都嚇親，因為佢真係好大碟，每人食咗好耐，都未完食完一半，超抵食，🙀而且味道亦都唔錯，讚啦👍🏻.Hite啤酒🍻（$22一枝）好易入口，最啱啲唔太飲得酒嘅朋友，我哋一人一枝，完全輕鬆.📍梨滿園韓國料理 (旺角)#旺角 通菜街1A-1L號威達商業大廈Deli2 1樓#小丸子搵食記 #小丸子旺角-#hkig #hkigfood #hkfoodblogger #hkfoodie #食好西 #香港美食

今晩凍冰冰決定去食個暖粒粒的韓國菜，牛肉炒粉絲$88:炒得偏向濕身，但好多材料，而且粉絲彈牙又非常入味！麻油味香濃，同行朋友吃得津津有味⋯⋯牛肉石頭鍋飯：除了牛肉還有大量紅蘿蔔絲、芽菜、菠菜～洋蔥～最緊要要撈埋佢嘅辣椒醬～又香又啖啖好滋味！熱辣辣充滿韓國風味～豪邁的將所有飯倒入拌勻，濃郁香味亦因空氣攪動而更加強烈～～因石鍋高溫產生的焦脆鍋巴～亦都為返粒增添口感之後亦都叫咗碟牛肉拼盤試吓～始終韓燒一定要有牛肉～牛肉口感爽滑又有嚼勁！而且有唔同款嘅拼盤選擇！原來就算唔想食牛都可以食雜錦拼盤咩都有啲總括嚟講呢一間店絕對值得一去再去！絕都係平靚正之選

要講人妻最鍾意食嘅菜式韓國烤肉一定榜上有名！！旺角就有間好食得來又唔貴嘅烤肉～人妻最鍾意食牛肉所以決定叫咗一個精選牛肉拼盤$208：貪佢咩都有啲～包括牛肉、牛肋骨、牛肋骨肉🤤上枱之後姐姐會送上一碟生菜同豆瓣醬烤肉汁俾你包住一齊食！我就最鍾意呢種食法啦⋯⋯道地得來又清熱氣～牛肋骨肉不單止油花多而且肉味濃！牛肉鹹甜適中～10分滋味⋯⋯海藻湯$68：韓國人生日必食佳品😝一上枱熱辣辣之餘，極度多料～湯頭鮮甜，滋補養生而且姐姐會俾咗好多配菜俾我哋食～人妻最鍾意就係食佢嘅大豆芽同埋泡菜～泡菜不會過辣，食得出大白菜原本的甜味！大豆芽麻油味濃厚！薯仔絲非常爽脆❤️大家記住唔好錯過韓燒必備的下火神器⋯⋯可樂！

呢排比較忙，難得free到一日出嚟同朋友食飯，咁就當然要食好耐都冇食過嘅燒肉啦，近近地就喺旺角搵左間韓燒，食落質素唔差同埋價格親民～菜前六小碟，覺得個南瓜特別好食，有少少蒜蓉味texture唔會爛蓉蓉，而且好甜～大大碟牛舌，個人都鐘意薄薄地呢種～好易燒脆同熟～～雞肉，個醬有小小辣有，燒到半焦之後會有種好似板燒雞腿咁嘅滋味，加上去左皮同骨，大啖肉大啖酒真係男人浪漫～人蔘雞湯，好貼心咁將啲鹽另上，食客可根據自己口味調較～