柏景餐廳 (已結業)

上星期二4/4係公眾假期前夕,所以有宵夜buffet食,10.00pm 開始, 冷盤有三文魚,熱盤有蒸魚,煎三文魚,羊扒,粟米,香腸,咖哩角,乾炒牛河等,中式點心有珍珠雞,燒賣&小籠包等,有好多甜品,除左有蛋糕,仲有班戟同朱古力噴泉,因為唔係dinner, 所以無haggen-dazs,但有雀巢雪糕(有我鍾意嘅芝麻味),好好味.唔知點解,嗰日兩個人,用指定信用卡都有八五折,每人都係$130,如果唔係要求高嘅,就絕對抵食夾好食!

星期日Lunch Buffet $158 位, 依家用任何信用咭還有八折優惠, 環境不錯, buffet table 位置寬敞, 攞嘢食唔使迫，食物有沙律, 新鮮三文魚,壽司, 炸蠔, 各款熱盆，中式點心，甜品有cakes, 豆腐花，雪糕是一杯杯的「雀巢雪糕」, 還有朱古力噴泉, 與相若價錢的酒店相比，絕對是最佳選擇！Lunch Buffet : 12:00noon - 2:30pm ($158/位)

3月27日晚上吃自助餐,由6.30-9.30. 價錢係成人好似259元一位(星期一至星期四). 如果用任何一張信用卡都有8折. 折後都只係230元左右啦. 食物主題係亞洲美食. 環境唔錯,都好好,好光. 有少少似日本的FEEL.似香港柏寧酒店的FEEL.沒生蠔,但有好多海鮮. 如凍蝦,新加坡式的CRAB,三文魚,雞湯,有少少海膽的壽司,三文魚都好新鮮,泰式魚翅湯,有雞湯,所有魚生都好新鮮. D瀨尿蝦真係好好吃,同埋D蝦都好好食. 熟的食物有OK.至於甜品方面,都有好多好多.仲要係細細件,真係好靚又好好食. 有LEMON TEA,奶茶去CHOOSE,又有即整的PANCAKE,女仔一定好鍾意.雪糕方面有haggen-dazs,不過只係CHOCOLATE ,COFFEE,COOKIES & CREAM味,其他味沒啦.

2006/3/18今日同班朋友聚舊,我都未試過同咁大班人去食buffet~足足一打(12個)哈哈^^呢間餐廳係我推介既，上年8月去過覺得環境同食物都唔錯今次主題係亞洲風味，不過去到都唔理乜味見野就食唷^Q^本身唔食生食物，見旁邊朋友A同B都對餐廳出的刺生(特別係魚生)讚不絕口!我見到d魚生真係幾肥美又厚~我想應該唔錯吧,哈哈我主攻蝦同蟹，凍蟹比上次食的更好食，蝦就食了凍蝦,炒蝦同燒蝦，又大隻又yummy熱盤款式都算多，不過今次的蒸比目魚味道唔多好食，我都鐘意食返傳統的魚類甜品也比上次遜色，本身都唔好甜品所以只食了一點，女性朋友也覺得味道偏甜幸好今次的雪糕係haggen-dazsO口O(上次得雀巢咋)吃了一杯心都開心d(男性朋友們吃了2杯,哈哈)最後都訪問旁邊幾位朋友，今餐整體質素如何，他們也說OK^^我心都安樂哂位位250，雖然我食得好少而且價錢是貴，不過，一大班朋友出黎，此刻無價^Q^

食過兩次！最鍾意都係佢個bread pudding!　我本身唔係幾食熱甜品架，但係呢個就梗係例外啦！熱盤d野味道都幾ok!　魚生係個師傅個別為人客切架，雖然可能要等一陣先有，但總好過佢切定哂係度啦，一早切定，都唔知佢放左幾耐啦！魚生份量都幾好，但我d friends 就話少左d,唉！問心啦，唔通唔洗食其他野咩，咁鍾意食魚生不如直頭去食日本野啦！一次攞左返去唔夠食咪行多一次去攞囉，好過食唔哂放哂係度浪費哂啦！d 白開水就怪怪地，可能佢地放左檸檬呀！但我就唔鍾意飲喇！服務都算幾好啦！成日都keep住唔洗人叫先識走去幫個客，呢樣野我都係第一次見，好過金巴利道果幾間啦！如果食buffet，呢間個格局好似high d d,可能因為裝修左，成間young 哂，又唔太貴，ok啦！甜品係叫我再去食０既原因！

環境幾大同幾好坐食的野又是唔是太凸別，冷盤同壽司魚生只是一般貨色唔是太多選擇。熱盤幾多味道都幾好。甜品真的好，有好多款芝士餅可以選擇。服務都ok，不果真的收碟收得快左d。如果想食一餐ok的自助餐，這間都是幾好的選擇。我個人應為平小小會好d。

環境寛敞, 服務都ok架, 不過d碟收得太快, d野未食完就比佢收左。食物種類都算幾多, 味道算唔錯, 而且d野一路都keep住熱辣辣,唔會食到中途凍哂。但係d蝦太細隻, 而且蠽燒得唔快, 一多人就要等。甜品都好多花款, 不過同其他方一樣, 出完一輪之後就唔再出, 所以想食就要一早定。個chocolate fountain d生果種類唔多, 點菠蘿最好食。不過雪糕冇Haagandaz, 得牛奶公司, 有少少失望~~~~

同兩位朋友黎呢度試下個buffet.. 見佢\話做緊意式的.. 本人又甚like意大利野.. 所以就決定一試..其實個場都幾大.. 而且都幾多野食.. 但就一d都睇唔到又咩咁意式.. 連意粉counter都冇.. 不過算啦.. 咁既價錢..都叫ok既.. 今次食既次序同我平時好唔同.. 平時應該會食左冷盤同壽司先.. 但由於岩岩吹完風.. 好凍.. 加上d凍盤賣相不是太吸引.. 所以就食左熱盤先.. 其實熱盤都算多野揀.. 最特別一提就係佢\既煎鵝肝蘋果好好味... 另外牛脾亦係恰到好處.. 鵝肝醬塗餅乾都很好食.. 不過佢\d燒物就好一般.. 例如冬菇同羊都燒得唔好食..太乾啦.. 食完熱盤.. 都係行去壽司吧度睇下啦.. d刺身樣非常一般.. 味道亦是.. 不吃也吧.. 甜品方面其實都幾多野揀.. 但都只是試了一點.. 吃了一杯咖啡味的haagandaz. 好味.. 總括而言.. 食物質素一般.. 但都算是有多款選擇.. 咁既價錢係酒店黎講是很便宜的.. 可以一試既..

上星期同d同事黎左食宵夜buffet,因知道近排做緊promotion,用credit card4人以下有15% off and if 4人以上有25% off,so good!我們一行8人.....食物款式可能冇dinner buffet咁多,但都有唔少的選擇。三文魚刺身--鮮味Salad--生菜新鮮,salad醬好味(可惜冇乜fruit)雪梨湯盅--清甜肉絲炒米--香口餃子--皮薄餡靚迷你叉燒包--份量適中焦糖布甸--好滑,重蛋味,add埋porvided cream更好味其實仲有好多food冇try到...cos 已經好full喇!e.g.南瓜湯,加州卷,燒賣,鹵水雞翼,咖哩牛腩,白切雞,蒸魚,咖哩角,(熱盤應該仲有,但唔太記得)。甜品仲有chocolate fountain,cheese cake,迷你tart,tiramitsu,生果,etc.總括而言都幾好食,而且幾抵。環境仲好靚,好舒適。

2月2日生日黎左這裏食Buffet,由2月1日至2月尾,今個月主題係意大利菜.一入去就見到好多野食,種類多過帝苑.我就最鐘意食甜品,有三角慕絲,布丁,千層酥,芝士餅,曲奇餅,格仔餅,自制pancake,"鄧蛋",竹桐鄧蘋果,朱古力噴泉,總有HaagenDazs同雀巢小杯雪糕添個日得中湯同忌廉湯,冇我至愛既龍蝦湯同今期主題既意式海鮮濃湯,失望...不過就有粥野食方面有燒大蝦,牛油魚,salad,炸油魚圈,薯寶,各種扒,焗蠔,魚生,壽司等等,總有任飲lemon tea任何credit card加一後都有8折喎,lee度都係平平地的好選擇

第一次黎印象唔錯～ｄ位同個環境都好舒適，好多ＯＬ客人，唔覺有搶野食情況呀！４個人去仲送左碟迷你盤菜俾我地～可能係新年掛！都幾足料～ｂuffet 好多種類～日式ｏ既刺身超正！好多款！由師傅親自切俾你，又有手卷壽司咁。西式方面有好多扒類，咩肉咩骨都有，岩哂ｄ男士！中式有個ｃorner 放點心～有中湯西湯，豆付花。其中有個燕窩粥，粥底好靚好滑！仲有個ｃorner 有師傅幫你鐵板燒，香噴噴！！ｃａｋｅ方面都多款，但就只有一兩隻好味ｄ！其他唔太突出咁啦～另外有ｐａｎｃａｋｅ同格仔餅可以自己整，可以亂咁溝ｄ味出黎，哈哈！雪糕係一杯杯ｈａａｇｅｎ　ｄａｚｓ～可惜食到尾已經好飽，個胃未必有空間食雪糕！哈～二百蚊一個人倒～唔知係咪做緊ｐｒｏｍｏｔｅ呢～算係尖咀幾好味ｏ既一間〔試過咁多淨係得日航酒店好過佢～當然日航貴ｄ啦〕但ｏｖｅｒａｌｌ都幾抵食，最緊係多種類～唔會集中某ｄ地道野。

上星期,我的好朋友一家三口係多倫多返o黎玩!相識多年o既朋友，當然坦言地問她們還想食什麼！在香港及澳門玩了好幾個星期，什麼菜都食過，單單還未試香港style buffet!所以立即問問同事們有邊到好介紹。經同事推薦，Royal Pacific 的buffet都可以，這樣便膽粗粗訂位試一次！在openrice.com得知它有新裝修。the open kitchen with the whiteness new renovation of the cafe, gave the feeling of clear. that was quite lovely! the varities of food was quite alot, especially the dessert which the most important selection for female!haha.. during this period of time, if you got 4 people or more, then you will have 20% off of the price!... and th

裝修過後, 環境係幾闊落, 同埋幾潮, 仲有open kitchen添, 但係食物款式實在太少, 尤其是日本料理例如魚生好似配給咁, 客人要排隊攞, 魚生師傅先慢慢切3、4片俾你, 壽司款式又係好少, 點心檔得嗰幾款, 小籠包、蒸蘿白糕、蝦蛟等等。海鮮方面, 連buffet最常有既生蠔都欠缺。甜品方面, 卯卯可數, 只有幾款蛋糕、mousse cake、pan cake、窩夫、朱古力噴泉, 比較以前甜品款式比較少, 少左細杯裝精緻甜品, 雪糕仲唔係一大筒任畢, 而係雀巢杯裝雪糕、脆皮雪條。唉! 甜品係我既至愛, 無咩選擇之下, 真係幾失望。唯一較吸引既甜品係燕窩炖蛋, 可惜份量太少, 好細杯呀!我地7點鐘食到8點半先有待應添水, 服務唔多掂!

新裝修之後第一次去環境真係靚左好多呀OPEN KITCHEN不過野食感覺比以前仲差DD 熱盤無咩野可以揀今日好多都係日式美食阿妹拎左件日式豆腐黎食一試, 一D 都唔滑而且感覺係用普通豆腐扮係日本豆腐我食得最多係蟹汁炒蛋都OK 既其他D 野食真係麻麻地甜品無咩野可以揀不過佢地仲KEEP 住左即食即整PANCAKE呢樣野唔錯呀$128 一位, 用HSBC 卡有85 折

在8月份推廣的海鮮自助餐，我吃2次,真是超值,新鮮的海鮮令我吃得津津有味。於是便嘗試9月份做的「和風」推廣，昨天，9月11日,我和老公去吃自助午餐,發覺與主題「和味濃」並不相符...當天沒有燒蝦吃,也沒有什麼比較特別的日式食品，就連魚生也要師傅配給，感覺極之失望...難道上個月已經派了太多「甜頭」？？今個月要「縮皮」?