柞木炭家

营业中

休息中

T.O.P開左之後都無去過食飯 佢地開左唔少餐廳 今日我地就去左5樓既柞木炭家食燒肉👅 舖頭位置好大 空間感充足 好多卡位坐得好舒服👍🏻 店員服務亦好好好細心入座後店員會先上前菜 分別有芝士粟米 蓮藕 青瓜 泡菜等等 最特別嘅係有原缸泡菜自己剪泥食😆 食完仲可以繼續免費添加😉 我地最後就揀左試王道套餐 有以下既食物😋前菜1. 大醬蘿蔔牛舌 牛舌同蘿蔔都炆到好腍好入味👅 醬汁都好惹味👍🏻燒肉1. 紅蝦配大墨魚 2隻紅蝦好大隻 燒完好香口 蝦肉新鮮彈牙☺️2. 是日雪下覓炙配黑毛五花腩 4款和牛分別係韓牛牛肩肉 和牛牛胸腹肉 和牛牛板腱肉同方切和牛😍 每件牛都好靚 油脂平均 最正係方切和牛 夠厚身 燒完食落仲好夠汁🤤 黑毛五花腩拎好出色 豚肉味香濃 燒完都好嫩好多汁🥰 加上韓式豆瓣醬夾生菜包 真係好似番左韓國咁😆飯1. 海鮮豆腐湯 湯底香濃唔會好辣 用石鍋上 食到完場都仲keep到温度👍🏻 入面好足料架 有1大隻紅蝦 蜆 青口 豆腐 翠肉瓜等等 吸哂湯既精華 好好味😋追加1. 柞木甕漬牛肋骨 必點‼️‼️‼️ 原本猶豫咗一陣究竟點原味定呢款用韓式燒烤醬醃製左既牛肋骨 店員指用韓式雪梨醬醃左既牛肋骨

今日去咗旺角同朋友行街 行完就去呢個t.o.p商場就去搵嘢食啦 五樓呢間柞木炭家 睇落幾吸引於是就入去食下啦餐廳係食韓式燒烤 不過用網燒 下面仲放咗幾嚿木炭感覺好正宗 餐廳嘅卡位有大窗採光一樓 而且卡位夠曬闊落坐得好舒服 抽風系統唔錯原隻濟州八爪魚 八爪魚超巨型 條條魷魚鬚都有手指咁粗 燒完之後爽口彈牙非常鮮甜韓式豬腸 醬油味醃得好入味 豬腸比較肥不過 燒完油脂冇咁豐富 鍾意食內臟嘅唔好錯過A4和牛西冷 西冷扒好大塊不過略嫌薄一啲 每邊燒15秒就已經食得 牛油味極稻香濃 油脂極度豐富 牛肉味略淡 可以話係入口即溶 好有驚喜泡菜青花魚 泡菜湯極度濃郁 微微嘅辣味餸飯都唔錯 青花魚有兩大舊 不過略嫌多骨和牛脂飯 原鍋用鑄鐵鍋上 上面滿佈牛肉粒同蔥花再加生蛋黃撈勻 油香味十足 牛肉粒有咬口 食到底仲有飯焦 不得不提份量超大雞蛋蛋糕 好鬆軟 有淡淡嘅蜜糖味 份量都幾多 好飽肚柚子檸檬梳打 荔枝梳打 兩杯都唔太甜 落咗梳打水夠曬解渴

前幾日同好友食完韓燒意猶未盡😝今晚邀請寶寶陪我食多次❗️不過今日就唔係食任食韓燒，而係食單點靚燒肉😎入到去先知原來餐廳入面係咁大咁寬敞😳感覺比傳統嘅韓式燒肉店更乾淨企理，成餐飯都坐得好舒服☺️另外餐廳仲有戶外位置可以坐🪑天氣涼涼地🌬而蚊蟲又較少嘅話，坐喺戶外位置，飲米酒🍶食燒肉🥩感覺仲chill😆🍻餐廳主打日韓直送嘅靚肉➕海鮮🤩韓牛肋眼上蓋、上等牛小排、和牛、極上牛舌、濟州活鰻魚、大墨魚、大八爪魚🐙淨係睇Menu都已經覺得款款都好吸引☺️一點完菜就即刻上咗➡️五個韓式前菜、一小罐泡菜、一籃生菜➕三款燒肉調味料👍🏻真係好似身處喺韓國食燒肉咁，未嗌嘢食已經成枱都係😆同其他韓式餐廳一樣，所有前菜都可以無限refill🤩不過呢度連芝士粟米都可以無限refill😍簡直係芝士控嘅福音🥰前菜款款都好新鮮🌟青瓜➕黃蘿蔔都好爽口，咬落去嘅聲音好清脆🤣而泡菜嘅調味酸辣適中😝❣️唔算好辣，幾啱我哋唔太食得好辣嘅人👍🏻🥢泡菜青花魚 $78呢一客青花魚以泡菜、蘿蔔、青蔥➕韓式調料等醃住，兩條魚肉埋咗喺成鍋醃料入面🍲可想言之，d魚肉係咁幾入味😆魚嘅質感非常似日本嘅鯖魚🐟而食落都係同泡菜差唔多嘅韓式微辣味，主要都係口感唔同咗

一講起韓燒大家通常就會諗起旺角任食嗰啲，其實韓燒都可以好有質素，今日就去top食榨木炭家。研究完個menu之後，決定叫A4和牛西冷，八爪魚，豬大腸，煮鯖魚同韓式炒年糕。啲嘢好快上枱，侍應哥哥建議我哋食咗個八爪魚先，可以食到海鮮嘅鮮味。哥哥細心幫我哋烤好隻八爪魚，剪開細細嚿，面頭微微焦，裏面緊緊熟，咬開入面爆哂汁，爽口彈牙。點一點海鹽，更加帶出佢嘅鮮味。三兩下手勢我哋兩個就KO哂一隻。然後就到我最期待嘅和牛西冷，油脂均勻唔在講，啲脂肪入口即溶，牛味出哂嚟。配埋清新嘅生蒜，辣醬同生菜，將肥膩嘅感覺一掃而空內臟呢家嘢唔係個個啱，尤其是豬大腸。不過我平時唔食豬腸嘅朋友仔都肯食，就知佢有料到。豬腸洗得乾淨，冇臊味，而且事前腌過，烤完出嚟煙煙韌韌，啲油迫哂出嚟，唔會食到成口油，食落甜甜哋咁，同大家平時食開嘅豬腸好唔同熟食方面，個韓式炒年糕十分足料，夠哂飽肚。鯖魚就辣辣地，有啲泡菜同芽菜，不過就稍為濃味左小小，要嚟送飯就啱啦。之後叫左杯魔法梳打，原來喺蝶頭花嚟，都幾得意。最後要講嘅就係餐廳嘅抽風真係做得好好，食完唔會成身一朕味，抵讚！

來到旺角TOP才發現這邊開了那麼多店舖。在五樓的空中花園還有燒肉吃，環境不錯喔。王道 Supreme Set $698先來個前菜，大醬蘿蔔牛舌裡面還有洋蔥和南瓜，蘿蔔非常入味又鮮甜，牛舌軟腍好吃！燒烤方面有紅蝦配大墨魚，大墨魚有分醃了和沒有醃的。紅蝦大隻，新鮮，連蝦頭也十分甜美。墨魚平常比較少吃，燒好後口感彈牙，也好吃！是日雪下覓炙·四款部位配黑毛豬五花肉。當中四款部位包括韓牛牛肩肉、和牛牛胸腹肉、和牛牛板腱肉及方切和牛。和牛果然出色，入口牛味濃而油脂分布均勻，好吃！我們另外還加配了柞木甕漬牛肋骨（$205），店員細心問及需否幫我們剪開牛肋骨，分成三份後更方便燒烤。牛肋骨超大份，性價比高，真的非常好吃！最後再來海鮮豆腐湯，香辣又暖胃，裡面的海鮮也一點不馬虎，青口、蝦等等一應俱全。是日精選甜品原來是蜂蜜蛋糕，原本還想說很飽了吃不下，可是蛋糕鬆軟，蜂蜜甜而不膩，太好吃了！

又去吃韓燒了～這次是到旺角一家位於T.O.P商場的韓式燒烤店。餐廳地方挺大，更設有卡位，所以坐得很舒服。前菜都是普遍的五小碟，泡菜味道也不錯。肉類方面，我點了牛肩肉和西冷牛扒。牛肩肉的間隙脂肪含量較多，肉質鮮嫩，略微燒大約4-5分鐘後收汁，吃起來汁水更足～西冷牛扒肉味濃郁，個人喜歡大火燒至香脆，吃起來口感更佳。另外特別喜歡他們一道和牛脂飯，把和牛粒和米飯一起燉，加上蛋黃攪拌後進食。粘粘的口感配合脂肪較重的和牛非常滿足。另外服務方面也很好，他們有專人處理燒肉，基本上不用自己動手燒肉，但如果你想和朋友談談秘密的話還是自己燒吧。😂總括來說，這間燒肉店質素是挺好的，尤其是那一道和牛脂飯，值得專程過來一試。柞木炭家 (旺角)旺角彌敦道700號T.O.P This is Our Place 5樓501號舖

今日嚟到富臨集團旗下嘅「柞木炭家」，餐廳最大賣點就係用柞木炭嚟燒烤，以柞木炭取代鐵板燒，以最短嘅時間將食物精華鎖住，不但可以保留食物原汁原味，更加令食物散發出獨特嘅炭香味。上菜之前都會提供多款韓前菜，全部都可以免費無限添加。而食韓國菜必備嘅韓式泡菜，更加有一砵係枱面，想食幾多就剪幾多。是日雪下覓炙．五款部位（$488)「雪下覓炙」其實係指古時韓國嘅皇室貴族喺雪夜之下品嚐嘅燒肉。依家「雪下覓炙」就成為高級燒肉嘅代名詞喇，只有珍貴同優質嘅肉品，先配得上呢個稱呼。我地今日品嚐嘅雪下覓炙一共有五個唔同嘅部位，每款嘅油脂分布比例都唔同，但係每一件基本上都油香十足，入口即溶。其中牛胸腹肉肉味最濃，肉汁豐富。柞木甕漬牛肋骨（$298)呢個牛肋骨係令我最印象深刻，牛肋骨仲長過我嘅前臂，店員會幫忙展開成適當嘅大小，方便擺上爐上面燒。牛肋骨用咗韓式醬汁醃製，味道甜甜地，肉質柔嫩。真露煮蜆（$89)日式煮蜆會用清酒，而韓式煮蜆就用真露。真露係韓國式燒酒，酒味香濃，但經過烹煮之後，已經無左難以入口嘅感覺，反而更加帶出蜆出嘅鮮味。蜆肉每粒都開口之餘亦都無沙，蜆肉肥美。韓式年糕（$78)年糕配上傳統紅辣椒醬，味道

忙足成個星期終於放假!一早約好媽媽LUNCH去食燒肉，揀左旺角T.O.P既柞木炭家，位於地鐵站上蓋商場，勁方便。餐廳環境好寬敞舒適，卡位夠闊落，空間感十足~店員好有禮貌，會主動幫手燒肉，又勤於換燒烤網、加前菜等。今日決定食好D，揀左王道套餐，另外可以加配牛肋骨、和牛西冷等，二人份量一定夠飽，食完真係勁滿足!前菜有齊蒜芯、蓮藕片、生菜籃等，仲有醃得好入味既自家製泡菜。大醬蘿蔔牛舌蘿蔔炆到腍一腍好香甜，牛舌軟綿，南瓜夠粉糯。是日雪下覓炙四款部位配黑毛豬五花肉韓牛牛肩肉、和牛牛胸腹肉、和牛牛板腱肉、方切和牛、黑毛豬五花肉四款油花呈雪花紋路，細緻均勻，好吸引!推薦方切和牛，入口鮮甜且香氣十足；和牛牛胸腹肉肉質結實，肥美嫩滑。加配最上等牛肋骨(原味)牛味濃郁，肉質軟嫩清甜帶嚼勁。紅蝦配大墨魚兩款海鮮鮮味十足，爽口彈牙。海鮮豆腐湯酸酸辣辣開胃鮮甜，豆腐入口好滑溜。是日精選甜品為綿密鬆軟既蜂蜜蛋糕。飲品媽媽揀左柑橘梳打，相當清新解渴。

放咗工同同事出旺角食嘢，行到去TOP搵野食🤤上到去空中花園嗰層，見到呢間柞木炭家環境唔錯，一於就入去食！餐廳主要食韓燒，環境燈光偏暗，坐得幾舒服。2人都安排左卡位比我地👏🏻懶得諗食咩嘅緣故，就直接叫咗佢哋個二人王道套餐($698)，有齊前菜、海鮮、燒肉、主食同甜品！我地再追加左份最上等牛肋骨🐂海鮮方面，燒紅蝦非常出色，燒左一陣已經勁香，大隻且肉質彈牙👍🏻🦐燒肉拼盤(是日雪下覓炙)方面，個人覺得韓牛牛肩肉最好食，肉味濃之餘，油脂分布平均❗️不得不提成晚嘅主角 最上等牛肋骨，成晚最好食，大份得黎，肉質嫩滑，店員仲會幫我地剪開，方便我哋燒。如果叫套餐嘅話一定要加埋，成個份量夠三個人食😂抽風系統做得唔錯，燒完之後返到屋企都聞唔到嗰陣燒肉味😚

上星期黎T.O.P.食完野行出餐廳時，發現呢間韓式燒肉大排長龍，眼望店舖都幾深幾大，依然爆場，心想真係咁好食?今日就黎試下~行入店舖，雖然人多,但一D都唔迫夾，最重要係油煙味唔重，直到我地用餐完畢，都無食到油笠笠，吸到見衫一陣味嘅問題出現~見到有個王道套餐，似乎好多款式，簡簡單單又唔駛諗，就點呢樣!前菜係大醬蘿蔔牛舌，醬汁味濃，蘿蔔煮得軟淋透徹，食落辣辣地好開胃. 再黎四小碟前菜，有醃青瓜、蓮藕、蘿蔔等等，仲有三份醬汁，主菜未感覺到夠晒豐富豐富！紅蝦配大墨魚： 紅蝦越燒越香，我蝦肉鮮甜，厚切大墨鏡燒咗一陣開始捲起再燒下佢就OK，爽口彈牙，一啲都唔韌。跟住佢嘅燒肉拼盤，有韓牛牛肩肉、和牛牛胸腹肉、和牛牛板腱肉、方切和牛、黑毛豬五花肉，我自己最愛食和牛牛胸腹肉，脂肪較多，咬落特別軟熟，沾蛋汁或者包生菜都一樣咁好食。另外黑毛豬五花肉亦都好出色，脂肪同肉比例無得彈，放上鐵板將油脂逼出，一啖咬落去感受著邪惡嘅脂肪，香口又惹味啊！另外加錢要左韓燒和牛西冷，肉味香濃伴著均勻嘅油花，本想要多份，不過本身個餐已經好豐富，實在食唔到咁多！套餐入邊嘅海鮮豆腐湯有青口又有蜆肉，入口可以先飲到海鮮鮮味，再黎刺激

今日去咗旺角行街，第一次嚟到T.O.P.商場，行完之後見到肚餓啦，就同朋友開始食晚餐，見到呢度有烤肉，而且好香所以就入去試吓。叫左泡菜青花魚，另外叫咗個五個部位牛烤肉，另外再叫咗壽喜燒和牛西冷，驚唔夠飽再叫咗個泡菜韓牛炒飯。未上菜之前枱面已經有好多韓國嘅前菜俾你食，款式都有好多款至於泡菜仲可以不斷加添。之後就係個和牛西冷壽喜燒上枱，仲會配埋生雞蛋同埋細細舊嘅飯，職員會幫你烹調，幫你擺上碗，自己咩都唔使做。味道方面覺得呢個壽喜燒比我之前尖沙咀其他餐廳食嘅更加好食。個泡菜韓牛炒飯好有驚喜，起初見到咁大碟諗住實食唔晒但係因為實在太好味一啖有一啖咁將全碟食晒。牛五個部位嘅烤肉，唔係好知邊五個部位，如果職員介紹一下或者標明返個牌會好啲，味道都唔錯。泡菜青花魚個汁比較潔身，但係魚嘅份量都唔少。最後甜品仲叫咗個雞蛋糕，味道普普通通正正常常冇乜特別。環境方面通風都唔錯，唔會一大浸烤肉味。

星期六嘅下午來到旺角T.O.P 商場樓上的一間韓燒餐廳食午飯，雖然只係下午，但估唔到都唔少人喎。我好鍾意食燒烤，但我好驚餐廳有好大陣味。但係呢間餐廳個通風做得好好，入到去一啲味都冇。一坐落店員已快手地送上前菜，有泡菜、爽蓮藕片、辣洋䓤等等。等嘢食時先啱晒喇。佢哋仲會放一確燒芝士粟米，俾你用生菜包住啲肉、蒜片同青椒時落啲芝士同醬料，真係勁好食。荔枝梳打（$36）和魔法梳打（$36）- 食韓燒一定口渴，兩杯梳打都大大杯，並且唔會太甜，仲十分解渴。泡菜青花魚（$78）- 青花魚份量不少，每人也食到幾件。魚肉嫩滑，唔算太辣。但唔食辣嘅男朋友就覺得底下浸咗的泡菜同湯較辣。是日雪下炙五款部位（$488）- 分别有牛小排、和牛、牛腹肉、西冷同上胸肉。真係高質好味呀！全部多牛脂味濃，肥瘦分佈平均，口感嫩滑，咬落冇渣。柞木甕漬牛助骨（$298）- 勁大塊牛助骨，不過唔洗緊張，店員可幫手剪同燒嘅，確保肉質不會燒燶。牛助骨先醃過，味道更入味，肉汁豐富。1++韓牛生牛肉石鍋飯（$188）- 見到都唔洗驚，因為店員會幫你撈勻的。牛肉固然嫩滑，加咗隻生蛋炒令到整體香口，飯亦粒粒分明。我最鍾意佢底部有少少微脆嘅飯焦

行開旺角,見之前有人推介柞木炭家就上來試下見個和牛方切套餐只係$128,仲可點多3款肉，就試下坐窗邊位仲望到個空中花園。配菜好大碟，中間個瓶仲有泡菜任食肉都唔少（呢度兩個餐）和牛真係有和牛味，牛五花同個豬梅肉都醃得好夠味爐又夠熱！（試過去啲燒烤店個爐火好細，燒好耐都唔熟）仲有個牛肉蛋飯超飽！

旺角呢個商場開咗都好幾年，但係一直都冇機會嚟行吓。趁今日放假同男朋友一齊過嚟逛下，順便食個晚餐。一嚟到餐廳坐低職員就即刻會幫你擺好晒啲前菜，我都係第一次食韓燒前菜可以多到圍住過爐，最重要係每一樣前菜你食完都可以添，款式之多，真係啱晒唔同人嘅口味。而另外令我驚喜嘅係佢呢度提供嘅唔係清水，而係麥茶，而佢啲乜茶都好好飲，幫助解膩。順帶一提，呢間韓燒開咗喺空中花園隔離，而且餐廳都佔咗空中花園一個地方可以俾人喺戶外燒，所以個個都話呢間餐廳好chill就係咁解。上網見到個個都話佢呢度嘅牛肋骨好好味，所以我哋今晚都叫咗嚟試吓。佢呢條牛肋骨真係好長，性價比來講我覺得幾高，所以喺燒之前係需要剪開佢先。因為我哋兩個唔係好識燒，所以都請職員幫手。見到職員好細心咁將條牛肋條平均分成三份。燒熟左之後又再幫你每一份都在展開四舊，而牛肋肉都燒得啱啱好，咬開有好Juicy，最重要係成個過程我覺得佢好專業，好細心。而佢展開嘅size啱啱好放落去生菜包嗰度，配埋佢哋嘅泡菜同埋醃製青瓜，真係又爽又好味。另外我哋仲嗌左個是日雪下覓灸，其實就係當日廚師覺得靚嘅五個唔同特選部位。可以見到有啲會瘦啲，有啲肥啲，有啲會平均啲，而每一