查理布朗咖啡專門店 (已結業)

有人嚷著要來試，不過大家不時忘記，在再三提醒下終於幫襯了。來到已是晚上九時十五分，梳化位仍是高朋滿座，不打緊，也不是要來坐梳化。三款晚餐，叫了香芒龍利柳意粉同帶子香菇扁意粉。兩個意粉都好好味，但係份量就唔夠我食，可能我大食。始終呢D cafe形式的店鋪，都係搞小食多滋味路線，大胃王只好到樓下食多串魚蛋。而一杯Mango Frappa就麻麻，無乜味。環境真不賴，很闊落，亦很乾淨，真係由地下上到黎有地獄天堂之感。總結係：有意粉食的星巴克，坐幾粒鐘果款。

琴日下午搞完私事o係旺角閒逛又未到食飯時間上黎行過圈休息下因為俾旁邊既小食店遮左上樓既樓梯都幾隱閉入口又無明確指示要望多兩眼confirm下六點幾都未full house但梳化位已經俾人坐晒地方不大但waitress態度殷勤點選飲品期間有個小朋友揀蛋糕揀左好耐都未決定到waitress不單無黑面仲烏低身笑住咁問小朋友o係我心入面即刻加左分除左食物外佢亦有d查理布朗既精品賣價錢中等啦

要搵一間有特式兼有水準o既主題餐廳並唔容易,但尋晚就俾我同幾個朋友撞到啦,呢間Cafe雖然唔俾食煙,但都幾多人o架,如果有心去就要早啲去搵位,全自助式不設訂位,地方比較細,但每個位都可以係拍攝位,唔係佢O既FANS都會鍾意,仲有精品賣添..環境:幾舒服,有梳化位,裝修好靚食物:只供應意粉類,果汁,咖啡..及甜品1)意式燴羊腿意粉($44) ~ 羊肉夠"騷",羊肉愛好者必試2)芒果汁($20) ~ OK服務:會有專人將食物遞上,無須客人企候一人消費共$64

小雲同小吉去到家樂門口, 抬頭見到好大個招牌, 諗住d gimmick 嘢, 當食裝修. 上去坐落都幾舒服. 叫咗兩杯類似smoothie 嘅飲品, 仲有一個意粉, 沙律同一個心太軟. 食落有驚喜. d味道唔錯, 尤其係個心太軟, 唔會太甜. 而且d分量都唔少. 兩個人食3個dishes已經好飽. 不過最可惜係樓下有間臭豆腐舖. 冚哂門都有陣陣臭豆腐味, 大煞風景..>.<

I had an early dinner with a gal friend at Snoopy Cafe on a Sunday evening, before we hit the Karaoke right opposite. Up in the building filled with cafe`s, it is very easy to spot this one thanks to the gigantic poster hanging up in between the neon signs, just if you look up from the busy and dirty Dundas street. I am never a super fans of any cartoon, but Snoopy is definitely one of the few that cheers me up. But the true reason to come round is the handful features in different magazines

星期六未夠八時到達這裡，入到去唔算好多人，好快搵到二人梳化位。個格局好似Starbucks，飲品及自助形式都好似，但就多左主食，有幾個pasta選擇，今次係什菜千層麵、吞拿魚長通粉及煙肉蛋扁意粉，仲有湯同埋沙律。個價錢都唔平，因為pasta係唔包飲品的，單叫都要四、五十元，湯都要十八元。今次試左個什菜千層麵及煙肉蛋扁意粉，味道都唔錯，個千層麵較值得推介！環境好，坐位夠大，又舒服。建議三五知己食完飯來吃個甜品飲杯野，是一個不錯的選擇。再加上主題卡通陪伴，感覺真不錯呢！

全餐廳不吸煙，好舒服...是relax 的好地方，甜品和輕餐都好，仲有印仔儲分，有次我不小心在找贖時不見了印仔卡，好彩cashier哥哥認數，補發一張，還肯補回之前印的，否則就浪費了之前的分數了。希望它在旺角可生存下來!

好朋友生日，逼佢一晚走兩場，成十點先約o係旺角去飲野。入到o黎竟然有吉o既四人梳化，真o係fit 晒，環境幾光猛，座位與座位間o既空間亦唔少，感覺幾舒服。叫左latte，口感幾rich，奶味重左d。榛子脆心蛋糕，面舖著有金箔o既朱古力，蛋糕餡有脆o既榛子碎粒，餅底比較硬，整體o黎講食落冇佢個外表咁滯咁甜，唔錯；個tiramisu o係一個disaster，o係我成世人食過最難食o既，一"吉"就塌左，入口o係死甜燉蛋咁o既口感o既黃色物體。。。無芝士味，無咖啡酒，成廿八蚊o阿大佬! 三個人食得個三份一個，太不濟。洗手間幾企理，服務okay，有機會會再o黎。

個到d格局好似starbucks~ 2個人share 食冇試coffee, 叫左一個龍利魚&銀雪魚意粉意粉啖左d, 魚身比較普通, $5X冇set只可單叫.另叫左一個好正既甜品~ 唔記得叫咩...甜品有3隻味的~~~一個係"登"蛋, 上面有簿簿糖片~~ 呢個好味有woodstock既樣係類似tea a mi su~~ 底有coffee jelly同coffee cake~ 呢個香有d綠色同果仁物體個個係朱古力味麵包布丁~~呢個最正~~~呢個甜品樣靚同好味~~~ $42~~ 都ok~~ 有3款!個到有精品買, 有部tv播snoopy, 仲有雜誌睇加上大量sofa位~ 舒服~

今日同朋友上左去食，都幾多人，冇人帶位，要自己等，自己搵。d位大多數都係sofa，d檯就有Snoopy同Woodstock 個樣，天花又有Sally，d柱亦都有Charlie Brown/Lucy/Linus個銅像企上面~~~又有一個位有d精品賣，多數都係Charlie Brown!!叫野食係自助，叫左1杯曲奇忌廉菲巴冰，同2個蛋糕。個野飲都幾ok，好多cream，好冰凍。個查理芝士蛋糕，有Charlie Brown個樣，不過d味就比較普通。另外亦叫左個心太軟配士多啤梨雪糕，雪糕係用Haagen Danz，好好味，而個心太軟略嫌焗得太耐，中間d朱古力醬已經開始凝固，不過都幾好味~~~朋友話買既時候o個個人叫佢攞個number 牌坐低等，但係其實仲要o係另外一面攞野飲，搵到個個都坐左番埋位喎~~~~

哈哈, 見到報紙上面個Charlie Brown窩夫咁鬼cute, 今日就同家姐過黎食個tea. 傳媒o既威力真係犀利, 四點鐘座無虛席, 而且佢地用starbucks o既經營手法, 全場self service同free seating, 要自己等位. 好彩好快就有人走, 我地坐定定就一人叫一個窩夫, 擺低個牌, 睇住雜誌等店員送窩夫過黎. 五分鐘後, 兩碟造型別緻o既窩夫就上桌. 窩夫雖薄身, 但出奇地唔乾,係軟身o既, 如能做到外脆內軟o既質感就更好! 可惜略為有d苦味, 幸好配上o既士多啤梨+朱古力醬可以蓋住丁點o既苦味. 而且伴碟o既士多啤梨大粒鮮甜, $28有Charlie Brown陪住食tea, 食得過. 如果人少d就更好!

從報紙看到這間cafe，約了幾位朋友來一試。或者廣告效應，加上新張期間全店八折，這裡很多人，要等位，相信不可以訂位。環境幾大，不過因為多人，所以很嘈，坐位大部份都是梳化，所以很好坐。我點了Charlie Cheese Cake ($28) 和Tall Latte ($26)，朋友點了意粉，這裡食物都不錯，比起很外表的Hxxxx Kxxxx 的主題餐廳好吃很多。不過因為沒有set，所以都幾貴，現在八折都可以一試。

好開心呀!星期六晚無意中俾我發現左呢間cafe既位置,其實有諗過去呢度食野,但就無打算係呢日,因為一直都唔知位置,竟俾我無意中發現,真係有踏破鐵鞋無覓處,得來全不費功夫之感!環境好靚,好多snoopy同其他花生漫畫人物既佈置,我好鍾意個星星天花板,一抬頭就可以見到唔同人物,而且又多梳化,坐得好舒適,仲有張張桌面有唔同公仔,非常nice!書架又有花生漫畫同其他雜誌,絕對係一個好地方!食物方面,價錢比想像中平,一個意粉$38,已經係好好味既茄汁牛膝扁意粉,汁唔會過多,意粉又軟硬適中,好好!又要左一杯細泡沫咖啡,一打蓋,成個用朱古力粉整成既woodstock在眼前,我望左好耐至捨得搞勻!又見到唔同蛋糕,全部非常精緻,其中白朱古力慕絲蛋糕係面頭竟有charlie brown個樣,好可愛呢!仲有waffle,都係有charlie brown架!我真係好想試晒佢!好值得推介既一個地方!