柞木炭家

营业中

休息中

朋友生日想去食韓燒，上網看到這間店好評如潮，就訂枱同朋友慶祝一番。濟州活鰻魚肉厚鮮甜，基本上已經形容哂，值得一讚係餐廳女職員見我地無從入手，主動幫我地燒，好有耐性，燒好後分好六件放喺爐邊，用餐體驗一流。牛舌三吃牛味濃郁，有三種唔同食法，唔會食極都同一個味道，爽口咬落勁多汁。柞木甕漬牛肋骨份量大件及厚肉，肉質軟淋，肉味濃郁，醬汁調教得非常好。柞木雞拼盤有雞翼、雞肶、雞胸肉，都係起哂骨啖啖肉，嫩滑唔嚡口，連雞皮亦唔會好肥。1++ 生牛肉石鍋飯石鍋非常高溫，牛肉狀態剛剛熟，加上蛋黃令牛肉更滑口，連埋少少飯焦，熱辣辣好好味。

好耐冇堂食 好耐冇韓燒Happy Friday 我地食好少少 去銅鑼灣金百利三樓 - 柞木炭家柞木甕漬牛肋骨一定要點既一款肉 肉味濃郁就住夾埋生菜蒜頭(店員服務好好 會即場幫你剪一剪先去燒）牛舌三吃薄燒牛舌、厚燒牛舌、香葱牛舌個人每一塊都拎左d 香蔥一齊燒 再夾少少泡菜一齊食 好野味記住唔好燒到太熟 如果唔係比較難咬濟州活鰻魚呢個係店員推介 所以叫左黎試試怕唔熟手？店員會幫你燒 一邊燒一邊塗上醬汁再剪頭俾我地慢慢食 不過要留意有少少細骨要慢慢食柞木雞拼盤係一個已經去骨既雞肉拼盤最冇期待 但係最有驚喜既一個肉已經非常入味 已經去左骨既雞翼燒到外皮脆皮而不失肉汁 😛1++生牛肉石鍋飯牛肉石鍋飯採用韓國牛肉撈完之後配合雞蛋 肉質更加鮮嫩石鍋熱度足以令鍋底留下飯焦配菜除左有泡菜 仲有我最喜愛既魷魚而店員亦會主動放定一梳泡菜等你原本個碟食哂就可以即刻fill 👍🏼

在OpenRice 預訂了2位，準時到達被安排了坐最近廚房的一張枱，點知就坐左係出菜位，汙盆車垃圾車又放係隔離，枱附近既地下污糟到不得了。成晚d待應係度掉碗碟落污糟盤勁嘈，成晚待應呼喝聲不絕，「二號枱欠前菜」聽左成晚，究竟有幾多客欠前菜？待應行過掉個靚彎一聲唔出就咁掉碟肉係枱角，我仲以為佢太倦要放底一陣遲d拎返，我都唔敢食，原來比我ga?送左乜肉我都唔知。食物唔差，兩個人食左九百幾蚊，大排檔咁既環境！咁大間鋪都仲要拎埋呢個位serve客？無下次。

作為韓燒怪既我今日又出動，今次搵左間好多人推介既，一坐低店員已經放一大堆前菜，最驚喜既係佢竟然有辣八爪魚同埋即切泡菜🥰——————🐽 牛舌三吃牛舌每一塊都切到好厚🥰食落好林好有質感🐽 柞木甕漬牛肋骨視覺效果勁大碟嚇親人🤧每一啖都充滿牛既油脂香，味道亦都好入味十分推薦👍🏻🐽 濟州活鰻魚好新鮮既鰻魚食得出完全無腥味，建議燒到一半揸小小鰻魚醬係面再繼續燒，會更入味🥳🐽 柞木雞拼盤雞肉好林滑！最驚喜係雞翼竟然幫你去埋骨，燒既時間大大減短，食落口亦都淡淡肉😝🐽 1++ 生牛肉石鍋飯牛肉肉味好濃，係石頭鍋燒過下油脂落曬去d飯到，飯底亦夾雜住飯焦香，好完美既結尾🥰🥰

自從上次姜濤誕 經開呢邊打卡 上左黎食個好好味嘅韓牛飯 一直念念不忘 今次專登book位再食多次佢嘅午餐好唔錯 唔想食太多 又想每樣肉試啲 有呢個一人燒烤餐叫 我揀左$145呢個餐 本身包前菜同一個韓牛飯 肉就揀左我鐘意既牛牛小排 牛前胸 同 牛肋肉前菜好快就到 有芽菜 豆 蘿蔔 同 泡菜 蘿蔔同泡菜係我至愛 好好味 試完前菜 就上主菜 烤牛肉飯 用嘅蛋蛋香味好濃 混和埋牛肉一齊食 好滑溜我同朋友都覺得好好食🤗🤗🤗肉三款都好好食 最好食應該係牛肋肉 好腍 用生菜包住食好juicy 😋😋😋

因為晚市停止堂食的關係，已經很耐沒有吃韓國燒烤，炭火燃燒的味道，實在令人懷念回味。剛剛重開晚市，實在按耐不住心中的渴望，是夜來到銅鑼灣，熟悉的韓國烤肉店。最喜歡就是這類的期間限定，還有新鮮的韓式泡菜，每次來也會有驚喜，今次有雞蛋卷和醃魷魚。季節限定，以及各式各樣的選擇，實在花多眼亂，店員服務很殷勤，介紹廚師精選，濟州活慢魚😃😃以及幾款優質肉類。濟州活鰻魚鰻魚色澤光滑，肉質肥美，店員以純熟的技巧，烤到鰻魚兩邊金黃，再塗上特製醬汁，魚油溢香肉質口感彈牙，而且完全沒有細骨，可以安心品嚐。牛舌三吃薄燒牛舌、厚燒牛舌、香葱牛舌。三款牛舌實在是太滿足，厚薄不同的質感，薄燒牛舌爽彈香口，厚燒牛舌多汁又嫩，夾著香蔥吃的牛舌更添滋味。柞木甕漬牛肋骨每次來都必點，牛肋骨肉味濃郁，油脂分佈均勻，味道恰到好處，包上爽口的生菜，辣椒蒜頭，更能突顯牛肉美味。柞木雞拼盤已經去骨的雞肉拼盤，梨汁挑滑雞槌，梨汁挑骨雞翼，香葱雞胸肉，梨汁醃製的雞肉味道香甜，充滿肉汁，岩曬女士們。1++ 生牛肉石鍋飯 熱呼呼的牛肉石鍋飯，優質的韓國牛肉，肉質彈牙新鮮，充滿牛肉味，配上金黃色的蛋黃，香濃美味，是韓式泡菜拌飯的另一個好選擇。

已經好耐冇食過韓燒啦🍖 今次喺銅鑼灣食咗一間幾高質嘅韓式燒肉👍🏻 最鍾意職員濟洲活鰻魚 好大條 職員好好服務咁親自幫我哋燒埋 非常厚肉 肉質彈牙爽口 配上特製的鰻魚汁真係超好味😍 牛舌都食咗三款 另外個牛肋骨都好淋 落好香牛味🥩 另外個雞肉估唔到咁入味 燒完之後肉質依然咁嫩滑 仲可以燒到外層嘅雞皮好脆口 有好香嘅蜜糖味😋想食飯嘅話推薦呢個1++韓牛生牛肉石鍋飯 將牛肉同雞蛋撈埋一齊 份外惹味🍛我哋仲叫咗兩杯飲品 分別係荔枝梳打同埋柚子檸檬梳打🍹

有咗姜濤灣之後銅鑼灣真係好熱鬧，我同朋友去咗金百利行咗個圈，見到佢上面樓上開咗一間韓式燒肉店。我哋都排咗10幾分鐘先入到去，餐廳環境好有高級感。餐牌上嘅選擇都幾多，而且每一款都好吸引添。一叫完嘢食之後就已經上咗幾款韓式前菜，而佢哋嘅泡菜亦都係可以自己剪。所有前菜入面我最鍾意食佢嘅雞蛋卷，味道甜甜地而且仲可以任添！我就同朋友嗌咗個韓牛牛柳，本身脂肪比例都唔錯，就算唔使點任何醬汁都已經好惹味！而佢嘅和牛三筋肉，唔好睇佢份量好似好少咁，但因為脂肪比例都幾高，所以都好滯，所以一定要嗌返兩杯嘢飲同埋一個鮑魚人蔘雞湯中和一下。講吓佢啲飲品先，飲品來講主要都係梳打類比較吸引我，咁樣一嚟可以解膩，而佢嘅荔枝梳打都可以試吓，味道唔會好甜。鮑魚人蔘雞湯上面嘅鮑魚真係大大隻，而且人蔘成條咁上，人蔘雞湯味道甘甜，而且個雞好嫩滑，入面亦都有啲糯米飯等等，都幾正宗！以佢嘅一頭黑毛豬拼盤真係超級滿足！個人最鍾意食佢嘅豬皮，骨膠原超豐富！燒完之後好似啫喱咁！最後當然要食返佢哋好出名嘅韓國豬手啦！分量多到我諗四五個人食都夠！而且佢配備嘅兩款醬汁亦都好夾，豬手亦都好淋身。

牛舌三吃🥩牛舌切到薄薄一片，有加蔥花食，有加檸檬汁食，燒一燒已經食得。濟州活鰻魚🥢鰻魚最緊要燒到個邊脆卜卜，加上鰻魚汁正到呢…..柞木甕漬牛肋骨🥩牛肋骨長長的，要剪開先燒到，醬汁醃好咗燒出黎特別好味😋柞木雞肉拼盤🍗有三種唔同款嘅雞肉，有三種口感，燒到雞皮脆脆地又嫩滑，正架呢…..韓牛生牛肉石鍋飯🍚生牛肉加生雞蛋🥚撈飯堅好味，仲有飯焦個下先正到爆。菠蘿梳打🥤同柚子檸檬梳打🥤好飲又解渴👍🏻👍🏻👍🏻

又去銅鑼灣食好嘢😆今次二訪呢間韓燒餐廳，因為環境好食物又高質，可以坐低慢慢食慢慢傾。和牛三筋肉呢個一定要試，牛肉好高質，脂肪比例唔算好高但係好易咬，而且牛味都幾重，就咁加少少鹽已經足夠好味😋韓牛肉眼拼盤成日食韓燒，但韓牛就好少有，仲要肉眼，成塊厚燒都好嫩好香，越嚼越有牛味，食完翻尋味😍一頭黑毛豬拼盤唔食牛嘅人就要試吓黑毛豬，有豬肩肉、豬五花、豬皮、豬腸。豬肉醃過嚟，所以好入味，豬五花唔會好肥但係好好味，豬皮夠爽口，你有驚喜，豬腸係最入味嘅，平時食豬腸嘅人就會好鍾意👍🏻韓國豬手每個地方嘅豬手都各有特色，而韓國嘅保留咗豬皮嘅彈牙，唔會好重味，食落有嚼口，充滿骨膠原，嫌唔夠味可以加甜辣醬，一樣咁好味。濟州鮑魚人蔘雞湯韓國嘅人蔘雞湯好出名，呢款加埋隻鮑魚，更加矜貴，湯好濃，剪開個烏雞，入面係糯米飯，加埋啲湯度就更加香濃，好似粥水咁。韓燒真係有平有貴，想食高質嘅不妨試試呢間，約埋三五知已邊燒邊食，好開心，而且抽氣做得好好，食完一啲燒烤味都冇。

🥚🥚🐷好評不斷韓式燒烤✨性價比：7.5/10🍳食物：9/10🌏環境：8/10🕺🏻服務：8/10💰是次消費：人均 $ 703 +10%#蛋蛋豬 🏝地點分類: #蛋蛋豬在銅鑼灣🍰食物分類: #蛋蛋豬吃燒肉 #蛋蛋豬吃韓國菜————————韓燒首先要選正宗的韓式燒烤，用的會是由當地空運到港的食材和肉類，然後要留意他們的前菜，款式種類；見到銅鑼灣有間韓燒看來幾正宗，想試很久了，襯晚市堂食開放第二天已經去光顧了。前菜 種類豐富，正宗，濃味選擇； 最喜歡的是他們有給辣章魚！質感好清溜；泡菜是即場把大大棟在客人面前剪開的，不過味道少淡。和牛三筋肉 ($215) Wagyu Top Blade和牛紋絡清晰，雪花明顯，充滿著油花。驚喜地有店員席前服務，幫客人燒肉以達至最合適的生熟度。牛肉幾大塊，十分厚身，咬起來更會爆肉汁呢。韓牛牛柳 ($295) Hanwoo Tenderloin都是牛肉的稀少部位，這款比剛才的和牛更昇級，牛味濃郁，油脂平均分佈，不用點醬/點鹽就可以試到韓牛真正的味道。鮑魚人蔘雞湯 ($198) Ginseng Chicken Soup with Jeju Abalone職員會在客人面

位置算方便，行完街过来吃。装修好黑暗，里面好似监狱咁。叫咗个二人餐来试下原来每块肉都真系得两块牛肉素质好差口感好硬海鲜一点都不新鲜难吃到阿妈都唔认得份量少到无人有唯一多概系有一罐泡菜俾你入面有3大条泡菜，唔够概话可以再加俾你毫不夸张咁讲，我呢餐饭系吃泡菜吃饱概而且佢d泡菜仲有酸潲水味讲完吃嘢，讲下服务d服务员个个都好似唔想做咁样黑口黑面坐低之後发觉无俾碗我哋叫咗3次先有人来俾我咩都要催几次先有人来真系请我都唔会再来啦

柞木炭家(銅鑼灣)📍銅鑼灣記利佐治街1號金百利廣場3樓301室疫情冇咁嚴重之後 已經瘋狂出嚟食飯今日約咗朋友嚟銅鑼灣食韓燒不嬲都鍾意呢間餐廳前菜有多款選擇 而且質素幾高韓牛牛柳🐮真正韓牛嘅味道 油香分布均勻由於太大片 所以侍應哥哥好細心幫我哋燒埋同分好晒點少少鹽 做簡單調味已經好好食 燒到外脆內軟和牛三筋肉🥩呢款嘅肉味比較濃郁 油花較少唔鍾意食到成口油嘅可以揀呢一款點少少鹽 同樣食到舔舔脷🤪一頭黑毛豬拼盤🐖如果有選擇困難症嘅朋友不妨點呢一款一次過已經有齊豬腸 豬皮豬五花 豬肩肉豬腸洗得好乾淨 豬皮有滿滿骨膠原豬五花肥瘦分明 豬肩肉肉味最濃可以一次試晒豬嘅大部份位置韓國豬手🐷分量極大 足夠三至四人分享上枱嘅時候已經切好晒一片片 方便易食配埋辣醬同泡菜更加美味鮑魚人蔘雞湯🐣呢個人蔘雞湯真係好值得推介真係有足足一隻烏雞 而且啲肉仲保持得好嫩滑侍應哥哥仲會好細心幫我哋剪開雞入面包住糯米 滿滿雞汁食韓燒當然要叫凍飲分別點左青檸同檸檬柚子梳打 清涼解油膩 😚

✅柞木炭家今次就去左呢間韓式餐廳到食韓燒呢到唔似平時一般會食既韓燒放題係按份量點餐或者叫佢哋既套餐格調相對上都高級啲㗎👍🏻呢到主打1++既韓牛👍🏻點餐後會有韓式既前菜有佢哋自家醃製既泡菜👍🏻 唔會太酸好食仲有芽菜 酸蘿蔔 蛋卷😋🔆韓牛肉眼拼盤 $388韓牛咁出名 當然要試下啦呢個拼盤包左一塊肉眼扒同肉眼牛柳粒見到油脂既分佈均勻！ 食落口好重牛既油香但又唔會食到筋同唔會鞋口👍🏻👍🏻🔆和牛三筋肉 $215呢個見到個賣相已經爆吸引！佢好薄身 而且個油花都好靚因為薄身既緣故 食落有入口即融既感覺🥰超幸福💓🔆一頭黑毛豬拼盤 $278食完韓牛 就當然叫下豬試下一個拼盤有哂幾款出名既豬部位特別一提佢個醃料好香 有果香既甜豉油醬豬皮 好似啫喱咁好滑 豬腸 唔會咬唔開 醃料既味道好食五花肉 油花適中 豬皮燒完仲好脆身爽口 好香豬肩肉好似豬扒咁大塊 但燒完仍然保留到軟淋淋既口感😝😝每款份量都好多 多人食的話都夠啊！🔆韓國豬手 $255豬手原隻起骨拆肉 切出黎既份量都幾多每一塊都有肉同豬皮 呢個豬皮就相對上有咬口 比較爽口👍🏻 另外配左醃蘿蔔絲 生菜 蒜頭等醬料一齊夾埋豬手肉一齊食😝咁樣就唔怕食得

🔥韓牛肉眼拼盤 $388 - 呢度韓牛同和牛都有，嚟到當然要試皇牌嘅韓牛肉眼拼盤🥰韓牛同和牛嘅選擇上最主要睇兩樣嘢，首先價錢上韓牛絕對平一截🤩其次係韓牛其實一般牛味較濃，但油花就比唔上和牛。今次食到嘅韓牛肉質鬆化，牛味真心夠晒強勁，滑而不油膩，強力推介🤤🔥和牛三筋肉 $215 - 另外都要試小小和牛比較下嘅，三筋肉係稀有部位之一😁油香十足之餘柔軟中帶有一點點爽口，絕對都係必嗌之選👍🏻🔥一頭黑毛豬拼盤 $278 - 豬肩肉，豬五花，豬皮，豬腸，全部已經做好調味，燒完可以即食☺️全部都好有驚喜，以豬嚟計呢間嘅豬肉算係我燒肉入面食過數一數二嘅，豬肩肉比起平時啲豬扒更鬆化同肉質軟身😍豬五花個脂肪分布啱啱好（有時有啲太肥反而唔好食），最後大讚係豬腸，因為燒完有種小小脆嘅口感，平時鍾意食豬大腸嘅朋友一定會大愛😛🔥鮑魚人蔘雞湯 $198 - 特別在用左烏雞去整🍗烏雞少啲脂肪，所以整出嚟嘅湯更加清甜，加埋鮑魚，糯米，紅棗，成件事真係夠晒補❤️🔥韓國豬手 $255 - 勁大份，唔會整到好重口味，可以自己配搭醬汁去包生菜食，水準上乘😚🔥餐廳本身用咗傳統韓式餐廳木系裝修風格，一入去已經好似去咗韓國咁，但更重要係