梨滿園韓國料理 (已結業)

今日去左旺角行街，朋友話好想食韓國炸雞。即刻上網搵資料，見到附近有間韓國鋪頭主打新推出90分鐘任食炸雞，炸雞師傅來自李家炸雞，即刻決定去試一試😋炸雞口味有以下呢5款，各款都有唔同特色薑蔥味：估唔到薑蔥口味配炸雞係咁夾，有好多香蔥配埋一齊食，中韓合壁甜辣味：有啲似食緊咕嚕雞球，醬汁都幾多，酸酸甜甜非常開胃。秘製醬油味：呢隻係我大愛，濃濃既醬油味，岩哂我呢啲重口味人士芝士味：成舊雞都被芝士粉包住，每一啖都有好重嘅芝士味，但係由於佢係用芝士粉而唔係用芝士醬，所以感覺唔會太肥膩蜜糖味：蜜糖嘅清甜配埋炸雞，真係一口接一口咁追住食。其實除左炸雞醬汁好出色之外，雞肉都好嫰滑多汁，外脆內軟😋另外我哋仲叫咗辣豆腐湯，個湯我覺得好鮮甜，望真啲，原來加咗啲蜆肉去煲，唔怪得咁鮮味👍🏻👍🏻👍🏻

今天活動係炸雞，啤酒，一聽就知係韓國嘢，冇咩疑問啩。『梨满園韓國料理』位於通菜街，亦即係女人街。突然覺得李姓人家真係勁，除咗香港嘅李超人外，韓國嘅李家炸雞都好出名，而『梨满園』的廚師就來自李家炸雞，因此呢鋪頭近排就做咗個又平又靚嘅炸雞任吃推廣活動。任吃嘅炸雞有5種口味，分别係蜜糖味，薑葱味，甜辣味，芝士味同埋秘製醬油味，蜜糖味給你甜滋滋的感覺，適合同情人一齊吃；薑蔥蟹吃得多，薑葱炸雞就第一次試，幾特别，有中式口感；甜辣味唔會太過辣，啱我口味；芝士味其實也唔錯，但姐妹們就唔太鍾意；醬油味亦ok吖。亦嗌咗牛肋骨湯，很清甜，吃完炸雞飲真係好推介；水冷麵係大家都鍾意，當然冇得輸，吃到『照鏡』，啤酒亦係『棒棒的』。

之前黎過幾次梨滿園食飯都覺得吾錯，所以今次又再返黎食。點知黎到發現佢地新出左個炸雞放題，只係128就可以任食5種炸雞，見佢好似好正甘，我地就臨時改左食炸雞😂😂。尼到每塊炸雞都即叫即炸，所以落左單都要等一陣先有得食。我地第一輪全部口味都叫左d，想食邊隻味，要幾多，直接同員工講就得。尼到一碟雞有齊吾同部位，甘就確保到吾會全部都係骨。最正嘅係醬油味，適合重口味嘅人。薑蔥味幾得意，酸酸地。甜辣味偏甜，吾會好辣。蜜糖同芝士味都好常見，尼到都做得吾錯。

心血來潮好想食醬油蟹🦀所以求其點間近近地黎試🙈平時post開好西比大家睇～今次認真同大家講🤫呢個真係大伏。。。1）價錢絕對唔平2）味道好咸3）食完之後條脷勁鞋認真有少少食到唔知自己食緊乜陣味唔係話難食但真係好咸一路食要一路飲好多好多水飲完水之後去到最尾個口都仲係有種奇奇怪怪既感覺但我明明記得之前去韓國食醬油蟹果陣並唔係咁好失望丫真係！！睇黎如果想食好味既醬油蟹都係要去返韓國🇰🇷食😭嗚嗚

去到旺角，乜都有得食。見做完運動，要獎勵下自己。就試下近金雞既梨滿園。基本野韓燒，小炒當然有。但講明獎勵自己，韓啤+炸雞當然係主打。韓國炸雞要整得好食一啲都唔易，唔可以淨係靠味粉，醬料同雞肉鮮嫩程度相當重要。一坐低，事頭婆已經熱情推介芝士同甜辣醬炸雞，而且講明要等一陣，因為要新鮮炸。結果證明係值得等待。甜辣醬炸雞皮脆醬汁香濃，雞肉線條分明，鎖住肉汁。芝士炸雞香味極濃，啖啖都有噗鼻既芝士味。一個人都食左六七舊，唔夠喉，事頭婆話不如試埋個蜜糖同醬油。就俾個機會佢。蜜糖好適合又怕辣又想過燒烤癮既人，醬油就比較特別，有啲似脆皮炸鼓油雞。最後唔飲埋個辣豆腐湯點可以總結呢餐韓國炸雞。辣味係來自傳統泡菜湯，加埋豆腐同雞蛋就啱曬我呢啲怕熱氣又鐘意食煎炸野既人。食完感覺冇其他炸雞咁熱氣，又有傳統韓國味。值得一讚係事頭婆服務態度非常專業，全場坐爆人都用心介紹各款特別菜式。食得舒服，服務亦一流，下次去旺角唔使再揀其他餐廳。

同朋友特登黎食炸雞放題，因為facebook話呢間的炸雞師傅係來自韓國的李家炸雞炸雞放題有5種口味，薑蔥、芝士、甜辣、honey同秘製醬油最鐘意係芝士雞，勁多芝士粉撒上炸雞面，有芝士味之餘，又帶有d甜味。而且炸雞真係好脆炸皮好薄，啖啖肉又唔膩， 雞肉帶有甜味，經理話因為醃得足時間另外有驚喜的是秘製醬油味，我以為會好咸，原來又唔係， 係微咸中帶甜，而且好入味，炸皮依然有脆度配韓國啤酒好relax我地仲試左鐵板芝士豬手呢碟真係令人又愛又恨，食完好罪惡，但又好好食好滿足！ 豬手炆得好稔好入味，芝士熱辣辣嘅時候仲可以同豬手夾埋一齊食。但真係要趁熱食，因係凍左之後芝士會變得硬硬脆脆口感，係另一種風味幾有咬口。另外有6款小菜係送的，最好食係土豆絲、泡菜同埋南瓜

⚠️係90分鐘韓式炸雞🍗放題呀，包五款味道嘅炸雞(🧀芝士味丶薑蔥味丶🍯蜜糖味丶秘製醬油味及甜辣味)！星期一至四晚市仲要係$128一位咋🤧好抵食呀🤩1️⃣90分鐘韓式炸雞🍗放題 $128食炸雞🍗成日覺得熱氣，但係呢度食完之後都冇呢個感覺。炸雞外脆內軟，肉質有少少似KFC👨🏻‍🦳我自己就最愛薑蔥味同🧀芝士味啦👻1. 薑蔥味炸雞🍗有好多蔥絲係炸雞🍗上面，雞有預先醃製過，鹹鹹地之外帶微微嘅清新。2. 🧀芝士粉灑滿成隻炸雞🍗芝士粉嘅鹹香味同炸雞🍗幾夾，鹹鹹甜甜咁。3. 甜辣味就得個甜字💁🏻‍♀️，我就不了。醬汁有啲多得滯。4. 醬油味用嘅炸雞🍗相對地外皮炸得冇咁脆，味道比較普通。🙆🏻‍♀️美味指數:6.24/10💡整體來講，價錢係真係好抵嘅，其實除咗炸雞之外佢仲有烤肉及普通韓式料理。不過一班人聚下平平哋都係一個唔錯嘅選擇。梨滿園韓國料理地址🐾：旺角通菜街1A-1L號威達商業大廈Deli2 1樓

平靚正炸雞放題返咗一日工好攰 就去咗女人街入邊搵食發現梨滿園韓國料理做緊食炸雞放題下午茶$108 晚市$128 就可以任食炸雞 好抵.任食炸雞🍗五款口味:▫️芝士味最鍾意的是芝士味炸雞 佢外層好脆又多芝士粉🧀咬落雞肉嫩滑▪️甜辣味因為我同店員講唔食辣🌶(韓國的辣真的不得了)所以佢比左多甜少辣的炸雞我 辣度適中 好細心▫️蜜糖味好多蜜糖甜甜地 香脆嘅炸雞沾滿蜜糖可以同時享受兩種唔同嘅口感🍯幾好吃▪️秘裝醬油醬油味濃郁入口 咸度適中 而皮不是脆的但這個口味比較普通 所以驚喜不大▫️薑葱味真的有薑葱在炸雞上 比較少見幾特別食落都濃薑葱味 有點像平常吃到的中國風味.呢度嘅老闆是韓國人 所以味道非常地道前菜可以無限refill 有我鍾意食嘅泡菜 芽菜等口渴的話可以喝柚子蜜/ 韓國啤酒🍻買二送一

之前有去過樂富間分店都覺得ok，所以最近見旺角有分店就入咗去🤔見有做緊任食炸雞優惠梗係要即刻食盡佢啦😆😆一開始就幫我地上晒五隻味嘅炸雞🍗🍗，分別係芝士，醬油，甜辣，薑蒜同蜜糖。先講我個人最愛係蜜糖，同一般食開嘅一樣，外皮加上蜜糖甜得嚟依然保留到卜卜脆😳，其次係芝士，舖上啱啱好份量嘅芝士粉，炸雞同芝士一直都係最夾🤤，之後到薑蒜味，係出面未食過嘅味，食到入面都食到這薑蒜味，應該事先有調過味，而且醬油同甜辣味就不過不失。另外仲加多咗個牛肉大醬湯，跟一個飯🍚，就咁飲會有少少咸，撈飯食就啱啱好！整體都算好食，下次再嚟過食，食到盡😋！

過二日同好友去韓國玩，今日突然想食番餐香港韓菜，上次黎尼度見到尼間餐廳食過，今日再同好友黎食 正值晚飯時間很多人，等左一陣先入座，店員先奉上小菜，有大豆芽，泡菜，南瓜，酸羅白，土豆絲，全部都醃得出色太肚餓了，先點個至愛的豆腐湯飯，豆腐湯用料十足，內有土豆，脆玉瓜，牛柳粒仲有蜆，豆腐香滑，呻一口熱辣辣的湯，個胃立即暖起來原來新推出炸雞任食，晚市$128， 下午茶仲抵，只係$108， 一於叫黎試下，炸雞有五種口味，芝士，薑蔥，甜辣，蜜糖，秘製醬油秘製醬油味，醬油味出色，醬汁唔會太杰芝士味，幼滑的芝士粉灑在炸雞上，芝士味不太濃，喜愛淡口味人仕薑蔥味，夾住絲絲䓤一起吃更惹味甜辣炸雞，整隻炸雞淋上小甜小辣的醬汁，開胃秘製醬油，喊度適中雖然炸雞炸漿有點厚，但整體食落頗惹味啤酒買二送一，食炸雞當然一定要配啤酒

好友相約旺角食飯，但又想食韓國菜，於是上open rice 找找，見到尼間餐廳地點就腳，仲要有炸雞食，一於揀尼度叫左個炸雞任食，炸雞有五種口味，芝士，薑蔥，甜辣，蜜糖，秘製醬油雞翼上灑上幼滑的芝士粉，入口淡淡的芝士香味加上鬆脆雞翼上十分惹味薑蔥炸雞，咬落蔥味又香又濃，喜歡吃蔥的人必試之選甜辣炸雞食落甜中帶小辣，夏天好選擇開胃又醒神秘製醬油，醬油味香濃，不濃不淡點埋二支啤酒送炸雞就更完美仲點左個牛肋骨，牛肋骨炆得軟淋淋好入味，嚿嚿都有拳頭咁大，牛肋骨湯底帶甜，紅羅白同羅白吸收哂湯味道又淋又甜美，加埋白飯真係停唔到口最後埋單都只是幾百元好抵食

收工好想食炸雞，就同同事去咗平時食韓燒嘅鋪頭，因為好似有個新嘅炸雞放題幾吸引😁炸雞有5隻味道揀：甜辣、蜜糖、醬油、芝士、薑蒜。除咗炸雞，阿姐仲好貼心俾咗6款前菜我地揀。食過曬5款之後，覺得雞外脆內軟，醬料都好好食。我最鍾意就係甜辣，酸酸甜甜好開胃，係韓國醬料不可或缺嘅元素。而同事最鍾意嘅係蜜糖口味，夠甜夠曬蜜糖呀。鹹味方面我地就鍾意芝士口味，每舊雞上面都有好多芝士粉，大滿足！除咗炸雞，我地都叫咗一個特價晚餐— 韓式大醬湯。落order之前阿姐仲好細心提我地入面有牛肉。大醬湯好入味，一食落就知係熬過一段時間，不錯👍🏻整體黎講野食都好抵食同好食，最重要係呢度阿姐服務真係好好👍🏻

有時掛住韓國炸雞，但香港又冇乜韓式炸雞店，難得梨滿園推出炸雞放題！之前都食過晚市，味道不錯，所以試埋佢既炸雞！佢推出90 分鐘任食炸雞，有五款味道，包括芝士、薑蔥、甜辣、蜜糖、秘製醬油味。一開始5款味都會黎少少，之後再根據客人要求再refill該口味既炸雞。我自己比較鐘意薑蔥味及芝士味，食落同韓國食到既味道好似！ 聽講炸雞師傅係來自李家炸雞tim! 而且雞肉好滑，炸粉唔算厚！薑蔥炸雞上面既蔥絲好幼，同炸雞一齊去會冇咁膩！芝士味個款係炸雞表面有芝士粉。甜辣炸雞比想像中冇咁辣，就算唔食得辣既朋友都接受到！不過因為係即叫即炸， 所以等候時間比一般長，所以記得早d落單啦！另外叫左個大醬湯，入面有豆腐、蜆，套餐會包一碗飯，撈飯食都幾不錯！另外，店員姐姐服務態度值得一讚！

去食炸雞放題然後佢不停話炸雞爐壞咗之後我食到7788費事等咁耐打算追加咗先明明已經落過單等咗半個鐘我再問多次先幫我追加等咗9個字先有幾塊雞食下但都已經落曬格都飽曬先肯幫我追加咁開放題做咩？但又收翻人頭放題價。。炸雞係好好食。但等都等到飽人有人等足一個鐘都冇碟雞最後唔食轉單點價埋單等後悔冇咁做。。。追加嗰碟都好細真係情願比正價叫大雞食算。。食到一肚氣重要咁真係唔抵唔肯幫人追加炸雞嘅炸雞放題真係唔知去嚟做咩。。。

有食過韓式炸雞 應該都知一碟#炸雞 其實都幾貴下！而且每次最多揀1-2款口味！人少嘅話想試多2款味都有困難！但估唔到依加連韓式炸雞都有得任食！90分鐘內可以任食5款口味炸雞！有芝士味、蜜糖味、薑蔥味、甜辣味同秘製醬油味！所有炸雞都可以任叫任食食，真係好爽！我最鍾意係蜜糖 味，可能本身鍾意食甜野～脆卜卜嘅炸雞表面沾滿晒香甜嘅蜜糖！外脆內軟，入面仲保留住啲肉汁！第2款推薦嘅係，連我自己都估唔到嘅#薑蔥 味 ！原來唔止表面有啲蔥絲襯，本身件雞都醃製過，個人覺得有少少似酸忌廉粉嘅味，咸味嚟計係最有驚喜！第3款當然係芝士 味！上面灑滿晒芝士粉！食落都幾香芝士味，如果可以再落多啲，再濃味啲/有芝士醬，應該會仲正！其實有朋友係會排甜辣味 做第一，因為佢係幾款之中最濃味同重口味嘅，表面會有一層厚厚嘅甜辣汁包圍，我自己麻麻地咁多醬，所以會排第4.最後就係醬油味 喇，其實佢都係外脆內嫩，不過始終醬油味嘅味道，相比起其餘4款一定相對普通，咁緊係食啲特別啲嘅先啦！90分鐘任食炸雞放題下午茶時段（3pm - 6pm）$108晚市（6pm - 10pm）　$128前菜都係任食㗎~