板前壽司 (已結業)

上兩個week 第一次去, 之前已經聽過好多人話好正, 於是就同女朋友去一次, 等左around 一個鐘, 由於冇晒迴轉table, 所以我地坐左入面既bar table!值得推介一定係鰻魚, 長長一條, 食完都飽飽地架, 仲有帶子, 油甘魚.......其實都叫左唔少野, 都好飽! 價錢真係抵值得排下隊去食!!!d 野好新鮮, 整得好靚, 好正中!!!

總括黎講,sushi好鮮好得,等下都低,不過佢地俾人封舖之前d衛生認真麻麻,因之前有一次黎食,當時佢地個出飛既機響正燒饅魚個位隔離,我同朋友眼見部機不斷係咁出飛,師傅又未趕得切拎個d飛,d飛"炒"埋一舊兼堆到落d燒好左放響部機旁邊既饅魚上面,我同朋友仔手指指咁耳語一番,響入面既師傅好似時運高咁完全睇唔見不過自從佢地俾人封過之後,對佢地既衛生信心多左,唔趕時間又等得既話都會黎食

我已經係食第3次, 我都覺得好好味~我覺得呢到一定要食嘅嘢係板前特卷、蒸蛋、奶油薯餅、綠茶冷麵、麵豉湯同炒玉子(唔記得個名係咪咁)，雖然我未試晒呢到每一款嘢, 但呢幾樣我每次都必食呢~真係好好味的~不過南瓜雪糕同墨魚軟骨就麻麻喇...但呢到d壽司都ok啦, 刺身都無問題, 最緊要係佢呢個價錢已經可以食到好味嘅嘢, 我覺得比起好多壽司舖頭抵食好多~~ 不過最衰就係每次都要起碼等成粒鐘, 又無得訂位, 唯有預早少少拎飛啦~

晚上九點去到, 差唔多排一個鐘頭隊!d位就逼少少同地下有d垃圾咁lor...各款壽司品質都唔錯...幾新鮮...鰻魚(海鰻)壽司係我推介...睇住日本師傅好俾心機燒條鰻魚,跟住熱辣辣咁上...一定要趁熱食, 好正!!又有鰻魚鮮味...再鰻魚醬......perfect match!

壽司水準普通, 不值一提.壽司司傅就真係不知所謂,大大聲吹水,講無聊野,聊女仔, 態度輕挑, 睇見唔開胃.

琴日12月31日第一次黎板前食, 亦係2005年最後一次~haha我同GF 七點到, 等左差唔多個半鐘2個日本師傅好nice, 個日本人經理同帶位果個男仔都好nice~ 坐低無耐已經成日聽到佢地講笑我同GF都食左好多野有蟹棒sushi, 食落去好似蟹柳, 不過淡淡肉好正食左成4碟仲有燒玉子, 2碟, 好好味三文魚sushi2碟, 都okay既~GF叫左一客燒牛肉, 唔係咁好食wor仲有食左hamachi, maguro都好正~GF仲食左蒸蛋, 好多料燒勿魚, 都okay ar, 同平時Genki果d口感好唔同第一次食迴轉手握sushi, 飯唔係太大, 有口感, 好得意果個日本經理同出面d經理好唔同有講有笑, 好多野都親力親為d 壽司師傅又鬼馬~ 佢地講野我都忍唔住笑~不過當日迴轉真係唔多款式, 多數都係少人食既都好既, 起碼叫order都係新做夠fresh黎緊想試下北海道活壽司

我同男朋友食左$200左右,係得個海鰻壽司好食...手卷得d菜,紫菜又唔脆唔會再去啦..都係峰壽司好

雖然中午食完日本野，但近來愛上食迴轉壽司，所以夜晚dinner再食都唔覺嫌。一坐低有點驚訝，因為得三四款壽司係迴轉帶，而且碟數又不多，可能諗客人都係落單order，所以費時整定。平時好少食帆立貝，但見佢好大隻，原來係珍寶size，好似好新鮮，所以引唔住叫了一碟，果然係厚身，幾鮮甜。Toro壽司算ok，起碼沒有筋。海膽飯係杯裝size，幾特別得意，不過海膽唔算新鮮，沒有鮮味。鵝肝壽司及燒鵝肝兩款都有食，不過燒得過熟，老公話口感好似食豬潤。炸軟殼蟹-炸得唔夠熱，所以同樣唔夠脆。其他卷物例如：板前特卷、軟殼蟹卷同彩虹果卷都不過不失。我覺得比起我頭年食時，唯一有進步的是壽司飯，今次較結實，沒有以前那般鬆散。

我自己都係做日本餐廳的,, 所以好鍾意食日本野,,成日見哩間野出面都要排隊,,所以我同2個朋友都入去試下啦,,入到去叫左好多sushi,,d魚生真係好鮮甜,,唔錯,,但叫左隻和牛sushi黎食,,硬到不得了,,都咬唔斷的,,仲有叫左個吉列炸蝦卷,,佢地話要炸,,所以要等20分鐘,,我地又唔趕時間咪等落去囉,,點知等左成9個字都未黎,,我地都吹左好多次...卒之最後等左60分鐘同個經理講先黎左,,食緊個炸蝦卷時,,仲突然間勁多廚師經過望住我地,,好似睇下邊個客咁鬼煩要佢特登炸個蝦出黎咁囉..d茶無哂好耐,,又無人同我地加茶,,我地坐卡位,,隔離得條走廊,,勁小見d侍應經過,,想order野/叫人加茶都好難....

前日黎食, 等左近一個鐘啦, 冇抱大期望, 點知....有驚喜喎!!d sushi好新鮮好好味!我地叫左以下:帆立貝(生帶子)x2: 好大件, 厚身, 鮮甜!!三文魚2: 比一般大件, 好味!蝦: 大件, 鮮甜味美!芝士飛魚子: d芝士味似食緊芝士圈, 得意!油甘魚: menu寫係人氣推介, 但我地覺得冇乜特別蟹棒x2: 有d沙律在上面, 好大件, 好味!海膽: 好新鮮,冇苦味怪味!鵝肝: 我諗叫燒鵝肝好味d, 伴埋飯食會錯過了入口即溶那種感覺!玉子: 見好多人食, 試下, 係幾得意喎! 好甜的! 佢d飯係手握, 唔會好似元氣咁咁易散開,比較腍口, 有d飯係微暧的!我鍾意佢地預先放wasabi落去, 好過自己點,感覺較完整! service都ok, 會自動加茶, d 師傅都好nice, 成日面帶笑容! good!!!~

如果揀迴轉寿司店食寿司, 一定揀呢間, 因為以咁既價錢, 食咁既質數, 真係好扺. 最鐘意佢哋個燒玉子同蟹柳寿司, 勁好味!!

叫左半客Toro,$100有三塊,油水唔多,魚味唔濃,我諗係Toro之中既下等貨海膽軍鑑入面d海膽幾大件,但係淡而無味豚拖羅,鵝肝同埋和牛算係ok,起碼其他迴轉食唔到服務真係麻麻,出面帶位果個至到日本人壽司師父都係笑容欠奉,又攪錯我d order

去親尖沙咀，都好心郁郁走黎食壽司。總覺得這麼的魚生很鮮甜，且壽司賣相佳，很能引起食慾。昨日一個人，剛吃過澳洲牛奶公司的常餐，又忌不住獨闖進來。我最最最愛吃墨魚鬚壽司，每次起碼叫多碟。海膽、魚脊、醋黃魚、帶子、赤貝、飛魚子、鬚長吞拿魚及燒玉子......好值得食!

好味道! 食物好新鮮!!! 不過次次去都要等一個鍾以上.. 又係要人齊先可以入座, 過左三個人又要重新輪候!! 不過比起其他迴轉算最好，可能因為之前出過事，所以要搞返好個名!! 都直得一試^^

個晚大排長龍, 等了大約個半小時,終於有位,非常失望,沒有驚喜,食物差過出事前.大排長龍, 真係唔值得囉.應該唔會再去!