校長燒肉日韓料理 (已搬遷) 新店位置

自從屯門果間任食韓燒執左 , 真係好耐冇食過啦 ,就算之後開左2 間新都冇試過 , 因為好多人都話貴 ,點知同細妹傾開計話想食 , 佢就話係元朗見到有間可以任食 ,價錢又大眾化 , 即時搵日去試下先 .校長燒肉日韓料理元朗西菁街389號富達廣場地下G14號舖9 點前入座都係 $168 任食 2 小時 ,仲可以加 $48 或 $68 升級食刺生 , 生蠔或松菜蟹段 .見到出面林林總總既美食 , 有壽司 , 熟食 , 肉類等等 , 真係流晒口水 .肚仔餓既關係 , 第 1 時間拎左D 即食既 ,有刺生 , 壽司 , 生蠔同松菜蟹段 ,刺生即叫即切 , 好新鮮同肥美 ,壽司就不過不失 , 松菜蟹段夠晒大隻啖啖肉 ,生蠔都好鮮甜但就隻左D .之後梗係到韓燒時刻 , 首先會放左紙係底 , 用來索油 , 接住就放埋D 肉就OK 啦.係等緊既時候都唔會浪費 , 整返個沙律先 , 食完肉可以幫助一下消化同去油滯 .短短 2 小時 , 出出入入都未停過 , 實在太多野食啦 ,有生有熟 , 等緊燒生野時 , 就出去拎熟食 , 成晚個口都冇停過 .仲有飲品同甜品都係任飲任食 .終於留返D 時候食下甜品喇 .

今日小件放假，說在荃灣吃到悶悶地，不於入去元朗尋食！難得咁有興致，二話不說就搭西鐵出發啦！荃灣入去都係15分鐘咋嘛!其實我們可以去到元朗站或朗屏站行10-15分鐘落去大馬路，但我們放工後太攰啦！所以選擇在元朗站轉輕鐵，原來有轉乘優惠架！輕鐵免車費！^^我們行左去千色匯附近，見到呢間排緊隊，心諗唔通好好食？咁我地就排埋一份啦! 說真的.....我真係好耐無光顧過這類任食任飲場啦!確實有點興奮呢!!!七點半準時入座，場內環境都算大，唔知做咩要有咁多飛機做裝飾！主題？我們就是坐在靠近窗邊的卡位，總算是有梳化坐！GOOD~~~~~~~職員帶我們坐低之後，就跟我們講解食具用法啦！枱上的大碟是用來放生肉的，其它熟食可以用外面的長方型小碟盛載。如果食用時發現有食具不足，可以通知職員拿取所需。枱上有豉油，海鹽同埋辣粉，如果你額外要什麼調味，就要問下職員有無啦！聽完講解就出動啦！睇下有咩好食先！靠近我們的是壽司及刺身Bar，每次限拿最多三種刺身，有蝦，三文魚，希靈魚，蟹柳，螺肉，帶子等。仲見到有日式沙律添！再行過Ｄ就是生肉類啦！都幾多選擇架！因為呢度主打韓日式，所以你會發現港式得來，又會有些食物好韓式又

今次係第三次來，但有機會是最後一次，記得上二次來已經是年頭的事，見之前都幾好，環境又好，D侍應服務又晤錯，門口個大眼姐姐仲要好有禮貌咁，加上而家D食評又好左咁多，心諗無死喇，所以咪特別帶D朋友入來元朗試下，點知～除左用失望之外，我想不到另一個形容詞！我地一行四人大約7：30去到就即刻有位，但坐下來後就發現，除左晤駛等位同真係多左抽獎外，其他同我上次與及上面的食評都有好大分別，另到從來晤寫過食評的我都要抽時間學人寫一下，不吐不快！首先係食物 燒烤食物：韓式燒烤點解是重慶串燒的味道？味道很不好，口感亦「妹妹的」！熟食食物：款式都幾多，味道可以啊！壽司：我未食過咁硬嘅壽司，感覺不夠新鮮，另外師傅又不佩戴口罩同帽，這樣很不衛生呢😨！剌身：款式同味道都還可以，可能呢樣是不用烹調及製作吧！甜品：啫哩是有色無味，還有一些不知是什麼的布甸，但個容器是立痴痴的。蛋糕及雪糕的味道好味！飲品：是百事及康師傅，熱飲是雀巢的，沒有什麼好或不好呢！講真我們都知道食物嘅味道係好主觀的，不過我們真的覺得不好吃！但服務、地方同清潔就😨😖太差了！員工：今次係無人會主動來收碟的，有的在呆，有的在吹水，有的在食嘢，唉～咩管

近期，韓國驚爆 MERS，令愛好到韓國旅行、Shopping、飲飲食食、追星的韓迷一一卻步！前排，BeautySearch 就係自己嘅美容 Blog 中介紹左大家係香港也能狂掃韓國護膚品、化妝品、衣服鞋履… 還有零食同女士用品的好去處。今次，為食嘅我，就介紹一間可以被大家狂掃的日韓料理店 -- 《校長燒肉日韓料理》。店子的設計很獨特，一點校園的感覺也沒有，原先見店子命名為「校長」，還以為這裡充滿校園感覺，豈料，這裡的佈置應該是學生放學後喜歡前來聚腳的好地方。店子用上不少鐵絲網作分隔，而且，鐵絲網上懸掛了不少草葉、鎗械、模型等等，再加上塗鴉的點綴，即時令我有種置身於 wars game場地的感覺。食物方面，種類也非常多，包括有沙律、壽司、刺身、不同的BBQ醃肉(豬、牛、雞、羊)，還有熟食、湯類、甜品及雪糕等，實在太多太多，不能一一盡錄。入座後，侍應會將吸油紙放在爐上，雖然吸油紙燒燒下都會燶， 幸好侍應會定時望下各檯的情況，無需客人開聲，已主動替大家更換，這樣不但更乾淨、更有效率，而且比起舊式要成個爐的鐵板更換更為安全，很不錯喔！蝦子餅係「食肉獸」，當然不忘先來一碟全肉來烤，當中有雞、牛、

入元朗同舊同仕食飯，佢地建議食燒烤，之後到左一間叫校長燒烤的食店。夏日炎炎，好彩入面冷氣夠凍，行入座位前，路經食物區，見到有很多不同肉類和海產、蔬菜等，又見到刺身，壽司和各種熟食，撰擇甚多，舊同仕果然無介紹錯。飲品選擇不算多，但勝在夠凍又夠多，任飲唔洗講，講到韓燒肉類，羊扒夠騷，牛扒軟滑彈牙，豬頸肉爽脆彈牙，雞肉嫩滑新鮮，各種肉類肉質鮮嫩，香料入味，最後味道就視乎主人家對時間的掌握。店員定時為我地換過濾紙，以免燒肉類時容易焦燶。三文魚刺身新鮮爽口，炸魚柳配沙律醬好味非常。長腳蟹任食，肉質鮮嫩清甜爽口。最令人驚喜是有現場抽獎，雖不是什麼大奬，但可見店主的心思，尤其是店門 reception 個位靚仔仕應，服務態度一流，大熱天時重保持微笑歡迎顧客。整体而言，校長燒烤肉類撰擇豐富，味道一流，服務態度細心又熱心。與朋友聚會邊食邊燒，適合之撰。

已經進入了SUMMER一段時間了, 炎炎夏日大家又好想BBQ喎, 但天氣實在太熱了, 真的會曬到傻, 不過當然大家都可以選擇室內的燒肉店, 今次我就跟朋友來了元朗這間近期人氣不俗的日韓主理式燒肉店!!地點位置蠻易找, 是在大棠站千色店的附近, 約了朋友七時左右過去, 已經很多人在裡面開動了, 還好有位置, 眼看地方雖然不算太大, 不過有個明亮的招牌, 內裡的裝修也很WAR GAME FEEL, 而且還有些HIP-HOP的塗鴉, 氣氛蠻不錯呢!! 食物種類有很多, 有沙律、壽司、刺身、不同的肉類(豬、牛、雞、羊不同的部位)、熟食部、湯類、甜品及雪糕等, 真係幾多花樣的; 我們被安排在最入的卡位, 之後侍應就放了張吸油紙在爐上, 因為這裡是在紙上燒的, 之後我地就出去取野食啦!!! (中途朋友見有其他卡位可轉於是同侍應講, 佢地都好有禮樂意地幫我們轉)因為這裡主理日韓式, 所以就有得賣清酒同韓國米酒、柚子茶、濟州橘子汁個類, 當然價錢唔算太平……..因為實在太多野食不能盡錄, 所以就介紹下較為出色的 (食物有些沒有奄料的, 大家可以拿枱上的SALT或七味粉作調味):三文魚刺身~~~幾肥美,

係千色行到攰攰地、又餓餓地，就行左去西青街搵食，原來呢度都有兩間放題，因為冇book檯所以揀左間唔使點排隊既「校長」試下⋯入到去個格局好似打war game既場景咁⋯好岩我地呢啲後生仔～裡面有好多唔同種類既肉類、海鮮、蔬果、少量壽司、刺身。。。等等⋯⋯同平時韓燒食到既味道差不多⋯呢度好在可以自己調味～（因為係檯上面有海鹽、七味粉、黑胡椒）佢呢度好似之前「大X樂」咁有紙上燒⋯感覺上啲食物好似冇咁多油⋯又冇咁易燶⋯雖然要加油但都覺得幾抵俾⋯到甜品～一打開個甜品櫃，裡面有雪糕泡芙、朱古力慕絲、啫喱杯，另外有個雪糕櫃添，全部甜品任你揀⋯食食下甜品店員捧住個箱行過黎，話每位人客人都可以抽獎一次，好好彩我抽到支「波子汽水」I'm so lucky   服務方面，個個店員都好留意客人幾時需要換紙⋯好細心

呢度都算係元朗入面出名嘅燒肉店，午市88蚊任燒任食，我啲親戚話好抵喎。今日我book左晚市七點，黎同同吹水兼慶生，有得食又有得玩呀。坐在較後嘅卡位，裝修都幾韓式。圓形燒爐加油紙，防痴爐，張紙燒得太黑店員會主動黎換紙。自助bar，好多肉揀下，豬、牛、雞、羊、魚、蝦都有，蔬菜就有三色椒、菇、翠玉瓜等。仲有湯，刺身，壽司，炸物，沙律，啤酒，汽水，甜品，雪糕等，真係好多款。睇完就梗係攞野燒啦。燒燒燒~等熟嘅時候食下壽司刺身先，都幾肥美喎。金菇肥牛卷正呀！羊架一啲都唔酥好味，辣味雞翼醃得好好味，其他豬牛雞肉半肥瘦，燒完都唔會好乾身，多春魚爆哂春好正。食完咁多肉就係時候燒下蔬菜，翠玉瓜多汁，菇菇燒得好香口，仲有梗係要燒菠蘿啦！食到咁上下有抽獎環節，哈哈，咩都抽唔到，同事就抽到大蝦刺身同波子汽水，嗚嗚……甜品有至愛嘅雪糕泡芙，一口一粒正！仲有蛋糕仔，雪糕杯，糖水等，食個大滿足！埋單加一後三個人561，食左差唔多兩個幾鐘都無趕，平日啲枱無咁緊張可以慢慢食。

去完蝶翠峰探BB，行返出嚟就去咗呢間校長試下，就係千色店後面，好鬼方便！自取食物area就喺門口，一入去就見到晒所有美食，生肉 for 燒烤，豬～牛～羊～雞～魚～都有！有辣有唔辣，真係好多選擇。燒肉款式多，不停 refill！仲有好靚嘅中蝦同埋菠蘿燒！仲有韓式涼伴菜，同埋炸小食，有人參雞湯，羅宋湯，腐竹雞蛋糖水，都好足料，大人小朋友都照顧得到。同日式放題有得比，有我最愛的刺身，我都有去食迷你花之戀。刺身壽司都各適其適。我哋加咗錢upgrade咗，有松葉蟹食！第一次師傅已經比左三大條松葉蟹我，超抵食！番本之選！加幾蚊雞就可以無限任換BBQ 紙。唔錯三文魚都新鮮。牛柳粒都唔錯。食食吓仲有抽奬，我抽中咗阿根廷大紅蝦一隻，Staff 好搞笑，好識得搞氣氛！又有甜品又有任飲，一邊燒到熱辣辣，另一邊飲冰凍嘅汽水，真係爽爆！食物都唔會黑忟忟，雞中翼少少spicy，惹味得來好好味，我覺得辣雞翼醃得最好味，台灣腸簡直係我最愛，我仲密密燒。我哋兩個人每樣食少少，乜嘢都可以嘗試吓，一次想嘗試多好多款式，熱熱鬧鬧又一餐，仲要價錢十分抵食！校長燒肉裏面d staff，就好似學生一樣，個個都係後生仔女，行步路都快

以往在日韓式燒烤裡，多以點餐紙再由侍應送來，但今次在校長燒肉日韓料理中，卻以自助形式，在下也可能想不到吧。在門口的易拉架中，已標示每個時段的收費，顧客可按個人喜好而分時段進入餐廳。入到餐廳，均以四至六人相連的卡座為主，如果兩邊都坐滿了人的話，可能會有點迫狹，但幸好咱們入座時並沒有這樣的情況。咱們二話不說，就走出去拿食物好了。估不到燒烤中還有刺身可以取的，但每次只可取三款。當中的刺身包括了靈魚，三文魚，蟹柳等，刺身還是新鮮而鮮味的。除了刺身外，還有壽司可以選擇的，壽司是即場包製，確保新鮮。另外還有沙律吧，可自由地選取沙律，可是今趟沒沒取沙律，不知道味道如何。燒肉中，當然不乏有雞翼，牛肉，肥牛，雞扒，豬扒等等，另夕還有各款的香腸，獅子狗等，還有的是可選取魚柳來燒。在下也只能從中選取一些肉類來燒烤，包括雞翼，肥牛等。當中除了肥牛外，其他的都已經醃製好的，故吃起來已有味道。當中的爐上舖上了一張紙張，用作阻隔肉類燒烤時，避免黐在爐上，可見其心思吧，不過都會間中擙掉個鐵板呢！在下也發現，原來也有小炒的地方，包括了炒麵，蔬菜等，也有炸物在另一邊呢。飲品方面，除了一般的汽水外，還有雪梨薏米水，在下當然

今日晚餐去左搵<校長>燒肉場內卡位設計, 坐位寬敞準備開動之時, 睇睇有D咩食先~~分別有湯同中式糖水, 是日係綠豆沙~除左汽水任飲, 仲有奶茶, 咖啡.... 熟食方面有薯角, 餃子, 炸物... 食物溫度不夠熱, 有待改進~而食物擺位方面, 值得一讚的, 分門別類好整齊~款式又夠多~呢到係自助形式的, 鍾意食咩就夾咩 (呢到令我諗起韓陽苑, 但食物質素&多元化方面, 呢到比較好)仲有沙津區, 醬汁齊備~日式食物方面有壽司及卷物~刺身方面, 有甜蝦, , 八爪魚, 希靈魚~三文魚切得蠻厚身呢~ 質素尚可~到燒肉部分喇, 店員會在燒烤盤上放上燒烤紙~燒烤紙可更換~~對呢, 加上燒烤紙發現食物唔會容易燒燶同無咁容易令食物痴燒烤盤~但放上燒烤紙有好處, 亦有不足之處, 因為加上燒烤紙令油份唔可以完全向下溜走, 令油份易堆積在燒烤紙上, 會出現油份彈出情況呢, 呢一點要改善呢~除左中式糖水之外, 仲有雪糕任食, 呢到確係可以滿足晒鍾意任食的朋友仔~

元朗食肆多，每次到元朗吃飯都會很煩惱不知如何選擇，今次剛好經過校長燒肉，看到價錢很合理就決定試試。自取食物，以燒烤類肉類為主，豬、肥、雞、羊、魚等款式都有，更有辣及不辣的肉類選擇，非常齊全。另外更有不少熟食及炸物選擇。另外更有刺身、壽司、沙律吧及湯。汽水任飲，邊食邊飲好爽。用來燒肉的爐火侯很夠，能快速燒熟食物，而爐面會放有一張牛油紙，可以免費任換，令燒烤過程更乾淨，在燒肉過程中隨時可以請服務員幫忙換新的，這樣就不用怕燒肉變黑色，這種服務我很滿意。食物方面因為我們二人吃得不多，每樣都只拿了一點，雖然是任食可以吃得很開心很盡興，但是也不可以浪費!醃肉的肉類整體不錯，個人推介辣雞翼、牛柳粒、豬頸肉、肥牛、五花腩及台灣腸等，燒起來非常美味，特別是辣雞翼及豬頸肉，醃料味道剛剛好，不會太咸，更保有原本的鮮嫩度，吃起來很過癮。炸物方面章魚丸及餃子都很特別又好味。壽司的水準也不錯，很新鮮，壽司飯帶有淡淡壽司醋味。最後以甜品及雪糕作結尾。燒烤期間有大抽獎環節，好緊張!!可惜我什麼都抽不到，哈!

一皇兩后去放題燒肉，明顯兩女為了食少少加風花雪月，而男的就真心填肚吃個飽！最近韓式燒肉店林立，而校長燒肉實在並非走一般韓式路線，千萬別混為一談。所有生熟食物，飲品甜品，均在外自取，又如一個有卡座冷氣的自助燒烤場。其實這樣說都沒錯了，因為肉類的醃料亦和燒烤場的一樣！我個人來說覺得不錯，但如果你抱著韓燒心態來，可能會失望。燒燒下，全場客人均獲抽獎機會一次！而我就抽中了一隻阿根廷大紅蝦蝦！貨色一般，但氣氛大於質素，讓客人吃得更開心！大伙兒聚頭，日式放題了無新意，可以一試校長燒肉！又可以過癮燒，又可以吃個飽，實在是個不錯的地方！

將軍也很久沒有跟小妹好好放題一番，上次小妹吃緣X後，離開時見到<校長燒肉>。所以我嚷著要來吃校長燒肉，將軍在食方面永遠會讓我作決定，所以就來校長燒肉一吃一頓。在“開飯啦”中的評分很極端化，喊樣竟是笑樣一倍。我帶着戰戰兢兢的心情去吃的，不過一頓飯完結後我卻是笑容滿面=)。首先，元朗大大小小的韓燒我也吃過一番。就是這家還未吃過，甫坐下發現牆上的設計是街頭風，有噴漆畫(REALLY YUMMY)，又有小飛機的裝飾，還有更多個性裝飾。這家韓燒的燒爐上會鋪上牛油紙，任換的。我先視察一下環境及食物，發現燒肉類，熟食類，及刺生類的種類算多。真的頗新鮮，又多種類又多樣化，看到這我已經很懷疑沒有相片的喊喊樣已經不能動搖我。這些已經很符合小妹心中的水準，我覺得有超越韓舍的感覺，不是一試，只相信食評也會錯失這大好美食。最推介最推介當然是刺身，小妹完全想不到這家刺身拍得上雋太刺身，人所共知雋太刺身出名又厚又肥美。這家的三文魚刺身不僅是又肥美又厚，三文魚的魚脂香氣在口中迴盪，新鮮又鮮甜。三文魚刺身最重要是逐點也是同樣肥美。必食攻略：熟食我吃了肉碎茄子 ，炒香的茄子軟淋易入口，不會太鹹。小丸子