查理布朗咖啡專門店 (已結業)

"芒果巴冰"大杯$35, 及"熱咖啡"細杯$14因為我唔飲咖啡,而且星期日行旺角真係好鬼熱,所以選了一杯清涼D的飲品..."芒果巴冰",不過真係好失望,因為唔好飲,芒果味超假,落左好多糖水,我覺得仲差過街邊D$5杯芒果沙冰.仲要成$35一杯,好心比2粒真芒果肉啦,越講越嬲.朋友就讚佢個杯咖啡,話好飲過Starbucks,因為Starbucks個味比較"劫"喎.~~~坐向窗邊及sofa位個d人,我覺得佢地好搞笑囉,好似向屋企咁,放到成枱報紙,雜誌,電話....,完全唔想走咁,後來越來越多人入店,我見到D職員都冇佢地符.~~~店內根本冇地方適合影相,只有門口位那個大公仔及厠所門,所以冇帶相機都唔駛失望.~~~短髮高妹收銀員好冇禮貌,講野好悔氣,黑口黑面.不過其他所有職員,我都冇見過佢地笑下,唔通向個度做野好辛苦???

整座登打士廣場都係呢D cafe, 但好多成13:00都未開.order了什菜千層麵$38, ingredient in quality.燒雞肉三文治(比德包)$28, 一般啦, 燒汁都幾甜.熱朱古力(大size)$28, 一D都唔熱,最後仲要拿回去翻熱,再上枱時就熱啦. 但唔知佢係bowl返熱定係叮返熱呢? 但個味始終不及pacific coffee.牛肉卷$15, 唔好食,D牛肉好似好多根咁,嚼好耐都咬不爛.

我們上次看完雜誌報導後,覺得好得意,又近就上去試0下.幾好又無煙.裝修有心思,有很多Charlie Brown & Snoppy的東西.我們試了凍朱古力$28(中),唔記得件cake個名.都幾好味.又試了凱撒沙拉,還可以.美中不足是等位,要自己安排.不太好,等在食緊的客人後面,好像趕人走.唔等自己又無得坐......

呢間Cafe幾得意, 有好多好cute既史路比....個環境都OK, 食物方面都唔係貴.....但係唯一美中不足既地方係.......入到去都仲聞到好臭既臭豆腐味.....由於頂唔順d臭味.....endup都係冇試到d野好唔好食!!!!!不過, 個地方都OK....唔怕臭豆腐的人都可以一試!!!!

吃完「阿活咖哩」，女友說想逛街。便乘MTR 到旺角，逛到家樂商場附近。她忽然拉著我，跑到這兒，說：「想試試看」！對於吃，我多數都依她。今趟亦不例外。她點了兩杯咖啡和一份甜食，共$84，雖然好貴，但賣相超班！「查理布朗朱古力咖啡」（$28；細杯）：我們各飲一杯。是以双倍巧克力漿，去冲調咖啡，味道超濃郁芳香。貴係貴D，但勝在肯用料，頂部有Charlie Brown 的圖像，相當有誠意。「查理窩夫」（$28）：賣相超漂亮。窩夫是香軟的那款，味道一般。最令人欣賞的就是，那堆以草莓、忌廉、糖漿、巧克力漿、糖粉…組成的漂亮presentation！可見店家對於其製成品有相當的要求，而員工亦很跟公司合作，這種對成品質素的執著，令人敬佩。成功的企業，製成品的品質監管和統一化，是不可缺少。希望店家可以繼續堅持對其出品的品質穩定。假以時日，必成大器。

(2/4/06)終於試到哩度既cake喇!款款都咁吸引,好難決擇之下,男友幫我揀左黑金莎。表面朱古力醬包圍住,內裡都係成件朱古力成份,質地濕濕o地,實實o地,味係好濃,但食完覺得自己只係食左舊朱古力o羅,如果加D蛋糕,加一層其他野會好D。雖然係咁,但味道滿意,下次一定再試其他款。p.s.哩晚九點半來到,竟然唔full house。

入到去以為有人帶位, 望一望侍應生, 佢\竟然叫我地自己搵位, 乜上樓CAF伂L 人招呼好似大家樂咁自助形式: 首先自己搵位坐=> 自己到COUIER買野食比錢=> 自己扲飲品及食物牌=> 食物煮好後侍應生會跟據牌號送上食物。環境都算舒服周圍都有CHARLIE LOGO: 中間有5-6張放梳化, 外邊圍住好多圓台, 但係梳化通常都無, 因為好多人食完都坐響道傾偈。我地兩個人叫左兩個意粉SHARE:-芥末籽燴龍俐柳天使麵–天使麵ok但加上芥末籽有d芝士味都幾特別& 龍俐柳夠淋味道ok啦蕃茄牛汁燴鴨胸意粉–意粉普通唔夠茄汁味, 鴨胸似豬潤較un熱檸檬茶& 熱朱古力–檸茶底用石蘭茶, 味道好怪；朱古力有d cream響面味道ok, 但感覺好唔健康

上星期五晚一行四人到這店dinner。starbucks 價錢，但snoopy & fans 的裝修處處~坐得好舒服~~旺角區可以以$300 左右~ 傾足一晚真舒服。我地order 左兩個意粉~ 一個cessar salad~ 一客waffle ~ 一件cake ~ 同四杯飲品~ 最開心係d 飲品食物賣相一流~ snoopy fans 必定要o黎。 ps. 意粉味道偏淡，但加鹽後就冇問題~亦算大碟丫。cafe o黎講我講得食物幾好食喎~ (除左太飽食唔晒件cake之外~~ hee..hee...)

上個星期三, 我做完GYM後同男友在旺角換食. 佢建議去登打士街既charlie brown cafe. 開頭都吾多鍾意架, 因登打士街柏裕對面既行人路上有很多"臭氣燻天"既濃烈臭味- 臭豆腐!! 我最憎! 不過當入到去個地下大堂時, 明顯比以前既"氣味"改善得多...於是就試一試la.上到去2樓, lift門一打開就見到好多sofa, 好寬敞既空間, 可能係9點多, 當時並非爆滿, 所以我地都可以搵到sofa位座. 因這裡是self serving, 所以男友就叫我去counter睇下有咩arm 食, 我對佢既salad及意粉都好有興趣, 所以都吾知揀咩. 最後, 男友叫左1個三文魚炒耳朵粉, 1件blueberry cheese cake. 兩杯charlie brown coffee (mocha). 食物方面,有以下comments:-1) 意粉- 賣相吾錯, 但因落左d 咸味軟cheese, 所以整體味道偏咸, 我同男友都吾多鍾意..吾健康呢?! 價錢方面就貴左d la, 成43雞架!2) cheese cake - 味道好rich, 好濃郁, 好奶及cheese味, 同st

與女友同時想帶對方去的café,佢係旺角區小有的全店禁煙café shop,抵讚.與女友只叫了飲品,沒有什麼特別.D cake賣相唔錯,裝修幾靚,Snoopy fans一定鍾意,係旺角區算係一個好好傾計飲野休息拍照睇書的好地方,美中不足的是大廈樓下好大油煙味,要急步直走.

本來都唔係咁想上來，因為覺得價錢偏貴又唔係真係太好食，不過星期日o既旺角人山人海，都想靜一下。於是便跟男友上來吃下午茶。 要了香草忌廉鮮蝦炒扁意粉和一個mocha frappa，意粉個白汁太多，意粉過腍，而且奶味偏重，多吃兩箸也覺溜，蝦則尚算新鮮，最喜歡黑橄欖，醃得好好味，若加多幾粒就最好不過了；另frappa都ok，冇上次飲杯Lucy mocha咁甜，冰都打得夠幼，只是飲管太幼，好難啜囉！

成班同事走上去吹水，一解工作壓力。環境都幾舒服，但snoopy精品唔算好多，不過上至餐、小至糖品都有Charlie Brown o既logo，又真係幾盞鬼。叫同事share個甜品拼盤，另自己又叫了chocolate truffle 和Lucy mocha(杏仁甜酒朱古力咖啡)，賣相真係一流，但水準一般，只是討snoopy fans歡心，杯咖啡太甜了，惟杏仁味和咖啡味o既味道都幾平均；chocolate truffle無朱古力味可言，只是有朱古力顏色o既mousse，dessert platter也是一般，咖啡慕絲唔得滑，咖啡味又欠奉，真係有點失望，而且價錢並不便宜，所以最好有恒生或DBS信用卡。

原來呢度係自助型式的,同我expect 的有d出入,因為我以為會似Strawberry Forever,Double stars 呢D,但係其實係Starbucks!不過佢就比Starbucks 多左d dessert,意粉,Salad...呢d食物, 價錢都幾貴,而且份量好細,味道一般,所以此地不宜食正餐呢(好彩o個晚都唔餓XDD) 但係作為同朋友吹水,hea下o既地方都ok,因為呢度係全店禁煙,又唔太嘈我地唔經唔覺坐左三個鐘呢~

呢間野係正家樂斜對面, 而且抄到starbucks八.九成, 其實果度唔算好大, 但環境同裝修都幾靚幾新淨, 牆上面同廁所都印上Snoopy同charlie Brown的樣,而四周圍既擺設例如檯,裝野飲既杯都有Snoopy同Charlie Brown既樣,仲有野賣,例如有電話繩, 毛公仔和水杯等等,價錢都唔貴...不過講到食物同飲品就麻麻地,而且仲要唔平喎,仲貴過starbucks或者pacific coffee, 我地叫左一杯大既凍Monca($36), 味道麻麻地, 太重奶味而無咩咖啡同朱古力味, 另外叫左一客窩夫(28), 仲即叫即做, 賣相幾吸引, 但味道一般. 不過呢度都坐得幾舒服, 亦係一個可以同朋友行街行到好累而休息一下既好地方, 大家不妨可以去試一試!! (以上為我女友的食評)

環境舒適，有好多大梳化，D食物都幾好食，賣相不錯，不過我今次去係星期日下午，所以好多人，會有人係你後面等位，所以坐得唔太耐。