柏麗廳

营业中

休息中

😍🤩龍蝦 鵝肝 生蠔 長腳蟹 和牛刺身 應有盡有甜品區 超吸晴 超級心心眼😍人均$4xx 性價比好高.♥️男友生日月 秉承兩位都係好食之人今個月一定去盡唔同嘅餐廳試畫唔同嘅美食今日入到沙田 去到位於帝逸酒店 柏麗廳 試吓佢嘅新加坡美食主題自助餐 .自助餐包含菜式，相當多龍蝦 鵝肝 生蠔 長腳蟹 和牛刺身 應有盡有甚至佢甜品都有10多種 人均$4xx 性價比好高 .✨龍蝦肉質彈牙 人生食過 最多膏又鮮甜 完全係食過咁多間自助餐龍蝦最出色 .✨長蟹蟹腳鮮甜 隻隻都大隻開出嚟啖啖肉 肉質冇浮水感.✨生蠔新鮮即時拆殼 見到每次都排長龍 就知道幾吸引配醬更好食 我哋一共食左16隻 （如果唔係要試其他嘢我深信我哋可以一直食落去）.✨鵝肝多士入口即溶 質地細嫩 味道濃郁食左6件 每一啖都充滿幸福感.✨佐賀和牛即場鐵板燒 入口即溶 牛味濃郁 忍唔住排咗兩轉.✨慢烤鹽麴燒佐賀A4和牛脂香到暈 肉身紋理分明 必定要食 我食左3轉.✨和牛芝士漢堡Share食咗一嚿 口感不錯 可以一試.✨刺身紅蝦及三文魚 必食款款都大件亦都相當新鮮 帶子鮮甜.✨畫碟服務可以寫紙仔 比同事 寫上對朋友祝福說話 配搭甜品

同屋企人去食自助餐，週末午市全場滿座，但所有食物都refill得好快，而且收碟同事都好積極快手，值得一讚最受歡迎一定係凍海鮮區，生蠔長腳蟹呢啲都好多人拎。生蠔比想像中大隻，冇臭腥味，長腳蟹超級大隻蟹腳！回本之選甜品選擇唔少，最招牌應該係心太軟，超級流心，而且無限畫碟，寫張紙仔俾佢就會幫你整，慶祝生日或者紀念日都好適合。另外個人推薦焦糖燉蛋都好出色。平時我對熱食無咩期望，但佢竟然有20幾款，包括龍蝦仔🦞試咗幾款味道都唔錯，幾有心機！

鐵板燒佐賀牛🥩 和牛中嘅頂級代表，肉質保持鮮嫩多汁入口即溶！重重嘅牛味🤩長腳蟹肉質嫩滑鮮甜，配備多種醬汁👅 每一款都好夾！生蠔新鮮Creamy🤩每一隻都好大！好好味～鵝肝配多士鵝肝質地細膩、味道濃郁👅搭配烤得極香脆嘅多士，口感非常豐富🥰最特別就係甜品部有得即場免費畫碟🥳配埋新鮮滾熱辣嘅心太軟🍫

沙田柏麗廳喺唔同平台訂位都做緊買一送一🥹今期重點係佐賀和牛以及勁多種類海鮮區，可以話係香港人最鍾意食嘅嘢呢度都齊晒咁濟了，難怪每晚爆場🔥🦞 海鮮區超澎湃：龍蝦、長腳蟹同生蠔🦪海鮮新鮮大隻好滿足，龍蝦有膏蟹腳鮮甜，今晚有嘅美國生蠔質素都幾高，鮮甜大隻夠creamy🥩 和牛主打： 香煎佐賀和牛西冷係必定要食！好少會見到咁厚切嘅和牛扒而且火喉係一流！和牛油花勻稱油香十足，不同變化多重享受！熟食類：比較特別嘅有鐵板芝士和牛漢堡扒日本豚壽喜燒、香煎鵝肝、燉湯、天婦羅等各有特色🎂至於甜品方面選擇種類多，蛋糕、雪糕、以及畫好晒碟嘅朱古力心太軟都一定要拎，呢度仲可以拎埋蠟燭，夠晒儀式感😍

今日同媽媽黎食自助餐～見到好多人都一家大細咁黎🤣食得超飽呀😚✨美國生蠔 現場即開架～鮮甜無比，我最中意配檸檬/辣椒仔🦪🍋要排隊～同埋一次最多拎3隻👌🏻✨長蟹腳 蟹肉鮮美，都好易拆🦀✨重點係不斷refill，唔洗排隊食足成晚都得呀🤣✨龍蝦 & 凍蝦好新鮮，肉質係爽嘅😝加啲檸檬汁已經好好食✨紅油抄手 皮薄餡多，啖啖都係蝦肉！！！辣味十足🥟🌶️✨忌廉泡芙 口感輕盈，內餡滑順🫶🏻甜而不膩，忍唔住食左好多個😝無論係生食定熟食都唔錯，性價比好高✨🍴柏麗廳 📍 香港沙田白鶴汀街8號帝都酒店3樓 📞 26331288

今日去食。一入去見到比第一次去時小左好多人。都覺奇怪。一出去拎野食。即開生蠔無左。應該吾會再去食。比第一次去時水平下降了好多。應該無下次。野食麻麻地。種類好小。

Finally made it to the buffet at Pride Hall, Royal Park Hotel! 🍽️ The place feels classy and cozy with soft lighting, perfect for a chill night out with your besties. The food selection is massive—fresh seafood🦞, sashimi🍣, freshly carved steak🥩, and a super pretty dessert zone🍰. Had to try a bit of everything!🎉Birthday & Anniversary Perks They offer a special molten lava cake plate where the chef will write any message you want!📸 Super Instagrammable and you can get your name written on it—so mu

對上一次已經係冬天嘅時候時，因為之前見到呢度都唔係開咗好耐，食17:00呢個時間真係太抵！完全冇諗過$300都唔使就已經可以食到晚餐嘅自助餐！仲有好多選擇，有生蠔長腳蟹任夾。但係今次第二次再光臨就有少少失望！因為長腳蟹補得都幾慢，我哋17:15入席，到18:00都係補咗一次長腳蟹！而且今次仲冇生蠔添。變咗熟食嘅蠔。但係佢嘅煮食都係keep到水準！😋尤其係呢個鐵板燒嘅牛！排隊時間唔使太長，但啲肉質真係幾Juicy！勁香牛味

懊悔不已，難食過屎，質素超差，不知所謂，寧願去食譚仔，個人算係掃食不太講究，但係呢餐非常出眾，不反應不得，免繼續遺害人間，廁所都污糟，算咩酒店？再次選擇寧願喺屋企食餐蛋麵，牛肉黴，豬肉乾，雞肉韌，魚肉爛，海鮮一浸雪味，豬腳薑都難食過人，隻雞蛋咬落好似塑膠波咁嘅口感，豬手一啲味都冇，夠薑做錢梅菜嘅口感，真係一絕，最基本嘅咖哩，都煮到成pat屎咁，一啲味都冇純粹個顏色係一模一樣，成餐飯都唔知食咗啲乜，連最基本嘅甜品，啲撻都難食到x街，雪糕又唔夠凍，連西瓜同蜜瓜都一浸雪味，沙律菜都唔新鮮，唯一一樣覺得冇問題嘅就係嗰一杯清水，總括來說，請我食再回贈現金我都唔會選擇再食多一次，譚仔好好多

柏麗廳自助餐真係幾抵！🍽️ 我最鍾意嘅幾款：— 海南雞好嫩滑，完全唔鞋— 胡椒龍蝦鉗夠香夠辣，好惹味— 肉骨茶味濃但唔過鹹，好啱香港人口味— 午市先有星洲貴刁，記得早啲去！— 斑蘭蛋糕唔會太甜，食完好清新🐚 海鮮方面都有驚喜！魚生款式多，生蠔新鮮，凍蝦凍蟹腳都好啖啖肉。半熟芝士撻一定要試！出面流心，熱辣辣超邪惡 😆🥩 和牛壽喜燒唔講得笑，肉味濃郁，配日式醬汁一流！🍫 最後甜品仲有心太軟即場焗，碟面仲可以自訂字句，打卡一流 💥🍷🍾 飲品方面：任飲紅酒、白酒、氣泡酒，仲有即場調製嘅cocktail！想飲咩就飲咩，真係chill到不得了！

最鍾意捐窿捐罅搵嘢食嘅我哋，見太耐都冇食過自助餐，今次俾我搵到一間超抵食嘅自助餐，有生蠔🦪龍蝦🦞長腳蟹，熱食、甜品都好多選擇👍🏻美國生蠔超新鮮👍🏻龍蝦多膏😋長腳蟹啖啖肉，好有海水鮮甜味😋壽司刺身樣樣齊👍🏻熟食方面有佐賀和牛鐵板燒，超香牛味入口嫩滑🤤慢烤鹽麴燒都好正杞子燉雞湯真係加晒分，淡淡雞湯精華，超香濃又足料👍🏻食完生冷嘢飲返碗燉湯超暖胃🤤炒飯、意粉 🍝通通都有，真係超多選擇甜品方面有雪糕、雪條，仲有限時出爐嘅心太軟，仲有畫碟服務，估唔到食buffet都可以有視覺同味覺嘅享受😌飲品都好多選擇，就雪梨水、青檸綠茶、咖啡奶茶等等，仲有紅酒🍷白酒、cocktails任飲，總有一款啱自己今個暑假The Palate7月&8月推出新加坡主題食物食物包括：海南雞、胡椒龍蝦鉗、新加坡肉骨茶、新加坡咖哩雜菜、星洲貴刁（只限午市供應）& 新加坡斑蘭蛋糕最抵食係咩呀，小朋友100 cm以下免費啊🤩啱晒暑假食buffet 😊

早幾日帶左2歲仔仔第一次食buffet，上網睇個個都評價為性價比高，平日夜晚都只係四百幾蚊，我地星期四晚去係full house ，最吸引嘅是三歲以下的小朋友可以免費用餐，完全係一個加分位。講下食物先海鮮類有龍蝦、長腳蟹腳、蜆、青口🦞🦐長腳蟹腳輕易成條肉掹到出嚟，好新鮮👍🏻7:00去到見到海鮮所剩無幾，都有啲擔心中伏，點知都見到佢refill咗兩三次7:30特別食物類生蠔🦪，估唔到隻隻都既肥美又鮮甜，每次仲可以拎3隻，拎極都唔知點解個蠔山仲係度🤣🤣鐵板燒和牛🐮，即刻用部機切成薄片再拎去鐵板燒度燒，我就幫Jasper特製咗一個和牛炒飯做晚餐🤭鵝肝多士🪿，配埋特製嘅醬汁👍🏻👍🏻👍🏻香煎芝士和牛漢堡扒🐄，大份倒真係要2個人share 心太軟 🤎🤎仲可以寫字，啱晒特別節日去慶祝飲料方面Cocktail bar 🍸 紅白酒任飲🍷 多款果汁飲品我見到嗰下，簡直係呆咗，心諗會唔會太有誠意？其他仲有好多款熱食和甜品不能盡錄，完全滿足倒不同口味人士的需求。環境舒適，服務人員好helpful 特登揀咗一個方便攞嘢食嘅位俾我哋。無論是家庭聚餐定朋友聚會，都係一個好選擇。總結黎講，自助餐真係性價比超高，帶小朋

住新界區朋友仔一定黎過沙田呢間性價超高嘅自助餐廳！入面除左可以任食海鮮，仲有超正嘅日本🇯🇵佐賀和⽜，即開生蠔🦪 ⾹煎鴨肝，任飲任食雪糕，紅酒🍷白酒🥂甜品區仲可以畫上最鍾意嘅公仔/字句，氹家人或者另外一款開心✨ 每次嚟到都好多人嚟生日！而且餐廳仲有超多熱盤！無論小朋友同屋企長輩食都好岩！除左即開⽣蠔，冰鎮有龍蝦、長腳蟹腳，刺身，仲有7 吋長阿根廷紅蝦。最正喺佢哋招牌日本和牛同壽喜燒！包括🇯🇵 ⽇本佐賀和⽜鹽麴燒，⽇本和⽜鐵板燒同北海道⽩樺豚壽喜燒等等現場雞尾酒站Cocktail Station🍹和⾃助飲品 ！即時調製的雞尾酒和無酒精飲品，果汁、泡茶、咖啡應有盡有，暢飲無上限 ！晚餐時段仲有紅酒、⽩酒任飲！食完甜品，仲可以任食Mövenpick雪糕🍨🍽️柏麗廳 THE PALATE 沙田📍沙田白鶴汀街8號帝都酒店3樓

超耐冇食自助餐！！！原來依家啲自助餐好抵食喎半百左右一個人😏星期五黎食全場滿坐呀🤣🤣🤣🛎 佐賀和牛鐵板燒 呢個佐賀和牛唔簡單，薄燒嘅熟度控制得好好👍🏻肉質鮮嫩多汁，幾本上入口即化，會包上炸蒜片同蔥🥩🔥好香喔～🛎 龍蝦 & 凍蝦好新鮮，肉質係爽嘅😝加啲檸檬汁已經好好食🛎 和牛芝士漢堡非常邪惡～和牛識爆汁咁，芝士係半融嘅😝😝😝熱辣辣，拎到記得快啲食🛎 心太軟 有無限免費寫碟服務見到好多孝順仔女嘅留言🤣心太軟仲要係外脆內嫩，超流心🍫勁正✨仲有好多款魚生、壽司、飲品（有/無酒精）、熟食～係好滿足嘅一餐😍😍😍

一向都勁鍾意食自助餐既我地，久唔久都會搵自助餐食😂 特別Target D小朋友可以免費既自助餐，慳返唔少🤣 呢間 100cm以下免費，7 至 8 月暑假檔期做緊新加坡主題，海南雞、胡椒龍蝦鉗、新加坡肉骨茶、 新加坡咖哩雜菜等。晚巿分左3個價錢，最早5點食到7點，價錢平好多，但原來食物都差好遠，一分錢一分貨。7點半後除左海鮮、刺身唔同左，多左即開生蠔、龍蝦任食、刺身蝦、帶子等。連熟食都多左和牛漢堡、鴨肝多士等。海鮮Refill 速度仲快左好多。呢度仲有畫碟甜品，心太軟，岩晒節日慶祝。餐廳提供紅白酒飲，仲有雞尾酒，仲有士多啤梨香蕉奶昔，岩晒小朋友。