板前壽司 (已結業)

食過銅鑼灣同旺角分店各一次。兩星期前食銅鑼灣0個間，因為無特別吉位囉壽司去order 台，侍應要穿過顧客囉野，唔太滿意，點知仲發現侍應同壽司師傅非常唔0岩咀形，互相黑面，俾客人睇到就唔太好啦。大前日去旺角0個間，感覺完全唔同，由等飛到食野都覺得侍應同壽司師傅好有善。而且有囉壽司位，侍應唔駛再穿入客人中間，舒服好多。不過唔知點解有水喉位，卻無水出，侍應倒水倒到手軟。我地d 窮人，都係食d $9 0既碟多，但發現以下幾樣都幾好食，三文卷燒三文魚壽司燒玉子($12)元氣$9 只係食垃圾，板前反而有d 驚喜。食銅鑼灣0個次，免費食左個軟殼蟹手卷，侍應無俾碟又無記數。

之前旺角分店開張得到一張一百三十號的籌當時叫緊五十一小時後吃完螢壽司返來仲係叫到一百等乜鬼者假期的下午終於找到不用等也能吃板前的時機終於一嘗大名鼎鼎的迴轉料理甫進店竟然又要等了五分鐘執檯才能入座坐在沒有轉帶的吧檯前看著師傅製作環境也可以壽司來說其實也能與元氣爭一日之長短海鹽壽司算是較有特色亦好吃的品種板前蝦和帶子壽司又算新鮮但鮑魚仔軍艦的鮑魚有點像擦膠可惜一客六隻的甜蝦刺身頭去掉了之餘而且太細隻更食得出被雪藏了太耐完全失去了蝦的鮮味似乎是雪櫃太冷把蝦味雪死了很失望不過如果只吃壽司還算不俗蒸蛋亦非常足料假若除去甜蝦我還是會給他一個笑最後奇事一樁問店員拿紙巾收到的竟然印著味千拉麵的logo??心中不知何故即時一寒世上有很多事都係隻眼開隻眼閉還是不要有任何聯想比較好如果唔係樣樣都會覺得好唔完美

今日無太多時間食LUNCH﹐又唔太餓﹐見板前又唔洗排隊﹐就決定一試。幾日前剛去完壽司廣﹐所以對什麼是好既準則依然清晰。一座下就覺得好奇怪﹐因為回轉帶上得幾碟壽司。雖然係兩點半﹐但BAR抬依然大多坐滿﹐又唔係就收鋪﹐所以要扣分。唯有TAKE ORDER LA。板前既食物選擇係回轉壽司店中最多既﹐賣相又唔錯﹐但係小弟覺得質數種要得多。大TORO - 入口容化﹐但唔夠香。OK, 但唔算底食。帶子- OK, 有鮮味。燒牛肉- 香口﹐但韌。唔掂。MACKEREL - 超腥。唔掂。想試特級池魚﹐但係賣o西。另外試了"穩陣"既燒三文魚﹐三文魚﹐炸蝦﹐蛋。其實三文同炸蝦li di香口o野都好難唔OK。唔之係食完三文定MACKEREL﹐魚腥味留在口腔很久﹐飲多多綠茶都沖唔走﹐唔多好受。整體上我覺得峰壽司係高一班。銅鑼灣既選擇很多﹐應該不會再來了。

5/4/2006 旺角分店成日見到尖沙咀板前門口都超多人等~個心一直想試！哈哈！旺角分店終於開左~大約5點40分,都有好多人等緊~本來以為可能要等好耐,但只係等到6點鐘已經可以入去,真係好鬼開心！入到去~見到迴轉台只有好少款式的壽司轉來轉去~但每樣的魚生都係好新鮮~個樣好靚仔咁...食第一件壽司,嘩~我已經深深迷上了,真係好好味！跟住,就忍唔住口不斷食！每一款壽司都好好味！本人認為比峰壽司更加好味！除了蟹捧比峰壽司差少少外~其他都好正~真係好鬼開心~因為唔使再去銅鑼灣先至有好味的壽司食~而家到旺角都可以有更好的壽司食！^^特別推介︰牛奶湯、親子卷、燒玉子、油甘魚.....

第一次光顧，心裡抱著一定的期望，因為我對食日本菜的要求愈來愈高，質素不夠的，光顧一次便不會再去。在這店內環境尚算舒適，可能我是坐在卡位的關係。每個卡位都有一個小電視，不過無電到的。全場播放著日本高，氣氛不錯。那兒的待應給我一種小小怪的感覺，他們好像有點害羞，而且有點生手。但整體來說，招呼算不錯。食物方面食品質素不俗，頗新鮮甘甜，不過比較（的色），不夠峰壽司那般大件抵食。當中，牛乳湯和冷麵的味道值得推介，但其他的峰壽司就更勝幾籌。軟殼蟹手卷和瀨尿蝦壽司就去元氣食更好。扣了不少分數的是，壽司飯太鬆散，賣相欠佳，令人有不悅之感。最後，魚類刺身方面不是不鮮，但好似師傅的切魚技術有問題，不是照切魚的紋理，使刺身食落比較（Un）。兩個人去食剛剛夠，十幾款食品，但結帳要＄３５０，不算抵。

晚上六時多,兩位排隊等位大約需時四十五分鐘.三文魚壽司$9兩件,十分抵食而且甚為新鮮.其他刺身類壽司都幾新鮮.軍艦壽司紫菜都好脆.因為佢d壽司係每次跟單一份份即製關係,我建議每次叫不多於兩碟既軍艦壽司,否則d壽司尼到d紫菜好快軟唒.海膽壽司有好多海膽,好鮮甜無腥臭,$25兩件絕對抵食!三文魚子壽司就好差勁.d三文魚子好軟身一d都唔延,而且魚子一味死咸,無三文魚既豐富魚油味,我高度懷疑佢用人造三文魚子.高度推介牛乳甜虾湯,奶白色既湯之中有紫菜同一塊年糕,d湯好有虾味又味濃,十分好飲.本人建議向壽司吧拎d京蔥加入湯到,口感更佳.蒸旦好滑,有年糕係底,上面有蟹肉,蟹柳,帶子,配料十足,口感豐富,只係十五大元.2個人食十數碟埋單$2xx,可以接受.

尋晚黎左旺角新開分店, 起女人街行過以為咁少人, 仲唔俾我試番之!想入去先話要去正門排隊, 點知都係要等半粒鐘(快過尖咀)未坐前已諗定食咩D 飯口感, 手工, 刀工, 手扼個工夫, 一流, 我坐bar枱, 睇住個師傅, 明明塊魚好薄(出面2.5一件既三文魚壽司的厚度), 都可以去皮, 再分一半, 勁!d飯舊舊大細一樣, d飯未入口好實,入口即散開,唔會黏住,粒粒都滑,絕!三文魚最底食, 9蚊兩件, 都好大塊魚玉子(剩玉子) 都抵, 又好食個帆立貝壽司, 好厚好大, 新鮮,但味一般, 下次要試珍寶帆立貝(仲大)蟹棒> 原來係普通假蟹柳, 但比人地果D甜及多汁又叫左個長腳蟹柳(真果D) 個味就麻麻, 唔抵, 25蚊舊海膽壽司D 海膽好鮮, 都唔少最後叫左個瀨尿蝦箱押壽司超難食, 明明睇圖每舊有三節蝦, 但黎到得兩節, 睇到明明係鮮蝦, 但黎到係天婦羅, 仲要淋既同埋粉多過蝦!失敗可能新開,service都幾好, 黎果陣都會講係乜壽司,坐吧枱果種開心係即席上俾你,好正宗咁,不過都係旺角通病,d位窄左d囉, 但好似無人食煙, 唔知係咪禁煙,係就好結論: 讚多過彈(唔叫箱押壽司就會好好)

本人十分喜歡食壽司,之前看了好多食評,好壞參半,既然咁多人評論,我一定要試下,當俾個機會自己.昨晚去到,已經十時左右,都要等位,不過我有耐性,大約十一時終於有位,座位OK,不過D服務十係唔係好得,成班好似D中心學生搞攤位,自己玩多過做正經野,我好怕唔衛生,拿著我的壽司談笑風生,都唔知有冇口水跌落去...吃了不同種類的壽司,都無咩特別,又唔係話好難食,不過我覺得比元氣差,比元綠好~以迴轉壽司來說不過不失啦~今早很早起身,因為肚痛,痾了幾次,不之幾辛苦...我唔信邪,終於出事啦~以後去不去???咪搞~!!!!!!!!!

o黎尖咀分店食,服務態度好好多~食物keep住水準,可是甜蝦卻不太鮮甜,食唔過本人覺得凡立貝夠件頭,好新鮮,必試!!另外...油甘魚亦是一試難忘好味~有樣野唔太滿意...就係落單明明指明wasabi全走,但係總係有一兩碟都仍然有wasabi!!需要改善

聽人講板前壽司出名好食，所以就約埋朋友去試下因為我同朋友比較早就到，所以唔使等位。坐低無幾耐就開始叫野食。等左一陣D壽司就黎，不過係拎錯左其他壽司俾我地，同佢講返，唔好意思都無一聲，只係話'哦'D侍應放低碟壽司就急急腳走開，又唔講清楚呢碟係乜野大佬啊，有時未食過真係睇唔出你果碟係乜野壽司最後發現漏左碟壽司就叫個侍應幫我地跟一跟，但係過左差唔多20分鐘都係未黎，又叫佢跟一跟等左好耐好耐都係無黎，都唔知係咩意思最後唔等啦，快快趣趣埋單走人最括而言佢D野食都叫中上上，壽司舊飯好掂但服務態度就好令人不滿

今日同我幾個朋友食呢間板前,一去到門口,嘩...好多人等位呀,我大約等左差唔多9個字先有位呀..哈哈!我d朋友叫了好多野食,我都唔知叫左咩,叫了好多sushi,淨係知道有個蟹捧同軟殼蟹幾好食,同埋油甘魚,值得推介!甜品我叫了個南瓜雪糕,麻麻地,冇咩南瓜味,不過不失啦!服務方面,唔知係咪好多客關係,叫極都冇人應,同埋d態度認真麻麻!

2006/3/5今日中午去加連威老道18號的某SALON剪頭髮，一早知道板前就正正響14號，無可能咁近城隍廟都唔去求返去好簽吧﹖哈哈這是我第一次聞名而去試，剪完頭髮3點半去到板前見外面有十個八個人，原本想打退堂鼓不過睇下個等位表見其實要等既都係幾個籌，於是等就等啦﹗門口個姐姐見我問好2句開始唔多耐煩:b唔使十分鐘就有位。最後我被帶到最入最最最入的位(是bar 木台)，咁我就一邊對住個目錄一邊選食物。蟹棒$12兩件：冇傳聞中的好食因為條蟹棒好好好凍﹗本身唔好沙律醬點知蟹棒上有很多=3=，反而個飯有驚喜﹗是暖的同有木魚夾帶@@燒玉子$9好多件：好好食﹗真係又抵又好食﹗熱呼呼的^o^不過我一個人食哂成碟已經飽左50%(汗)軟殼蟹手卷$20一件：超好食，成隻軟殼蟹上，飯又暖，抵﹗吉列蝦卷$18兩件：壽司好大件不過亦係有好多沙律醬=.=;;;;;我’了’哂d沙律醬之後一啖食左半件，跌落碟的半件搵唔到那個蝦，之後就睇另外一件完整的，點知原來所謂的蝦得丁丁咁細粒，而且仲係d炸漿的頭頭尾尾黎，非常唔抵﹗有點被呃的feel﹗飯才是最好食~吉列蝦$25三隻：超好食﹗超熱辣辣^__^今次真係有蝦啦(笑)，我

好耐無黎食喇, 朋友好想食壽司就幫診下. 最好食仍然係玉子豆腐, 其他地方唔會食到! 帶子同吞拿魚都非常新鮮甜美, 正呀! 不過, 次次都要排隊先有得食, 都幾巴閉咁囉...

今日同同學開完會就同GF黎食~第二次黎食, 好好多, 因為唔使等位仲有好多位淨, 但無幾耐就坐爆哂仲有人排隊果陣都仲係3:30~我同GF食左好多蟹棒, 好好食~仲有油甘, 三文, 手卷等~手卷等左好耐無黎, 原來無入單想食Uni又無~ 之後幾位師傅又整左好多sushi出黎~食到好飽~ 油甘好新鮮~ 仲係厚切~ 加左d 大蔥口感一流我發覺好多sushi都會加大蔥我同GF食最唔方便就係sushi有wasabiGF唔食wasabi, 所以樣樣都要order~ haha

食物不太特別，但價錢還算合理。可是進食時，壽司司傅竟在我面前大開水喉為雪藏三文魚子解凍。那些三文魚子未解凍前是一"尊尊"的，在水的沖洗下一層層像「衣」的東西便會掉下來，令整盆三文魚子像浸在不潔的水中，那司傅還不時用手不斷搞那些魚子和試食（試味？），令人食慾大減=[