梨滿園韓國料理 (已結業)

經朋友介紹下黎到呢間韓國餐廳，主要係因為價錢便宜，食物選擇多，又可以燒肉，滿足到我多個願望！ 因為太多嘢食啦，所以唔係好想揀，而我哋有三個人，所以直接嗌咗一個四人套餐。落單後店員馬上呈上韓式前菜，總共有六款。 然後就到肉喇！《烤肉雜錦拼盤》：牛/牛舌/雞/五花腩肉肉類餣得好入味，最鐘意係雞肉，夠晒嫩滑👍🏻《韓式泡菜煎餅》煎餅外脆內軟，唔會過於油膩👍🏻泡菜味好香濃。《鹽燒鯖魚》鯖魚大條又厚肉，有咸焦香，好味👍🏻《韓式薯仔雞鍋》入面有好多薯仔、雞肉，仲有年糕同粉絲。雞肉入味但略微孩口。年糕口感煙韌，唔夠喉，如果份量多啲就好！粉絲索晒汁，非常惹味！ 套餐有小食、主食、肉類都只係每人百多元，已經好飽，好抵食👍🏻👍🏻

好耐冇食韓燒，今日同朋友黎左女人街呢間梨滿園，見到啲套餐幾抵食，我地3個人，叫左個4人套餐，估唔到質素都唔差！四人套餐（$488）前菜有6款，泡菜微辣，幾易入口，蘿蔔酸酸甜甜，好開胃烤肉雜錦拼盤呢個拼盤有牛舌、牛肉、五花腩肉同雞肉，份量適中，牛肉同雞肉經過醬料醃製，所以都幾入味，牛舌薄得黎都有咬口泡菜煎餅好大份既煎餅，泡菜味好濃，幾好味鹽燒鯖魚煎得好香好入味，唔會太腥韓式薯仔雞煲好大煲而且好足料，有粉絲、薯仔、雞肉、年糕等等，味道都唔錯

呢日又來旺角食飯，我地揀左間韓國野食。Menu都有幾多選擇。我地食烤肉，牛肋骨湯和炒年糕。烤肉之中反而係雞肉最好食，牛肉一般，五花肉正常。小菜有好多款，食完可以再添。炒年糕味道唔夠辣，年糕可以，夠煙韌。整體來說，呢間韓國菜可以接受。

好耐無食韓食，趁住星期一諗住唔係咁好人去咗旺角食梨滿園。好少上樓上舖食韓食，裝修同韓國好似，老闆娘好好人，招呼好好。有6種配菜芥菜，大豆芽，土豆絲，蘿蔔絲，泡菜，南瓜。每碟都好好味，好夠入味😋😋蛋拌生牛肉絲有生牛肉，生蛋，韓國雪梨條，蒜條，應該仲有麻油，好香，牛肉好冰涼嘅感覺。第1次食已經超愛上😋😋人參雞湯雞好滑，應該無落鹽，另外有1碟仔鹽可以自己加，如果加多啲人參味仲正😜紅燜牛肋骨好夠入味，有紅蘿蔔🥕，白蘿蔔，八角，牛肋骨🐂。好多汁，用嚟撈飯食真係正無朋友😋😋最後還叫了薑茶同紅棗茶，咁就完全滿足我哋兩個嘅胃😆😆

一直以黎，如果唔係一大班人，我平時都麻麻哋韓國嘢食，因為自己一個食嘅話黎黎去去都係個d，如果一大班人食，先會有多d小菜同多d選擇六個人食就叫左個六人套餐，包左一人一個嘢飲，有牛肉、牛舌、五花腩和雞肉拼盤。燒肉同普通係沙灘bbq雖然d味道相似，但係神奇的位係佢有好多唔同的食法，我最鍾意包生菜+燒過的蒜頭+泡菜+肉一齊食，因為又辣又香，因為討厭太濃的肉味（我自己平時食肉係會落紹酒加薑加蒜頭的人，所以齋食肉的時候係會唔習慣）。呢度好嘅係有兩個熟食，可以係等燒肉的同時食，而且食多幾種韓國菜，無咁寡。豬手份量好多，六個人食已經打左個大底，所以食燒肉的時候唔洗搶😂牛肉八爪魚鍋就係飽肚之選，d湯都幾好飲，唔會太鹹或者好重口味，所以係一個幾好的結束。

最近好想食韓燒,但又唔想下下食到咁貴,見到呢間好似平平地又多好評既就即管試下食韓燒例牌有小碟前菜生菜拼盤,裡面仲有啲蒜片同大豆醬仲有一碟醃生菜叫左一碟燒牛肉同燒雞肉睇落份量都幾大份店員教燒完啲肉可以夾生菜,蒜同一定要加大豆醬呢個應該算係最淡口味既韓燒後來我終於都明白為何店員咁樣強烈建議因為肉需要有醬汁點綴調味下先會感覺到食物既味道可能技術問題,個爐好易燒黑人蔘雞湯所謂一分錢一分貨,當然唔會預有人蔘味店員再三提醒啲雞一定要點啲鹽先好食雞有半隻,店員亦幫我地剪開雞肉係幾淋,算係幾滑湯內仲有啲糯米,看似正宗

好耐無出旺角食野，今日就來女人街呢度搵野食。呢間係食韓國烤肉，菜單都有好多選擇，眼花繚亂😂我地叫左個燒肉拼盤，牛肋骨湯，，炒年糕。小菜都有好多款，食完可以再添，南瓜🎃和薯仔係最好食，我地都添左幾次🙈烤肉的配菜係生菜🥬和醃過既菜，不過生菜略嫌太大塊，唔算好食。五花肉太硬，睇落唔算新鮮，而且燒完之後食起來都係比較普通，唔算好味。反而雞脾肉係最好食，肉質嫩滑，不錯不錯。牛肉色澤都唔算太靚。年糕普通整體來說，呢間韓國野好普通，唔算好味。😖

好耐無食過韓國菜啦~~~ 朋友喜韓，就試下呢間風評唔錯既韓菜。order左二人套餐($238)有烤肉雜錦拼盤同埋韓式炒年糕，烤肉雜錦拼盤有牛、豬、雞，意外地雞肉最好食，好入味又嫩滑，另外兩款就不過不失。因為朋友唔食辣，唔辣的年糕對我來說係無味不評論。 另外，order左個牛肋骨湯($58)，有牛肋骨、米絲、蘿蔔同埋金菇，好豐富，味道唔錯。 最令我地驚喜的係前菜6小碟其中2款南瓜同埋薯仔絲，有口感又唔會太硬，好好食因該價錢唔算太貴、座位舒服，可以一試。

通菜街經常人流較多，週邊食肆林立。同姊姊今次shopping 完，搵到間係通菜街第四段左右有座威達商業大廈1/F梨滿園韓國餐，地方寛敞、同環境舒適，牆壁掛著穿上韓服的美少女坐在蓮花池旁，有青蜒在空中飛翔，庭園樓閣，感覺詩情畫意。食韓菜例牌有小食幾款，包括酸辣泡菜同酸蘿蔔，同樣爽口醒胃，而南瓜、青豆角、大豆芽同薯仔絲健康惹味，食到停唔到口。見menu 有款濟洲島黑毛豬五花腩註明係（無醃）；端上桌時已令人叫絶，一層廋夾一層肥，係燒烤爐上烤至微焦，油脂的油巳迫出嚟，入口不會太油膩，肉味香濃，夾埋爽脆韓國生菜同食確係天衣無縫。蔬菜拼盤有幾款種類，包括洋蔥、紅蘿蔔片、薯仔片翠玉瓜片同雞脾菇，略嫌份量少一點。韓國粉絲香味四溢，粉條煙韌富口感而入味。最值得一讚係呢道抽煙系統係埋咗地下的，所以我哋幾乎同油煙隔離。

與友人約晚飯，想約了在就腳的旺角，想起很久沒吃韓國菜了，友人便提議了這間韓燒。甫坐下已奉上前菜，有長豆，芽菜，醃蘿蔔絲，泡菜，南瓜，先清新一下。放工後沒想多花心神，叫了個二人套餐：🔹燒肉什錦併盤（豬牛雞）：醃得入味，份量足夠，頗送飯，跟生菜麵豉醬，但本人不喜歡包生菜所 以無食。🔹韓式炒粉絲：偏濕炒，少少惹味，又是下飯之選。🔹飯和例湯：正常菜湯。侍應見快燶主動提議換鐵板，服務不錯。總括來說價格相宜，份量足，味道不俗，位置便利

呢排好想食韓國嘢，梗係叫埋三五之己一齊食喇。最後嚟咗鬧市旺角內的梨滿園韓國料理。四人套餐只需$488先來杯韓國啤酒 Hite, 真爽！仲有六碟前菜，有薯仔絲、泡菜、南瓜、青豆、芽菜、酸蘿蔔。薯仔絲超好食！生菜麵豉醬沙律跟住就係烤肉雜錦拼盤，有牛舌、牛肉、五花腩肉和雞肉。我最鍾意食五花腩，雖然真係好肥，但係燒到脆卜卜時真係連肥膏都忍唔住吞落肚。泡菜煎餅都 Ok, 仲以為得泡菜會唔好食，點知煎得又香又脆口，點埋啲醬仲正。鹽燒鯖魚條鯖魚好肥美，魚肉夠滑又多汁，點埋豉油同 Wasabi ，竟然有啲日式味。韓式薯仔雞鍋呢個似足雞煲，一樣咁豐富，除咗雞同薯仔外，仲有粉絲和年糕，所以食完超飽。

今晩的朋友聚會就來到位於旺角的韓國餐廳。價錢合理，座位也很舒適。因為有太多美食選擇，所以最後點了四人套餐 ($488)。首先有六碟前菜，有薯仔絲、泡菜、南瓜、青豆、芽菜、酸蘿蔔。吃完真令人胃口大增。生菜麵豉醬沙律然後便烤肉雜錦拼盤，分别有牛舌、牛肉、五花腩肉和雞肉。看韓式燒烤的定必喜歡，如覺得肉太油膩，還有生菜和蒜頭讓你包著吃。即叫即弄的泡菜煎餅也不錯，香脆而薄身，也不會太辣。鹽燒鯖魚燒得香脆可口，而又能保留魚的肉汁。醬油竟是豉油與日式芥茉，真有趣。吃了這個韓式薯仔雞鍋就連白飯也不需要了。除了雞和薯仔外，還有粉絲和年糕。

同friend 行女人街，不知不覺巳到天黑，係時候醫吓肚仔,行到女人街與鼓油街交界，見威達商業大廈1/F有間梨滿園食韓國菜餐廳。大家都有段時間無食韓菜，兩人都讚成今餐食韓菜。門面招牌colourful ，餐廳內四週光線充足，地方寬闊，牆壁上掛著樹林翠竹的畫，感覺頗有詩意。呢間韓國餐廳唔止有燒烤仲有火鍋同套餐多樣選擇，最終我哋揀咗燒烤。牛肉拼盤有三種唔同部位；(有牛肉、牛肋骨同牛肋骨肉),各有各質感，我情有獨鍾牛肋骨肉，肉質鮮嫩腍滑，三種都醃得好夠味。加埋鮮甜海蝦、新鮮大帶子同尤魚。仲叫咗碗白飯一人一半，又估唔到連白飯都粒粒輭熟帶有口感。今餐我倆都畀like

嚟到旺角行街食晚餐，我同男朋友去左試呢間韓國餐廳，有得食韓燒之餘，又可以就咁單點熟食，就是梨滿園。一嚟到嘅前菜，都係不外乎一啲泡菜啊酸蘿蔔沙律之類嘅嘢，我哋叫咗兩支果粒橙飲，同埋叫咗個人蔘雞。人蔘雞啲雞湯好清甜，令人感覺真係好健康，啲雞就好滑，同埋好香雞嘅味道。我哋仲叫咗雞肉同埋牛肉嚟燒，啲牛肉葉得好入味，又切到好薄，好快就可以熟，同埋好香好肥美，肉質軟腍。啲雞肉就好juicy，夾買啲菜食簡直一流！

與朋友一起到了旺角的一起吃韓燒我們點了一個韓燒六人餐 ~~ Total $698 平均120多一個人，非常抵食首先一開始，佢送咗不少嘅前菜嚟到比我哋，有南瓜薯絲泡菜等等。 我哋六個人好快就清曬啲前菜🤣而是侍應亦都好好咁樣問我地想唔想加啲泡菜，服務態度真係一流👌跟住肉就送到喇🤩 雜錦拼盤入面咩類型嘅肉都有，唔食牛肉嘅朋友可以食五花腩肉同埋雞肉😋燒到剛剛好的五花腩加生菜再加麵豉醬食一流😍仲有期待已久的豬手， 豬手皮好香好滑，食完感覺皮膚都好左😍我試將豬手放落烤盤烤烤先食~~ 暖立立滋味更好😋見到八爪魚鍋時真係十分驚喜🧡 大大鍋湯~~ 但我地太心急，未煮得太入味就開始食~ 所以味道較淡 但煮耐d後 等湯收收水，味道就更好了韓式八爪魚湯配白飯一流😋 我地最終清晒一鍋湯感覺幾抵食，服務都唔錯，一大班朋友想去食韓燒傾下計的話，會係唔錯選擇💪🏻