校長燒肉日韓料理 (已搬遷) 新店位置

見校長韓燒個名甘趣致，我同我個fd就入左去。我食過甘多韓燒，校長韓燒係堅難食！！ 首先講d自助食物，都凍既，味道太濃，可能唔岩我口味姐。但係，估唔到連肉都差過人。。。 韓式炸肉，豬頸肉，五花肉識食一定食呢d既！d肉唔但只細舊，食落去淡過清水，完全都冇調過味。我諗我都唔會再食呢間韓燒啦。果然平野冇好！

在beecrazy買了團購票，選擇訂星期四的1700-2100時段剛好下午5時正到達，不用等位就能立即入座，入座後職員熱情講解用餐時間，方式，各餐碟用法。由於團購時已寫明包生蠔及刺生，所以每人都派左張貼紙，出去拎生蠔，長腳蟹同刺生時要show 1 show出黎先有得拎 生蠔同長腳蟹一路放係雪櫃，拎出黎都好fresh生既有好多簡:雞，牛，豬，魚，腸仔，瓜，菜，茹，蝦，壽司等等 d肉好似賣bbq食材既店熟既就似百佳賣雙送飯咁，咕嚕肉，魚香茄子等等飲品凍有百事可樂，美蓮達，七喜生啤熱飲有黑咖啡，白咖啡，台式奶茶，朱古力咖啡有人參雞湯，羅宋湯及腐竹雞蛋糖水（三個都好足料，好濃）有一d炸物，如麥樂雞，薯角甜品區有不同草餅，有2款雪糕有設健康隔油紙，黑晒可叫職員換，隔一隔油感覺d食物會好d食左2個鐘到7點幾重精彩開始有特別野，如牛舌，羊架，花之戀壽司，腐皮軍艦，焗蠔，泡芙，提拉米蘇就算真係食唔足3個鐘野食，真係坐都坐到7點後再食特別野真的如團購票寫$148由1700-2100，只再加每人$34小費座位非常闊落，成枱肥人都不怕最特別是一般呢d食店會好重油煙，食完會成身臭晒，但這間的通風做得非常好，就

團購早到十五分鐘排到頭位，見店裝修陳設尚可，二人五點鐘坐下卡位很闊落。首先試的是壽司(火炙的都有)及冷烏冬，配合麻醬吃一流，熱湯有人參雞及羅宋囗味合格。爐面見秀狀甚差一定要加油紙來燒(加$6)，俾要求高的人一定掉頭走，燒肉類甚多但試過的都肉味欠奉，靠味精搭夠，魚類有魚味還可以，燒菠蘿是爆汁必吃，甜品就得個甜字，算吃得很飽但沒預期高質素，可能由於價錢平($88一位)，不連飲品只供自助冷水，所以亦不應期望過高，唯欣慰是服務態度囗格及吃後無不良反應。留意番團購比walk-in只分別在免加一。環顧店子四週無其它用類食店或放題，當然地點及市場定位十分有利，對於一眾低消費取向的青年十分吸引，加上野戰主題佈置及制服前衛，成為排隊晚餐的地標，一節食足兩小時很多低要求的焚化爐都幫襯，可注意的是此店的收附加費option甚多，如加吃生蠔魚生或特別飲品任飲等，對喜歡微調自己個套餐的人多了選擇。

近排去元朗, 朋友話想試下一間韓燒, 叫”校長燒肉” 日日都好多人排隊 ~~~ 雖然睇食評一般, 不過價錢又唔係好貴就試下喇…可能我地9點先去, 唔洗等好耐就有位。環境ok, 裝潢幾得意。坐底發現只要加多48蚊可以任食埋生蠔~因為我好鐘意食生蠔, 所以加左! D生蠔全部見住佢即開, 非常鮮味! 其實平時生蠔平極都要20蚊隻, li度加48蚊任食. 所以食3隻已經回本! (雖然開蠔果個人開得有D慢…)啖啖肉! 有驚喜~至於刺身, 都算肥美, 都係加多40任食!!!種類唔算多, 但有我最愛ge三文魚、帶子同蝦, 每款都好鮮甜~~~ 唔係樓上講咁差, 其實都好抵!!不過食左4, 5 舊3文魚已經飽飽地,所以其他BBQ肉類唔係食到好多, 食左5花腩同少少牛仔骨, 5花腩肥而不膩, 入口好香! 值得一讚~ 牛仔骨就“業”得唔錯, 朋友食多指魚就話有D腥~埋單2xx (唔記得幾錢)可以有蠔同刺身任食, 我覺得唔錯~ 今次因太夜同埋唔太餓食唔到咁多BBQ野, 下次一定再試!!!

行過幾次都想試下, 咁岩有團購就買黎試下, openrice劣評好多………唸住都五會好差掛, 咁多人………..點知………原來真的差….. 佢講係韓日, 其實我就認為不輪不類日式 : 就係因有刺生,生蠔…….但係團購原來無既, 要加幾十蚊先有……… 軌硬硬既寿司……..其他就睇五到乜野係日式啦韓式 : 除左所謂既無人蔘味既人蔘雞湯外, 就只有一少碟的一款泡菜……(無乜味道)一入到門口, 有個侍應拎住張紙, 話要加$6(任換) 的燒烤紙, 如果五用, 換盤要$5換一次. 見到的盤底一舊舊, 根本無人清理過, 迫住你要用佢所謂燒烤紙. 佢又省時不用清潔, 又可另外賺錢, 一舉兩得. 呢樣令人好反感, 爐具清潔係店舖責仕, 現在就轉到我地身上個d肉真係見到都五想夾, 大部份用味料奄到橙色, 係涷肉舖奄好個d……….得個甜……個d豬腩肉厚到, 都五知幾時先出曬d油. 只有牛告, 肥牛, 豬腩肉,帶子同牛肉無用橙色汁奄. 但係d肥牛係下價貨, d牛肉紅一片, 黑一片, 好似好五新鮮. D牛舌薄到五知想點………重要 一柗一隻裝生食碟…….拎幾件都滿.拎左一轉肉後, 之後都係拎d蔬菜類, 菇煩…….無

校長燒肉係元朗都開左一段時間，我一直都想試試，不過一直都搵唔岩時間 上星期四終於約到FD去喇,哈哈因為訂左位，所以一去到就入得環境都唔錯，我地3個人，坐既地方都好"闊落"雖然係燒肉店，但入到去唔會覺得好大油煙味，唔會好多煙，睇黎抽風做得唔錯 (個人好介意呢點，抽風做得唔好既話，燒到咁上下塊面就會油油的了 :ghost 當日用左OPENRICE既優惠卷，所以有得免費任飲 同埋我地早一日訂位呀，所以有雞煲送 雖然係送，但都唔差嫁，好多料嫁 去圖之後就係個食物吧喇魚生部冷盤部燒肉部熟食部款式都幾多嫁~~~~~~~~~~~~~~~~~~~~~~~~~~~~終於燒喇 我地都好鐘意食魚，所以燒左好多啲魚好入味，真係好正仲有正花腩同肥牛肥牛好厚身嫁 我地將佢放落去雞煲度整熟佢(仲好食過燒)最後，當然唔少得生蠔同魚生喇生蠔真係好好好好好好好大隻 仲大隻過某啲酒店自助餐呀!!好JUICY 以呢個價錢黎講係唔錯的不過想食蠔同魚生要留意呀要加錢嫁下次可以再試下的不過如果可以加多啲甜品既款式就好(個人係個甜品控 )

早排同我朋友慶祝生日，聽啲人講呢間野啲野食麻麻，咁人一世物一世咩都要試下既，我覺得！再加上唔試點知佢係唔係伏呢，果日同朋友book左7點，去到好快就有位了，入到去覺得環境夠大，夠舒適！咁入到去帶位既待應問我地洗唔洗加埋一張燒烤紙，收6蚊，可以無限次換，都幾好丫，野食又唔洗咁易燶，啲野食又唔會咁易痴住塊板，咁我地問野飲係唔係包埋？佢話唔係要加10蚊嫁，不過如果想唔加都可以上番openrice搵個咩任飲coupon,可以免費嫁，估唔到有生意都唔賺喎，哈哈！啲待應仲好好比左大碟叫我地裝生既食物，因為出面既細碟用黎放熟食，如果唔係好易交差感染嫁，都幾關心啲食客！好，我地燒燒下啲待應又會主動問下我地洗唔洗換張紙，又會幫我地教細啲個爐，好，其中我覺得佢地既一口牛，同牛腹扒超好食，其他肉類既okay不過味道可以再有改善，...個人參雞湯都幾足料下，啲生蚝同長腳蚧都幾好，幾新鮮！不過我覺得寿司可以再好啲，啲反比較無咁好食，成餐反最美中不足就係呢樣野，其他都無咩問題丫！。其實呢間野都唔係啲人講到咁差姐，值得一試啵@@😊

第一次寫食評！因為唔gur俾200幾蚊食呢d野！同事唔知點解好firm咁話想食呢間，於是一行五個人去左食。我地book 左位唔使等，去到發現係自助形式，咁都無所謂既。一坐低就問我地加唔加$6鋪張牛油紙，話無咁易燒燶，如果唔加而又要換塊鐵板，就$10一次。一句講哂即係叫你加囉，咁佢就唔使洗咁多鐵板。講起張牛油紙先火滾，都係咁易燶，而且d油流唔到落去，搞到不斷咁彈油，支鐵夾又鬼死咁短，次次去燒野就彈到媽媽聲！真係未試過去燒肉全程不斷俾人彈到 ！之後我地要用筷子將張紙篤好多個窿，等d油可以流落去先彈少左。除左張紙搞到無哂興致之外，最唔開胃係見到一個二個待應木口木面，有d嚼住香口膠，有d橋埋雙手係度吹水，完全唔使做咁，我心諗識做一定來呢度打工啦！做飲食辛苦我明，但我真係接受唔到無禮貌無表情既侍應。成個場得一個男侍應識講野，會教客人。至於野食野飲，零特色，你當自己去左凍肉舖咁就差唔多，好似完全無海鮮燒。埋單$232/人，呢個價錢呢個野食兼服務質素真係完全唔值得食，出面大把選擇，呢度一定無下次！

友人專程入黎元朗同本人慶生，揀左校長燒肉，貪其任食唔使諗。一早book定枱，如果唔係walk in分分鐘無得食架，好旺場。分到門口的圓枱，自成一角都幾好，但枱好細，真係幾迫下，油煙味亦超强，個抽油煙機似乎無乜用。出去攞野食先，肉類幾多，雞豬牛各樣，仲有多春魚，魷魚，蠔仔等，蔬菜有菇，翠玉瓜，青椒等，ok啦。旁邊仲有壽司刺身，各樣熱盤，蛋糕雪糕甜品。店內有要求生熟食物用唔同碟裝，但無乜人理…分開左幾個碟仔裝，攞左呢啲，望落幾吹引。蒜容包同炸餃子過左氣，擺係個爐都返熱都麻麻。燒燒燒，好香，一兜兜個啲蠔仔同粟米好好味。肉類一般，牛柳粒同肥牛片好甘香，牛仔骨都好正，其他豬肉類同雞肉類就一般。多春魚都好食，但友人唔like魚。壽司刺身，麻麻地唔新鮮，加錢嘅生蠔最失望，有陣雪味。食完咁多肉，食返啲甜品先，蛋糕已比人攞到爛哂無興，攞左雪糕，無味嘅…唔知咩牌子呢。店員幾玩得，我地要切生日蛋糕，佢又幫我地影相，唱歌，點爉燭，炒起啲氣氛，正呀！

人生第一個食評，估唔到係因为太難食，今日同朋友睇到雜誌介绍，咪去試下囉…仲要特登入元朗，勁失望....韓燒扮日式燒烤，燒烤爐如要加燒烤纸加6蚊張，如果唔係,換燒板要一次10蚊，野飲一位加10蚊，水又無杯……加錢唔紧要，野食好食都ok ar,但生蠔無蠔味，蝦，肉都唔知係唔入味定咩事，又係無味，又唔新鮮!最有味既居然係條司華力腸，成餐飯最好味居然係杯啫喱同朱古力布丁………………

住在西菁街每間食肆都幫襯過了, 唯獨校長 ! 星期六終於去左校長食放題, 本來都有小小猷疑因為openrice食評好差. 但每晚返屋企經過門口都見到有人排隊心想如果唔好食照計唔會咁好生意啦, 加上家姐話之前食過扺食, 好 一於試下…我地訂7点時段到達時門口己經人頭湧湧不過好快己安排入座, 坐靠門口張圓枱 3個人都算舒服, 待應俾左張貼紙我地話可以憑貼紙取剌身及生蠔, , 嘩! 原來連生蠔都有任食 正 …嗱嗱聲試下生蠔先, 淡水味重左Ｄ但都新鮮, 再攞三文魚刺身, 厚切同好鮮味, 最衰係要遂次出去攞, 麻煩 !肉類種類同其他韓燒差唔多, 普普通通, 不過不失 我鐘意羊架同魷魚多Ｄ, 塗上隻燒汁好好味! 攪笑既係五花腩同雪花肥牛究竟有乜分別? 我食唔出囉.. 反為我覺得佢地Ｄ醬料幾有心思可以俾人客自己調較, 一讚 ! 人參雞湯都好好味!! 但家姐話上次來熱食有豬脚好好味但今次冇左, 係味輪換 ? 反而Ｄ凍特飲唔掂, 味道怪怪 , 我都係飲番汽水穩陣Ｄ.最後食埋甜品同雪糕埋單走人. 我個人覺得咁既價錢可以接受了. 我鐘意呢間鋪的裝修配合熟鬧的氣氛, 大班人gathering一流. 不過如果下

早在上個月已經約了朋友黎呢到食飯。但見到樓上朋友的食評😣即刻想取消。不過D朋友話都訂左枱就不如試下啦！就咁一行5個人膽粗粗的入了去。一坐低個店員問我地要晤要加咩「燒烤紙」，起初以為免費。原來係要加6元。不過呢～就任用嘅。咁都好！之後又問加晤加飲品。要10元一位。點解樣樣都要加錢？？之後就即刻行出去看看有什麼嘢食。都幾多嘢食wo。仲有有生蠔，有刺身「新鮮👍」，有蛋糕「麻麻地」，有雪糕「食晤出係咩牌子，但還好啦」都係任食架！食了很多嘢。好滿足。收198元都算合理。味道好，服務都好！不過本人就覺得飲品如果可以送埋就好了！另外要讚一下D店員。都好好禮貌。又快手。如果笑容好D就好了！都晤係人地講得咁差，下次一定會再來，希望你地會好好維持呢個質素！另外要提提燒烤類食物都好好味，係帶咸左小小，其中羊架，牛舌。本人覺得最正😍還要讚下D杯仔啫喱，多味道選擇又好味👍

老公係街見派傳單，咪上Open rice睇下，勁多劣評，之後比我發現 Open rice有優惠晚市早段5-7pm$88一位，又話要訂位，老公甘岩今日放假，甘平劣評都去望下點情況。一去到已經5:15pm，入面有7桌人，仲有大把位，環境又幾好，咪問下咩價錢，無訂位，真係平咪入去坐，坐下等左一陣係無人理我地，咪自己走去取東西吃，當我掉左食物入去燒時，先有人話可以加錢放張油紙在爐上墊住，頂！都燒緊，等燒完一轉先，而飲品更係食食下野先走來問，要每位$10-啤酒又要另付。其實D仕應講野都好有禮貌、收費都講得好清楚，但係慢十拍，點解帶完我地坐下唔即講呢？到食物，其實好多網友都寫左，甘我講早段無乜食啦！無特大海蝦、珍寶帶子、刺身、生蠔！以上的食物在7:00就有，當然價錢貴D食物味道是淡了一點點，但我喜歡😆😆，因為可以加不同醬料自己調味，桌面一早有七味粉、黑胡椒、海鹽，而出面食物桌也有6種醬選擇。燒物有2大格，熟食1格，飲品1格，2湯1糖水，冷盤1格，雪糕1格，仲有少量啫喱，蛋糕，和果子。有網友話無牛仔骨，今次見有。我覺得OK架！老公更話正價200都想試下，睇下D蝦係米真係甘大隻！(加錢項目：普通飲品$

見前排有做團購，幾抵就去左試下。不過就好失望，野食唔算太多，而且質素都好麻麻。首先，上手用完個鐵板其實都唔太乾淨，但係佢又唔換，態度仲有惡惡地咁，咁只好照用喇，但燒既時候好快會有焦囉。之後，d肉就得好少款式，得最普通既豬同牛。而且佢既肉食落怪怪地，感覺上有少少壞，同埋明顯無味。其他熱食仲好食過d 肉，又唔包野飲。如果係食鐵板燒既話就一定唔會揀佢囉。

屋企人買左團購，專程去試，等左唔係好耐好快有位。入到去一坐低，環境OK但出面拎的食物就麻麻地了。問問下原來團購唔包刺身的，要另外每位加錢 ，另外飲品每位加10蚊，為了唔令個爐出咁多炭屎，要加張牛油紙，另付$6 肉類無咩味，天時暑熱之下沒有放入雪櫃，飲品是葯水味的青蘋果汁，還有「康師傅」綠茶，真唔開胃，甜品係啫喱同好難食唔知咩牌子的雪糕。晚上返到屋企疴足一晚，立即見效，今早請病假，睇醫生証實食物中毒，我以後不再來。