松記糖水店

营业中

休息中

女孩子總和甜品有不可分割的關係, 十個女仔有8個都愛甜品. 而相對精緻的餅食蛋糕, 其實我更愛港式的糖水店. 松記回想起來, 我也幫襯了接近十年, 由舊鋪幫襯到裝修後的新鋪, 由初時還未成名, 幫襯到晚晚其門如市, 等位的人多得企滿半條街. 十年來, 價錢變化不大, 水準也從沒下降. 而我近乎10次就有8次是點我的至愛:幻彩明珠（$15) 因貪其夠雜錦，有雜果，有至愛的大西米，有涼粉，有芒果汁．．．一次過滿足所有願望. 而比起其他糖水，亦相對清新．menu其實多了很多不同的食物，近乎全部也試過了，冰燕，琉璃，白涼粉... 都是gimmick, 但味道也遠不及傳統的好．現在還推出了近來很興的綿綿冰($28)，但在塲所見，吃的人不多，或者因為價錢相對貴，而且還未到很炎夏的時間吧． 有機會也會一試.值得一讚是食物上枱時間非常快, 一般不會超過3分鐘; 但亦因為這樣, turnover很快, 想食完再傾計就不太適合了.

原本想試杯杯冰，店員推介+$10轉新推出的綿綿冰，一直想試綿綿冰的我當然說好。原本要的是紅豆杯杯冰，現變為紅豆綿綿冰，$18+10 =$28。綿綿冰只有一個口味：芒果。冰很綿很好吃！有些芒果汁更是香甜。紅豆大大粒，正！會再來吃~!

六寶湯丸:聽過好出名, 第一次試, 名不虛傳, 抵食, 薑湯好好summer名乎其實, 消暑之選

花生粟米麥米粥 ($9)--加左粟米的麥米粥零舍清甜, 粟米約佔50%, 份量足, 與麥米粥的味道好夾--今次已是第二次食此款, 其他糖水舖好少會加粟米, 松記的糖水配搭好夠心思 hello ($15)--朋友仔今次食哈囉, 因佢鍾意食豆類, 又見到menu有成版專推介hello, 仲要只寫日文, 吸引左佢的視線--大雜會: 涼粉, 椰汁糕, 雜豆, 粉圓, 黑珍珠等, 面頭淋上芒果汁. 可以滿足多個願望

黎到長沙灣更係要去返松記食返碗糖水啦。我至愛就係＂幻彩明珠＂，貪佢多料，咩都有！唔洗諗！去左幾次都只係食左呢樣！次次都想轉，但諗到頭爆都唔知點揀，最後都係揀返我既至愛。因為實在好好味，　生果鮮甜，珍珠大大粒好好咬，夏天食就最爽啦。食幾多次都唔厭呀！價錢又合理，一碗都係１４蚊。比起滿記個Ｄ又平好多又好食好多。所以去親深水步食飯都會順便去食返碗糖水。同埋佢地Ｄ服務都好好，當人地諗唔到食咩既時候，佢地會細心介紹Ｄ糖水俾你! (當然多人既時候係唔會咁做啦!) 呢間野有時夜晚7點幾8點就要開始排隊嫁啦! 不過等得都算快!!

極少來長沙灣,因家住港島,九龍區總是有點陌生.碰巧這日在九龍,跟朋友談起糖水,二人都未吃過松記,便興起驅車前來.在openrice裏細心研究,已鎖定目標為"幻彩明珠".即大西米,涼粉,黑珍珠,水果,配搭和平時在家附近吃的大佳B沒差,分別是價錢實在超平,才$15,到那裏找?! 配料之上再加上芒果汁和忌廉奶,其實忌廉奶是可有可無的,因為對我而言,混入芒果汁已經有點膩,所以吃不到一半已投降.友人選了"Hello",有椰汁糕,西米,涼粉,眉豆,杏仁豆腐,同樣地,亦加入了芒果汁和忌廉奶.只賣$15確是超值,只可惜我兩比較鍾情於傳統糖水,這種甜甜的新品淺嚐便好.11時多的松記,較多十多歲的少年食客,我們置身其中實在有點老

食完麻辣火煱想揾番個糖水食吓!見時間尚早應該唔駛點排隊,唔知心理作用定乜鬼,總覺得長沙灣店比其它分店好食......但味道其實是差不多,這裡比其它分店優勝的是服務態度.奶皇湯丸----奶皇餡好香!不會過甜及湯丸大小剛好一啖一粒, 薑水味道十足唯一缺點是不夠熱! 缺少了食湯丸要先吹凍再放入口跟住咬少少等佢流餡出嚟慢慢嘆果種享受！芒菓西米露----覺得比許留山更好味,因為碗入面有四大件芒菓肉而唔係得小小芒菓粒粒!芒菓肉甜無渣,西米份量比一般的多而且有咬口.六寶丸----由最早期的四寶變到而家的六寶,每樣有一粒所以打劫唔到友人果碗嚟食.芝痳、花生、奶皇佢話好味而其它就一般喎.

在朋友推薦下到訪松記一入門口,一絲絲寒意迎面撲來更不安的是,餐牌上有不少污垢點了"幻彩明珠"賣相極差,感覺像隨便把一堆東西方進碗內味道不是太差,但不能稱得上好不過座位,環境等十分不適價錢上是可以,但在餐牌上看松記只是把各水果,糖水,甜品以不同方式混在一起矣

阿媽心癮起，食食吓飯無嗱嗱話想甜品。於是佢就叫咗阿爸搭車去買，哈哈！一家人很快便揀好，打電話落單，阿爸去到就即刻有得攞。我要了幻彩明珠，阿媽要哈囉，阿爸要了椰果馬蹄露，再加個糖不甩。幻彩明珠不用多說，還是覺得你最好。面頭一層芒果汁，甜度剛好。生果新鮮清甜，有西瓜、哈密瓜、芒果、奇異果，五顏六色。大西米，我的至愛，煮得透心，煙煙韌韌。還有黑珍珠同涼粉，兩者水準皆一如以往。又唔會太凍，較健康。糖不甩呈淺啡色，面頭有好多黃糖。非常煙韌，帶點點薑味，很好！阿媽最愛的哈囉，佢超鍾意食豆同椰汁糕。阿爸個椰果馬蹄露清清地，有蛋花，味道不會太甜，很好。

一向都熱棒幻彩明珠, 不過今天轉下口味 西瓜西米露 ($15) --松記d 生果一向都出名又新鮮又份量多, 今次西瓜一樣好多, 切得大大件, 又紅又甜, 起晒核 擂沙湯丸 ($9)--下午兩時多來, 店員話湯丸煲緊, 故等了十多分鐘--湯丸普通, 咦, 其中一粒係花生餡, 其餘全部芝麻餡--"擂沙"好重要, 夠幼細, 碌上湯丸度先黏得穩--雖然加左一元, 都覺得好抵

今日第一次同朋友黎呢度食甜品我叫左個榴槤班戟同咖啡木糠布甸朋友叫左個summer價錢比我想像中平而且鋪頭係下午茶時段都人來人往睇黎差極都有譜咖啡木糠布甸: 上面個d木糠令到我咳左幾次..食個陣時盡量唔好吸氣至於味道就ok啦榴槤班戟: 成件過食好正,餡夠cream又多,好正呀想食甜品或者想搵地方坐下既話擇呢度都唔錯!

最喜歡松記多款揀~ 又抵~幻彩明珠~ $15... 大大碗~ 乜都有o的~最吸引就係芒果汁配明珠(大西米)好煙un~又酸酸甜甜~ 好味!!另外同行o既人都叫o左楊枝金露 & 燉蛋~是次楊枝金露甜o左o的...但燉蛋好ok~ 唔單只香~ 又夠滑~ 相當吸引~等遲o的無咁凍再試o下佢o既杯杯冰先得!!

松記糖水的店舖很多人,很忙,服務生好像不足夠~在這個情況下,你不得不高聲地叫出你想要的甜品,他們的menu主要有很多圖片去介紹他們的特色甜品,經過一番決定後,叫了一個荔蜜杯杯冰和芒果班戟~<荔蜜杯杯冰>外觀和前者食家所說的"雜果杯杯冰"一樣,只是他們是有雜果,而本人那個是有紅豆,少量啫喱和椰果,紅豆的比例比較多,全部也藏在底部~整個甜品被一層芒果汁鋪滿著,刨冰很硬,不容易一弄便散,而刨冰中心紅紅的,大概是色素巴~它的冰很大粒,,,,,,芒果汁的芒果味好像不足夠!!這種感覺和在吃一顆沒味的冰一樣荔蜜杯杯冰的賣相總是不錯的,但說到味道,也只是一般而言~~~<芒果班戟>芒果班戟的皮很滑,但是它的餡,擁有大量cream,芒果肉不夠~和一般麵包店所購買的,相差不大~總括而言,松記糖水比我想像中普通了點,相信外間有很多糖水店也可以做到這個水準~

12月6日, 食過維記嘅熱辣辣豬潤麵之後, 我們開步到長沙灣繼續我們的九龍西試食之旅~ 食完main course, 當然係時候食埋個甜品啦! 經過咗2間分店都冇入, 梗係去番總店啦~::: 雜果杯杯冰 ::: $23嘩~!! 放棄咗試呢度2樣鎮店之寶幻彩明珠同summer, 但係呢個雜果杯杯冰一d都冇令我地失望!! 雖然天氣凍咗, 但係望到眼前呢個巨大嘅冰山, 我地都面無懼色, 開行turbo誓要將冰山劈開! 個冰山真係超級實的的, 幾乎要用羹鑿先食到架! 又芒果汁又煉奶咁撈埋d冰真係好好味~ 而且d西瓜蜜瓜哈蜜瓜芒果奇異果又新鮮又大粒又甜~~~ 底下仲有紅豆添~ 真係十個爽!!::: 糖不甩 ::: $86粒渾圓嘅暖暖糖不甩同大量花生粒真係好吸引! 糖不甩非常之咁煙韌碌埋d脆脆嘅花生粒超正真係好滿足呀~ $8好平!!呢條街角附近夾埋都有三間松記咁多! 不過我地都係去番最多人食嘅總店開餐~呢度d甜品好味, 雖然唔係話超級好味或者特別, 但重點係超多款式!! 真係梗有一款arm你食!

係附近食完飯~梗係黎我最鍾意嘅糖水店啦~呢間比起出面好~價錢好合理!十次有八次我都係叫什果西米露or什果豆腐花~試過其他咩記咩記o個d,真係又貴又難食呀!今次叫左什果西米露~西米好彈牙,生果好多,都係$15!抵