桂花小幸 (將軍澳廣場)

营业中

休息中

今日去左將軍澳shopping.幾個商埸連埋一起，行街食飯又幾方便喎！！😁亂咁四圍行，係將軍澳廣場俾我見到呢間台灣料理。起初被佢的特色飲品吸引左，見佢原來有餐廳，可以坐低慢慢食下野飲下野又幾好。所以就入去食喇。價錢都幾抵食，幾十蚊一個set到。有埋湯，小食，飲品。仲唔洗加一添，自己出去收銀點餐就得！😁食台灣野 一定會諗起滷肉飯！🍚呢度既滷水蛋滷肉飯大大碗🥚一粒粒既滷肉 好吸引。滷肉不會好肥，食落唔會覺得好油膩。滷肉汁味道調味得幾好，不會太鹹。撈匀啲飯一齊食，好開胃。仲可以加錢 配小食： 滷水豆腐豆腐都好夠味，吸哂滷水汁，味道濃郁。清湯浸時菜：食咁多肉，配d菜食，清清地又幾解膩。酥炸排骨🍴炸到個外皮好香脆。不會太厚炸醬，排骨夠哂爽口，有嚼勁。沾少少醬更加好味。是日例湯：呢度既老火湯又幾好味，又足料。今日係 無花果雪梨燉瘦肉湯！味道好鮮甜，雪梨味煲到出哂味。好正。仲好多湯料食到。😋🍹飲品叫左：原味豆乳加紅豆！很好味，夠哂甜呀。豆乳味濃郁清甜。加點紅豆，加點口感。👍👍奶蓋桂花烏龍茶🍵芝士奶蓋濃味，加點清新既桂花茶香味。又幾match喎！😋

喺將軍澳行行下街，見到有間台式飲品店，即係俾佢吸引左。望多兩望，發覺原來係連住cafe，反正都肚餓就決定入去醫肚。雖然鋪頭唔大，但都坐得舒服，卡位牆身有d文青裝飾。入座之後，睇完想食咩就要出收銀處點餐，要記住自己坐的枱號。餐牌上有好多款定食選擇，心大心細之下，最後決定食新出的士林胡椒豬肚湯定食同酥炸排骨滷肉飯定食。另外再加埋小食：涼拌貓耳朵、黑醋茄子同麻辣豬耳。落單一陣，所有食物都好快到齊！首先試左小食，推介黑醋茄子🍆茄子煮得夠淋，而且好入味，醋酸甜甜好開胃。貓耳朵好爽口，豬耳食落有少少麻但又唔會太辣。滷肉飯定食包埋一碗蟲草花雞湯超足料！又有雞又有好多蟲草花同杞子，飲落好鮮甜。酥炸排骨外皮酥脆，內裡又夠juicy，加埋千島醬就perfect池！滷肉飯唔會太咸又唔油膩，仲有個上湯娃娃菜中和返，成個定食配搭岩岩好！至於胡椒豬肚湯定食，個湯飲落好有胡椒味但又唔會嗆喉，豬肚同咸菜份量好足，送飯食一流！最後跟餐加左杯芒果綠茶，估唔到芒果味咁濃郁，但茶底偏淡，對食完咁輩富大餐的我起唔到消滯的作用⋯⋯哈哈

今日同朋友黎將軍澳，見到桂花小幸幾多好評下午茶三十幾蚊一碗面，幾抵食朋友未食lunch，所以我地每人order一碗面一杯飲品，再share幾款小食鹽酥雞扒面＄36（麻辣＋＄3)岩岩炸好，熱辣辣外皮好香脆，肉質好滑好juicy面質彈牙，幾中意呢種口感麻辣油另上，好細心，可以試完清湯再自已調較辣度推介牛肚米線＄36朋友話米線唔會太淋，好滑牛肚爽口，清清地幾好味炸花枝丸＄23小食之中最推介！熱辣辣、脆皮之餘口感好彈牙，有一粒粒花枝椒鹽好香口，大大粒好滿足！桂花雞翼＄23好多人話呢個好味其實即係炸雞翼配桂花蜜糖，出面未食過，都幾特別雞翼好脆，不過一定要熱食，放耐左會好硬煎餃子＄28餃子煎到脆身，皮唔會太厚餡料有肉汁，唔錯珍珠奶茶＄18勁大杯！最怕珍珠唔熟，入面硬身呢間珍珠好彈牙，奶茶幾滑，少甜岩岩好食物質素不俗，大大份，價錢相宜整體性價比高環境同坐位舒適，裝修同擺設有心思特別想讚下服務質素朋友同我自已揀左二人座位但叫左幾多野食，張枱有d逼食到一半再上菜既時候，職員主動問我地洗唔洗轉卡位仲幫我地搬野食，全程好有禮貌好貼心

呢日同個friend去將軍澳廣場閒逛，行到咁上下又到食晏，咁啱見到呢間食店佈置得幾特别幾雅致，心諗不妨試一試。店名叫桂花小幸，裝修風格滿滿台灣文青小食店 Feel，坐低叫番幾款台式食品，飲杯珍珠奶茶，驟然有種置身台灣嘅感覺，唔錯，唔錯。睇吓餐牌，呢度以台式美食做主打。咁又点可以唔叫番碗牛肉麵呢！點咗個三盛牛肉麵，配紅燒湯底，麵一上來，賣相不俗，先呷一口湯，香濃中帶點微辣，所謂三盛，即係腱心牛肉、牛腩、牛丸，不過今日冇牛丸，店家用咗花枝丸代替，麵入面仲配咗紅、白蘿蔔，麵質煙韌有咬口，味道鮮美，真係冇揀錯。😋同行友人就order咗個胡椒豬肚湯定食。上枱一睇，份量足，夠抵食。湯頭微酸微辣好醒胃，豬肚有咬口，配埋中式芹菜、鹹酸菜同娃娃菜，好好送飯。另外我哋仲配咗幾款小食。桂花鷄翼，炸得香脆嘅鷄翼，配上淡淡桂花甜漿，味道不俗，别具特色。涼拌黑醋茄子，賣相精美，酸酸辣辣，非常惹味。再加一碗紫菜魚丸湯，真係夠晒台灣地道風味。最後歎番杯我至愛嘅香濃珍珠奶茶，今餐真係食得圓滿又滿足。

到了將軍澳商場，見到有間台式料理店，望入去都幾舒服，有文青風格。好喜歡他的佈置，很有家的感覺這間餐廳先可以半自助形式，看完餐牌後直接出去收銀處點菜。點完餐後，會有店員親自為你送上，十分方便。😄今次點了一個晚餐，會附送燉湯及時菜，🤤梅子炸雞翼及墨魚腸片👍🏼另加兩杯大大的飲品。當店員為我們送上晚餐的時候，覺得很驚喜，大大份的晚餐，一定夠食。我們離開餐廳時，差不多晚上八點，座無虛席。

餐廳有啲勵志嘅文字，同埋一啲清新嘅裝飾成個感覺好文青，哈哈～【酥炸排骨滷肉飯】豬扒超大塊，真係炸得好酥脆，但係又唔覺油 另外仲有個沙律醬，就咁食或者點醬都好好味滷肉飯加咗蔥花，賣相唔錯味道啱啱好，唔會整到好鹹～晚市套餐仲有個菜同湯，相當豐富估唔到個湯咁多料 因為加咗雪梨，所以飲落清甜滋潤！唔係普普通通嘅例湯咁㗎【三盛紅燒牛肉麵】有牛𦟌、牛腩同牛丸，牛𦟌厚而不韌湯底充滿藥膳味，好濃郁牛肉麵麵質有咬口，非常好食 【椒鹽花枝丸】花枝丸入面有彈牙嘅花枝粒粒，脆卜卜，唔係粉團～【芝士奶蓋桂花烏龍茶】呢度有好多有特色嘅台灣飲品杯嘢都幾大杯，如果芝士奶蓋再厚啲就更好喇不過桂花烏龍茶真係好香桂花味，好清新！

至愛呢度嘅蜂蜜檸檬盧薈果茶, 平時經過都會買嚟飲~一直都想試試堂食,可惜假日大多數都人頭湧湧~今日終於的起心肝約朋友試一試佢嘅下午茶~裝潢不乏小品擺設, 簡約田園感~叫餐以自助形式,價錢非常便宜~鹽酥雞排係台式餐廳必試菜式~鹽燒雞排麵就食得多,今次就試試呢度嘅米線點先~ 又唔錯喎~ 米線腍滑微彈~再加隻滷蛋,滿足多個口腹~紅燒湯底有小小辣,味道分外驚喜~鹽酥雞排好香口,鹽酥香撲鼻,可以一試~小食桂花雞翼及香煎餃子~餃子充滿肉汁,餃皮無因為煎過時而變乾或靭~飲品當然亦都係蜂蜜檸檬盧薈果茶啦~最後叫再咗個台式肉鬆吐司~扮吓文青嚟呢度食吓下午荼又唔錯喎

有時不需要甚麼破大費，只要和重要的人在一起，簡簡單單的吃一餐，就是平淡的小確幸今天難得和老公一齊放假，所以便近近地到將軍澳行下街拍下拖，到吃飯時間見這間〈桂花小幸〉很多人光顧，就試一試吧！！等位嘅時候仲可以光顧一旁的〈小幸茶硏社〉，享受果茶或其他茶品。🍵🍵🍵等咗一陣終於可以入座，簡樸的文青風格令人有種很舒服的感覺。〈手拍小青瓜〉先來拍青瓜隻這個小食，爽爽脆脆加上淡淡的蒜香，沒有嘩眾取寵的味道，卻有著家的感覺。🏡🏡🏡〈麻辣紅油水餃〉水餃皮不厚實，內裏是飽滿的肉餡，配上麻辣並重的醬汁一起吃，滋味又滿足。〈酥炸雞扒滷肉飯（燉湯套餐）〉愛好臺灣美食的我們什麼也想吃，就先來一個燉湯套餐吧！！有燉湯外還有上湯浸時菜，好健康呢~~〈無花果雪梨蘿蔔瘦肉燉湯〉先呷一口熱辣辣的燉湯，暖在心頭！！燉湯有著無花果的清甜，加上雪梨的清潤，喝得非常舒服，有種清心潤肺的感覺~~〈酥炸雞排〉雞排外層炸得酥脆香口，雞肉保持著微微的油潤，香滑多汁，不乾不柴。🐥🐥🐥〈酥炸排骨滷肉飯〉即使單點一個排骨滷肉飯都好豐富呢！！加埋剛才的燉湯套餐，兩個人吃就剛剛好。〈酥炸排骨〉排骨的脆漿完全不厚喔，絕不是吃完後口腔上顎會損的那種！！

今天放假來到將軍澳廣場的桂花小幸享受美食，餐廳報置悠閒舒適的感覺，牆身的裝置很有意思，很有台灣文青的風格。一看到餐牌，林林總總的台灣美食和飲品，每樣都很想吃，我們選了兩客定食，士林胡椒豬肚湯定食（配白飯）， 鹽酥雞排滷肉飯以及一客小食，滷水拼盤。飲品選了凍奶茶和凍咖啡，加配了咖啡水晶，味道出奇地搭配 ，而且咖啡香，奶茶滑，單是飲品已很高水準。士林胡椒豬肚湯定食-爽口的豬肚，香濃的胡椒湯底，內有白果，酸菜，白菜，非常醒胃及足料，配飯一流。鹽酥雞排滷肉飯，滿滿的一碟雞排，肉質嫩滑，香脆可口，滷肉很入味，滷肉跟飯的份量很足，這個定食滿足感很大，滷肉飯跟鹽酥雞排同時滿足了兩個願望。滷水拼盤有雞翼，牛肚，滷水蛋，牛𦟌，每樣都很入味，滷水汁的味道剛剛好，不會過咸，特別一提牛𦟌有入口即溶的口感。整體來說，性價比高，這樣的價錢能吃到如此水準的台灣美食，實在難得，而且店內播著耳熟能詳的台灣歌，心情都十分愉快，座位坐得舒服，環境也相當不錯，下次都必定會再光顧。

「桂花小幸」台灣料理，經過親都好多人排隊，今日終於一試！八點幾去到全場都full，等左十幾分鐘先到我地，裝修得好靚，好文青，環境舒服，入面仲有兩張大枱方便一班朋友黎食依度係自助點餐，有專人送上枱，甘就免加一最愛飲湯既我叫左燉湯餐炸排骨同平時台灣鋪頭唔同，用上吉列豬扒，炸粉好薄，豬扒唔油膩，估唔到台灣料理都會配有千島醬絕配～點左又會冇甘熱氣。滷肉飯瘦肉佔多，帶點肥肉，香濃不肥，飯分量多，夠晒男仔食飽。反而滷肉分量多返就最好喇無花果雪梨燉湯清甜～足料，冇味精。讚三盛牛肉麵牛丸：大大粒，有兩粒牛腩：入味，炆得夠霖，剛好俾到帶肥肉位置，入口非常嫩滑。牛展：一樣炆得夠霖麵底，幼麵彈牙，不錯成碗麵，最重要既就係湯底，最正亦係湯底，濃郁牛肉湯味，再帶點微微辣越食越開胃推介)))煎餃子🥟煎到好靚仔，金黃香脆入面有湯汁，好好味！食既時候，小心燙咀～燉湯餐cp值高，有燉湯、滷肉飯、炸豬扒仲送左娃娃菜，只係$76蚊唔夠既仲可以加幾蚊就有其他小食選擇

桂花小幸先論餐廳​​環境。餐廳面積不大，台數不多所以晚餐時段多數要排隊。但餐廳裝修花上心思，牆上照片，書架，和其他裝飾都富有格調。食物方面，先評論傳統台灣美食 - 。紅燒牛肉面湯底濃郁且帶有輕微辣味，美味之餘給予少許刺激感牛肉軟嫩入味，嘗得出廚師有花時間烹煮作為配菜的白蘿蔔亦煮得通透無渣。至於豬手，烹煮非常足夠，入味之餘，入口時滿口膠質。我雖非豬手愛好者，但亦能嘗出廚師的心機。其他小吃，如鹵水蛋，手拍青瓜，上湯白湯等，表現不過不失，珍珠奶茶亦相當不錯。

將軍澳向來都係美食荒漠，除左d大型連鎖店之外，無咩特別好野食作為調景嶺既居民，有時都要行遠d先有返d好野食難得係將軍澳廣場開左間特色台灣店，就梗係要去試下啦成日都見到排哂長龍，質素都應該有返咁上下！間店係中銀對面，好易搵！除左餐廳之外，門口仲有得買台式飲品餐廳佈置好有特色，亦都幾有心思坐係到食野都忍唔住欣賞一下店主既心思坐位方面應該都唔預大家坐得太耐有d位有椅背，有d位就好似圖中既木椅不過整體黎講都好闊落，坐得幾舒服，亦都傾到計！食物種類多，粉麵飯同小食，樣樣都有樣樣都想食，好難揀價錢唔算貴，係將軍澳黎講都算得上係窮人恩物，譚仔以外既選擇！大家揀好野食之後就出去門口位置落單最開心係好多飲品揀，好似去左台灣咁一次過滿足左幾個願望介紹左咁耐，終於都到介紹野食喇鹽酥雞扒麵，聽個名都已經夠邪惡！湯底有幾個選擇，包括紅燒牛肉湯，清敦牛肉湯，同埋清雞湯！我就揀左預設既紅燒牛肉湯個湯底有少少辣，但係唔會好鹹，我唔太食得辣都接受到！d麵好彈牙！真心幾好味！雞扒炸得岩岩好，唔會太乾我仲加左隻鹵水雞蛋，$6，好抵食食麵點少得加雞蛋呢屋企人就叫左三盛紅燒牛肉麵真心好抵食，亦都好足料！有腱心牛肉，真心好軟，好

桂花小幸是一間位於將軍澳廣場的台式小店、裝修較有台灣悠閒風感覺、牆上放著各樣小擺設、簡單窩心的佈置令人有家的感覺。晚市有各樣滷肉飯、牛肉麵、小食等提供。餐廳旁邊還有專賣台式飲品、 珍珠奶茶、奶蓋等的櫃枱。士林胡椒豬肚湯定食 $58胡椒味幾重、豬肚入味、淨喝湯會有點辣、跟白飯一起吃比較好。三拼牛肉飯定食 $78三拼有齊腱心牛肉、牛腩和牛丸。牛肉醬汁好濃、尤其喜歡牛𦟌的軟嫩、筋肉分明。我們加了$6多一碟上湯浸時蔬。桂花雞翼 $23/3隻、炸雞翼炸得夠酥脆、沾上桂花糖、甜甜的幾好食。飲品menu 超多選擇、最後還是點了珍珠奶茶、唔太甜、不錯。

早前往台北旅行後,對於地道台式食品,仍然念念不忘,剛巧同事介紹將軍澳廣場有間桂花小幸,據說食品相當地道,決定去試試未到門口已見很多人在等候芒果綠茶加椰果綠茶有濃濃茶味,加上芒果清香和椰果,配搭很清新荔枝綠茶加蘆薈同樣荔枝果味清香,蘆薈粒亦很爽香脆墨魚腸片台式豬肉腸混和墨魚汁,肉質彈牙,味道很特別特盛四寶麵(紅燒牛肉湯)台式牛肉麵條,麵質爽滑,出奇地非常彈牙,比台灣吃的更好味,豬手入味,肉質很軟滑,花枝丸彈牙,滷水旦有好濃滷水味,腱心牛展大大塊,牛味極濃三盛牛肉麵(紅燒牛肉湯)湯底選了紅燒牛肉湯,牛肉味極之濃郁,牛丸彈牙,牛腩和腱心牛展大大件但忟得很腍,味道比台灣吃的更好二人吃得飽飽,埋單都不用二百元,下次再來試其他食品

兩個人食飯，好彩有張四人檯(不過後來還是有人坐下搭檯)選好之後出去櫃檯點餐，付錢後餐點會送到座位先嚟嘅係跟餐嘅凍荔枝綠茶同香濃奶茶奶茶係熱嘅，自己放糖，唔會好似一般台式奶茶嘅死甜，味精香濃，唔錯我叫嘅豬肚麵好大碗！另外加咗個小食，三隻滷水雞翼豬肚麵有得揀湯底，因為今次想食得清淡啲，而且覺得豬肚本身已經有味，所以就叫咗清雞湯豬肚份量都幾多，大大條，清潔得好乾淨，食落好爽滑彈牙，果然冇揀錯雞湯嘅清新同台式麵條都幾夾，配上幾條白菜同蘿蔔，一碗簡單嘅麵都已經好滿足滷水雞翼都幾入味，下面拌碟有浸住滷水汁嘅芽菜，整體好有台式風味酥炸排骨滷肉飯成個定食咁上，有千島醬又有配上一小碟前菜：蒜拍小黃瓜炸排骨香酥，外裡又夠鬆化juicy，切好嘅一塊塊醮上千島醬味道剛好滷肉飯好香，不多不少嘅醬汁為白飯注入精華般嘅油分，上面嘅滷肉亦帶微甜，好啱撈飯湯餃子係用咗牛肉湯，呢個湯有點似紅燒牛肉麵嘅湯，認真品嚐更帶微辣餃子4隻十分飽滿，皮唔太薄或太厚，入面傳統嘅菜肉餡料俾人一種古早嘅味道煎餃子則較為油膩，附上餃子醋剛好作中和四隻煎香，外皮包住內裡嘅肉汁店內嘅裝潢好舒服，好有家庭嘅感覺，都幾適合一家大細嚟