柏景餐廳 (已結業)

上星期日（14/6）提前跟兩位爸爸慶祝父親節。我們一家人和弟婦的父母。弟弟早已在網上訂座，好像折扣優惠會較多。七人共一千七百多元。我們吃的是自助午餐。我們被安排坐在玻璃窗旁的圓桌。與其他客人分隔了，像獨立廂房，不過是開放式的。酒店的食物款式數量適中。補充已取完的食物速度快。素食的選擇也不少。最近，自助餐對我來說不是可以吃得多的午餐，而是可以吃不同款式的食物。而每款食物只嚐一點點而已。因此，這自助餐的素食對我來說足夠了。味道也不錯。簡單介紹一下。有雜菜沙津、南瓜忌廉湯、印度咖喱雜菜、印度茴香飯、烤蔬菜和番茄、蔬菜天婦羅、紅棗桂圓糖水、窩夫和各式蛋糕甜品。特別喜歡翠玉瓜天婦羅。原來炸過後的翠玉瓜仍然保留豐富的汁液。非常美味！咖啡是由咖啡機沖調的。也算香濃。除了我吃過的食物，還有麵攤、粥、朱古力噴泉、即製班戟和雪糕。雪糕有Mövenpick、Häagen-Dazs、Dreyer's和牛奶公司四個品牌提供。Mövenpick由當值服務員供給顧客，其他品牌則是迷你杯裝，放於冰箱內任由顧客取走。

由於工作繁忙, 已經少了跟家人一起出去的機會但仍然努力在忙碌的時間, 抽空跟他們去吃東西因為OpenRice有65折Coupon, 而且已經在柏景吃了很多很多次的lunch buffet質素保證, 而且又有coupon當然趁空去了大吃一頓 早上先打電話去訂位子, 先跟職員說明希望坐sofa或窗邊的位置到現場拿位子的時候, 餐廳也很貼心的安排了sofa的位置好了, 去拿東西吃今天的lunch buffet 冷盤除了剌身, 還有蟹, 藍青口, 翡翠螺和蜆 蜆好像缺了點味道.. 藍青口就一貫水準, 應該先用牛油弄熟了所以一入口就已經有一種牛油的香味, 加上檸檬的酸, 把裡面的鮮味調高, 好吃 蟹腳也很不錯, 也有蟹鉗鮮味十足!然後就去拿刺身看到有一個個小的吞拿魚拼青瓜, 很少吃吞拿魚的我也拿了試一下這還不錯, 混合起來口感清新, 吞拿魚本來味道有點濃, 加上青瓜清新的口味不錯吃三文魚也是我最愛,超肥美的三文魚... 讚!很少吃熟食的我, 直接走了去甜品部 XD芒果布甸, 如常一貫高水準, 配上現在熟甜的芒果粒, 淋上一層芒果糖漿幼滑的布甸, 口感一流, 甜度十足香蕉雪糕Pancake. 可以

尖沙咀區既自助餐多不勝數，柏景長期都做唔同既優惠，黎呢到之前都考慮過唔少同區既酒店，但睇到其他食評話柏景屬尖咀區未比自由行人士攻陷，我好怕食自助餐要勁排隊，所以我就決定黎試試。6點半準時入座， weekday既人流唔算多，拎野食完全無要排隊既情況，而座位亦非常寬敞。一開始就去食沙律同冷盤。沙律菜都幾fresh，款式都唔少，紅菜頭、紅腰豆等都應有盡有，仲有d凍肉。而冷盤最出色可說係prama ham同海鮮。 Prama ham 一d都唔孤寒，原隻放係到有專人現切，可能唔洗排隊既關係，要幾多有幾多，當然有哈蜜瓜伴食，旁邊仲有4、5款芝士同crackers，岩曬鍾意食芝士既朋友。我對芝士無咩研究，食完都講唔出佢地既種類，但都試左3款，味道濃至淡都有，可以一嚐唔同層次既滋味。柏景無生蠔，我本人唔太食生蠔，有鮮甜既海鮮已經大為滿足。海鮮有大蝦、蜆、翡翠螺、長蟹腳。長蟹腳很鮮甜，唔沾醬料都甜味十足。十隻手指有長短，長蟹腳有肥有瘦，通常比人夾曬D肥既，瘦既無人問津。我好欣賞柏景refill得好快，即使得番d瘦既未比人拎，職員都會好快甘refill番d肥蟹腳落去。食完冷盤，就到side dish。糖心

家中2位成員(其中一位是母親大人)在6月生日,所以一次過為2位慶祝生日.由於2位都是信和之友的會員, 他們可享會員生日優惠.一於電話預訂中港城這家酒店的自助晚餐,為坐得更舒適, 指定了SOFA位,就安心等待這晚的來臨吧!甫一入門, 即見長腳蟹和其他冰凍海鮮.包括我喜歡的花蟹及蝦, 當然要馬上夾取幾件啦!食蟹要有儀態 ~ 在酒店食蟹更加要有儀態!!!!!!首先為母親大人拆好蟹腳肉,蟹腳肉一梳一梳的在碗內排好, 奉上給母親大人.而每件蟹腳會連著一少部分的蟹身, 這PART蟹身由我負責吧!但是, 入口覺得唔對路!蟹身肉質是霉的, 没有蟹肉應有的彈性或鮮味, 仲有少少苦味.再試蟹腳肉, 也没有想像中的鮮甜!母親大人亦表示蟹腳肉鹹得來, 唔多掂.食了一碗仔就停了.這家酒店自助餐長腳蟹作招徠喎!!長腳蟹如此質素, 真令人失望!唯有轉戰其他食物吧!大頭蝦(凍): 蝦好大隻, 蝦身粗過手指公,蝦頭勁多橙色的蝦膏, 好甘香!煎鵝肝:滑溜的鵝肝, 薯蓉墊底, 淋上少少酸的汁, 好好味, 但好肥膩!母親大人怕膽固醇超標, 只吃半件.燒西冷: 望落中間粉紅色, 入口係嫩滑但是没有牛肉味囉…燒羊架都好味過佢D字

店名：柏景餐廳地址：尖沙咀廣東道33號中港城皇家太平洋酒店園景翼2樓好味指數:7/10價錢：$323+50service charges(團購價)晚市自助餐冷盤有長腳蟹，蟹，青口，凍蝦等，長腳蟹味道很咸，不夠鮮味。魚生新鮮。凍食和熱食選擇不多，串燒，扒，片皮鴨等味道都是一般。甜品和雪糕款色很多，但甜品款式供應數量太少，芒果糯米飯供應了沒多久便沽清，實在失望。甜品味道也是一般，只有一兩款較為好吃。雪糕有Dreyer's，Movenpick和雀巢選擇。還設有班戟製作，更可加入雪糕球，另有多達十多款toppings任落。

早前叫媽咪申請成為信和之友，到生日月份可以有一餐免費 buffet，不過，要有一個成人陪同！簡單講，即係買一送一啦有四間酒店可以揀，為咗遷就新界區的媽咪同九龍區的我，最後決定去尖沙咀呢間柏景餐廳！其實我都去過幾次，基本上都幾 ok 個環境同食物質素！雖然無生蠔，但蟹腳及其他凍食都唔錯！好欣賞可以自己沖檸檬茶，凍熱都有甜品有好多款，連我一向麻麻地甜品都試咗幾款！雪糕更加吸引！有 Mövenpick， Häagen-Dazs，Dreyer's！

話說舊年停了好一段時間無寫食評, 逐篇補寫寫到今天這篇"Cafe on the Park 之雪糕大晒"才得以出場!   本人鍾意食午餐Buffet, 第一要生蠔, 第二要有Mo記雪糕, 第三是盡量在九龍, Cafe on M是首選, The Cafe @Sheraton是次選, 以上三項均有齊;  但每重覆幾次'心水店'都會去一兩次'其他'即使條件不全符合的店試"新點",  Cafe on the Park就是睇Openrice食評見到雪糕幾大品牌齊晒而且折扣後只是$215元, 嘩嘩~~ 即使無生蠔都當然要踩踩場, Let's Go~ go go go!!其實以前一直不想來此店因為它完全不似是酒店餐廳, 感覺是中港城的其中一間西餐廳, 去光顧食buffet如果各大酒店都是二百多元的話, 這兒檔次好像低一點的感覺...但是看完甜魔媽媽那篇詳盡介紹, 見到她寫一個午餐食齊幾個品牌的雪糕而且包括MO記而且有大折扣優惠...我即時'叮一聲'!!! 想到將個焦點放在雪糕那一環節, 當作是雪糕放題午餐來吃, 即時覺得很抵食, 嘻-嘻!  訂了窗邊位, 今天又有點雨粉打在窗, 邊食邊欣賞著今天交通不

又隔左一段時間冇打食評了…..呢段時間好忙…係時候補返數先終於食到一間似樣既BUFFET ,有折又抵食,數埋數埋都唔係好多間SALAD款式許多,有芒果/其他款式的食物做配菜,食物都算新鮮同埋海鮮都幾大隻………..壽司的款式都多剛剛遇上BUFFET主題:海鮮令我最深刻是黃金蝦…….令人回味……好香,非常入味!好似好耐冇試過係BUFFET到見過燒物(例如:雞翼/翠肉瓜/茄子/雞脾菇)不過即切西冷扒就比較乾身鵝肝配雪梨原本味道不錯!即煎....所以好香!話時話,呢到雪糕款式好多(Dryers/Hangen-daze/Movenpic)最抵食都係食Movenpic……食多幾球抵返曬...服務:可能當天人手不足,收碟唔算太快本身沒有預期會打食評,所以沒有專登影太多相整體:對上一次食某大酒店$600up以上的buffet呢間酒店款式選擇很多,環境可能平日晚上,都比較靜...柏景餐廳的確抵食好多,有信用卡優惠黎,先會係最抵食!

昨日下午去左柏景食午餐buffet 第一次去試下呢間buffet 去到見到有好多長者同師奶去食，也有很多內地人食，柏景的菜式我覺得較大眾化，係啱d年齡大少少既人食，好唔好食就見人見智， 柏景菜式較中式化多，有海鮮，壽司，呢兩款最差，海鮮的蚌同蜆肉食落有沙的，有蟹，但不覺有鮮甜味，呢間酒店的海鮮是不好吃，其他酒店好好多， 至於日式的壽司個師傅卷到成pat野咁，賣相差，有好多款壽司，但壽司上面個塊刺身完全同下面既飯分離，我去夾都夾唔起 =.= 係只得三文魚刺身係好好食， 其他刺身好一般，可以唔食， 有熱食很多，像超過十款，都係中式多，有點心，有粥，粥很好吃，好錦，唔駛落調味味道已好好吃，我見好多人都有叫粥食， 又有麵食，有喇沙湯味，味道還可以啦，又有燒烤類，燒魚頭最好食， 記得南瓜忌廉湯好好飲，甜品紫艼椰汁西米露好味， 麵包布甸都ok,有個窩夫，但一點牛油蛋味都無乜，又唔脆，唔好食的，個度可以自己沖野飲，但只限咖啡，奶茶，檸茶，有咖啡機，按制出的咖啡都ok既， 有好多款甜品，自助餐裡係最好的，大部分味道好，朱古力的蛋糕同合桃批好好食! 我用左優惠卷同信用卡，201一位，我覺得呢間菜

一年食buffet 次數為3，4 次，下午茶種類不輸lunch buffet， 有信用卡優惠。第一輪攻略， 每樣拿一口份量，試過好吃第二遍再encore,小點心飽點都吃到， 也有海鮮冷盤， 螺彈呀，青口都多肉，也有蝦及多種salad壽司有供應但就沒刺身了，有點遺憾感。西式egg tart 暖身但tart 皮食落模糊不夠香口，芝士焗薯未夠香脆。酒店buffet 最開心是豐富的甜品，齋看都甜日心， 我平日小食甜點這天的破功，brownie 比較實，欠缺朱古力味， 倒是applr crumble 同麵包pudding 不錯， 布甸軟而有蛋味，加上vanilla 汁是一絕。apple crumble果肉豐富，外層具牛油香又酥脆。即叫即製waffle, topping自由添加，伴雪糕一冷一熱的交錯。杏仁豆腐， 加了水果，大菜糕有杏味但假假地不真實。 線茶紅豆卷太甜，蓋了綠茶味，cream太多太rich會好滯。mango tart 果肉鮮生，custart 就欠了香滑，tart 皮同樣有點模糊。cheesecake 口感細嫩， 平衡度不錯。太甜突然又想食返鹹，叫了喇沙米粉， 湯頭沒椰味也沒蝦味，

話說因為有信和之友既生日優惠就同朋友黎左尼間酒店試下佢既自助餐~..入到門口果陣覺得同我想像中有D唔同,唔太似酒店既餐廳~入到去既感覺得都唔錯, 餐廳都幾大,但D枱太細啦, 有D迫....-,-然後見好似好多野食.....凍食、熱食同甜品都分開左個SECTION比人去拎...都幾衛生~然後就梗係開始拎野食啦....原諒我剩係掛住食...剩係影左自己隻碟... 首先就梗係拎左D凍既食先....PARMA HAM D 蜜瓜真係超甜!!!!!特別係綠色果種...我番兜左幾次..食到D蜜瓜係咁FILL中華沙律都唔錯...幾好食...冇咩腥味..... 但係果個三文魚頭盤就認真麻麻...一D都唔好食....好似有檸檬汁MIX唔知D咩...跟住D沙律都幾好食!!!跟住就去拎壽司同刺身食~~~然後發覺.....D刺身只有三文魚同螺肉片係好食....其他魚生都好腥.....><"蟹柳都係普通.....但壽司...完全FAIL.....完全失望 D壽司一夾就散...D飯既黏性.....然後刺身同飯的比例唔岩...D飯太大.....但係又唔好食....真係...爭鮮都好食過佢...然

是夜到來吃自助晚餐，海鮮只有青口，麵包蟹，蜆，長腳蟹，蝦，螺六款。長腳蟹較瘦削沒什蟹肉吃，螺有沙，蜆無味。相對熱葷食物的款式較多的，有已包好放在蒸籠的北京片皮鴨，春卷皮夠薄片皮鴨配京蔥帶出精髓，牛排肉質較老，有驚喜的是新加坡炒蘿蔔糕炒得夠入味再配以蝦乾辣椒夠晒香口。甜品款式亦有很多，其中最可口的算是蘋果金寶充滿玉桂和蘋果香。

由於之前見好多人讚呢間酒店既LUNCH BUFFET有movenpick食，就憑住呢一點，我帶埋趴琶同哈霞一齊去試呢間餐廳。lunch buffet來講，選擇算多，味道同新鮮度都ok，折實$200左右來講算物有所值。至於比較令我滾動既分別係三文魚刺身(夠鮮)，燒三文魚鮫(夠味)同雲呢拿奶凍(夠濃滑)。食雲呢拿奶凍只有一次機會，拎完唔見有人refill。不過呢，抹茶蛋糕同抹茶卷就真係令我好失望T^T，抹茶味去左邊度?!!!!而就係拎甜品既時候，我竟然搵唔到movenpick，我有d懷疑自己係咪睇唔到，而係呢個毛文見到一名侍應，即刻捉住佢來問，佢答﹕「係呀，改左制，逢星期五同日先有。」我當堂嚇左一跳，然後得啖笑。(腦內即時諗到一把低沉既外國男人聲講﹕mission failed)雖然有少少遺憾，但係會想再來食。

都一段時間沒有食自助餐，見openrice 有優惠劵時才考慮一下這家餐廳。當然選這家餐廳原因是吃Movenpick 雪糕。訂了台，要了一個近窗的位置，拿食物也算方便。食物款式還可，就是沒有生蠔，常覺得作為酒店的自助餐，有生蠔是常識吧！其他都ＯＫ，特別的是還有即包的片皮鴨，可惜皮就是有點硬，別的也沒有問題。Movenpick 雪糕吃了四球，味道是最基本的，吃了就是值回票價。Movenpick 專櫃不在一般食物附近，反而是在正門之處，不是問侍應的話，根本不會發現，所以大家多行兩步吧！

為左慰勞辛苦工作既未來老公，就一早計畫請佢食自助餐。揀柏景純粹係偶然（因為偷偷比老公仔抽紙仔抽中），但係驚喜地抵食！早兩星期打去問過，因為乜都唔知原本打算正價食，打去個職員叫我買groupon會平好多，所以慳左好多。去到六點五，好快有人帶我地埋位，老公仔第一時間叫飢腸轆轆既我去拎野食，頭盤很不錯，好新鮮，特別係個蟹腳咸度適中，老公仔就拎左刺身呀、熱葷呀咁，醃尖既佢都話好好食。可惜既係刺身一般般，同埋螺肉好快無哂  我覺得蒜蓉忌廉汁牛肋肉好特別，同啲肉好嫩，值得推薦 北京填鴨都係一個唔錯既選擇，即叫即包，唔洗自己落手整。出奇地個燉湯幾好味，湯面唔係好油，老公仔呢啲怕油既人都讚不絕口！BBQ蝦呀、燒牛肉都好味。最好係有埋喇沙食，老公仔呢啲無粉麵不歡既人好滿意！到雪糕：Movenpick一定係首選，士多啤梨、乳酪、Tiramisu、草莓乳酪（好似係？）、青檸、雲哩嗱六款，可以叫服務員幫你拎，加waffle或者pancake都得，而且配料好多，有脆脆雀巢、麥片、朱古力片、m&ms、香蕉乾等等等等，好正 另外亦有dreyers、Haagen Dazs、雀巢既杯杯雪糕、豆豆樂同埋細細粒雪米糍，