梨滿園韓國料理 (已結業)

今天又是忙碌的一天，放工之後，特別想要罪惡地大吃一頓。之前朋友推薦任食炸雞🍗今天就過來嘗試一下餐廳就在女人街，地鐵出來，走五分鐘就到了。這棟大樓全是好吃的，有機會下次試試隔壁家。環境還算不錯，坐著也舒服😌餐前有韓國🇰🇷小菜可以選擇，很開胃，我選了最愛的南瓜🎃泡菜還有土豆絲！炸雞是鮮炸的，所以稍微等了一下。有沒有很誘人😍每一種味道都叫了一下，就是要嘗試不同！最喜歡還是秘製醬油！姜蔥味，甜辣味也不錯！蜜糖味跟芝士味，普普通通，不過每個人的口味不同，如果我室友來，一定喜歡芝士味！各有所愛！還點了人參雞湯！補補身體！果然有效，喝完我就很困，想要睡覺了💤雞湯不油膩，很滋補有甜甜的回味！還是很不錯👍的

不嬲對韓國炸雞都好有好感，真係好鬼好食嘅嗻！！老婆今日帶我去而家食我哋食親韓國嘢都一定會嚟嘅〈梨滿園〉，佢話最近有做埋〈90分鐘任食韓式炸雞〉，聽到都即時心心眼！初初仲以為任食會好貴，但原來只係百鬆啲蚊嘅價錢，真係抵到爛！！除咗食炸雞放題之外，都仲有好多人叫返平時嘅韓燒或者韓國菜式，之前食過都覺得質素好高架！食韓國菜一定會有好豐富嘅韓式小食做前菜，樣樣都好好食，老婆轉過頭就已經食曬六碟。食炸雞又點可以冇啤酒，而家仲做緊買二送一特價，點可以唔啤啤佢。🍻五款口味嘅炸雞分別有〈芝士味〉，〈薑蔥味〉，〈秘製醬油味〉，〈甜辣味〉同〈蜜糖味〉。急不及待先試下面頭鋪滿芝士粉嘅〈芝士味〉！！滿滿嘅芝士粉為熱辣辣脆卜卜嘅炸雞更添〈芝〉味。🧀〈醬油味〉少少鹹鹹地，非常香脆可口，好惹味。平時比較少吃到韓式炸雞係有〈薑蔥味〉，但原來皮脆肉嫩嘅炸雞上面加上薑蔥絲吃又別有一番風味。食完炸雞，個肚有小小漲漲地感覺，好想飲啲辣嘅湯去解解油膩，所以就點咗〈辣泡菜湯〉入面仲有好有豆香嘅豆腐同埋腩肉片，酸酸地辣辣地，飲完即刻舒服曬。

講到要食韓國菜，就一定要去返地道嘅韓式食店先可以嘗到正宗原味道是常識吧！！之前食韓國嘢都好多時會嚟而家位於旺角嘅〈梨滿園〉，老闆娘係真正的韓國人，對自家出品非常有要求。最近仲新出〈90分鐘任食韓式炸雞〉項目，晚市時段都只係每位$128，今日就特登同〈獅子老公〉嚟瘋狂大吃！！好在有之前打來book定位，店內座無虛設喔！食韓國菜當然有多款韓式前菜小食，咁先最正宗！！食完前菜冇幾耐就係我哋期待已久嘅〈炸雞任食〉，有五款味咁多，包括圖中左邊嘅〈蜜糖味〉同右邊嘅〈甜辣味〉。另有圖中左上角嘅〈秘製醬油味〉，右上角嘅〈芝士味〉，同最下方嘅〈薑蔥味〉。款款炸鷄都熱辣辣又啖啖肉，脆卜卜得來卻油脂適中，咬落口有著炸雞的油脂香但又不會過於油淋淋，好好食！！但最愛都係〈蜜糖味〉，少少甜甜地但又唔會話太濃太黐立立，影響炸雞的香脆度。另外〈甜辣味〉都非常得本小兔歡心，微微的辣令到炸雞更惹味最欣賞店家的炸雞是完整一隻去整一碟的，所以絕對每個部位都可以食到。唔會話全碟都係唔同雞嘅A部位，隔籬枱就係全部都係唔同雞嘅B部位。（我試過去其他鋪頭食雞煲，結果食極都係雞頸，好奇之下將所有雞頸駁埋一齊，結果有半隻手咁長，想嚇死人

每月必到的一間餐廳🤭，價格合理🤗，食物新鮮☺，牛肉好味，抽氣好勁🌬衫衭無味🤩，生牛肉係我黎呢度的動力！每次想起生牛肉絲及燒肉，對腳會自自然然行到黎，梨满園品質有保證 喺呢啲咁嘅年頭旺角租金咁貴都仲有特價晚餐🍛🥣🍚, 有湯有飯🤗☺又有配菜🥳🍻 真係豐儉由人！讚😍

●超值四人餐($488)●性價比算係合理嘅一個超值四人餐包咗燒肉拼盤(五花腩&雞脾肉&牛舌&牛肉)，薯仔雞鍋，泡菜煎餅，鹽燒鯖魚同埋白飯汽水由於我對牛肉敏感 所以就幫唔到大家試啦🙏五花腩油脂比例都幾好 有豬味得黎唔會太羶但我更加鐘意雞脾肉💓 因為醃得好夠味 黑椒味真係好香薯仔雞鍋又係正嘢 最正嘅唔係薯仔or雞 而係啲啲粉絲!!!!粉絲炆到入曬味 但係仍然咁Q彈!! 撈飯食一流!😍💭💭💭好味(⑦.⑤/⑩)抵食 (⑦/⑩)💭💭💭

在繁囂的旺角裏，不難找到好的食肆，價廉物美經常在附近，但要搵一間心儀嘅食肆都幾難，今次呢間餐廳有朋友介紹都幾好食㗎。在女人街中，你會發現人來人往，感覺有啲壓迫，但想到呢間韓國燒烤餐廳，你會感覺到寬敞及舒適。一場黎到，就要一試鮮蛋撈生牛肉，菜式加入麻油、芝麻、蒜頭及雪梨條，十足韓式風味。而新鮮牛切成細條，入口即溶，加上麻油香味，蒜條辣味及雪梨嘅甜味，錯綜複雜令味覺有一番新嘅感受。你一定要試。再來點咗一度紅燜牛肋骨，一嚿嚿嘅牛肋骨，被燜成軟綿綿嘅牛肉，入口非常有彈性，而最重要嘅係醬汁，非常美味，再加上紅蘿蔔及蘿蔔，攞嚟撈飯食到舔舔脷。嚟到韓式餐廳，又點可以唔點人蔘雞湯呢，人蔘帶有甘甜鮮味，湯中有半隻雞，肉質鮮嫩可口，而我最鍾意食嘅就係放落湯中的白飯，因吸收了湯中的精華。總結這餐廳方便就腳，價廉物美，如有朋友再去旺角不妨一試。

旺角食韓式燒烤多到不得了，今次朋友介紹選了這間，香港食韓燒不過不失大都是差不多，今次同朋友來介紹左韓式肋骨肉和濟州島黑毛豬柳，韓式雞肉石頭鍋飯。一落單後韓式免費配菜馬上送上檯面，豆角，土豆絲，酸蘿白絲，南瓜，韓式泡菜，和芽菜，再送上蘿白湯，每帖配菜都能夠做到好食，非常難得。兩種肉類同時送上，韓式肋骨肉同埋濟州島黑毛豬柳，肋骨肉是醃製過跟出邊唔同，用了醬油醃製肋骨牛肉，與眾不同非常特別好味，而濟州島黑毛豬柳也是醃製過的，豬是用泡菜醬去醃製，換言之食落去兩種各有特色，牛的香濃肉味，豬的肉味濃厚，用新鮮的蔬菜及生蒜包著肉去食簡直是絕配，石頭鍋飯也非常好味，夠熱夠乾淨，醬汁味道剛剛好不會太鹹又有小小飯焦，正到呢。更不得不讚嗰度嘅店員好好招呼，還不停加茶👍🏻期望下次再同朋友來使其他菜式｡🏅

今次來到旺角食韓式燒烤，好耐冇食韓國燒烤因為香港的韓國燒烤唔好食，老闆娘介紹左韓式肋骨肉和濟州島黑毛豬柳，再加少許澱粉質石頭鍋飯。肉類未到死韓式免費配菜已經送上檯面，以後豆角，土豆絲，酸蘿白絲，炆南瓜，韓式泡菜，和大豆芽菜，每樣都非常精美，之後再送上蘿白湯非常清甜。兩種肉類一齊送上，分別係韓式肋骨肉同埋濟州島黑毛豬柳，肋骨肉是醃製過的，看落去他們用了醬油醃製這牛肉，而濟州島黑毛豬柳同樣是醃製過的，但是不一樣，豬是甪泡菜醬去醃製，所以食落去兩種味道係完全不一樣，牛的香濃肉味非常之好，豬的香味撲鼻，接住食完一口又一口，加上新鮮的蔬菜包著肉類減低油利的感覺，石頭鍋飯也非常好味但是已經很飽了。一定會再嚟試其他食物。

舖位難搵，一開始坐低就周身唔聚財。今日想食湯類，一個人所以叫特價餐。前菜寒酸只可以揀兩樣，冇無限量供應，不過也罷因為味道唔正中。辛豆腐湯裡面有放牛肉，大佬呀… 我對牛敏感你餐牌又冇寫，我只好夾番晒出嚟。湯有兩隻蜆，有一隻冇開蓋。我硬打開聞唔到臭味食咗，希望今晚唔會肚痾… 差唔多食完侍應將一對食燒烤嘅情侶放我隔離，但我呢邊另外一位都唔係食燒烤，分明要我地成身燒烤味，我夾硬食埋急急腳走人。埋單先知晚市加一，侍應話餐牌有寫，其實係冇！埋單$61，收$101，仲唔記得找錢$40… 認真冇下次！！

大食妹跟排好晏收工, 好耐冇食韓國嘢, 好掛住韓燒, 所以走咗去旺角嘅梨滿園燒肉。同朋友嗌咗個 , 再另加支韓國啤酒。 收工邊食燒肉邊飲啤酒, 簡直係一種享受呀~最鍾意食韓燒其中一點, 就係佢有好多前菜, 而梨香園就有六款前菜: 南瓜、豆芽菜、土豆絲、泡菜、小棠菜、醃蘿蔔, 大食妹就比較鍾意食南瓜、豆芽菜同埋土豆絲, 貪佢夠清新爽口, 可以中和一下燒肉嘅油膩。烤肉雜錦拼盤有五花腩、雞肉同牛肉, 一次滿足曬你三個願望, 正呀新鮮生菜上高鋪上一層自製醃菜同豆瓣醬, 再將五花腩蘸上醬料(麻油混合鹽), 生菜嘅清新感中和肥豬肉嘅油膩。雞肉同牛肉已經預先醃過, 非常入味, 咸中帶甜, 燒黎食－流, 配上韓式啤酒, 爽皮跟餐仲有韓式炒粉絲, 味道甜甜地, 麵身比較軟, 但混合咗肥豬肉, 同埋洋蔥, 食落好開胃除此之外, 仲附送牛骨湯。湯裏面有好多白蘿蔔, 牛骨味道都好濃郁整體嚟講, 性價比頗高, 幾抵食

小妹好耐都無食過韓燒，因為...韓燒啖啖肉聽到都肥幾磅女仔嘛...最怕肥...你懂的是日小妹同朋友仔們戰鬥左成個晏就行到腳仔都跛，自我感覺良好好似消耗左好多卡路里，比自己放縱少少夜晚食餐勁嘅於是乎黎左梨滿園食韓燒門口擺咗Menu，以韓燒價都幾抵食，唔鍾意燒嘅話都可以嗌晚餐座位都寬闊，幾好坐最後嗌咗個韓燒二人餐未開始燒，侍應上咗六點前菜，小妹幾鍾意個炆南瓜，好少食韓國嘢會有炆南瓜，通常都係甜薯仔，所以覺得個前菜幾特別，甜甜地健康得來又開胃<二人餐- 燒肉拼盤、生菜配麵鼓醬、韓式炒粉絲$238>跟住開始上燒肉喇 拼盤有三種肉牛肉、五花腩同埋雞肉份量足料，兩個人燒好夠食牛肉同埋雞肉好夠味，肉質鮮嫩，一D都唔鞋五花腩嘅脂肪分布均勻，燒完之後好香脆，生菜沾埋烤肉醬卷埋配菜同五花腩一齊食，既鎖住五花腩的肉汁又可以同生菜鮮膩，好食呢可以揀炒粉絲或者炒年糕，由於小妹係炒粉絲控，所以諗都唔使諗就揀咗炒粉絲同平時食開嘅韓國餐廳一樣，韓國嘅炒粉絲係甜甜地，好足料落咗好多豬肉同埋雜菜去炒，開心值得一提，侍應姐姐嘅服務好好，得閒會過嚟望吓燒爐會唔會太熱，幫小妹調一調溫度仲會特登過嚟教下我哋點樣包

好耐冇食韓燒喇~~心養養好想食返餐懶懶地唔想諗食邊間就去返之前黎過既MK梨滿園韓國料理價錢都係咁相宜, $50-$90一個SET, 晚餐黎講算非常OK丫~另外仲可以散叫或選擇多人套餐~好高興有韓式湯飲...蘿蔔湯~個湯好足料, 有好多雜菜, 肉味仲好濃添!韓式小菜6小碟無限添加精選牛肉拼盤 (牛肉, 牛肋骨, 牛肋骨肉)份量都幾多, 夠晒2個人食~全部牛都好鬆軟, 好淋喎~而且醃得好入味, 唔錯!好夠火侯, 燒一陣就食得~識食梗係包埋生菜一齊食啦..生菜+泡菜+大醬等等....冇咁膩之除口感十足!!!雞肉石頭鍋飯熱辣辣既石鍋飯~ 好多送, 餡料豐富!!啖啖都係送, 正再飲埋韓國粒粒飲品~呢餐真係好滿足!!

韓國牛肋骨肉 7⃣佢地好細心地去左骨，呢個位既肉超級鬆軟。而且牛肋骨肉帶有分佈好平均既油花，仲有薄薄地既筋膜。佢地醃製既調味料唔會搶左牛肉本身既味道！好好味道，大家一定要order依個肉。同埋價錢都好合理，超級多既份量都係百幾炸：）濟州島黑毛豬柳肉 7⃣濟州島既黑毛豬都幾出名，甚至有條叫左 「黑毛豬一條街」。佢地既黑毛豬肉質係比較有嚼勁！但又唔會話咬唔斷咁款，而且越咬越食到黑毛豬既香味。/泡菜豬肉炒飯 7⃣小編係香港真係食過太多香港式既韓國泡菜，完全唔酸唔辣同埋發酵都唔夠侯。佢地既泡菜無論係酸度辣度都超級正宗，酸酸辣辣既泡菜切除碎，撈埋d豬肉一起炒超級惹味咯！加埋隻流心荷包蛋，d蛋液mix埋泡菜炒飯一起食，拍曬手叫曬絕❤/蘿蔔湯 8⃣小編一開始見到呢碗湯賣相，唔係講經真係唔想飲，因為覺得好似好啖咁款（小編係重口味人士）。點知原來超級濃既牛肉味！仲飲洋蔥同埋蘿蔔既自然鮮甜！大家必飲！/蜂蜜生薑水&蜂蜜紅棗水 7⃣依兩杯野係你地腦海可以幻想到既到位，簡簡單單幾好飲。無論係男仔定女仔，都要飲多d蜂蜜潤一潤個身體阿。

呢間位於旺角女人街既韓國餐廳，人流唔算多，整體環境氣氛都令人感覺到傳統既韓式餐廳風格，餐廳可以韓燒，亦可以叫傳統韓式菜式，都算係好多選擇。呢幅壁畫幾靚！今次叫左碟烤肉什錦拼盤，入面有雞牛豬，雞同牛都醃左，燒完好好食，肉質好嫩，配搭生菜同麵士醬一齊食，唔會太膩之餘仲可以食得有營少少😋 而五花腩就係原味上，但好厚切，小編鐘意燒到過晒火，焦焦地咁食，豬油都晒出黎，變到幾脆口，另一面就燒岩岩好熟咁，食落又脆又正！小編仲叫左石頭鍋牛肉飯同人參雞湯，先講個飯，呢個石窩飯好勁，熱力可以維持好耐，要盡快撈好個飯，如果唔係底下就會變到好焦，就算小編keep住撈，個飯底都可以做到焦脆感，可想而知個窩有幾咁高溫，所以撈既時候都要小心😂味道方面我覺得係幾好食既，可以加入韓式辣醬，會更美味！而人參雞湯黎講，我覺得就一般般啦，雞湯冇鮮雞味，只飲到好似滾水沖既人參味，所以呢道菜係有待改善！

今日同朋友經過旺角，心血來潮想食韓國嘢，醒起女人街入邊有一間韓國餐廳好耐冇食～唔知點解覺得「梨滿園」呢個名好熟，覺得自己好似以前食過先比大家睇睇我地兩個人既「戰績」，叫左都幾多野，食到好飽好飽～首先講講我超級推介既石頭鍋飯，雖然賣相睇落去好普通無乜特別，但其實係暗藏玄機，韓式辣醬係自己另外加落去嘅，可以自己調節份量，趁着石頭鍋係高溫嘅時候將所有材料撈勻，趁熱食就會食到香脆嘅飯焦！呢個石頭鍋飯份量都幾夠，好足料～除咗石頭鍋飯，食韓國菜又點少得燒肉呢，仲要係有生菜包住食嗰隻～我哋叫咗個燒肉拼盤，有雞、牛同埋五花肉，有齊晒所有肉類，食得好過癮～另外我哋都叫咗碟牛舌黎試吓，味道唔錯。熱騰騰既人參雞湯，都好足料下，幾大碗飲到人參味，但比我想像中清淡點，雖然鹽係自己加嘅，但個湯頭可以再濃郁啲，同埋入味啲，咁就perfect la~推薦牛肉石頭鍋飯～