影片
更多
2014-10-03
4018 浏览
第一次寫食評！因為唔gur俾200幾蚊食呢d野！同事唔知點解好firm咁話想食呢間，於是一行五個人去左食。我地book 左位唔使等，去到發現係自助形式，咁都無所謂既。一坐低就問我地加唔加$6鋪張牛油紙，話無咁易燒燶，如果唔加而又要換塊鐵板，就$10一次。一句講哂即係叫你加囉，咁佢就唔使洗咁多鐵板。講起張牛油紙先火滾，都係咁易燶，而且d油流唔到落去，搞到不斷咁彈油，支鐵夾又鬼死咁短，次次去燒野就彈到媽媽聲！真係未試過去燒肉全程不斷俾人彈到 ！之後我地要用筷子將張紙篤好多個窿，等d油可以流落去先彈少左。除左張紙搞到無哂興致之外，最唔開胃係見到一個二個待應木口木面，有d嚼住香口膠，有d橋埋雙手係度吹水，完全唔使做咁，我心諗識做一定來呢度打工啦！做飲食辛苦我明，但我真係接受唔到無禮貌無表情既侍應。成個場得一個男侍應識講野，會教客人。至於野食野飲，零特色，你當自己去左凍肉舖咁就差唔多，好似完全無海鮮燒。埋單$232/人，呢個價錢呢個野食兼服務質素真係完全唔值得食，出面大把選擇，呢度一定無下次！
同事唔知點解好firm咁話想食呢間，於是一行五個人去左食。我地book 左位唔使等，去到發現係自助形式，咁都無所謂既。
一坐低就問我地加唔加$6鋪張牛油紙，話無咁易燒燶，如果唔加而又要換塊鐵板，就$10一次。一句講哂即係叫你加囉，咁佢就唔使洗咁多鐵板。講起張牛油紙先火滾，都係咁易燶，而且d油流唔到落去，搞到不斷咁彈油，支鐵夾又鬼死咁短，次次去燒野就彈到媽媽聲！真係未試過去燒肉全程不斷俾人彈到 ！之後我地要用筷子將張紙篤好多個窿，等d油可以流落去先彈少左。
除左張紙搞到無哂興致之外，最唔開胃係見到一個二個待應木口木面，有d嚼住香口膠，有d橋埋雙手係度吹水，完全唔使做咁，我心諗識做一定來呢度打工啦！做飲食辛苦我明，但我真係接受唔到無禮貌無表情既侍應。成個場得一個男侍應識講野，會教客人。
至於野食野飲，零特色，你當自己去左凍肉舖咁就差唔多，好似完全無海鮮燒。埋單$232/人，呢個價錢呢個野食兼服務質素真係完全唔值得食，出面大把選擇，呢度一定無下次！
张贴