板前壽司 (已結業)

前日係尖咀既板前壽司見到d師傅既待人態度,我都忍唔住要留言呀~~我地個晚坐係迴轉既檯前,剛巧應該有個新上班既壽司師傅,好似好多野都唔係好識,又可能係新上工啦,又唔係點敢出聲,於是就經常比人"蝦"~~話說佢企係一個頗繁忙既位,要做手卷,又要出入面壽司bar/廚房既野,同埋要將d單分類咁,對於一個新人梗係唔多熟手啦,比人點做野就做得新人都預左,不過某兩位師傅對佢既態度就好差囉,尤其係其中一個,當住d客人鬧佢~~好喇,佢做手卷唔係好識,做師兄既係咪應該慢慢教下新人啦,但係佢地唔係囉,教兩教就發忟咁,真係睇到都為之側目~~走左之後,連我bf都話個新人好可能會頂唔順唔做,連我bf都咁講,都真係幾少見~我心諗你地入行時都做過新人,都經歷過依個階段,依家做師兄就好似好威好叻咁,係咪依家d新一代就係咁架呢?本來我對板前壽司都幾有好感,但係前晚睇到d咁既情形,都打左d折扣,同埋其實近期既質素都差左d(包括食物&服務),唔知會唔會因為多左分店呢?希望板前壽司既負責人會留意下~~

之後見到碟帶子嘩...鴛鴦色一隻白色一集肉肉黃黃咁色似勁為不新鮮仲要我地食左成大半個鐘呢碟咁既帶子都仲係度轉過不停我而家雖然已經冇係道做你呢個問題係我返工冇耐既時間我都問過下"about四個月之前"*帆立貝黃黃地色唔=變左質...因為貝類既生長"有d係會生成黃色不過一樣係新鮮~另外你話到師傅洗野...時間到有返幾上下.....係近收鋪既時間...多數係收鋪前約個半小時就會側止食物上line~"由於我冇記錯11點半cut單...十點半之前係停上line...唔會再更換

今日終於都去試板前壽司, 我星期五6:00pm 到, 已經好多人排隊, 等左半個鐘就有位了, 算ok! 再晏d 就咪搞了, 因為唔想等太耐!我地兩個人一共食左11 碟壽司, 1 碟炸蠔, 1 碗海螺清湯. 壽司食左:軟殼蟹燒鰻x 2燒三文魚瀨尿蝦帆立貝三文魚甜蝦仲有幾碟唔記得係咩了, 總體黎講, 壽司舊肉夠大, 又新鮮甜美, 好好食! 好食過"元字頭" o個兩間連鎖迴轉壽司.埋單約$223, 價錢都ok, 除左海螺清湯麻麻地外, 其他都好好. 如果冇咁多人等位仲好! ^_^ 相片可參考:http://www.fotop.net/thxdtsdd/eat

tried this restaurant frequently last year for lesson nearby, try again this year and the quality is getting lower from time to time. Portion is soooooooooooooooo small, sashimi is not fresh at all. There must have been a change of chef...I'm sure...Will only try grilled salmon sushi...for low price...not the quality...it was much much better before...Disappointed!

ｄ壽司飯點會硬到一夾成舊壽司即刻散晒，佢ｄ壽司比機製壽司還要差，真唔明點解佢重有咁多人排隊，食到真係打冷振呀！

同阿妹去食板前係旺角食過一次係幾好味..d魚生又靚之但係尖沙咀呢間好得人驚...我地入到去食d三文魚..勁失望,好細片,好薄同埋冇咩鮮味之後見到碟帶子嘩...鴛鴦色一隻白色一集肉肉黃黃咁色似勁為不新鮮仲要我地食左成大半個鐘呢碟咁既帶子都仲係度轉過不停而d師父一d都冇想過換左佢既意思只掛住不停咁係到洗野...喂大佬都未夠11點丫我地等都等左成個鐘啦你地等多陣都得掛至驚d大佬係咁洗野d水花四濺(仲要有洗潔精)點食呀?d冷氣又好凍凍都唔係你既錯(只不過係想趕人走啫)但係我地近門口所以係咁滴水我地都係食d魚生類壽司不過大部分都唔新鮮同唔係好厚(薄過和花亭)但係咁既價錢真麻麻可能係d日本師父走晒就樣都走晒囉以後寧可去食和花亭=..=

尋日同老公仔去左"板前"食壽司!!~其實之前每個月都同朋友起碼黎一次嫁喇!~我覺得好好食啊!!~不過老公仔未食過..而且佢比較"奄尖"...所以今次去,有D驚驚...怕佢話唔好食..怕佢話我晒錢..我地左好耐啊...足足成個鐘...不過佢D野好食~冇計啦!!~入到去,二話不說!!~寫紙仔先!!~壽司*特上鰻魚*三文魚*八爪魚*油金魚*板前蝦*海膽*5A和牛*長腳蟹棒其他*炸蠔*燒玉子好可惜....池魚王賣晒~(=~=")最好食係板前蝦,海膽,5A和牛同炸蠔板前蝦肉爽但係有蝦味~海膽軍艦口感好CREAMY~好鮮~好強海膽味又唔腥~5A和牛係老公仔食~不過佢話好好食喎~炸蠔個心一D都唔粉,而且又唔覺得腥或太"鞋"同埋D沙律醬食~好味~(=^~^=)其他野都幾好食~其實以同等價錢的話,板前係比同類型0既壽司店都要好食好多!~最麻煩就只係等好耐呢個問題姐!!~其實只要可以食到好野,要等都係其次啦!~(=^~^=)

同同事走過來食午餐, 特登早點來攞檯避免等位, 因稍遲都要排隊.點了不同魚生及壽司, 魚生選料十分新鮮而且是上等貨色, 並非一般壽司店可比, 始終一分價錢一分貨, 又有日本師傅坐陣, 食物水準唔錯, 只是晚飯太多人排隊等太耐了.

星期日行過見到少人忍唔住又食!!!!!!!!!!外賣下午茶丫唔該!!!~叫左兩客帆立貝同一客燒玉子,多麼美味啊!!!~~~~~~~~~~帆立貝新鮮而且非常厚, 那種口感非筆墨形容!!今次舊飯keep住係凍, 幾好!燒玉子, 好大件好抵!! 係板前令我知道原來蛋都可以咁好味!! 之前講過玉子d味變左, 冇以前咁甜, 只有燒玉子係keep到以前個味.........真係百吃不厭, 我暫時仲未食到一間好過佢的!!!已到了瘋狂境界! 可惜夜晚要等咁耐, 真係又愛又恨!

尋晚同我男朋友一心去食板前，見到尖咀個間既食評都算唔錯，就特登搭車過尖咀食。我地怕要等就早d去，5點半就已經有好多人，不過都總算即刻有得入，我地就坐左係吧台位，服務態度都幾好，不時都會幫我地加水，而且叫單都Okay快，但係d野食就只可以講普通啦。不可再試:1.蟹棒壽司$12我同男朋友都覺得d肉好實，都係cwb既"峰壽司"鮮d同甜d。2.蟹子蟹柳沙津$18得個爽字，沙津醬又唔夠味，分量算okay大杯，不過下次唔會再叫。3.牛奶甜蝦湯$15我同男朋友都唔覺得好飲，仲有d腥腥地味，味道好怪。如果可以揀都係cwb既"峰壽司"果碗麵豉湯好味好多!!可以一試:1.海膽軍鑑$35即整俾你，海膽夠鮮，紫菜夠脆，Pass。2.火炙火文魚$9係你面前燒俾你食，幾好睇，味道係一般，不過就聞到一陣燒焦既火槍「火羅」味。3.海鰻壽司$?味道都幾好，有鮮味，夠份量，不過感覺就好一般。值得再試：1.三文魚壽司$9味道好鮮，份量亦好夠，$9有超水準質料，是其中一個可取之選。我同男朋友一共叫左3碟食，Good!2.軟殼蟹手卷$20好好味，好甜，因為即整既關係，所以紫菜仲好脆，不過都算較肥膩，建議食到中般時間先好叫。我同

又係因為我係tst做野的原故所以tst呢頭的野食我係幾熟識的因為真係可以一個星期七日一日三餐都係外面食的唔明點解可以有人唔識板前未食過唔出其因為我都唔想等真係可以等2個鐘的但自從tvb個節目介紹過佢之後一年內開足2間分店唔旺唔開等佢的人之多何其恐怖真係可以等百幾張籌的@@"有野好食唔用講凡立貝三文魚玉子燒三文魚....太多好食野不能盡錄不過一提佢其實已經冇開業時咁好了我已經食過好多次記得開業時人緊係冇咁多服務比軟專業有日本經理睇住野食真係好食d 你去到會有高級餐廳的感覺個個服務員都好有禮拜但而家可能真係唔擾做門口的姐姐真係可以好支上次我男朋友一早去了攞籌我有時做佢等了2個鐘左右我們會合(中間時間佢係有睇到幾籌的)7點幾等到9點幾點知去到過了4定5個籌佢寫了3個以上要再排過我明白佢比係人情唔比係道理但二個幾鐘我只係比佢所訂的多了1,2個籌佢唔比不特止重好高調同大聲咁同所有人請"你過了好多個籌要再攞過喎"過程中佢係一句"唔好意思"都冇講過我覺得而家我唔會來beg的我係要比錢的(我們次次都食2,3百元的) 唔係多不過都係錢囉你唔係用d咁的服務出來對客人囉一肚火而家講係都嬲

晏晝三點零去到不用等位，但內裡都有8 成半滿呀！三文魚我覺得真係幾抵食架！海膽都係一貫的新鮮、入口即溶….yummy！三文魚魚腩、帆立貝都得架！都唔識形容添呀！=)係軟殼蟹我個人鍾意食元氣多d 呀！朋友早早食咗晏，得我一個人食，冇人同我share 的情況下變相揀少咗款，咁我都好快飽lu！呢間年青的服務員都很helpful 細心同有禮貌呀！我諗總有人幫趁過d 食肆，有啲年青侍應服務態度差到係同老闆倒米咁~ 初初見到個部長都成日好忙咁直行直過，仲以為佢cool 到咁唔想serve 客咁添！但原來唔係架喎！佢d 服務態度真係超讚呀！不過無奈，睇唔清佢個名牌~ 有近視嗰個囉！哈…請貴店keep 住~ 嘻元氣價錢，但質素又高一班…咁要取捨都好易。

三文魚係最好既可能因為我鍾意食啦而且好平同埋三文魚子都唔錯其他的都不俗多人去一定有佢既理由服務幾好對我黎講好食既等耐d都冇所謂啦

今晚,終於一嚐傳聞中的板前壽司。七時左右,我們拿得264號籌;直到九時左右才可入座,足足2個小時。途中,我與男友已去了廣東道買K800i、到許留山食個"多芒西米撈"、去尖東還及借漫畫。真的從未為一餐飯等過這麼久,而且是星期三的晚上而已。幸好,這餐飯還沒有令我們失望。最值得稱讚的是員工的態度,好有禮貌。在我做其他事的途中,曾致電3次去問籌號。但他們接電話的人的態度依然友善得不得了(縱使他們頗忙)。而那把門人更友善得很,會甜甜的對你笑。又會定時有人出來送上凍水給等待的人喝。整體態度好好,尤其是那把門的女生(值得表揚)。我們挑了坐到最入的壽司吧。看著日本師傅即席作的壽司,好似特別好味。本人的推介如下:三文魚刺身($35) - 好抵,大師傅親自主理。三文魚好大塊,共6件。元氣,元綠的$35刺身,再見吧!燒玉子($9) - 又係抵食之作,4大件。男友覺得好味到食了2份。火灸帆立貝($20) - 帆立貝果然鮮味。因男友怕生,才叫火灸,想必所有帆立貝系列都好味。芝士飛魚子($15) - 好有芝士味, 正。火灸三文魚($9) - 被火燒過,有d焦味,好食。其他:珍寶虎蝦壽司($35)- 虎

琴日下午一點幾去食,等左一陣就有位,唔似得夜晚輪街水甘慘烈一入門,waitress姐姐招呼周到,話哂第一次黎食,當然試下大家推介既必食之選:海膽壽司..好好味,好新鮮,本人最愛珍寶帆立貝...真係好好好大隻,大隻到唔知D飯去左邊,一上枱有D嚇親,落左青檸,原來可以甘好味特大虎蝦...平平無奇,唔係想像中甘好味燒玉子...好味,但食左太滯,好彩最尾先ORDER甜蕃薯...好好味,有口感蟹棒壽司...比出面蟹柳壽司好食好多,好大條,正!!!下次再去要再試其他先...哈哈