松記糖水店

营业中

休息中

係深水步食完維記 & 劉森記, 已經飽飽, 行左一陣消化下, 就血松記出發細個成日蒲天悅, 果陣松記都未係度開鋪, 筆者相信如果細個佢已經開左, 筆者會次次去天悅都幫襯 幻彩明珠 - 招牌甜品, 雖然好食, 但筆者覺得同時下大部份甜品店既xx撈差唔多, 勝左價錢平六寶湯圓 - 筆者覺得呢個最有特色, 六種湯圓六隻味, 佢既皮筆者覺得做得幾滑, 個人最愛既係黑芝麻芒果加布甸 - 本來兩個人只係叫左兩個甜品, 但心諗唔知幾時會再幫襯, 又叫多左個芒果加布甸, 呢個真係唔錯, 勁多芒果, 留意佢係芒果+布甸, 係一個布甸上再加鮮芒, 不過唔好以為個布甸係普通布甸, 個布甸中間都好多芒果下有機會會再黎幫襯!

點了紫米皮奶皇湯丸（薑汁），有點失望：１）不夠熱２）薑湯不夠薑味，淡３）紫米皮不夠甜，無乜味我覺得大埔的Rainbow較好吃

琴日逼完電腦節之後...好口乾...過左松記食大人叫芒果西米露...我就幻彩明珠芒西先黎...叫大人好快食哂就知一定唔差啦跟住幻彩明珠都黎埋好多生果...好新鮮...不過大粒既明珠比較硬左d唔知本身係咁定係點呢?不過15蚊仲想點...所以呢個好評值得比佢

$15六寶丸：奶皇、綠茶、芝麻、紫糯米、豆沙、花生。覺得麻麻，湯圓質感較淋，缺乏口感。反而d薑汁甜味適中，冬天暖身至岩！$9芝麻糊：果然好香濃的芝麻味，而且可看到芝麻磨得幼細，芝麻糊比別的糖水鋪也較杰身，但始終不及'大良8記'，雖然芝麻香味較佳，但個人依然較愛'8記'！！

突然想食中式糖水, 放棄常吃的幻彩明珠, 選芝麻糊芝麻糊夠足料, 杰杰的, 好香濃的芝麻香, 但唔夠甜.........不過這才可食出香濃的芝麻原味吧! 但我食糖水就係想食那甜甜的感覺~之前食過芝麻糊加豆腐花, 非常淡味, 任何糖水加豆腐花都會變得好淡, 所以想食清清地就可以選豆腐花加其他的中式糖水( 無只係選豆腐花咁悶~)

昨日 同三五知已來到松記食糖水一入到去已經好興奮點了幾客的甜品1)可樂布甸: 份量一般 , 但是真的用可樂做的 ,因為還清楚看見那些泡泡 $82)幻彩明珠 : 份量很多 , 味道不俗 水果也很fresh , 15蚊很抵3)2客糖不甩 :8蚊6粒 , ok吧 但很飽4)2客芒果布甸 勁推介, 實物比相中的討好 , 芒果雖不是當造 , 但依然大大份鋪在上面 , 好甜 , 而布甸入面也很多芒果肉 , 芒果愛好者的天賜。 各$155)2客 summer : ice cream 份量很足 , 其他的配料也不錯 各$176)一碗蕃薯糖水 $9: 友人因為覺得抵食而點了 , 蕃薯很多 , 而糖水也甜甜的 , 很好味 , 但友人最後也食不落。本來一行五個女仔以為會食得很多奈何佢的份量實在是超值埋單合共$117

** 此 食 肆 的 第 五 十 六 個 OK **尋晚(25-11-2008 Tue)放o左工要去醫院睇媽媽,見媽媽日日食粥食到悶,而且……諗吓佢鍾意食咩o野,花生,佢鍾意食花生o架,但又只可以食流質食物,花生糊.但醫院附近冇糖水舖,惟有上網search,見有松\記,但冇提及花生糊,算啦,都o黎搏吓睇有冇啦,冇咪買等二樣囉.o黎到總店,問有冇花生糊,收銀答有,太好喇.咁要一碗熱花生糊同咖啡…(我諗起係咩),另一個聽我落單o既姐姐仔即說木糠咖啡布甸,係啊,係木糠咖啡布甸啊,唔該晒兩樣加埋.盛惠$20.00.等呀等,收銀叫我坐吓,真係好.呢o度好光猛,應該係新裝修過,比油麻地o個間好好多.外賣到喇,佢o地都好有禮貌.去到醫院,唔見屋企人,問媽媽,佢答佢o地去o左食飯.啊.我叫佢食吓花生糊,點知佢只食一匙,其實我係預佢食一,兩匙.咁算啦,我食埋佢,都幾大碗,淺啡色o既花生糊好滑,可惜唔夠香同唔夠甜,唔係幾得喎.而其實木糠咖啡布甸,我係買o黎畀我大哥大嫂食o既.

迫朋友S由荔枝角行去長沙灣目的就係為左松記糖水!哈哈點解又黎?緊係又平又好味啦!真係好爆!好多人都去食=)幻彩明珠每人叫左個幻彩明珠!真係好味又抵!係依度食2個甜品=係許留山呀發記呀滿記呀食1個甜品之後大家都決定每人再追加多1個甜品xd果個呀姐以為我地再叫係外賣xd佢應該係估唔到我地咁食得xd椰汁紫米露朋友S食!偷左啖!勁好食好難形容XD總之就好好食好香!芝麻糊一黎到個芝麻糊就勁香*V*勁濃芝麻味!又唔會水LAULAU超正!2個都食得好開心好滿足值得一提,第二輪食甜品果陣隻匙係濕DATDAT咁比我地-0-所以衛生扣分-0-至於環境方面,皆因我地坐最入果張木台睇住人地洗碗!所以環境扣分

三人行零晨食甜品成日聽人講,食就第一次朋友食左糖不甩,summer。我食左幻彩明珠好豐富,有西瓜,蜜瓜,哈蜜瓜,奇異果,芒果,白色珍珠,涼粉加芒果汁同花奶好好味,dee西瓜無核實在太好$15都幾抵

　　早兩日食左老店，今日試埋呢間，的確Ｄ人係冇咁NICE．但係Ｄ質素都是几好，其實我一直都有幫襯開，不過係外賣較多，因經常擠滿人．　　今次叫了平日常吃的幻彩明珠＄１５真係好抵食（我個人認為這是全店最抵食的）入面有涼粉／大明珠／黑珍珠／蜜瓜／西瓜／芒果／奇異果等．我鍾意落忌廉奶，因為底有水而忌廉奶夠重味，但食前記得撈勻．　　我仍然係比較喜歡外賣，雖然外賣合要加一元，但我覺得個盒好似大碗Ｄ又用得返，又唔駛同人迫，一邊睇電視一邊食真的很正．

今日出完旺角行街,行到個人又攰又熱...突然好想整番碗甜品,第一間就諗起松記la...雖然要特登搭車去食...但因為太想食啦...搭車就搭車啦...我要左幻彩明珠,老公就要芒果世界...幻彩明珠唔駛講啦...一直都係咁好食,又足料,15蚊真係抵食啦....至於老公個芒果世界,係第一次試..估唔到咁正喎....果D白色好似涼粉咁o既唔知係乜,但ok架喎....有少少似大菜榚,不過我覺得比大菜榚好食...

1-10-08 (三)深水埗美食之旅還未完成，巳經沒有什麼戰鬥力了。決定作最後衝刺，目的地是元州街的松記糖水。還未到達，已看見有一裝修嶄新的松記糖水，為免出錯，還是找總店好。叫了馳名的Hello，和鮮芒果＋布甸。Hello材料豐富，有西米，杏仁豆腐、涼粉、椰汁糕，和許多豆，好吃。另一款，鮮芒果有數大片，香甜，布甸內也有不少鮮芒果粒，不錯。兩款都只是各售十五元，這區真是掃街美食的首選。既然已擁有甜蜜的結局，美食之旅暫告一段落，期待他日再戰。

已經係一個月前既事............之前自己黎食過一次覺得可以再黎就放左學叫埋妹去食嘩都幾多人喎!好多學生放完學去食上次自己食左個幻彩明珠今次我就食summer妹就食幻彩明珠summer選左朱古力同芒果味雪糕朱古力好好食有d朱古力碎粒係入面建議快d食左個雪糕!好快溶幻彩明珠仍然都係咁好食又抵喎!好多唔同既生果呀涼粉呀黑珍珠同埋果d好煙韌類似湯丸果d(抱歉唔記得左叫咩名-0-)其實可以好飽-0-本來想叫多個甜品-0-但最後都係就此罷休下次再黎啦xd

晚上人真的好多哈外面排队等着那外卖我们在沙田逛了一圈以后，决定来这里吃甜品。杂果冰燕在点菜的时候，我就纳闷？？为什么这一次没有问：加不加奶？端上来我才意识到，啊啊啊——水果埋在冰燕底下，如果把奶倒上去就看不到水果了。冰燕是打碎的银耳，水果还是那么新鲜可口。不虚此行啊～ 卫生间不大，但是非常干净。去卫生间的路上，路过后厨，看到好多蜜瓜切好了等在盘子里～

第一次食松記,價錢平, 味道好, summer $17 有2個雪糕球,雪糕揀左朱古力同紅豆,有朱古力粒粒同紅豆粒粒,有好多什果(俾2個雪糕遮住左), 又有d芒果醬,d芒果又夠甜, 正幻彩明珠 $15 滿到瀉晒,又係有好多什果,有西瓜, 蜜瓜, 奇異果, 芒果 又有d芒果醬, 又有涼粉d芒果又夠甜, 好多珍珠同有中間黑色既西米但係有飛飛坐左係側邊d2人位,可能近放垃圾果度,食緊個時會有飛飛想偷食