柏景餐廳 (已結業)

星期六跟友人一起到此食tea buffet. 雖然3:15pm開始, 但3:00pm已經可以入坐. 入去就坐時已發現有很多不同的選擇. 我的朋友笑說好像dinner一樣. 真的什麼種類也有, 一般的tea 食物外, 還有pizza, 三文魚, 生滾粥, 爆谷, 煮菜,麵也有....飲品任飲. 除了甜品真的一般外, 以這個價錢來說, 真是相當超值!! 可能期待不高, 以至整體都好滿意, 是個不錯的選擇呢!

心血來潮，與友人來這裡吃下午茶自助餐。自助餐下午三時十五分才開始，我們比預定時間早了點來，看見不少人已在等候，幸好我們能夠準時於三時十五分就座。食物種類一般，有沙律、壽司，一般的熱盤和甜品。三文魚刺身意外地覺得新鮮，連平日不好三文魚的友人亦大讚好吃﹗熱盤乃十分普通的菜式—薯角、燒雞、燒排骨、雞翼、炒飯、點心…等等。最普通不過的菜。另一驚喜則是那個紅青蘿蔔豬骨老火湯，湯料十分充足，亦沒有加水，實在感到驚喜﹗甜品亦比預期中豐富，有夾餅，多種的芝士蛋糕、布丁等等，而且re-fill速度亦十分快，值得一讚﹗侍應服務態度尚可，收碟速度十分快…唯一缺點就是他們於下午4:45便要求我們結帳，有點「催趕」之意﹗總括而言，以這個價錢來說，是很不錯的一餐。

又走去食LUNCH, 今次叫個business lunch, $88有2個courses, 價錢都算唔錯附餐的一籃餐包, 款式算多, 4個人比左6,7個包我地, 不過有d硬, 唔夠軟同唔夠熱,頭盤的泰式青木瓜沙律好唔掂, 個青木瓜唔爽口不特止,無蟹仔無魚露, 只係得花生粒同蝦仔, 味道勁淡, 完全無泰式風味, 好唔得.主菜叫了一客紅酒燴羊膝, 這個好香的羊味, 味不羶而且燴得好腍身, 又唔係鞋肉個隻, portion又足夠, 加上有一堆什菜加薯蓉, 薯蓉就有點杰身一pat pat, 水份不足, 但overall來說, 呢個main course都不錯的!!環境都光猛, 張椅太重好難推開, service係不錯,有笑容又勤快, 衰在個頭盤扣左d分

用任何信用卡簽單有八折...計埋加一約$240 per persond 野食幾好味....雖然冇生蠔但係有其他海產冷盆：螺、蟶子、大頭蝦等...對於我呢個唔多好生蠔既人黎講就反而更好~ 乾淨同埋有甜味刺身係大路野啦..三文魚八爪魚吞拿魚同埋立魚最有驚喜既係鐵板燒大蝦...真係好爽好彈牙! 不斷地有refill...算有d 甜味既..不過有多d 會更加好=]d 海南雞都唔錯喎..overall 黎講熱盤冷盤既選擇係夠兼夾唔錯既甜品有不定期hagaan dazs 雪糕供應，不過好快俾人拎/搶晒..d 甜品唔係太得~ 冇乜款式同埋唔多好食...個cheesecake 例外~ 係幾好味既@@"不過最大問題都係d 人打尖同埋有時會搶野食je..-___-"refill 速度ok..不過食到九點到熱盆已經冇晒-_-"d waiters 既服務好得不得之了~ 值得一讚

男友訂位同我慶祝生日, 食lunch buffet, buffet 12:00先開始, 同埋因為係平日, 所以我同男友係第一批人到, 不過最後都冇坐滿人講番個buffet先, 我覺得好正呀, 因為有好多野都岩晒我同男友口味, 首先我講吓我地食左d乜先啦熟食其實冇乜印象, 大概有雞, 排骨, 咖哩, 天婦羅(男友至愛), 燒烤腸仔, 雞翼, 炒飯(西炒飯, 男友至愛), 炒麵(福建炒麵), 點心(蝦餃, 小蘢飽), 點心唔建議食, 因為唔新鮮, 好明顯係急凍點心番蒸既, 仲有海南雞, 但係我發覺同白切雞冇分別, 我就主功魚生同甜品, 估唔到lunch都有魚生食, 不過款式唔多, 得兩款, 我只係食左三文魚, 而壽司方面, 有我最鐘意既腐皮壽司, 好開心, 同埋佢腐皮壽司都有幾款架, 不過我太飽, 食唔落, 仲有沙律, 有我至愛既炸麵包粒, 哈哈…煙三文魚當然唔少得啦, 而對我黎講係主角既甜品梗加冇得彈呀, 除左有多款cheese cake(blueberry, American, new york, white wine), mousse cake(cappuccino, chocola

1.話係中日韓buffet, 我不覺得有韓式，炮菜一D咁小食都無不特止，所謂日式只係例牌小小魚生加壽司。唉！2.buffet 選擇極度少, 730 pm時d沙律已經唔refill。3.buffet 由630–930pm,未夠8:45pm 已經叫人埋單4.價錢收HKD298 一位, 雖然用信用卡簽帳有八折, 但係收得呢個價錢, D食物水準差, 而且選擇亦唔多5.D海鮮有蜆, 青口, 蝦, 但大部分都好似白灼甘款, 無味……而且亦沒有生蠔6.930pm 時, 有waiter話1000pm有宵夜buffet, 叫我地離開, 話出面有d位可以傾計wor7.個captain仲搞笑, 將beer 讀作“bear”真係一聲各位如果諗住比大約HKD260 位buffet, 就千祈唔好去呢間餐\廳!我已經決定用腳投票, 永無番單! 各位, 自己執生!

未重新裝修(最少兩年前)以前經常幫親,反而裝修後就昨天是第一次來,約了個兩年無見既好友Vivian,帶埋仔仔共三人一起lunch, 全白色裝修,開放式廚房(現好多酒店都是)比以前感好好多,食物種類都好多,由沙津,鱼生,海鮮,点心,湯,架喱,飯麵,鐵板嬈食物也有多種,燒豬腿,另熱盤有六至八款,雪糕,豆腐花,水果,甜品也有十多二十款, 應有盡有...因太多人,我只選了少許鱼,清菜,咖喱,仔仔食左少少飯和雪糕,總括食物味道很一般,本來想到湯粉麵睇睇,点知只有三四款餸,還是加工食物,連雲吞都無,所以空手返回位子算了,講真呀,以$168還有八拆咁多選擇都幾抵,但對我個人而言,就有点將貨就價了..

今天和媽媽來了吃lunch buffet，一般酒店buffet的水準啦！煙三文魚、沙律bar、粥、湯、三文魚刺身、天婦羅蠔、即整湯粉麵、點心、中菜、蛋糕、甜品、生果、檸茶/利賓立/奶茶/咖啡任飲，最喜歡美國芝士餅，本人吃了2件，環境也不錯，但12:20到達已經full了，幸好已經訂了位，都算是物有所值。

跟女友和老媽到這兒吃週日下午茶自助餐。三個人埋單。每位$130（原價$139，HSBC Visa 八五折，另加一）場面好墟憾！環境幾好，但客路立立雜雜，大概是因為地點關係。試了鮭魚刺身，麻麻地新鮮…。整了碟沙拉，補充纖維和水分！有極之普通的甘筍絲、青瓜、粟米、紅腰豆、生菜、紅椰菜、蟹柳、日式蘿蔔漬物…。鹹點試了牛角包、芝士碟、凍切肉、炸薯角、春卷、滷水雞翼、咖哩角、煎日式餃子、照燒雞肉、煎魚餅、海鮮卷、意式薄餅、鮭魚餡包、芝腿手指三文治…。相當大路食品。甜點方面，以朱古力噴泉、班戟較為有睇頭。試了法式吐司、迷你泡芙、紅酒燴梨、朱古力布朗尼、核桃蛋糕、果仁布丁撻、木糠布丁、德國芝士餅、朱古力慕絲蛋糕、芝士慕絲餅、紐約芝士蛋糕、麵包布丁…等。亦很普通得很。雪糕係巢雀迷你杯，試了雲妮娜味。飲品方面，啡、茶、橙汁，自助任飲。亦有相當多飽肚食品，如：炒飯、炒意粉、湯麵檔、淡麥皮和粥配料、各式粥、三式冷麵…都係一般三星級酒店貨色。應該冇下次。

上個月Cafe on the Park做左個”「越」食新「法」現”buffet，基本上我都唔知「越」在邊同「法」在乜，不過食物種類總算不少。講下冷盤先，日式當然不少，壽司不要有期望，不然就放棄吧，冷麵等算可是可以，若是魚生愛好者，即切的魚生是不俗的選擇。中式熱盤方面，有粉麵同點心，正如前面食評講，蝦餃皮比較厚，同食急冷點心差不多，其他亦只是一般水準，因此點心唔一定要試；至於粉麵就冇試，不過見有人食就幾大碗。西式熱盤方面，有燒烤食品，不過不失，其他如胡椒蝦、鴨胸、魚柳，以buffet來說已不錯。至於甜品，都佔用個場一定比例，種類亦頗多，最有印象都係個朱古力噴泉，此外亦有生果同班戟等例牌甜品。環境方面，唔知係宣傳夠定真係咁正，非常多人，雖然是平日夜晚，亦出現香港假日lunch buffet的混亂場面，而檯與檯之間頗為接近，大家都有壓力！服務方面，一般酒店餐廳水平，收碟速度還可以（香港收碟一定要快，因為香港特色係食好多轉，由頭力放到尾，同外國人好唔同）。至於$268有八折，食物的質同量都OK，算係抵啦。

今次順便記下上個月在這裡吃的lunch buffet,overall,都仲係keep得好好噃!抵讚啦!加上d chef的服務態度都好好喎!有禮貌有笑容.好親切咯!我就好記得嗰栗子cake超正咯!還有那個pudding!雪糕就只供應雀巢咋! ok啦!熱食:燒賣,蝦餃,炸物,刺身,德國腸....全部係好好食呀! 我朋友話好食過todai呢! 講真我鐘意呢度ga環境多過todai咯! 呢度好舒服,又乾淨嘛! 話晒都新裝修過嘛!

與幾個business partner係度食個lunch buffet, 呢期個朝台瀛都算有點gimmick, 睇下點裝修後一路都無去食過, 今次再來個感覺真係唔同晒, open kitchen白色裝潢, 同一般酒店格局好唔同, 成個新潮晒食物都係多款, 廚師話佢地炒貴刁同海南雞係正野, 本人好欣賞佢咁落力去sell, 炒貴刁水準只係一般啦, 唔太油,都尚可,海南雞就無咩肉, 一般啦冷盤中有個人蔘沙律都有點新意, 見到一片片人蔘, 青椒雞肉加勁香的麻油, 味道ok, 但食落無咩人蔘味....熱盤的南大門炆雞好香好入味, 少少辣好香口, 場中即製的爐端燒, 牛脷好正, 入味又好滑好腍, 食得過, 串燒則一般甜品方便比較遜色, fruit tart好腍, 個人蔘jelly好硬又無蔘味, 合桃蛋糕好硬, 好似未發起......台式鳳梨蛋糕都算香滑味道新穎, 有counter食choco fountain, 又可自製pancake同puff, 呢個都可以係一個bonus啦service ok, 員工都快加水同有禮, 不錯的service, credit card有八折, 唔駛$120一個人,

魚生、剌身，好新鮮+有鮮味最鐘意食蘿蔔糕,熱&辣正甜品款色多

$2XX 8折估唔到貴鬼多野食,每樣食一件已經很飽每一味菜都不算貴(沒有生蠔),但勝在特別且味道佳我食左好多青口三文魚刺身之類o既冷盤,印象深刻好食o既仲有火腿,豬手,比目魚,龍味道不佳的包括小籠飽蝦餃(皮太厚),燒牛柳及牛扒(太鞋)甜品(有朱古力噴泉)水果亦很好,款式齊,同埋竟然有哈根戴斯雪糕,女朋友食左兩杯,可惜我太飽食唔落了,而家發覺年紀大左食量都小了,有些熱盤都未試最後斟左杯熱紅茶,好香好甜$2XX來說,位置亦很闊落可能平日關係,走動亦很方便

野食如下面食家講既一樣,其實我覺得都唔算多野揀,水準亦好一般, 唔係好覺咩係越, 咩係法?smoked salmon都幾好味, sushi就一般啦,比較鐘意佢既蒸魚, 好滑!至於我最鐘意既dessert種類唔多...chocolate mousse都冇咩chocolate味,blueberry cheese cake 唔錯,bread pudding同puff都唔好食,雪糕有haagen dazs食!! 有strawberry, coffee同chocolate! 即整waffle同pancake都唔錯!整體黎講都係okay啦, 冇話特別好唔好...