梨滿園韓國料理 (已結業)

今日同朋友經過旺角，心血來潮想食韓國嘢，醒起女人街入邊有一間韓國餐廳好耐冇食～唔知點解覺得「梨滿園」呢個名好熟，覺得自己好似以前食過先比大家睇睇我地兩個人既「戰績」，叫左都幾多野，食到好飽好飽～首先講講我超級推介既石頭鍋飯，雖然賣相睇落去好普通無乜特別，但其實係暗藏玄機，韓式辣醬係自己另外加落去嘅，可以自己調節份量，趁着石頭鍋係高溫嘅時候將所有材料撈勻，趁熱食就會食到香脆嘅飯焦！呢個石頭鍋飯份量都幾夠，好足料～除咗石頭鍋飯，食韓國菜又點少得燒肉呢，仲要係有生菜包住食嗰隻～我哋叫咗個燒肉拼盤，有雞、牛同埋五花肉，有齊晒所有肉類，食得好過癮～另外我哋都叫咗碟牛舌黎試吓，味道唔錯。熱騰騰既人參雞湯，都好足料下，幾大碗飲到人參味，但比我想像中清淡點，雖然鹽係自己加嘅，但個湯頭可以再濃郁啲，同埋入味啲，咁就perfect la~推薦牛肉石頭鍋飯～