梨滿園韓國料理 (已結業)

真係一個難忘嘅情人節晚餐，先唔講食物質素，因為較早前係網上訂左2人座，所以一去到可以入座，但係佢竟然要我地去同其他人搭檯，見到呢一下真係呆左，之後叫左15分鐘終於換張雙人檯俾我地。之後我地叫完野食啦，發現呢間餐廳上唔齊野就一定架啦，叫左個醬油蟹來左，點知個飯等到我地食完其他野先到。仲有，唔CHECK下真係唔知佢上漏D咩，最後望下個餐排先知餐湯冇上，問完先知賣晒，仲要冇人同我地講。再到人手問題，10張檯得一個waiter，舉左好耐手都冇人理我地，人手少到可憐。最後啦，食物質素方面，個石鍋飯真係好難食，本人平日係大學CANTEEN食開頹飯，對食物要求不算高，可是這餐廳的石鍋飯真令我刷新下限，一年一度嘅情人節就咁毀左一半，唉。。。